|
|
|
 Re: شوفو الكنداكة دي قالت شنو لشباب نفير: صورة وكلام تهتز له السماء (ص (Re: صلاح جادات)
|
وده كلام الكنداكة ::
البيت اشلع .. فضلت الدانقة الواقفة دي .. ناس النفير مع البياح جابولنا اكل .. قالولنا امشو طرف الشارع شان الموية .. ابيت نرحل ناس الحيكومة كان جو بشيلو الواطة اخير نحرسا .. وكان فتنا نلقى مساعدة وين؟! .. الوليدات دايرين الاكل والهدوم .. الصغير مورود وبطنو وواجعاهو من برد امبارح، كان لقيت لي حبة نعناع، لكن اغليها وين؟! كان سفاها بتنفعو .. ولدي الكبير دا رويسو قوي الا نافعني نحمد الله قلتلو الدانقة دي بتقع حلف علا يمرق الصحانه والكبابي .. اكان على اخليهن اصلهن الهديمات اتماصن ما بتلقن .. الله يستر ما تقع في راسنا .. والله يجزي شباب خير ويعوضنا ويسترنا ويحفظ وليداتنا .... بس اكان لقيت لي حبة نعناع !!!
| |
 
|
|
|
|
|
|
|
|
Re: شوفو الكنداكة دي قالت شنو لشباب نفير: صورة وكلام تهتز له السماء (ص (Re: صلاح جادات)
|
متضررو السيول في كل انحاء السودان يعانون من مشاكل كبيرة في ظل تقصير بيّن من الجهات الرسمية
امس وفي تلفزيون السودان سهرة مع الفنان راشد دياب وهيثم كابو وندى القلعة واللاعب أكرم الهادي عن مبادرة لهم تهدف لمساعدة لضحايا الامطار والسيول، بينما انشغل كابو والقلعة باستعراض ماقاما به راشد دياب كلما اعطي فرصة للتحدث كان يشير وبالحاح ان الوضع غاية في الكارثية وان حجم الماساة كبير جدا ويرمي المسؤولية على الحكومة في ضرورة ان تقوم بدورها
| |
|
|
|
|
|
|
|
|
 Re: شوفو الكنداكة دي قالت شنو لشباب نفير: صورة وكلام تهتز له السماء (ص (Re: صلاح جادات)
|
صلاح لك مني كل التقدير وكتاباتك المنمقة
في الحقيقة كلام الكنداكة يهز اي زول عندو ضمير انساني او عند احساس بقيمة بني ادم وكرامته ويبكي كمان ليها التحية ولكن يبدو الانظمة المرت علي البلد قلل احاسيس وحتي ضماير السودانيين ولم يحسو بالالم ومعاناة العاشت اهلنا وهم جزء اصيل من الشعب في السودان عشرة سنة في معسكرات الذل والهوان بتنقصهم ابسط مقومات الحياة ,يبقي شوف امطار وسيول بهضلة الناس لفترة قصيرة جدا كيف!!! رايكم لزولة من دارفور هي والعيال لعشرة سنة حياة في خيمة وبناء الساسة من طوب اخضر ؟ والالم مأساي تصبح تفكر تأكل من وين؟ وتشرب من وين ؟ جبال النوبة نساء واطفال تأكل ورقة شجر اشان تحي لمدة سنتين كاملين ؟؟؟؟
مع العلم الحياة في دارفور وجبال النوبة اصبحت حياة بتاع ناس بشاهد في افلام خيالية ولكنها حقيقة والحقيقة مرة وكل السودان يعلم ذلك وبرضو الصمت ما زالت ,,,,
السوال الي متتتتتتتتتتتتتتتتتتتتتي كل هذه الصمت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ولا نامت اعين الجباء
تحياتي
حواء جنقو
| |
|
|
|
|
|
|
|
|
Re: شوفو الكنداكة دي قالت شنو لشباب نفير: صورة وكلام تهتز له السماء (ص (Re: حواء جنقو)
|
الاخ مهدي
المصيبة انو النظام مازال مصر علي انه ليس مقصر
والاعجب انه مازال يحاول اعاقة نفير وغيرها من المنظمات الجادة في اعانة المنكوبين
Quote:
متضررو السيول في كل انحاء السودان يعانون من مشاكل كبيرة في ظل تقصير بيّن من الجهات الرسمية
امس وفي تلفزيون السودان سهرة مع الفنان راشد دياب وهيثم كابو وندى القلعة واللاعب أكرم الهادي عن مبادرة لهم تهدف لمساعدة لضحايا الامطار والسيول، بينما انشغل كابو والقلعة باستعراض ماقاما به راشد دياب كلما اعطي فرصة للتحدث كان يشير وبالحاح ان الوضع غاية في الكارثية وان حجم الماساة كبير جدا ويرمي المسؤولية على الحكومة في ضرورة ان تقوم بدورها |
| |
|
|
|
|
|
|
|
|
|
Re: شوفو الكنداكة دي قالت شنو لشباب نفير: صورة وكلام تهتز له السماء (ص (Re: صلاح جادات)
|
الاخت حواء جنقو سلام
ولك التحية والتقدير
قضية المعسكرات سوف تكون مثل معسكرات الفلسطينين
بدأت بخيم والان هي عبارة عن مدن كلها عمارات بقروش الخليج ( علي الاقل لهم بواكي )
ومعسكرات دارفور كل يوم زايدة عمار . من القش الي البناء الثابت بالطين فالمدارس والاسواق
وكل مازاد العمار كلما صعب مفارقته وبالتالي نسيان القضية الاساسية اي التيقن والرضا
ولقد ذكرت زمان انه لابد من ان تتحرك المعسكرات نفسها بالتظاهر المستمر وعكس ذلك اعلاميا
او بان تتحرك المعسكرات صوب اقرب المدن الكبيرة اليها وتخيم بجوارها تماما تشاركها الماء والكهرباء
والمدارس وكل شيء مع استمرار التظاهر داخل المدن وبعدها سوف تجد القضية دعم غير محدود داخليا وخارجيا
وباتصالنا مع بعض شيوخ المعسكرات اتضح لنا ان عدد المخذلين في المعسكرات كبير
وان النظام استطاع ان يحكم المعسكرات بالوكالة
ولقد نبهنا الحركات المسلحة الي ضرورة العمل المدني الميداني داخل المعسكرات بطرق سرية كما يفعل النظام
واكرر لن تحل مشكلة المعسكرات الا اذا تحركوا هم نفسهم ( البكا بحررو اهله )
ومرة اخري علينا جميعا ان نلهب حماس سكان المعسكرات
ولك خالص التحايا
Quote:
صلاح لك مني كل التقدير وكتاباتك المنمقة
في الحقيقة كلام الكنداكة يهز اي زول عندو ضمير انساني او عند احساس بقيمة بني ادم وكرامته ويبكي كمان ليها التحية ولكن يبدو الانظمة المرت علي البلد قلل احاسيس وحتي ضماير السودانيين ولم يحسو بالالم ومعاناة العاشت اهلنا وهم جزء اصيل من الشعب في السودان عشرة سنة في معسكرات الذل والهوان بتنقصهم ابسط مقومات الحياة ,يبقي شوف امطار وسيول بهضلة الناس لفترة قصيرة جدا كيف!!! رايكم لزولة من دارفور هي والعيال لعشرة سنة حياة في خيمة وبناء الساسة من طوب اخضر ؟ والالم مأساي تصبح تفكر تأكل من وين؟ وتشرب من وين ؟ جبال النوبة نساء واطفال تأكل ورقة شجر اشان تحي لمدة سنتين كاملين ؟؟؟؟
مع العلم الحياة في دارفور وجبال النوبة اصبحت حياة بتاع ناس بشاهد في افلام خيالية ولكنها حقيقة والحقيقة مرة وكل السودان يعلم ذلك وبرضو الصمت ما زالت ,,,,
السوال الي متتتتتتتتتتتتتتتتتتتتتي كل هذه الصمت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ولا نامت اعين الجباء
تحياتي
حواء جنقو |
| |
|
|
|
|
|
|
| |
صلاح جادات
احمد حمودى
عبد اللطيف السيدح
Al-Shaygi
مهدي صلاح
محمد نور عودو
فيس بوك
تويتر
انستقرام
يوتيوب
بنتيريست