|
|
 البشير يفتح بيته بكافوري لمنكوبي السيول وأطفالهم !!!
|
هيهات!!!
وكما لم يقم احد من الكيزان رئسا أو وزيرا من بالعي قوت ومال الشعب وامتصاص دمائهم دهرا بفتح بيته للغلابة الذين فقدوا كل شيئ كما أتي البعوض علي ما تبقى من دمهم!
حسبي الله ونعم الوكيل علي ألإنقاذيين الكيزان الظالمين.
ست البنات.
|
|
  
|
|
|
|
|
|
|
|
Re: البشير يفتح بيته بكافوري لمنكوبي السيول وأطفالهم !!! (Re: عبداللطيف شريف على)
|
ام بده وبين كافوري
الحاج يوسف والدروشاب
هذي الساعة صعاب وصعاب
بين الناس المسرورين
ماكلين اطياب
شاربين انخاب
ناسا ساهره الليل في انين
بين السيل الشال لحفاتا
وله عجينها الاصبح طين
وناس كافوري البعبدو الله
بالتفاح وقمر الدين
ناس احلاما سخينة وكسرة
وناس غرقانة في التمكين
ناس اللحظة بيوته بتوقع
ناس اطفاله تموت الحين
وناس كافوري ديل اهل الله
لي نعيم الاخرة معتكفين
دنيا واخري ومبسوطين
وليه ياامبدة بيوت الطين
وليه ليه شرموط وعجين
ناس جهال وجد فارغين
ناس امبدة وناس تانين
ماخلونا نضوق رمضانا
شوية مطرة وحبة طين
وسبعة وعشرة اموات فقرين
عكرو دمنا ديل فارغين
خلها تغرق مشقولين
ليلة قدر
وقيام وتمكين
وايه الجاب رمضان كافوري
لي ام بده
مطره
وسيل
وعجينا طين
| |
|
|
|
|
|
|
|
|
|
Re: البشير يفتح بيته بكافوري لمنكوبي السيول وأطفالهم !!! (Re: منتصر عبد الباسط)
|
ست البنات
كل سنة وانت طيبة
أنت ما سمعتي نكتة المسطول
قالوا يا ستي البشير شاف رؤية في منامه ( هناك ثلاثة كيمان تراب ) وما وجد زول يفسرها له
المهم يا ستي في النهية دلّو علي واحد مسطول بفسر
المسطول جابوا في القصر الجمهوري عشان يفسر الرؤية وكان البشير جالس وحولها ناس الامن كل واحد منهم حامل كلاش وواقف
السطول قال للبشير انا بفسرها لك
يا سيدي ::::
كوم التراب الأول في خشمك لو فاكر الشعب السوداني حا يحبك في يوم من الأيام
كوم التراب التاني في خشم الشعب السوداني لو منتظر منك خير
كوم التراب الثالث في خشمي انا لو مرقت من ناس الأمن ديل سالم
| |
|
|
|
|
|
|
|
|
|
Re: البشير يفتح بيته بكافوري لمنكوبي السيول وأطفالهم !!! (Re: محمد احمد القاضي)
|
تحية للجميع,
ومعليش يا عبداللطيف !
أنا زاتي اتخلعت بعد ما كتبت البوست أعلاه!
وقلت هسع لو قام واحد شليق من كلاب الامن وقرأ الكلام دا للبشير يمكن يتجوعل ويعملها ويضييع علينا مرحلة الغضب الملأ الناس دا نقوم تاني نبدأ من الاول!!
شفتوا كيف؟!
أو يقوم نافع الحاقد ويحلف طلاق الآ يضييف الناس!
أو يقوم علي عثمان يتيمن هو كمان!
غايتو الله يكضب الشينة.
شكرا لمروركم جميعا.
وأمشوا الي بوست فرانكلي عن حملة نفير في BBC ! فيه بوادر عوة! لأن الجماعة الظاهر فكوا لي الشفيع محامي!
ست البنات.
| |
|
|
|
|
|
|
|
|
|
Re: البشير يفتح بيته بكافوري لمنكوبي السيول وأطفالهم !!! (Re: الشفيع وراق عبد الرحمن)
|
كتب الشفيع وراق: (يا ست البنات
في صلاة سر
وصلاة جهر
عليك الله امسحي الكلام ده قبال ما الناس يجو يقروهو )
السؤال:
تقصد أي ناس؟؟؟
ما علاقة الصلاة بالذي كتبته انا؟؟؟
ثم تانيا: أنا ما حأمسح , لكن حأزيد!
حسبي الله ونعم الوكيل في الانقاذيين الظالمين , وفي كل من يساند ظالم , وكل من هم مرفوعة عنهم أيدي كلاب الامن ممن يمكنهم اسداء النصيحة وقول كلمة الحق ويحجم .
ست البنات.
ست البنات.
| |
|
|
|
|
|
|
|
|
|
Re: البشير يفتح بيته بكافوري لمنكوبي السيول وأطفالهم !!! (Re: ست البنات)
|
Quote: يا ست البنات
في صلاة سر
وصلاة جهر
عليك الله امسحي الكلام ده قبال ما الناس يجو يقروهو |
نصلى لله الرب الواحد الصمد ..
ونحمده ونثنى علية ..
والصلاة والسلام على خير الانام خاتم الرسل والانبياء ..
اللهم امسح بنى كوز واجعلهم عبرة لمن يعتبر اللهم اجعل بأسهم بينهم يا قادر يا كريم ..
اللهم انهم طغوا فى البلاد وافسدوها وجعلوا اعزة اهلها فقراء اللهم انهم لا يبالون بالفقراء وابناء السبيل فاجعلهم لغيرهم آيه ..
اللهم انهم يتسلطون ويتفرجون على العباد ولا يراعون فيهم ذمة ولا أخوة ولا اسلام فاجعل اللهم الدائرة عليهم ..
اللهم افضحهم وبين عجزهم للقاصى والدانى وانصر واستر شعب السودان .
اللهم لا تجعل مصيبتنا فى من يحكمنا اللهم زلزل الارض تحت اقدامهم وابدلنا بمن يرحم ضعف صغارنا ويرأف بعجز كبارنا يا ارحم الراحمين .
والصلاة والسلام على خير الانام سيدنا ونبينا محمد (صل الله عليه وسلم )
آآآآآآآآآميييييييييييييييييييييييييييييييييين
| |
|
|
|
|
|
|
|
|
|
Re: البشير يفتح بيته بكافوري لمنكوبي السيول وأطفالهم !!! (Re: عبداللطيف شريف على)
|
هيلاكن ما خلعتينا يا ست البنات!
طبعاً هناك من يملكون أفعى الكلام أثاروا مسألة أن النظام
سيستقبل دعم من قطر وح يبتلع حركة نفير!
هههه قلت يكونوا ابتلعوا ست البنات ولا شنو!
فلا يا سيدتي!
ديل ببساطة طريقة فهمهم للدين بتتعارض مع أخلاقيات الشعب!
نفرة ونجدة وحاجات زي دي أكبر من الوعاء الديني ذاتو لأنها
ما بتميّز بالدين (وفي رواية أخرى ولا محتاجة للدين ذاتو!)
| |
|
|
|
|
|
|
| |
ست البنات
abubakr salih
عبداللطيف شريف على
عبدالعزيز عثمان
منتصر عبد الباسط
Kostawi
وضاحة
خالد علي محجوب المنسي
محمد احمد القاضي
حسين عبد المجيد
الشفيع وراق عبد الرحمن
mustafa mudathir
فيس بوك
تويتر
انستقرام
يوتيوب
بنتيريست