|
|
 هل ضغط البشير النجمة ؟؟
|
عمر البشير وكأي سوداني ي لمن يجي قرر السفر في الفترة الأخيرة بيحب يعمل الحاجات بي الكروباوي كده عشان أولاد الحلة ما يكوجوهو ..
عمر البشير ليهو شهرين مدخل جوازو في السفارة الإيرانية وكل يوم يشيل ويراجع في السفارة ..يوم السفير ما جا ويوم عندك ورقة ناقصة ويوم يا عمر شهاداتك ما موثقة من الخارجية ومرة توثيق التعليم العالي ناقص..
اخر حاجة رجعوا بيها عمر البشير من السفارة الإيرانية كانت خلو طرف من مكتب العمل ..
الكلام ده كلللو وناس الحلة ما جايبين أييي خبر وعمر البشير عااادي لمن يجي يصلي في مسجد النور الجماعة بيسألوهو شنو يا ابو عمير الأيامات دي مااا ظاهر كده ؟؟؟
عصام البشير فاجأ عمر قدام الجماعة وقال ليهو قبل كممم يوم شااايفك جمب السفارة الإيرانية ..إن شاء الله خير؟؟
عمر قال ليهو لالالا خير مشيت وديت جبنة مضفرة لي أحمدي نجاد كان موصيني ليها..
الجماعة مااا صدقو الكنتة وبقوا شابكين ليك عمر البشير ..يااا ابو عمييير ياااا حركااات شنو ياااا عمممك يااا شكلو جاااااتك فيزا عمل لي ايران وعااامل لااابد ..شنو ياااا حبيييب ..
لم يصمد عمر طويلاً و الجماعة عرفوا موضوع سفر البشير وقرر ناس كافوري إنو يعملوا (بارطي) للبشير ولموا الشيرينق من بنات و وأولاد الحلة ..
تفارق كييف تخليينا لي شوقنا وذكرى ماضينا وكيف بعدك يكون الحااال وكيف تصبح ليالينا..
مع السلامة مع السلااااااااامة وما تنسى لينا ترسلي..يسعدني إنك تذكريني وعني دايما تسألي..
ثم أختتم الفنان الحفلة بي :
أودددعكم ؟؟ أفااارقكم ..؟؟ أوودددعكم؟؟ أفااارقكم؟؟
وصوت عمر البشير في نص الدايرة وهو بيقول : لاااااااا.. لااااااااا لالالالا ما بقدر ..
ولكن أه ..لكن أه.. أأأأأأهـــ ااااهـــ بتزوود الالام ..
دموع ومقالادات مع نافع وعلي عثمان وبكري حسن صالح ..
وفي النهاية الجماعة شبكو هو إستغفر ..إستغفر يا ابو عمير كلها كم والامور تعدي وتتعود ..
تحركت الحافلة الهايس من الحلة في إتجاهها للمطار لتوديع عمر البشير فيها لفيف من الأهل والأصدقاء ..
عثمان مصطفى اسماعيل أخد البشير على جمب كده وقال ليهو :
عليك الله يا ابو عمير عايز لي سجاد إيراني للصالون بتاعي ده ..قالوا إيران فيها سجاد سمح ..ما مشكلة اللون جيب لي أي حاجة ما مشكلة ..
ود الصادق المهدي قال ليهو يا سيادتك عليك الله جيب لي قماش جلابية للوالد وتوب لي مريم أختي ..
طبعاً ود ناس الميرغني داك ما عرف بي موضوع سفر البشير ده إلا بعد البشير رجع .
بعد ما ودع البشير الجماعة ..ومع بوابة الدخول فاجئو ليك واحد وهو بيلكزو في كتفو ..
يا أبو الشباب يا أبو الشباب لو سمحت وين كرت الخدمة الإلزامية ؟؟؟
البشير ما صدق وسلخ ليك الكارنيه بتاع الكلية الحربية وقال ليهو معاك المشير عمر ..
دخل البشير الطائرة وسمع النداء الداخلي بأن الرحلة رقم 3456 والمتوجهة إلى طهران تستعد للإقلاع وعلى المسافرين ربط الأحزمة ..
كورك البشير من على البعد : يا عمممك خوتها في نمرة خمسة وقوووم خلينا نلحق الفاصل الأول من حفلة الرئيس قالوا جايبين سامي يوسف ..
وكما أحوال أهل المرابيع وعد حسين وشرق النيل كان الطريق إلى جدة مغلق..
الطيارة تلف يمين تلاقي خور..
تلف شمال تلاقي مجرى مكسور..
السيول غطت على سماء جدة ..
والطريق مقطوع..
الي جدة في جدة والفي بورتسودان في بورتسودان ..
قدر ما الطيار ده حاااول يشوف ليهو طريق غلبو..
رمو الصاجات للطيارة وححححلت ..
سواق الطيارة قال ليهم انا بعرف لي طريق مختصر بي خميس مشيط كدي النحاولو ..مشو لقوهو مقفول..
واحد من الركاب قال ليهم غايتو نحن مرة بتذكر مشينا بي طريق عرعر .. كدي النحاولو..
مشو لقوهو شغالين فيهو صيانة وعاملين تحويلة بتشيل تكسي جوي بس..
البشير قال ليهم خلونا النمشي بي الدرب العدييييل في واحد بينزلك في الرياض ..قدر ما حاولوهو ما لقو طريقة ..
رجعت الطيارة لي مطار الخرطوم ونزل الركاب ..
لاقاهم مسطول قال ليهم مااالكم جيتو راجعين؟؟
قالوا ليهو ما لقينا طريقة نخش إيران ..
قال ليهم بسيييطة .. يا عمر البشير أ طلع تلفونك ده وأضرب لي حسن روحاني .. وأول ما يجيك جرس أضغط نجمة وشيييل النغمة بتلقى روحك في طهران ..أو رسل 1717 ..
وقد كان وضغط البشير النجمة وشاااال النغمة وهو حالياً في طهران ولكن بعد فوات الأوان ..
تخريمة :
مرفق نغمة موبايل حسن روحاني ...
|
|
  
|
|
|
|
|
|
|
|
Re: هل ضغط البشير النجمة ؟؟ (Re: حيدر حسن ميرغني)
|
وما طالبني حليفة يا عمر جا في بالي قبل كم يوم ليه ود الفاروق ما بكتب - على الأصح ما بشنف - في السياسة, ما ياهودا أساسي مبادراته مترترة زي السلام عليكم و الشفت اترشح للبرلمان عديل كدا :)
| |
|
|
|
|
|
|
|
|
|
Re: هل ضغط البشير النجمة ؟؟ (Re: smart_ana2001)
|
يا حيدرا :
ياخ المرة الفاتت في الشغل جا واحد هندي ووقف جمب مكتبي وقام سألني وهو بيفتش على موظف المفروض هو أنا فقال لي:
أنا يدور هذا نفر إسم عمر بن الخطاب ..وين يحصصل ؟؟
قلت ليهو ما مشيت بعيد عمر الفاروق عمر الفاروق ...:):)
| |
|
|
|
|
|
|
|
|
|
Re: هل ضغط البشير النجمة ؟؟ (Re: smart_ana2001)
|
ود البشرى يا قريبك ..
يا زول السياسة دي شنافا ساااهل .. نحن عايزين الشناف الصعب :):):)
أخوك بيحب يشنف اذان المستمعين عشان كده إتخصص فنون :)
اساسي عمل ليهو مبادرة لمة فيها الشامي على المغربي عايز يكتتر عدد المداخلات ساي :):)
لكن عليك الله لقيتني كيف بالله ؟؟ مش ممكن أنافس ليكم الفاتح جبرة براااحة ؟ حالتي كتبتها وانا ماشي التهجد :)
| |
|
|
|
|
|
|
|
|
|
Re: هل ضغط البشير النجمة ؟؟ (Re: عمر الفاروق)
|
إسمارت يا إنتي..
أها النتم ليك الجلافة .. ياخ عليييك الله كان ما حشرتي لي إسم أولادي ديل في وصيتك الكاتباها لي أولادك ..
شوفي ليهم أييي بند ما بتغلبي حيلة ..
أبناء أصدقاء النت ..
أبناء الشنافين ..
المهم ما تنسينا ..وياريت لو تكتبي ليهم حاجاتك الفي السودان حق أمريكا ما عايزينو ..
أها وليدياتي أصحابي ديل ح يبقوا براهم وأبوهم ما معروف ليهو درب..
إتفقنا؟؟؟
ثم أشار بأصبعه السبابة ناظراً نظرة جمباوية وواضعاً طرف التوب كما ندى القلعة ..
| |
|
|
|
|
|
|
|
|
|
Re: هل ضغط البشير النجمة ؟؟ (Re: عمر الفاروق)
|
Quote:
الشناف الرئاسي....
اسمع يا ابو عمير...ده ما حمزة سليمان ...يزعل منك و ما تشتغل بيه. او اخونا الشامى...تكلفته باعتزار و يمشيك. او شروق ابو الناس, تحرد ليك الغنا.
ح توحشنا :) |
فاز عندي بجائزة رمضان لاجمل تعليق يقال
علي صاحبه الاتصال بي في مقر اللجنة لاستلام جائزته
وشكرا
| |
|
|
|
|
|
|
|
|
|
Re: هل ضغط البشير النجمة ؟؟ (Re: عمر الفاروق)
|
يا مزمل خلي بالك عبد الرحيم بيكون قال ليهو السعودية شغالة بي نظرية الدفاع بالنظر فخش ساااي يا زول الحببة ما بتجينا ..
والخوف كللل الخوف إنو هيئة علماء المسلمين تكون قالت ليهو شيل ليك تراب يا البشير ولمن تصل السعودية ارميهو فيهم واقرا فيما معنى الاية الكريمة إنا جعلنا من بين أيديهم سدا
| |
|
|
|
|
|
|
|
|
|
Re: هل ضغط البشير النجمة ؟؟ (Re: عمر الفاروق)
|
| Quote: على صاحبه دي مقصود بيها صاحب التعليق ولا الإتقال فيهو التعليق..باقي أخوك مقروووض ليهو في هدية تكون تلفون يا كمان كاميرا.. |
يا فاروق
سلام
طبعا صاحب التعليق أخد الجائزة........
لكن .....
المثل الفاروقي بقول
مساعد المخرج هو برضو مخرج
بعدين انت تستأهل جوائز أسلوب الكتابه السلس السهل الممتنع
حقيقه بلا حليفة لكن علي صيام
الرجاء الاتصال بنا خارج البرنامج لاستلام هديتك وهي عباره عن تلفون داخل كاميرا (خفيه)
| |
|
|
|
|
|
|
|
|
|
Re: هل ضغط البشير النجمة ؟؟ (Re: عمر الفاروق)
|
ربنا يديك الصحة والعافية وطولة العمر يا عمر و يخليك لاولادك. تكبر و تخرف (اكتر من الخرف العليك هسي)
لكن حق السودان ده صفه طويييييل. اصلا ما كتبته فى الوصية . خلى ناس السودان يقسموه ب للذكر ضعف الانثي. ولدك (ولد الشنافين) ح يطلع ليه اكتر من بنتى.
ذكرتنى البوست باع الموت داك يا اخى. خلينى امشي انكته.
_______________________________________
ارفع يدك عن الست ندى :)
| |
|
|
|
|
|
|
|
|
|
Re: هل ضغط البشير النجمة ؟؟ (Re: smart_ana2001)
|
بمناسبة شيل النغمة دى.....فى اخر اجازة فى السودان اى زول اضرب ليه القى اغنية و دوس النجمة شيل النغمة. واحدة صحبتى خاته نغمة تفقع الفشفاش. كنتا فاكرة (شيل النغمة) دى معناها شيلها بره, يعنى ما تسمعها تانى. قمتا دستا النجمة. يا لطيف.....العالم كلو يضحك على. متين جيتى و اتعلمتى الحركات?....و دى شنو الاغنية دى??
__________________________________
الغريبة ما فى زول عرف يورينى اخلص منها كيف
| |
|
|
|
|
|
|
| |
عمر الفاروق
حيدر حسن ميرغني
محمد البشرى الخضر
smart_ana2001
محمد حسن محمد ادم
فيس بوك
تويتر
انستقرام
يوتيوب
بنتيريست