|
Re: لا صحة – مطلقاً - لخبر البرادو! (Re: محمد إبراهيم علي)
|
Quote: الخبر منشور في اخيرة الجريدة بدون ذكر اسماء |
يوجد ذكر اسماء يا حبيبنا في الانتباهه
Quote: منحت السفارة الهولنديَّة بالخرطوم سيارة من طراز «البرادو» لهالة عبد الحليم زعيمة حركة حق وعضو هيئة تحالف المعارضة التي شرعت في إجراءات ترخيص العربة تمهيدًا لأن تكون أولى رحلاتها خارجية بالتوجه إلى العاصمة الإثيوبية أديس أبابا حيث من المنتظر أن تلتقى عددًا من قيادات قطاع الشمال والجبهة الثورية من بينهم ياسر عرمان، وقالت مصادر بتحالف المعارضة إن المنحة الهولندية طالت عددًا من زعماء المعارضة والأحزاب والقوى السياسيَّة الناشطة في المعارضة فيما تم تجاوز بعض القيادات التي قالت إنها لم تُخطر بأسباب عدم منحها منحة البرادو. |
الرابط: http://alintibaha.net/portal/%D8%B1%D8%A4%D9%...%AF%D8%A7%D9%86.html
| |
|
|
|
|
|
|
Re: لا صحة – مطلقاً - لخبر البرادو! (Re: عباس الدسيس)
|
Quote: التي شرعت في إجراءات ترخيص العربة تمهيدًا لأن تكون أولى رحلاتها خارجية بالتوجه إلى العاصمة الإثيوبية أديس أبابا |
دى برادو ولا دريم لاينر
خبر مفبرك و صياغتو غاية فى الركاكة
قال تركب البرادو من الخرطوم لاديس ابابا ..عشان تلاقى ياسر عرمان... سخف صحفى
| |
|
|
|
|
|
|
Re: لا صحة – مطلقاً - لخبر البرادو! (Re: بدر الدين اسحاق احمد)
|
Quote: جميعها نفذ تعليمات عدم نسبة الخبر إلى مصدره |
بالضبط يا حسـين؛ كل الحكاية تنفيذ تعليمات، لأنو ــ سبحان الله ــ يوم وااااحد مافي جريدة إنفردت بنشـر خبر من نوع الشمارات زي دي المتعلقة بما يقـوم به قادة المعارضة، لكنها دايما تنشـر بالجملة في عـدة جرايد وبنفس الصياغة وفي أحيان كتيرة بالحـرف الواحـد.. والمصدر معـروف حتى لو أعطى تعليمات بعـدم الإشارة إليه!
| |
|
|
|
|
|
|
Re: لا صحة – مطلقاً - لخبر البرادو! (Re: سيف اليزل الماحي)
|
يا اخوانا هسع السفارة الامريكية دي ما منحتنا 50 الف دولار ثانيا لو صح الخبر هالة محامية اولا واخيرا ماتعرف علاقتها شنو بالسفارة مكن مستشارة يمكن بيناتهم شغل ثالثا لو ما صح الخبر ياها دابها الركبت البرادو ... والله رادها
| |
|
|
|
|
|
|
Re: لا صحة – مطلقاً - لخبر البرادو! (Re: Hussein Mallasi)
|
أدناه كما نشر الخبر في (الوطن) .. وأنظر – أيضاً – لتطابق المفردات بينه وبين المنشور أعلاه عن (أخبار اليوم) بل وتطابق الخطأ في كتابة (رحالتها) المقصود بها رحلاتها .. الشي بضبانتو!
عن (الوطن) الصادرة أمس 19 أغسطس 2013.
| |
|
|
|
|
|
|
Re: لا صحة – مطلقاً - لخبر البرادو! (Re: محمد عبد الله الامين)
|
لطالما تعذر على اغتنام برادو او اي سيارة دفع رباعي .. فانا اقترح على .. مولانـا هالة .. انو بعد نجاح القضيـة دي تقوم ترقعني بي اي حاجة .. اي حاجة .. ان شاء الله مقدار واحد ما قدره تمن عربية اتوس يا امجاد يا بالميت رقشــة .. الشغلانـة دي شكلها ليبيا وفتحت .. أرجو متابعة برنامجي الاستثماري يا عموووو .. الواحد كان ما مد قرعتو دي لي ناس الحكومــة والاحزاب المعارضـة لها .. يركب حديد سنين كيفن ..؟
| |
|
|
|
|
|
|
Re: لا صحة – مطلقاً - لخبر البرادو! (Re: tmbis)
|
Quote: ضبانة "رحالتها" ..!! |
اشرح يا يزل .. نحن ثقافتنا فرنسيـة .. كلمتك دي ما واقعة لي .. بعدين من ناحيـة اخرى .. بتاعين الجرايد ديل قاصدين هالة يعني واللا الحاصل شنـو ..؟ لو قاصدين هالة كلمونـا عشان الواحد يبقى عارف ولما يدونا اتوس برضو الواحد يبقى عارف ادوها ليهو ليييه .. ولو هاله محتاجة اي مرافعة .. اخوكم قاعد .. حليفة وشهادة وعمل طيب .. مع اني زعلان من مولانا هاله والله من ايام ما كنت عريس في السودان
| |
|
|
|
|
|
|
Re: لا صحة – مطلقاً - لخبر البرادو! (Re: tmbis)
|
.
يا علاء .. راجع مداخلة ملاسي
Quote: أدناه كما نشر الخبر في (الوطن) .. وأنظر – أيضاً – لتطابق المفردات بينه وبين المنشور أعلاه عن (أخبار اليوم) بل وتطابق الخطأ في كتابة (رحالتها) المقصود بها رحلاتها .. الشي بضبانتو! |
شكلك ملخوم من برادو مولانا هالة، الشافك تتحاوم قدام السفارة الهولندية في أمدرمان ما كضب!
.
| |
|
|
|
|
|
|
Re: لا صحة – مطلقاً - لخبر البرادو! (Re: سيف اليزل الماحي)
|
Quote: شكلك ملخوم من برادو مولانا هالة، الشافك تتحاوم قدام السفارة الهولندية في أمدرمان ما كضب! |
ههههه .. واضح يا زعيم .. ياخ الناس ديل يرطنو في كتابتم ونضيع نحن في الرجلين .. والله قدرما قلبتها بي كل الجهات ما وقعت لي .. خاصة بعد ضبانته دي ههههه. البرادو هينة يا يزل .. والله بعد كلام ناس الجرايد ديل حسع دي شهيتي اتفتحت لي الجواز الهولندي واللعب في نادي اياكس
| |
|
|
|
|
|
|
Re: لا صحة – مطلقاً - لخبر البرادو! (Re: Hussein Mallasi)
|
Quote: ثم انظر لتبرير رئيس تحرير (الوطن) الذي خرج بالخبر مانشيتاً: |
بالطريقة دي يا عموو الواحد ضمـن اللستكين القداميات والمنفلـه .. اي رقيص تاني من اي رئيس تحرير واي حركات فطيرة الواحد يشد ويركب طوالي .. ان شاء الله عربية كارو من هاله .. انا رضيان .. المافي شنـو .. وكمان والله صحي ..
.. يا جماعة والله من ما حضرت مداولات قضية واحد صاحبنا انتهت بالحكم عليه بالاعدام .. والوكت داك انا طالب .. ما ذلت في شوق شديد جدا لجلسات محكمة فيها عاصر ومعصور .. ويا حبذا لو كانت زي القضايا بتاعت النشر دي .. والخاصة بالطرابيد
| |
|
|
|
|
|
|
Re: لا صحة – مطلقاً - لخبر البرادو! (Re: tmbis)
|
Quote: ادينا سحبة يا دينا |
يا وليد .. يا زول المسالة جابت ليها رج .. وتخشيبــة .. والله بعدين يودوك (الصين) تقعد تتجرس وانا زميلة وبكتب معاها في منبر بكري ابوبكري .. وكان علي انا دا .. والله عمود محشي وملاح وويكة وفاصوليا ورز مفلفل ما بجيبو ليك ..
| |
|
|
|
|
|
|
Re: لا صحة – مطلقاً - لخبر البرادو! (Re: HAIDER ALZAIN)
|
Quote: مين اكبر لفاح ! الفكي بدر والا امو لوضاح !! |
يا ود الزين المدردم كلو ليمون. وما فرق بين أحمد وحاج أحمد. لكن ما تنسى الحسد وسوء القصد عند الكثيرين والكثيرات بالصاح هم الكسيرين والكسيرات والفرق واضح في المعنى. تحياتي.
كبـّاشي الصـّـافي
| |
|
|
|
|
|
|
Re: لا صحة – مطلقاً - لخبر البرادو! (Re: عمر الفاروق)
|
لا بيرادو لا برادو ..:) ناسنا ناس الله ساااي.. اتكلم معانا عن البوكسي واحد وتمانين.. بوكسي تمانية وسبعين انضم معانا عن خمسة شنكل .. انضم معانا عن لوري سفنجة ب ح 135 .. وكدة يعني كلام السحسة وبيرادو ولوكس ومكيف عربية دا يقولوهو جنيات البندر... بيرادو في عينك.. هسع البيرادو دي ممكن تشيل فيها " تمساية " برسيم والا كوليقة قصب؟ وطيب !!!
| |
|
|
|
|
|
|
Re: لا صحة – مطلقاً - لخبر البرادو! (Re: عمر الفاروق)
|
Quote: مسابقة : مين اكبر لفاح ! الفكي بدر والا امو لوضاح !! |
الإجابة : عنقرررة..... ــــ آها ياحيدر لو الجائزة ما "بيرادو" على قول الفاروق .. يبقى وعلى قول أم وضاح "طــظ"* ــ *..الــطظ دي ...مع الحشمة خجلاااان وأنا بكتب فيها..وبعدين الأراضي المنخفضة دي كلّها ماأطنيتو فيها برادو....جـــت عجلات..وفي العجلات ما رالي وفي الرالي ما دبل.....:)
| |
|
|
|
|
|
|
Re: لا صحة – مطلقاً - لخبر البرادو! (Re: عمر الفاروق)
|
Quote: Salma Salama · الأكثر تعليقا · Cedar Crest College يارب هالة عبد الحليم تصبح عندها طيارة خاصة وبيت وعربية مرسيدس الفيها الزول يقعد والعربية تمشى براها وتصبحى نبى ياهالة يا سمحة البنات وزينتهن تتعلى ما تتدلى وحصوة فى عين اليقول عليك حرف مش كلمة |
بدون تعليق يا سلمى سلامة فكلامك يكفي. اللهم أرنا الحق حقّاً وارزقنا اتباعه وأرنا الباطل باطلاً وارزقنا اجتنابه. تحياتي.
كبـّاشي الصـّـافي
| |
|
|
|
|
|
|
Re: لا صحة – مطلقاً - لخبر البرادو! (Re: حاتم الياس)
|
النصيحة ليك يا الله دي برضو غلبني أفكفكها وكنت عايز أسأل منها .. بس كمان قلت أفوم إترشى لي يا بمفالجات يا بكلامات من نوع قارئ آخر بعنقرتو ...:) اللي عندو ليها تصريف أفعال ينورنّا بيهو ينوبو ثواب... ـــ غايتو محاولة أولى وإجتهاد لترجيّعها لأصلّها ...قرّبت تقع لي بس قلت حاشاهو من الطـظطظة...:)
| |
|
|
|
|
|
|
Re: لا صحة – مطلقاً - لخبر البرادو! (Re: haroon diyab)
|
شوف ناس الطوربيد ديل شافوا البرادو وما شافوا (الاندكروزرات) عامه البلد وخامه, والشال فى الكتف شعار انا وطنى ..
والخبر صاح ما صاح اتنشر وذاع ..
واغتيال الشخصيات سااااهل والله يعينك يا الكنداكة اختى .
والجداد الالكترونى فرحان يلقط الحبه ..
والله سودانا ده اكان ينفع تانى الله يعلم .
| |
|
|
|
|
|
|
Re: لا صحة – مطلقاً - لخبر البرادو! (Re: حمد عبد الغفار عمر)
|
Quote: "شمار البرادو والمستشار" حيدر المكاشفي نشرت أمس بعض صحف الخرطوم - أحصيت منها سبعا- في أبواب الأسرار خاصتها، «خبرين» تطابقت صياغتهما ومفرداتهما وقع الحافر على الحافر فيها جميعاً، ولا يقدح في هذا التطابق أن واحدة أو اثنتين منها كشفت عن هوية إحدى الشخصيات ذات الصلة بأحد «الخبرين»، وهذا ما يؤشر بوضوح إلى أن الجهة التي تقف وراء هذين «الخبرين» جهة واحدة، ولم تكتف هذه الجهة بتسريب ما تود تسريبه من «معلومات» وإنما تولت حتى عملية الصياغة ودفعت «بخبريها» جاهزين للنشر، وهذا ما فعلته بعض الصحف المشار إليها، إذ نشرتهما كما جاآها «بضبانتهما»، بينما عمدت الأخرى إلى حذف اسم ووصف الشخصية التي ورد ذكرها في أحد «الخبرين» ربما تحوطاً لتفادي ما قد يوقعها تحت طائلة المساءلة القانونية.. ما يدعو للشك والريبة في «الخبرين» المذكورين انهما رغم حساسية ما حملاه، قد حملا في جوفهما كل مواصفات ما يعرف شعبياً بـ«الشمار» الاسم الحركي لـ«القطيعة» مما تعمر به مجالس النساء على أكواب القهوة وغيرها من «لمّات» نسائية، وخبر الشمار عادة ما يشتمل على مشكلة أو فضيحة أو ما يشين السمعة، وليكون الشمار «على أصولو» لابد أن يكون مجهول المصدر، كأن تبدأ الواحدة شمارها بالقول «والله يا بنات أمي قالو ليك فلانة ديك كيت وكيت والفعلتو والتركتو» أو مثلاً «قالو عوضية بت العوض جيران ناس ملكة بت المك الحيطة بالحيطة، بتهم الحولاء ديك مسكوها بالتلفون مع ولد»، أو «فلانة ديك المفلهمة ومقرضمة جات بيت البكا بي توب القنبلة، شاحدة الله يقنبلها البلا، عاملة سكاكاتها الطوال ديل يسكها إن شاء الله أبو عضل»، وهكذا دواليك، ولن نبرئ جنس الرجال فحبهم للشمارات والقوالات لا يقل عن النساء إن لم يفوقوهن، ويكفي دليلاً على ذلك أن أبواب الشمارات في الصحف تعد من أكثر المواد جذباً للقراء وعلى أعلى المستويات... مما لا يختلف عليه صحافيان مهنيان، أن للخبر الصحفي مفهوما محددا وتعريفا معروفا ومصادر معلومة وأنواعا متعددة، لم يكن لـ«الخبرين» المشار إليهما أي حظ فيها ولو ضئيل، ولهذا فإنهما «شمارين» بامتياز، ولكن السؤال المهم هنا هو ما الداعي لإيراد معلومات في غاية الحساسية بهذه الطريقة الشماراتية، فإن صح مثلاً حسب منطوق أحد «الشمارين» أن المحامية هالة عبد الحليم زعيمة حركة حق وعضو التحالف المعارض منحتها إحدى السفارات سيارة برادو وشرعت الأستاذة في اجراءات ترخيصها وأعلنت انها ستدشن هذه السيارة الفاخرة برحلة إلى أديس أبابا للقاء قيادات قطاع الشمال والجبهة الثورية، وليست هالة وحدها من حظي بهذه الأريحية الغربية كما يقول الشمار بل ومعها آخرون من قيادات المعارضة، بينما أبدى آخرون عدم رضاهم لعدم شمولهم بهذه المكرمة، فهل بربكم مثل هذه المعلومات الخطيرة والحساسة يتم التعامل معها بمثل هذه اللامبالاة فتنشر على أبواب الأسرار مثلها مثل أي شمار يصدر عن حاجة علوية لصديقتها مرضية، دون تدقيق وتمحيص وتحرٍ وتقصٍ؟. ومثل ذلك جاء الشمار الآخر الذي يتحدث عن مستشار إعلامي لحزب طائفي كبير التقى بالنادي السوري بأحد السفراء الأوربيين وجرى التفاهم بينهما على مقدرات زعيم هذا الحزب وقدراته على مناهضة النظام واسقاطه... لماذا لم يبلغ مصدر الخبر المجهول السلطات المسؤولة ويملكها هذه المعلومات الخطيرة والحساسة - إن كانت معلومات موثوقة وصحيحة - وكانت هذه المعلومات غائبة عن هذه السلطات؟ ولكن بدلاً عن ذلك يهرع بها إلى الصحف لتنشرها وهذا هو مربط الفرس. |
عن (الصحافة) اليوم
| |
|
|
|
|
|
|
Re: لا صحة – مطلقاً - لخبر البرادو! (Re: Hussein Mallasi)
|
Quote: يا وليد .. يا زول المسالة جابت ليها رج .. وتخشيبــة .. والله بعدين يودوك (الصين) تقعد تتجرس وانا زميلة وبكتب معاها في منبر بكري ابوبكري .. وكان علي انا دا .. والله عمود محشي وملاح وويكة وفاصوليا ورز مفلفل ما بجيبو ليك ..
|
هسع انا جبت سيرة هالة ؟
| |
|
|
|
|
|
|
Re: لا صحة – مطلقاً - لخبر البرادو! (Re: سيف اليزل الماحي)
|
يا هندسة .. غايتو أم وضاح بتاعت الخبر هي زوجة الصحفي الرياضي صلاح دهب .. ومقدمة برامج تسربت لقناة النيل الأزرق قضاء وقدر بالواسطة كضيفة ثم تحولت لمقدمة برامج فتكثر من الحنة والرسم في كل حلقة تقدمها من برنامج أسمته البساط أحمدي ثم تحولت لبرامج الدلوكة تيمناً بعفاف حسن أمين ومحاكاة لها ..
تخريمة : يا سحس أحسب أنّ إستضافتها لي ود الجبل في برنامج البساط أحمدي قد تفيدها أكتر من الدلوكة ..
| |
|
|
|
|
|
|
Re: لا صحة – مطلقاً - لخبر البرادو! (Re: عمر الفاروق)
|
Quote: ولن نبرئ جنس الرجال فحبهم للشمارات والقوالات لا يقل عن النساء إن لم يفوقوهن |
يا سـيف اليزل، المكاشفي لم يجعل الشمارات حصراً على النساء كما كتبت، ورغـم أني كما قال فكي أساقا ما بعـرف بقـرأ.. لكـن ما قريت زعمو بالترفـع عنها في المقال.. المكاشفي قال لو صحـت المعلومات فهي فعلاً خطيرة وحساسة بناء على ما يمكـن أن تقـوم به السلطات (الأمنية) ـــ والتي هي مصدر الشمـار للمفارقة والطرافة ـــ تجاه المعنيين من تحقيقات وإعتقال وتعذيب ومحاكمة، لكـن في كل الأحـوال المطلوب من الإعـلام (الفاشـل) بحسب وصف علي عثمان أن يكـون أكثر مهنية وحساسية تجاه مثل هذه القوالات. ولعلك تعلم كيف تتعامل كبريات صحف العالم المحترمة والمحترفة مع (الأسرار) التي تأتيها من مصادرها أو من أمثال الويكيليكس وسنودن الخ ومش من مصادر جمال عنقرة المضروبة.. بالمناسبة: هل يستطيع جمال عنقرة أن يتحفنا بمثال واحد لشمار سبق وأن نشره نقلاً عن مصدره الموثوق؛ وطلع صحيح؟
| |
|
|
|
|
|
|
Re: لا صحة – مطلقاً - لخبر البرادو! (Re: HAIDER ALZAIN)
|
Quote: عن (السوداني) الصادرة اليوم 22 أغسطس 2013. |
اااي كدا كويس .. امنقــه حاجة .. عشان نحن زاتو اللاندكروزر ما بتغطي معانا .. انا غيرته رائي بدل ركشـة او اتوس .. ارتفع سقف المطالب .. عايز (بر الوالدين) موديل الفين واربعطاشر .. واحتمال اغير رائي في اقرب ملف .. لطالما انو الواحد ممكن يشهد ويكون تبع التيم العامل وكدا
| |
|
|
|
|
|
|
Re: لا صحة – مطلقاً - لخبر البرادو! (Re: tmbis)
|
Quote: عايز (بر الوالدين) موديل الفين واربعطاشر |
الحقنا بصورة او بتوضيح انه مقصود بيها شنو دي البتبدلها بلاندكروزر دي.. هاليكوبتر والا مركب ولا مصيبتها شنو :)
غايتو ان بتشيل قش وقصب وغنمايتين بمش ارابط من بكرة قدام سفارة تل ابيب في الخبر مع يافطة عميل للايجار..
ـــــــــــــــــــ.. وان لقيت باب السفارة بحجز ليك طوبة جنبي وانساك من قصة مطالبة هالة دي لانه في الاخيــر حا تصفي على توضيح واعتذار من الصحف انه حصل خطا ما.. وهي زاااتو ما تشتغل بالموضوع كتير اكتر من اثارة يومين تلاتة ..
| |
|
|
|
|
|
|
Re: لا صحة – مطلقاً - لخبر البرادو! (Re: HAIDER ALZAIN)
|
Quote: غايتو ان بتشيل قش وقصب وغنمايتين بمش ارابط من بكرة قدام سفارة تل ابيب في الخبر مع يافطة عميل للايجار.. ــــــــــــــ.. وان لقيت باب السفارة بحجز ليك طوبة جنبي وانساك من قصة مطالبة هالة دي |
والله يا حيدر اقوليك حاجة ..؟ انا ما خايف هالة تاكلني وتملحني سااي كدا واطلع مطالب في البوست دا .. اكتر من ما اني قاعد اخاف من نوعيتك دي .. ياخ كدي خلينا نمسك اول حاجة وبعدين بنطلع ليك حقك ولملم قصبك وقشك دا عليك .. السفارات الايامات دي ما فاضية ليك .. .. بر الوالدين دي يا حيدر . زي العجلـــــة الدبل عندكم هناك في الداخلــة يعني تكون سايق ومتجدع والناس كلها تعاين ليك .. وهي في روايـة أخرى الكوريلا الواحدة دي .. يعني شوف اخوك احلامو متواضعة كيفن .. كوريلا موديل الفين واربعطاشر (بيرادو) زاته ما عايزنها .. لكن كان الشغلانـة جابت ليها سفارات وممثليات دبلوماسيات وإلخ إلخ .. ياني الرفعته قضية وطالبته بي واحد مليار ..
| |
|
|
|
|
|
|
Re: لا صحة – مطلقاً - لخبر البرادو! (Re: tmbis)
|
Quote: يعني شوف اخوك احلامو متواضعة كيفن |
كوريلا ..!!
غايتو احلامكم متواضعة جداً عشان كدة بوليص اليانكي قال ليك كما كنت ..
والله يا تمبس اخير عطبراويينا معاوية المدير اللي اقصي احلامه في الدنيا دي انه الاستاذ حسين ملاسي يرد ليه سلام او مداخلة او يقول ليه كيفنك يا ود المدير :)
ابداً يا زول انت تابع قضيتك مع الاستاذة هالة وانا ماشي الخبر اشوف باب تل ابيب..
كورلا ..!! ووين الكورلا دي تاكل جاز مع للبوكس تمانية وسبعين والعجيبة يكون خمسة شنكل ..
| |
|
|
|
|
|
|
Re: لا صحة – مطلقاً - لخبر البرادو! (Re: HAIDER ALZAIN)
|
Quote: والله يا تمبس اخير عطبراويينا معاوية المدير اللي اقصي احلامه في الدنيا دي انه الاستاذ حسين ملاسي يرد ليه سلام او مداخلة او يقول ليه كيفنك يا ود المدير :) |
غايتو يا حيدر انا بوعدك .. لو طلعنا بالسمينة حقت الكوريلا دي .. ابشر وما يصير ف يخاطرك إلا طيب .. ومن ها الخشم .. يعني موضوع معاوية دا اعتبرو منتهي ، انا بتوسط ليهو عند ملاسي وانا متاكد انو ملاسي ما بيردني
| |
|
|
|
|
|
|
Re: لا صحة – مطلقاً - لخبر البرادو! (Re: tmbis)
|
أتمنى على الأستاذة هالة ألا تتنازل عن حقوقها مهما كانت "الأجاويد" والاعتذارات...فلتذهب بهذه القضية الى آخر الشوط، عشان يتعلم القائمين على هذه الصحف، أي "حق" وراهو مطالب لن يضيع، وخلي مصدرهم يدفع عنهم الغرامات....
| |
|
|
|
|
|
|
Re: لا صحة – مطلقاً - لخبر البرادو! (Re: haroon diyab)
|
حيدرنا يارعاك اله
ياخي ماتظلم اخونا بدر الدين
Quote: مسابقة :
مين اكبر لفاح !
الفكي بدر والا امو لوضاح !! |
ياخي مافي اي مقارنة
ياخي دي لفحت الحنة من حرم النور بالنهار وجات قاشره بيها بالليل
بس لامن حاولت تلفح الاغنية من خشم انصاف مدني
انصاف جرت ليها نور طوييييييييييييييييييييييييييييييييييييييييييييييييل
عملت حميل ......
يمين جادي
| |
|
|
|
|
|
|
|