احملوا استقالاتكم فى ايديكم وإن لم تكن من البورد فمن النضال على الاقل وان لم يكن من غير رجعة فلحين ميسرة أرفعوا ايديكم عن حزن الغلابة والنضال بمأساتهم يعنى قول كملتوا الباندويث بتاع بكرى دا كولوا الغلابة المحتاجين لى وقفتكم بجوارم يستفيدوا اشنوووو : : : : : : : مع التحيات لله الزاكيات
08-06-2013, 10:56 PM
محمد حمزة الحسين محمد حمزة الحسين
تاريخ التسجيل: 04-22-2013
مجموع المشاركات: 1437
يستثنى من هذا النداء كل من وضاحة ورانية وصديقتهما تونا وحيدر بدوى وصديقة وكل من تداخل ايجاباً فى بوست اغاثة الملهوف اعلاهـ لهم التحية والدعوات الصادقات بالقبول وان كان لا يشكرون على واجب : : : : : مع التحيات لله الزاكيات
08-06-2013, 11:18 PM
محمد حمزة الحسين محمد حمزة الحسين
تاريخ التسجيل: 04-22-2013
مجموع المشاركات: 1437
حقاً : فاقد الشئ لا يعطية تطلبون من الحكومة ان تستقيل وهى متشبثة وانتم اكثر تشبثاً منها بتلابيب كى بورتاتكم وبمسلة النضال وتحسبون كل صيحة هى قاصمة الظهر لحكم دام 24 عاماً وماشى فى السكة يمد وتمنون النفس بقرب نهايتة ولم تسلكوا لذلك سبيلا . ماذا قدمت للغلابة فى مسيرة نضالكم وفى اوج محنتهم وانتم تتوارون خجلاً ان تساهموا بما تيسر لنجدة اسرة فقدة كل ما ادخرته فى منزل ذاب فى لمحة بصر فى سيل داشر وسجلت حثيثيات جريمتة ضد القضاء ووالقدر اما الحكومة فغداً وان غداً لناظرة قريب ستستجمع اطراف قوتها وتصل قبل ان يتفرغ المواطن الغلبان ليسمع همهماتكم وحداءكم وتحريضكم له بالخروج ضد الظلم والطغيان وهو منهك ليس امامه الا ان يتقبل (عضر ) الحكومة ويعلق باقى احزانة على شماعة القضاء والقدر والتسامح السمح لكل سودانى واطى الجمر موش لانو خايف او ######## كما تصفونه عندما يخيب امالكم فى تنفيذ العصيان بالوكالة ولكن لانة ممحون وداير يمشى لى قدام يمكن بكرا احلى والمقولة التى تتعلق باهداب قلبة الحارى ولا المتعشى : : : : : مع التحيات لله الزاكيات
08-06-2013, 11:24 PM
Haju Muktar Haju Muktar
تاريخ التسجيل: 10-25-2011
مجموع المشاركات: 5149
Quote: انت جادي في البوست ولا قصدك يقرا بالعكس او من خلال المرايه
آى والله جادى يا هجوووو لا مرايا ولا يحزنون وللاسف كل يوم الشعور دا بى يزداد صدقيه عندى واليك هذا المقال الذى كتبه محمد سليمان عن جدلية النضال البائس ضد الحكومة ترى جعجعةً كثيرةً ولا ترى طحيناً البته النظام لن يسقط بندوات الأسكايب يا علي محمود حسنين و عبدالواحد محمد
لدرجة ان صار المناضل لا يقرق بين ما هو مباح وما هو واجب فدخلت احزان الغلابا ومأسيهم فى اجندة النضال الاسفيرى بدلاً من دعمهم والوقوف الى جانبهم فى بوستات الدعم والنجدة والاغاثة يمرون عليها كالاجرب ويجعولنها عناوين لنضالاتهم ويخذلون عن سندهم ممنين النفس لتضيق بهم الارض ويخرجون فى ثورة يخططفونها ويضيفونها لسجلاتهم النضاليه عااااد دا كلام : : : : : مع التحيات لله الزاكيات
Quote: انا من الرياض بجهز الملابس المامحتاجين ليها استوكات وصغرت على اصحابها لكن كيف نوصلها لمنكوبي السيول والامطار
Re: ** حملة سودانيز أون لاين للمنكوبيين من أهلنا فى السودان بسبب الامط اختنا تونا عوض شكر الله سعيك ولانك لسع ما شوفتى حاجة فى الحوش دا يا ما فيهو هوايل عفيناك من تقديم الاستقالة لحسن نيتك وحسن ظننا بك ولكن لك ان تعلمى ان مواطنى شرق النيل المتضررين من كارثة السيول والفيضانات لن يشرفهم ان يتدثروا ببقايا ملابس ضاقت زرعاً بشحوم اصحابها الهاربة من الرجيم فى بلاد البترودولار شكر الله سعيك وبالكتير شوفى ليهم مشمعات او خيم او مواد توموينية صالحة للاستخدام الادمى فسواعد اهلنا بسرق النيل ما زالت خضراء تستطيع ان تبنى وتعمر وتمشى السكة من جديد انتو قاييلين البيوت الوقعت دى مبنية بى طوب بلووك والله كونكريت كولنا نعلم انها حيازات بوضع اليد والبنيان فيها بالطوب اللبن حتى تأتى الحكومة المغضوب عليها لتكرمهم بتثبيتها فى حيزاتهم ولن احلف فى امر واقع لا محالة تثبيت الحيازات هى عربون (العُضر) مقدماً ليبتسم المواطن المغلوب فى وجه الحكومة هاشاً باشاً شاكراً سعى المسؤلين والقائمين على امر رعاية الرعية والكلام دا كولوا فى صيوان ربما تزغرد فيه تلك المراءة التى رات الموت بام عينها http://www.youtube.com/watch?v=-XxMJgoRD_4andfeature=player_andrel=0 فما تدفقوا مويتكم على السراب دا واقع معاش الحكومة لن تقدم استقالتها لانها تدربت وتعلم كيف ومن اين تؤكل الكتف فنقطونا باستقالاتكم من النضال باحزان الغلابة الذين لم ولن تقدموا لهم اى حاجة ولو لحين ميسرة : : : : : : مع التحيات لله الزاكيات
08-07-2013, 00:49 AM
عبدالعزيز عثمان عبدالعزيز عثمان
تاريخ التسجيل: 05-26-2013
مجموع المشاركات: 4037
محمد حمزة الحسين لاهل الباوقة عموم اشواقي وين ماكت وصل مكتوبي ولي عمار رجايا اسامح ما اديناه شديرة الضل ويا ميسا يا حلوة يابهجة كانت بلدك ذي الفل الا بشوف عزام طمنا عازم ادي الخير للكل وباكر ساعة العيد اطرونا دعوة ومدحة وغنوة ولمة ناس في زاد في ضل واطرو الناس الصبحو همايل مافضلها حتي تكل
08-20-2013, 12:16 PM
محمد حمزة الحسين محمد حمزة الحسين
تاريخ التسجيل: 04-22-2013
مجموع المشاركات: 1437
Quote: وباكر ساعة العيد اطرونا دعوة ومدحة وغنوة ولمة ناس في زاد في ضل واطرو الناس الصبحو همايل مافضلها حتي تكل
اخوى عبد العزيز عثمان لك منى عاطر التحيايا ياخى سودانيز دا حيرنا فى صنقوعنا دا لازم يناضلوا فى اى حاجه حسى الظرف الانسانى دا وقت نضال الناس والواطية الجمرة اتوماتيك كونوا مبادرة نفير على الطين والخمج باشروا اعمال انسانية لن ينساها لهم الوطن ولا المواطن ما تراهو 24 عام الناس دى بتسخط وتلعن فى الحكومة المواطن استفاد شنوووو مرة واحدة خليهم البيان يكون بالعمل شوف الشباب ديل فاهمين كيف بالله فى الفديو دا :-
: : : : : : مع التحيات لله الزاكيات
08-20-2013, 12:52 PM
ناصر احمد الامين ناصر احمد الامين
تاريخ التسجيل: 03-29-2009
مجموع المشاركات: 2913
الاخ محمد حمزة يعني مثلا لو زول حول ليهو قروش في واحد من حسابات ناس نفير و اللا رسل هدوم بي طريقتو الخاصة .. يقوم يجي يكتبها هنا؟ و القال ليك منو انو المعارضين ديل ما رسلو و ما اهتمو بالموضوع؟ الحكاية للاعلام و اللا لي الله؟
يوم الدين ... الله حا يسأل المعارضة و اللا الحكومة؟
صراحة اول مرة اتداخل معاك و ما كنت عاوزها كده لكين الموضوع جدا مستفز
تحياتي
08-20-2013, 01:39 PM
محمد حمزة الحسين محمد حمزة الحسين
تاريخ التسجيل: 04-22-2013
مجموع المشاركات: 1437
Quote: الاخ محمد حمزة يعني مثلا لو زول حول ليهو قروش في واحد من حسابات ناس نفير و اللا رسل هدوم بي طريقتو الخاصة .. يقوم يجي يكتبها هنا؟ و القال ليك منو انو المعارضين ديل ما رسلو و ما اهتمو بالموضوع؟ الحكاية للاعلام و اللا لي الله؟
يوم الدين ... الله حا يسأل المعارضة و اللا الحكومة؟
صراحة اول مرة اتداخل معاك و ما كنت عاوزها كده لكين الموضوع جدا مستفز
تحياتي
الاخ ناصر اللمين لى الشرف بتداخلك اى كانت المناسبه لكن انتا ما شايف ضعف التفاعل فى البوستات الجادة والاهتمام بى الفارقة ومقدودة ابداً والله ما المقصود اعلان العطايا واعمال الخير لكن على الاقل ان لم تقل خيراً فالتصمت ولا تخزل بحجة دا شغل حكومة وين المسؤلين ارجع للفديو الفوق دا وشوف عمر كمبال قال شنو دا وقت عمل وانقاذ وليس وقت مراجعات ومسألات الناس غرقت واهو بتغرق كل سنه وكل عشرة سنه بكون فى كارثه لو فى حكومة الكيزان او فى حكومة الامام او نميرى الناس حقوا يكون فى خطوط حمراء يتوافقوا فيها من اجل الوطن والمواطن الغلبان والله اشنوووو ليك : : : : : : مع التحيات لله الزاكيات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد حمزة الحسين
Haju Muktar
عبدالعزيز عثمان
ناصر احمد الامين
فيس بوك
تويتر
انستقرام
يوتيوب
بنتيريست