|
مات الولد غرقت بلد
|
شال القبلى
والمطر نزل فى الارض غرقت مدن وقع بت الجالوص فى الود مات الود وابوه جاب العشاء وحلقو من الغصة انسد زول حايم وفجاة صبح عايم لا عصيدة تسند الجيعان لا قدرة فول تنشد ما انكسرت الامينة وسقف البلد انهد وطار الوالى محلقاً فوق الارض لا مصرف شغال ولا لزم السيل سد ونافع قال بتبخر فى اسبوع يالمانافع نفاقك فات الحد خلاص بقيت مهندس بالجد تشكر شذاذ آفاق ناس نفير اولاد عزة المدو للغلابة اليد وناس صدقات حسانتم ما بتتعد
***************** خوض الموية يا احدب اتفقد العيال و مر على الجيران وديار العجزة الفرح بقى ليهم محال تبرع يا كريم ادوعو الله لاصلاح الحال فرحوا الاطفال فى العيد علموهم حسن الخصال لا تعلموهم النهب والاحتيال دا الدمر البلد من زمان لو لاالغبش ما بناك يا عزة انصاف الرجال *************** وبنوتنا السمحات للدموع ماسحات لا قعدن جوّا البيوت يبكّن ويقشن دمعات خاضن الطين ووجهاء البلد لزموا الحجرات زى العرسان رجليهم محننات لا ضاقوا وجع ولا طلعت منهم أنّات تخجلوا ماكم ماكان لكم رنّات تهليلات وتكبريات وساعة الحارة بقت صفتكم حنّانات لا شفناكم خايضين طين ومن الشخير جسيماتكم ناعمات رجل الغبش شقها يدخل ورل وايدينم للخير دوام جادعات ناس همة ما ناعمين تلقاهم فى الصقايع والطرقات عراريقم مقطعة ويرفعوا الواقعات ودايماً جاهزين للحارة متى ما جات والبطوارى والكوريق ترّسوا المجارى و الطرقات ورحبوا بناساً بيوتا اصبحت واقعات ديل أهلى لا بقولوا آآآآه و لا آهات حقظهم الله وانعمهم بالخيرات ما قصروا تب واجورهم محفوظات وانا فوقم بقول غنوات (بقول غنوات مستلفة من استاذنا القدال)
|
|
|
|
|
|