|
|
 نهاية حب وطن فطره ..وحلم لقاء وطن تاريخ
|
نهاية حب وطن فطره ..وحلم لقاء وطن تاريخ فتحتا الشوق علي وعدك طلع باب الوصال قافل اذا ماكنتا ليك مريود فليه دايما معاي نافر مكتف بي حبال الخوف وصدك لي هو الحاضر فيا وطن المرض والجوع شنو الراجينا يوم باكر نحبك نتكتب اوغاد وحالنا تحنن الكافر تعال احكيلك الفينا اذا ماكنتا ماك خابر شبابك بكرهك جدا منو الماحلمو مايهاجر قدر مانزرع الاحلام نقاسي المره ونكابر بنحصد كوم من الالام وبنزف جرحك الغائر تموت في دربك الامال يظل موج الدموع دافر فيا وطن البقاء للخوف صبح ورد الحنين ذاااااااااااابل وبس فضَلت حلاوة الروح تعظم مجدك الغابر بانك كنتا يوم قيمه وحال كاس الوجع داير بحبك فطره دون اسباب وظلمك لي متواصل بتسكن في شغاف الروح وديمه عليّ متحامل وعااارف انو مابيد اعيش من غير عشم باكر ولكن قلتا بس اهديك مراره الواقع الحاصل بالامس القريب جدا سقط آخر قناع منك كشف لي قبحك الظاهر ومعليش ياوطن جدا اذا كلماتي اتعدن فاحسن فاصل ونواصل شريط إخباري تحت النص يصرح والي غالبو النوم بانو القالوا ماحاصل لا تخريب ولا تفجير وهسع كان هناك حاضر ولا شاف نار ولا شاف شي دحين ده بجي؟؟ نعود من فتره الفاصل الي واقع المرار اليوم جنون متفشي في الخرطوم ولي كل المدن واصل وصل سعر الخروف مليون وقف شعر الفقير حائر يجيب من وين؟؟ وبعض العلماء اتلموا وحللوا للضحيه الدين اها وبعدين؟؟ منو البينسد وراك ظهرك اذا انقسم الوطن نصين نص مغلوب علي امرو ونص مشلول بدون كرعين نعيش بالدين اكل بالدين شراب بالدين علاج بالدين علي ضد كل تصاويرنا بتهدا حرب تقوم حربين فيا وطن البقاء للهم صبح زمن الوهم عقدين ونحنا علي حراق روحنا علي قِل الفهم عايشين نموت نحيا يظلوا ولاتنا مبسوطين فكيف افضل اريدك وبس وكل الجاي منك شين فما تزعل اذا ما ابنك المكلوم زهج من طعم ها الحنظل من التعذيب من التغييب من اشياء ما اظن تذكر شبابك من قساوه الحال بيسكر او بيتسطل يعيش في عالم التوهان يشوف لون الدماء اخضر اظن ياوطني وريتك وعارف كلمتي بتوصل تقد طبله اضان الليل وقت رفض النهار يوصل كرهتا الذل مبارات الحيط للضل مرقتا علي شوارع الخوف لقيت فيها الاماني شُتر فحيح وزحيح افاعي... كلاب عيونا حُمر بتقتل في وطن تاريخ وربنا وحده البيستُر اذا مامتا ورينا عشان ماساي نظل نصبر هيا وطن الحقيقه بقيت مهازل ماشه تتبختر فيا وطني العزيز جدا اخير تستوعب البحصل دي آخر فرصه ليك عندي عشان لوقلبي فات قبل محال تلقاني يوم جنبك ولا اظن في حشاي تُذكر فيا وطني العزيز احسن تحصل شعبك الفَضَل ............ نصر محي الدين محمد
|
|
 
|
|
|
|
مجاهد علي الحسن
فيس بوك
تويتر
انستقرام
يوتيوب
بنتيريست