الـقـالـكُـم مِـنـو مـافـي بـديـل ؟؟؟،،، الـبـديـل مـوجـود ...

Quote: الأخ معاوية , العيد مبارك, وحتى لو مافي بديل ! ان شاء الله نقعد بلا حكومة!! يعني هسع الحكومة عاملة شنو؟ ما زي عدمها ! الاهم الآفات دي تغور من وشنا! والسودان عامر وفيه بدلاء كثر بس كيف ينزاح الكابوس دا !

Quote: معاوية اخوي العيد مبارك الناس وكت بقول لك ما في بديل, في امخاخهم الناس الشايلين السلاح و اللي بسموهم متمردين او في معني اوضح ناس الهامش. الناس ما بتفكر انهم ممكن يغيرو النظام ده و البديل يكونو هم ذاتهم. الشايلين السلاح ذاتهم لو البلد فيها حاكم عادل ما لهم و التعب و الموت المجاني. البديل دائما انو الواحد يشوفو نفسو في المرايا و يقول انا البديل علي حكم نفسي و ليس الزول البشوف نصنا يموتو عشان يعتبرها كارثة

Quote: سلامات ود المدير سيرة البديل دي شطر ميت وكلام ني ساي, العايز يثور بثور أوّل شي حتى يشوف البديل منو ويا صابت يا خابت لكن بكون عمل العليه وثار على الظلم وما سكت على المهانة ودي المهمة عشان البديل الجاي دا يعرف انو القصة ما سليقة ساي و يخمج زي ما عايز زي ما ثاروا الناس وجابوهو بديل ممكن يثورو تاني وتالت ويغيّروه هو نفسه المصريين رغم حزني على مصير ثورتهم لكني على يقين ان من ثار مرّة على الديكتاتورية وتانية على البديل يمكنه الثورة مرّة ثالثة على العسكر برضك وهمة مافي بديل وما في افضل منّنا زرعتها الحكومة وسقتها ورعتها حتى انبتت و اثمرت و ساعدها بعض المعارضية بكل غباء - و يمكن بكل ذكاء لكن دائما هناك كتلة حرجة و نقطة لا عودة لمّا تصل ليها الأمور حينها لا احد يسال عن البديل وقبل ذلك يوجد ميزان العدل الإلهي و ربّنا لا يرضى الظلم و حرّمه على نفسه

Quote: والله لي مده ما جاني احساس الامان الا وقت سمعت الشاب الجميل دا بيتكلم بثقة العارف والفاهم ومهذب لابعد حد جدد فينا النخوة والشهامة وابتعد عن الاسفاف رغم محاولة المذيعة لجرجرته في الكلام عن من المسئول هو يعرف والجميع يعرفلكنه سيفتح علي نفسه وعلى (نفير ) ابواب لا تخدم القضية الآنية . ليتهم يتعلمون منه ضبط النفس وقبلها الثقة والحكمة في القول والفعل . سلام ود المدير ..

Quote: البديل هو دولة المواطن و المواطن دولة ليس فيها شخص فوق القانون ولا كبت للصحافة أو الكلمة