نــيرفــــانا: صوت المطر ، عن تنغيم النثر (فيديو جديد)..!!!

Quote: اغسطس 1988

Quote: أغنيك ، وكتين أسارق صمتى في غابات الضجيج ، الطنين الكلام ، و الهتافات الخاينة ، وكتين تحاول تلبسك جبة و سبحة و مروق..! أغنيك ، و صوت المطر ، يقرّبني منك.. يقرّبني منك..!!

Quote: طيب أنشودة طويلة ومهمومة بي زولة غرقت في المطر. فيها إحساس عالي والتصوير متقن وجميل وماشي تمام مع التعابير واصل المجهودات ووثق العمل الجميل يا زول والله اليومين دي انا في راسي نفس الأسئلة بتاعتك دي، مسخانة لي اغراءات المدن الوصفتها دي. تسلم إيمان مدهش كيف اتعمل الشغل قبل سنوات وكيف لسه بيناسب واقعنا. الزمن بيمشي وبلدنا أمراضها المزمنة قاعدة وساكنة فيها. الشغل فعلا فيه حس صوفي عالي جدا وده الجذبني ليه أكتر شيء. ياريت نتابعه معاك ونشوف كل التداعيات ايمان احمد

(عدل بواسطة Kabar on 09-04-2013, 09:44 AM)

Quote: متعة جات منك ونفسك وصل جوانا وزادنا حريق .. ول ابا كان ما السبحة خاف كان مت او كفرت في "مشاوير الغياب" .. الزولة المطر بجيها وتغرق..شفت كيف !!. لانها ما اغتسلت من "ضجيج المواسم الهايفة" .. أمشي في دربك وناديها الزولة وشيل طبقك وسبحتك والمطر معاك .. وعيونك حتشوقك من زوايا روحك وروحنا الهايمة في بيت الشبح الوطن .. جميل مهند بلال

Quote: . ما عارفة رغم انو مافي مقارنة لكن حسيت باني بقرا مزامير داؤد وحاجة من العودة لسنار .. حقيقي تجربة مختلفة ومعبرة مافي اي كلام الا انو في المرات الجاية ما تدينا احساس انك منتظر الكاميرا (حاجة بسيطة ) لكن مراعاتها بتكمل العمل مبروك اهنيك والتصوير ممتاز والمنطقة جميلة وختيار المشاهد مناسبة مع القصيدة ... نهى علي

Quote: شكرا لهدية الغالية والشقية زى ريحة النعناع وانت راكب ليك عجلة عابر كبري التومات.. احيك والله وشغل ما ساهل وقربت اقول ليك زى ما قال احمد فؤاد نجم عندما سئل عن عبد الناصر .. فقال: كزعيم احبه... اما انت كمفكر وكاتب ومثقف مطلع بالتراث نحبك بشدة ومع ذلك ادهشتنا بصوتك واخراجك لهذا الصوت الجميل والعذب والاجمل الاداء الحركي المصاحب للاداء الصوتي .. وفعلا غبت وجبت وجيت بالجديد وربنا يزيدك عافية في الملكات المتعددة ويحفظك من العيون يا غالي سمعت النص لأكثر من خمسة مرات ويبدو انني ساسمعه مرات قادمات على متسع من الوقت خاصة ايام العيد ساكون اكثر امانا غايتو وديتني الدلنج والغابة وتندية والمعهد وقعر الحجر وشفت بليا والدنيا بحاله شكرا شكر لعظيم الهدية ولك امتناني وتقديري يا صاحب الكلمة الموفورة والطاعمةو الصوت الندي والشجي سلامات كبر ابن البلد الطيب... وانت بالف خير وعافية.. كم انا سعيد بانك خصيتني بهذا العمل الرائع والتجربة الجديدة والتي حتما ستاتي أكلها ان شاءت المصدات التقليدية او غيرها من الراجفات والواجفات .. بلا شك تجربة ثرة لعمل متكامل وجديد في نفس الوقت مما يلقى معارضة جمة من المشاغبين وسدنة الجدل غير المجدي.. على العموم احييك شديد على خوض غمار التجربة والتفاعل معها بحق وحقيقة ودائما تاتينا باشياء مختلفة وثرة من خلال متابعتي لكل قراءتك المختلفة وربنا يحفظك ويديك العافية والحيل تمشى لى قدام تنجز مشاريع خلاص للناس خاصة وانك تنطلق من تراث اصيل جاذب للوحدة الوطنية والانسانية الكبيرة .. صراحة فكرت كثيرا وخاصة بان النص اكتمل تلحينه بان افتحه لبراح غناء انثوي وهذا ما غالبا اعافر فيه بسري حتى يرى النور ان شئت او ابيت فقط اتمنى ان يصدق حدثي في الشخصية التي افكر في ان اطلعها على هذا العمل وكمان اني سا وفره للتفاعل في موقع بين اصدقائي.. ولا شكرا على واجب بل الشكر والتقدير لك خاصة ان وضعت ثقتنا فينا رغم ضالة حجمنا مقارنة بثراءك الكبير ودمت يا صديق المعرفة وتوكل واعقلها على الله واكيد ستوصف بني الغناء الجديد من شلة مغاوير سودانيز اونلاين وثق انه مشوار جميل وجديد ومختلف ومفتوح على عدة قراءات واضاءات عديدة.. نحن معاك ناصر البهدير

Quote: هذا عمل رائع اخى محمد ونقله فى طريقة عرض الاشعار، بالاضافة الى روعة الاخراج اما عن محتوى العمل الشعرى فرأى قد قلته مسبق قبل عشرين سنه ، شكرا يا كبر لانك لاتزال بكامل بهائك وروعتك وطلاوة لغتك وعمق احساسك ووفاءك للجمال،،،،ولاتزال تلك (الحاجة فيك) ،،،اضيف الى ما ذكرته فى قروب الكلية ان لدى تحفظ على اداءك للقصيدة بصوتك بشكل تنغيمى لكن التنغيم يحتاج الى امكانيات صوتيه قد لا تتوفر لديك ولدى الشخص العادى وقد وضح ذلك حيث ان هنالك كان عيب فى اختيار السلم الموسيقى المناسب لصوتك - على ما اعتقد وحسب معرفتى البسيطة -، لذلك كان يمكن اما الاستعانه بصوت اخر أو قراءة القصيدة بشكل الالقاء العادى الذى يحتمل اغلب انواع الاصوات ان لم يكن كلها،،،،، د.عبد الباقي حامد الجزولي