كتب الكاتب الفاتح جبرا المتوفرة بمعرض الدوحة
|
|
 ناس السعوديه ديل غشاشين ....... ( توجد حسره ) !!!!!!
|
يعني الله حيحاسبم لو قالوا يوم الاربعاء كان العيد ....
نحنا كنا قافلين على كدا .. وجهزنا القنقليز .. والشيات وتوابعو
والشفع اشتروا هدوم العيد ... والبعلوله قامت من الصباح وخبزت داك يا الخبيز الما خمج
( شي بدفور وشي تيمس وشي لانكروزر )
وكمان اشترينا حلاوه ماكنتوش بالشي الفلاني ....
وطلعنا زكاة الفطر ...
يعني ما فضل لينا الا نمشي صلاة العيد
يجي يقولوا ماافي عيد ....؟؟؟
دا غش .... ولا .... ما غش ؟؟؟؟
|
|
 
|
|
|
|
|
|
|
 Re: ناس السعوديه ديل غشاشين ....... ( توجد حسره ) !!!!!! (Re: محمد مجيدو)
|
وبعدين .. قبل كدا ما دقسونا وصومونا 28 يوم بس ..
حسي فوكا شنو لو صمنا تاني 28 يوم .... وقالو الاربعاء عيد ..
غايتو .... تااني انا ما داير معاكم أي شريعه ... وهدا طرفي منكم ..
بحول لناس طهران .....
( من 220 فولت الى 110 فولت ) وببقي شاشه عديل كدا ..
( دا الرندوق حق اهل المنطقه الشرقيه .... 220 ديل السنه 110 الشيعه
وشاشه .. شيعي .. )
| |
|
|
|
|
|
|
|
|
|
Re: ناس السعوديه ديل غشاشين ....... ( توجد حسره ) !!!!!! (Re: محمد مجيدو)
|
يااخي ديل ....مريحيين خالص ... مقرراتم ساااهله ... مش زي ناسنا مصعبين المسائل ...
صلاتم .. يجمعوا ويقصروا على كيفم .. وما شغالين بزوول
صيامهم .. بس اذا سافرتاا بالعرييه كدا مسافه 80 كيلو .. تفطر طوالي ..
واهم شي .. عندهم العرس.... دا بالكووم .. وانت وقدرتك ...
تعرس واحده ... تعرس عشره ......... مافي زوول يسالك
الا تكون براك خيبان وما عندك الاستطاعه ...
| |
|
|
|
|
|
|
|
|
|
Re: ناس السعوديه ديل غشاشين ....... ( توجد حسره ) !!!!!! (Re: مهدي صلاح)
|
Quote:
حول 110
خليك 220
استفتي قلبك
اعمل اللي يريحك بس نصيحة ابعد عن السودان ، كيزان السودان وبعد العَملة العملتها السعودية في البشير قالو عازمين على مخالفة السعودية حتى لو اضطروا يوصلوهو لواحد وتلاتين
التحية والسلام الاخ مجيدو خواتم مباركة وكل عام وانتم بخير |
اخوي ... مهدي .... سلام واشتياق
شكرن تشريفكم لنا ....
انا بحول حسب الحااجه ....
( واهل مكه ادرى بشعابها )
لاكييين حكاية العرس دا .... ما اظن تظبط معاااي ... ( جباان )
كل سنة وانت طيب .. وينعاد عليك بالخير ...
تحياتي ,,,
| |
|
|
|
|
|
|
|
|
|
Re: ناس السعوديه ديل غشاشين ....... ( توجد حسره ) !!!!!! (Re: محمد مجيدو)
|
اها بمناسبة السعوديه .. وحكرتم الما دسيسه في حق رئيسنا .. بشه طلعت نكته ....
قالوا البشير اصدر قرار مقاطعة السودان للا######## والالبان السعوديه
ومنع اداء الحج والعمره للسودانين هذا العام . حيث وجه بان يبحث المجلس الاعلى للافناء الشرعي
امكانية اصدار فتوى لاجراء مناسك الحج والعمره بالنيه من السودان ..
وذلك بالسعي بين امدرمان وبحري والطواف حول مجسم الكعبه الشريفه بالساحه الخضراء
والوقوف في جبل اولياء والمبيت بجبره ....
ولا يزال البحث جاريا على شيطان شاذ الافق ليتم رجمه ....
عارفكم حترشحوا الشيطان منوووو .....
عاالم بطاالـــــــــــــــــــه ....
| |
|
|
|
|
|
|
|
|
|
Re: ناس السعوديه ديل غشاشين ....... ( توجد حسره ) !!!!!! (Re: فيصل محمد خليل)
|
هلا .. فيصلووو
كل سنة وانت والاسره الكريمه بخير وعافيه ..
اها انتو في بلاد العجم .. بتشوفو الهلال براكم .. ولا برضو بترجعو للسعوديه ..؟؟؟؟
حسي لو السعوديه قالت اليوم عيد..... تلقاهم كلهم عيدووو ..
كان القذافي الله يرحمو .. هو الوحيد المعارض ....
واظن السودان بعد موضوع الطياره دا ...كما شافو الهلال بنفسهم ما ح يعلنو العيد
كيييه في السعوديه ... ( وش بدردق )
تحياتي ,,,,
| |
|
|
|
|
|
|
|
|
|
Re: ناس السعوديه ديل غشاشين ....... ( توجد حسره ) !!!!!! (Re: محمد مجيدو)
|
أكيد فرحة العيد في السودان لا تعادلها اي فرحة في اي بلد اخر ...
حيث تكون لمة الاهل والاصدقاء والجيران والكل يقدم التهاني والتبريكات
وتكون صواني الفطور ممتلئه بما طاب ولذ .. وهي جاهزه لمن ياتون للديار للمعايده
وغالبا الصينيه تتكون من :
..شيه ... كبده ... او سمك ... ملاح ام تكشو ... عصيده .. فول .. طعميه
سلطه خضراء .. سكسكانية .. شعيريه ...
وبعدين البارد .. ثم الشااي ....
الواحد مطق ....
| |
|
|
|
|
|
|
|
|
|
Re: ناس السعوديه ديل غشاشين ....... ( توجد حسره ) !!!!!! (Re: الأمين كامل الأمين)
|
Quote: يا زول بتهضرب مالك ؟
ومع هضربتك العيد مبارك عليك وينعاد عليك والجميع بالف خير |
الامين ... سلام واشتياق
كل سنة وانت طيب
وينعاد عليك وعلى الامه الاسلامية بالخير والبركه ..
يازوول ... رمضان دخل في العضم .. ومرق بيغاادي .. وتقول لي ما اهضرب ..
حسي كان عيدنا .. وضربنا النووم .. بدا نحن مداومين في العمل ...
تحياتي يا برنس ...
| |
|
|
|
|
|
|
|
|
|
Re: ناس السعوديه ديل غشاشين ....... ( توجد حسره ) !!!!!! (Re: محمد مجيدو)
|
لقد منّ الله علينا واكرمنا في شهر رمضان المبارك ( كما اكرم غيرنا )
لاداء العمره وزيارة قبر المصطفى عليه افضل الصلاة واتم التسليم
ولقد مر بي موقف طريف في الحرم النبوي احببت ان اسرده لكم وهو ......
بينما كنت اقراء الفاتحه واسلم على الرسول متجهاً ناحية القبر ومن خلفي اتجاه القبله
( السعوديون وضعوا خصيصا حواجز معينه حول القبر لكي لا يكون القبر في اتجاه القبله للزوار.. )
المهم اتاني احد الشيوخ .. ونهرني .. وقال لي يا شيخ لا يجوز الدعاء هكذا .. بل يجب الاتجاه للقبله ...
قلت له انني لا ادعو وانما اسلم على النبي وهكذا طريقتنا في السودان ان نقراء الفاتحه رافعين ايدينا ....
قال هذا لا يجوز .. وانتم اهل السودان صوفيه ... وتعظمون القبور ...و ... و.....
والراجل صرف معااي عربي كتير خلاص ....
قلت له يا شيخنا .. مش انتا نصحتني وخلاص ... ارجوك انصرف .. ولا تشوش علينا ..
قال .. لا تاخذك العزة بالاثم .... واسمع النصيحه واتجه للقبله ...
قلت له لن اتجه للقبله ..... وانت غرييب يأأأخ ....
هل تعتقد ان دعائي في حضرة اعظم خلق الله فيهو اثم ؟؟؟؟؟
وبعدين انا جااي قاطع الاف الكيلومترات من اجل هذه اللحظه وان اتشرف بزيارة قبر المصطفي .. واتبرك به ...
عاوزني اديوه ضهري ؟؟؟؟؟؟ .... معقوله بس .....؟؟؟
وبعدين ..انظر لهؤلاء الناس ( وكان هناك جمع غفير من الزوار )
كلهم واقفون في غير اتجاه القبله وينظرون الى قبر المصطفى ... هل تظن ان هؤلاء واقفون .. حداد ..؟؟؟
ام انهم الان يدعون ما شاء لهم ان يدعوووا ....؟؟؟
قال بس هم ما رافعين ايديهم .... قلت له انتا مشكلتك رفع اليد .. ام مشكلتك الاتجاه للقبله ؟؟؟؟ .......
المهم .. الراجل اخذ يرغي ويزبذ .. ويتمتم بعبارات سمعت منها اننا السودانيون .. راسنا .. يابس ولا نسمع النصيحه ........
وقمت في هذه اللحظه باخراج الجوال والتقطت بعض الصور للقبر .... مما اغضبه اكثر على اعتبار ان التصوير حرام .......
اعتقد ان هذا الشيخ ليس من اهل المدينه .... واظنه من نجد .....
لان اهل المدينه طيبون للغايه وهم من يقومون بافطار زوار الحرم النبوي يومياً طيلة شهر رمضان المبارك وعلى حسابهم الخاص ..
دون كلل او ملل.. انما يرجون الثواب والمغفره .
جعلها الله في ميزان حسناتهم .....
تحياتي ,,,,
| |
|
|
|
|
|
|
|
|
 Re: ناس السعوديه ديل غشاشين ....... ( توجد حسره ) !!!!!! (Re: محمد مجيدو)
|
قنقا مشتاقيين
كل عام وانت بخير
ناس السعودية ديل عندهم المحن
مرة لما مشيت الحج مع ناس ابوى
الحمد لله الحجة كانت جمعة ونحن فى عرفات فى صلاة الظهر الامام فى خيمة الرجال بالمكرفون قال الاخوات النساء واحدة تتقدم الصفوف وتام النساء
قامت امى التفتت على زعلا جدا قالت لى اجى دا شن نفروا
و قالت ما سمعنا قبل كده مراة امت ليها ناس فى صلاة المهم واحدة باكستانية امتنا ليك
وامى مغيوظة شديد قالت لى بعد خلصت الصلاة هسي صلاتنا دى صاح ولا نكون تعبنا ساى وحجتنا دى مطرشقة
اها يا قنقا ناس السعودية ديل كلامن صاح ولا امى دى زعلت ساى
| |
|
|
|
|
|
|
|
|
|
Re: ناس السعوديه ديل غشاشين ....... ( توجد حسره ) !!!!!! (Re: وضاحة)
|
يا دكتررره ... سلام كتير ,,,
وكل سنة وانتي طيبه وجميع افراد اسرتك ...
وشكرا على مرورك الانيق ..
بيلاي انتي حجيتي ؟؟؟؟؟ ما شاء الله ربنا يتقبل منك ...
في موضوع امامة المرأة للنساء ..... اعتقد انها تجوز ... حسب معرفتي البسيطه ...
الا انكم كان من الاولى ان تصلوا خلف الامام ومن داخل مخيمكم ....
حث توجد مكبرات صوت ويمكنكم متابعة الامام في صلاته ...
والله اعلم ....
لك فائق الوود ....
| |
|
|
|
|
|
|
| |
محمد مجيدو
مهدي صلاح
فيصل محمد خليل
بدرالدين الطائف
بدر الدين مهدي
وضاحة
فيس بوك
تويتر
انستقرام
يوتيوب
بنتيريست