|
|
 سلامات الاخ طارق عبدالرازق عملية نقل القلب ببيرمنجهام
|
أجريت بحمد الله وتوفيقة للأخ الكريم أخو الاخوان طارق عبدالرازق عملية نقل قلب جديد كامل بمستشفى الملكة اليزابيث ببرمنجهام وقد تكللت العملية والحمد لله بالنجاح وعند زيارتنا الاخيرة له قبل يومين وجدناهو بكامل صحته ( بعد أن كان حسب ما قال له الدكتور قبل العملية قلبك ده ما يمشى أرنب !!!) فلله الحمد والمنّه فقد عمل القلب الجديد بكفاءة 100% ومثل ما علق معه أحد الظرفاء وقال له يا طارق قلبك ده (مقسّم كويس ) قال ليهو والله يا ريت لو لقيتو وأنا شاب كنت عملت بيهو العجب !!! فقلنا ليهو كدى أسع أعمل بيهو هيثم مصطفى !!! الاخ طارق من أهلنا المحس الطيبين وعايزين تهنئة ومرور من كل المحس فى سودانيز أون لاين نبدأ بناس فيصل محمد خليل وما نقيف إلا وأقول ليهو أهلك المحس وغيرهم فى سودانيز أون لاين سدوا عين الشمس بالمباركة لكى يرد عليكم بتعليقاته الظريفة التى عهدناها عنده رغم إشتداد مرض ضعف قلبه معه منذ أكثر من سنتين ، وطرق كل الابواب وقد سافر من 6 شهور لليمن مجرباً علاج الدكتور عبدالمجيد الزندانى ، وأخيراً منّ الله عليه بتبرع بقلب إنجليزى عمره 33 عام فقط والحمد لله ، نسأل الله للأخ طارق الشفاء الكامل والعودة للمنزل مع الاسرة الكريمة ، وكانت دعوات الاخوان أيام شهر رمضان الكريم بمعظم المساجد له طليه تواجده فى المستشفى قبل رمضان سبباً فى تسهيل أمر علاجه ، نسأل الله الشفاء لكل المرضى من المسلمين وأخر دعوانا أن الحمد لله رب العالمين ومن بيرمنجهام سلام سلام سلام .
|
|
 
|
|
|
|
بشرى مبارك ود السقاى
بله محمد الفاضل
فيس بوك
تويتر
انستقرام
يوتيوب
بنتيريست