|
|
 صحي الراجل العايب دا مشى إيران وخلى بيتو مهردم ومشردم؟؟!
|
بالتاكيد اقصد ما يُدعى بانه رئيس دولة السودان..!
وعيبته دي - حمانا الله - مافي راجل بيحترم نفسه او رئيس بيحترم شعبه بيعملها اذا فُعلت ؟!
هذا الشَخِص كل يوم يثبت انه هطقة وفطقة .. والله صحي
كيف يعني زول بيته متهدم وغرقان ومتشردم ونسوانه غرقانات يشيلو فيهن الجنيات وشفعه ما لاقيين ضرا ينومو فيهو
وهو ماشي يتفنجط في ايران..
اقعد اسمع لي كلام ود الباوقة ومن هم مثل ود الباوقة اصلك ماك نافع وتاني على بالنعمة سيد طاحونة ما تنفع يا العُرة ..
|
|
 
|
|
|
|
|
|
|
|
Re: صحي الراجل العايب دا مشى إيران وخلى بيتو مهردم ومشردم؟؟! (Re: saidahmed shami)
|
ابو ايمن سلامات ..
| Quote: لقد أسمعت لو ناديت حيا ولكن لا حياة لمن تنادي |
عزت الحياة وعز النداء..
لقيت بالفيس بوك قبل شوية الامنجي عادل عباس الشهيـر هنا بابو حسين منزل هذه الصورة :
وبعده امنجي اخر منزل هذه الصورة الكارثة ..
فقلت سبحان الله .. ما بين حياة وحياة..
وما بين تكريمٍ وتكريم وما بين حملٍ وحمل..
ولقد كرمنا بني آدم وحملناهم في البر والبحر ورزقناهم من الطيبات وفضلناهم على كثير ممن خلقنا تفضيلا صدق الله العظيم
| |
|
|
|
|
|
|
|
|
|
Re: صحي الراجل العايب دا مشى إيران وخلى بيتو مهردم ومشردم؟؟! (Re: HAIDER ALZAIN)
|
كتب احد الاصدقاء وابناء قريـة كنور اليوم معلقاً على الاحداث المأسوية التي شهدتها القرية منذ الجمعة وحتى اليوم بسبب هذه الكوارث التي يتهرب المخولقن عمر البشير من الوقوف بشجاعة رب الدار لمجابهة تبعاتها :
صراحة اصبحت اخاف من الدخول للفيس :
بعد موجة الحزن والتي صاحبت النكبات ، ريحانة،،،شباب كنور التوم الطاهر ابراهيم،،،رحل بصعق كهربائي من اثر الامطار،،،تلته الخالة مسرة على ابشر،،،وقبل أن يجف الدمع عن هؤلاء فإذا بمحمد العبادي،،،يفقد اسرته الحديثة،،،دفعة واحدة، اثر انهيار سقف على زوجته، وابنه،،،وكل تلك الانباء تواترت علي بالدخول على الفيس،،،لذلك اصبح يخفق قلبي،،،،ويتصبب عرقي كلما بداءت في الدخول على الفيس. اللهم تقبل شهدائنا،،،ارحم مواتنا،،،والزمنا الصبر وحسن السلوان.
رحم الله امواتنا واموات المسلمين وتقبل هؤلاء في الشهداء والمحسنين وغفر لهم .. وان يجعل دمائهم في عنق ولى امر البلد وبطانته من ادناها لادناها .. وان يرينا حقوق العباد فيهم وفي نسائهم وذرياتهم واعقباهم في الدنيا عاجلاً وقبل يوم الحساب..
اللهم امين ..!!
| |
|
|
|
|
|
|
|
|
|
Re: صحي الراجل العايب دا مشى إيران وخلى بيتو مهردم ومشردم؟؟! (Re: HAIDER ALZAIN)
|
حين التفكر ملياً في الرجل والرغبة في ذمه في جملة المذمومين او هجاءه كما الوضعاء والمعيوبيين وإن كان جملة ما كتب عنه من مذمات لم يقله الفرزدق في جرير ولا صاغه الحطيئة في الزبرقان..
فلم اجد قبله رئيساً كاذباً عايباً مهاناً جمع الذلة والوضاعة الى الغدر والخيانة ، فذمته " امه " قبل المغدورين من شعبه .. وذمه شعبه قبل اعدائه ..
سرق الاقوات ، وسفك الدماء ، وقطع الارحام ، وحلف كاذباً مهاناً ، سرق شريفاً وغدر في اشهر الله المحرمات ..
لم اجد خيراً من وصف سليمان بن عبد الملك لعامل رشح ليتولى له امارة فقال عنه :
هو والله يخبط خبط العشواء ،ويحكُم حُكم الورهاء ، ويناسب اخلاق النساء .. نفسه تعجز عن السمو لمراتب السيادة ، ولا يستطيع منافسة القادة ، وليس له من عقله مادة ، همه قصيــــر ، وركنه ضعيـــف ، وصدره ضيــــق ، ورأيه منتشر ، وفي قوي هواه فضل على قوي عقله ، ######ف رأيـــه غامـــر لراجحة حُلمه ، لا يــعرف حدود الاعتدال ، ولا مواقع الاقتـــصاد ، ولا التوسط في الأمـــور ، ولا عواقـــب التدبيـــــر ،،،،
ووالله ان سليمان في رحمة ان لم يرى من الرجال في زمانه من هم في مثال عمر البشير بزماننا .. فحينها لم رضي ان يستعمله فيمن يستعمل حمل الاباريـــق ..
| |
|
|
|
|
|
|
|
|
|
Re: صحي الراجل العايب دا مشى إيران وخلى بيتو مهردم ومشردم؟؟! (Re: معاوية المدير)
|
Quote: لكن بعد دا تجد من يقول لك
لا تسبوهم في رمضان !!!، |
الما اسبوهم شنو عشان رمضان؟!
والله البشير ان وقف قدامي " كوز " موية الا ارقدبو تب !!
قالوا لا تسبوهم قال .. هو بقت في مسبة ما استحقاها بفعلو وما اتقالت؟
ــــــــــــــــــــــــــــــــ..
طالبنك ضبيحة عتود في شان نضرا انت ناضرو يا ود المدير .. بس خلى رمضان والكوارث دي تفوت انادي الحنين حيدر ونتلمّ ليك في شان الضبيحة .. هييييع ود المدير الاسد
| |
|
|
|
|
|
|
|
|
|
Re: صحي الراجل العايب دا مشى إيران وخلى بيتو مهردم ومشردم؟؟! (Re: محمد يوسف طه)
|
ياحيدر سلام ...
أهو الراجل جابو ليك راجع .. كان ما يحلف طلاق ما يرجع ويقول للسواق ودينا قطر
المشكلة قطر برضو بي درب السعودية
يبقى فاضل وين ... مصر الاخوان فيها بقوا في رويحتهم
ليبيا .... الله أعلم بعد التقرير الطلعوا قبل يومين عن ترحيل سلاح الجو السوداني لي أسلحة الاخوان
إنشاء الله بعد دة يلزم الجابرة وما يجيب لينا الكلام .... كل يومين فضيحة جديدة
| |
|
|
|
|
|
|
|
|
|
Re: صحي الراجل العايب دا مشى إيران وخلى بيتو مهردم ومشردم؟؟! (Re: مصطفى عبيد)
|
Quote: ذ 3 ساعات and#8722;
ريس البلد وينو
لا
بان ولا طله
لا
جانا يتفقد
لا
زارنا في الحله
لا
شاف وقع كم بيت
لا
جاب طحين لا زيت
لا
كفن الميتين
الماتو
جوا السيل
لا
جابلو طوريا
ساعدنا
شد الحيل
وأصبحنا
نص الليل
ما
جانا منك زول
ولا
طله منك زول
فاطر
في كافوري
وشعبك
فطورو أنين
نايم
وتتقلب
وشفع
كتار صاحيين
متوسد
الموكيت
وشعبك
رقد في الطين
لاك
البفرج الهم
ولاك
العلينا أمين
ولاك
البجير مظلوم
ساعة
تدوربو سنين
لا
بتنجد المسكين
لاك
العلينا حنين
هسه
أكان تصويت
أو
حتى انتخابات
كان
جيتنا تترقص
تقدل
مع ############ات
خاميها
مليارات
وراكبها
عربيات
وعاديها
سفريات
عصابة
شلليات
ونحن
لينا الله
عادنها
بس بكيات
لا
علاج ولاتعليم
لا
سكنه زي الناس
أحلامنا
زي ركشات
وساكانا
دوم كشات
لا
قروش ولا كاشات
شعبك
مرق بلبوص
لا
خلقه لا أخلاق
لا
عمه لا مركوب
لا
لحمة لا طايوق
شعبك
مرق ماينص
وحشاهو
دوم محروق
صابر
وعايش الويل
ما
نصو في الغربة
و
الباقي شاله السيل
|
| |
|
|
|
|
|
|
|
|
|
Re: صحي الراجل العايب دا مشى إيران وخلى بيتو مهردم ومشردم؟؟! (Re: امجد الجميعابى)
|
سلامات محمد يوسف طه..
ودا سؤال المليون دولار والله...
لكن اقول حاجة.. الناس مغلوب على امرها.. وهذا العايب لولا انه اشتغل بداية عهده سكرتيرا للترابي كما كان يقول المسجون المُدان حسني مبارك عليه لما كان له ان يقيف كركوناً ببوابة القيادة العامـة..
صبر الشعب السوداني عليه ربع قرن هو صبراً ليس على البشير فحسب بل هو صبراً على مشروع الاسلام السياسي الذي افترع بالسودان وعاش شعبه فئران تجارب له..
ويمكن ان نقول ان صبر الشعب السوداني على أذى الكيزان ومشروع الاسلام السياسي وفق اجندة الاخوان المسلمين قد استفادت منه كل دول المنطقة وكل العالم حيث اثبت وبالتجربة ان مشروع الاخوان المسلمين هو مشروع شيطاني
احتلالي احلالي للسرقة والانتهازية وممارسة القتل وسفك الدماء...
تجربة السودان وصبرهم على المشروع الاخواني طيلة هذه الفترة جنب الدول الاخرى من الدخول في هذه المعمعة المعروف نهايتها..
وهذا وكانت خاتمة مطافهم بمصر ...
هذا وسيسجل التاريخ انه ظهرت قديماً حركة انتهزت الدين ولعبت على عقول الصبيان والغلمان وكان ديدنها السرقة والانتهازية وسفك الدماء وانتهاك حرمات الفروج ، وسيقول التاريخ وقد اندثرت سريعاً مثلها ومثل حركات الحشاشين والاسماعلية والقرامطة بعد اقل من نصف قرن من ظهورها بالسلطة في عدد من الدول العربية والافريقية وكان احد طراطيرها يُدعي عمر حسن احمد البشير عاش وهلك وهو محصورا بالسودان ممنوع من الخروج عنه بامر من المجتمع الدولي الذي فزع من مقدار الجرائم والفظائع التي يرتكبها بشعبه هذا السفاح
| |
|
|
|
|
|
|
|
|
|
Re: صحي الراجل العايب دا مشى إيران وخلى بيتو مهردم ومشردم؟؟! (Re: MOHAMMED ELSHEIKH)
|
والله يا دكتور المشرف فعلاً هوان..
Quote: والله الاحوال وصلت مرحلة بطاله جدا ..
مسيء جدا لنا كسودانيين أن يكون هذا الزول حاكما بامره فوق رقابنا لما يزيد عن 25 سنه ..
ووالله الذي لا اله الا هو, ليس من مذمة لنا أكبر من هذه ..
والله لهو العيب والعار والسقوط الدواي أن نرضي هذا الهوان وأن نرضي دنية كهذه في وطننا .. |
والاغرب من كدة تجد البعض هنا يتحدث عن الوطنية ومايمثله البشير من سيادة وعزة للسودان ممثلة في منصبه..
ويتجاهلون ان المنصب والسودان فقد عزه ومجده من يوم 30 يونيو 1989م عندما كذب رئيسه وحلف كاذباً..
ثم توالى الهوان والذلة والعيبة بحلايفه التي لا تحصي وطلاقاته التي تُخجلني كسوداني ان يكون هنالك - سوداني - حالف كاذب مهان بهذا الشكل دعك من انه يكون رئيس دولة..
رئيس دولة يهرب كما اللصوص والمزورين والمطلوبين في قضايا اخلاقية من الدول الاخري التي يقوم بزيارتها هل يُشرف؟؟!
رئيس دولة ينسحب من مؤتمر ويهرول كالهنبولة من دولة اخري رامياً بكل الوقار وهيبة البلد ورئاستها بالارض .. والاعجب من ذلك تجد من يستقبله بالمطار وتجد من يهلل له وتجد من يقول له حمد لله سلامة نجاحك في الهروب والعودة بالخزئ محملاً بلسانك الكاذب
هو عمر طيارة دا زول ؟؟!
والله وليــم " طيارتنا في الحلة زمان " اكثر رجولة وعزة وانفة من هذا الرجل العايب ..!
| |
|
|
|
|
|
|
|
|
|
Re: صحي الراجل العايب دا مشى إيران وخلى بيتو مهردم ومشردم؟؟! (Re: سمير شيخ ادريس)
|
| Quote: ورجعوهو بجردل خبيزو من اجواء السعوديــة... |
أها الخبيز {الراجع} ده حا ياكلو مغسة ساكت, ول في زول إلكزو عشان
إوزعو على ضحايا السيول والأمطار؟
لمن يعيبون على ودالزين ول غيرو, هذه المناولة الإعلامية, قبالة رئيس يمثل
فترة صلاحية منتهية, فليعلموا أن موضوع الطائرة هذا فتح أفقا أوسع مما يعتقد
الناس أنه {أزمة سودانية داخلية} وحين يحضر العالم من حولينا ويدلى بصرفيه
صغيرة كالتي حدثت للقشير في الأجواء السعودية, فهنا نعلم أن ديك العدة السوداني
لا يتحوم فقط في مائدتنا السودانية الخلوص, إنما يتعداه إلى الماائدة الإقليمية ذات
الصلة الوشيجة بالمائدة العالمية المستديرة. فعلى الأقل رأينا من خلال تلك الحادثة
أن العالم يتناصر معنا عبر نفاجات قوية وعبر مسالك إستراتيجية, وهذا مما يمثل
إضافة نوعية بالغة الأهمية لمشروع الثورة السودانية , القادم بعنفوان وإقدام إلى
القصر الجهوري ... في يوم يرونه بعيدا ... ونراه قريبا.
يعني هو القشير كان ماشي إيران عشان سواد عيون الشعب السوداني؟ فهذه الزيارة
اللعينة كانت لترتيب أوضاع تسمح للبشير بمزيد من العنف والتقتيل على شعبه, وهي
زيارة لوضع السودان في إطار اللوبي الإيراني العالمي {المعزول} في مواجهة كل
العالم ... خاصة لما يتعلق بالبرنامج النووي الإيراني ودعم نظام الأسد والتبذير الإعلامي
الغير موصول بفعل في الحديث عن مواجهة مع إسرائيل. فخابت الأحلام وإشترى القشير
الترام ... ولي قدام
| |
|
|
|
|
|
|
|
|
Re: صحي الراجل العايب دا مشى إيران وخلى بيتو مهردم ومشردم؟؟! (Re: HAYDER GASIM)
|
العزيز حيدر قاسم .. كل عام وانت بخير وكل الاهل والاحباء كما ترجو وتحب لهم .. ووطن جميل ..
Quote: نعلم أن ديك العدة السوداني
لا يتحوم فقط في مائدتنا السودانية الخلوص, إنما يتعداه إلى الماائدة الإقليمية ذات
الصلة الوشيجة بالمائدة العالمية المستديرة. فعلى الأقل رأينا من خلال تلك الحادثة
أن العالم يتناصر معنا عبر نفاجات قوية وعبر مسالك إستراتيجية, وهذا مما يمثل
إضافة نوعية بالغة الأهمية لمشروع الثورة السودانية , القادم بعنفوان وإقدام إلى
القصر الجهوري ... في يوم يرونه بعيدا ... ونراه قريبا. |
هذا بالضبط بعض الذي يفوت على فطنتنا عندما تناولنا للشان السوداني بمعزل عن رؤية الوضع العالمي والاقليمي والتوازنات الدولية المطلوبة..
تسلل البشير الي ايران لم يكن عدم إهتمام وعدم نخوة ومروة منه تجاه شعبه فقط .. بل كان تصرف جــبان وحقيــر من شخص مجرم مطارد يعلم ان المصير المخزئ والمذل الذي ينتظره كطريد عدالة شعبية ودولية ..
يعلم ان الثورة السودانية قادمة وقد ضاق الخناق عليه فلابد من التضحية بالشعب وكل الشعب في محاولة يائسة لانقاذ عنقه وعنق بعض المقربين..
إهمال ما يجري بشعبه من كارثة والهروب متسللاً لإيران لتقديم فروض الولاء لرئيسها الجديد عبر أجواء اكبر اعداء ايران وداعم من داعميه والمحسنين اليه اقليمياً بالإضافة لما فيه من طبع خـسـة ونذالة لكنه ايضاً مؤشر على ان البشير لا يمانع في الحفاظ على نفسه من التقارب مع المحور الايراني الروسي السوري .. وتهديد كل البنية السودانية المتفجرة اصلاً بالصراعات القبلية والطائفية ..
هذا الرجل والله بلغ به سوء من تولى امر الناس مبلغ فزارة الذي قيل فيه ( من المظالم ان تكون على المظالم يا فزارة ) ..
وهذا من امره أنه قال ذات مرة لو غسلت يديّ مائتي مرة ما تنظفت حتى اغليها مرتين وكان فزارة قاضي قضاة البصرة ..
التغيير اصبح مرمي حجر والبشير وعصبته يقرأون القادم واذا لم يتم محاصرة البشير وتقدير خطواته والتعامل بذكاء مع خارطة التوازنات الدولية فكارثة الامطار ستبدو كملهاة اذا واصل البشير هروبه شرقاً ..
احاول التقاط بعض الاراء حول وضع القوي الحديثة والليبرالية والعلمانية عموماً في المشهد القادم وسط خطابات القوى الاسلامية والقوى القديمة هنا : الأخوان المسلمين كــلـاب القوى الحديثة والعلمانية والصيد نجع..
مع خالص التحايا
| |
|
|
|
|
|
|
|
|
|
Re: صحي الراجل العايب دا مشى إيران وخلى بيتو مهردم ومشردم؟؟! (Re: وضاحة)
|
مرحبتين وضاحة ..
| Quote: يا ريت ايدك معنا علشان نقدر نعمل شى وافتكر دا المهم |
كنت كتبت بهذا البوست المداخلة دي :
Re: صحي الراجل العايب دا مشى إيران وخلى بيتو مهردم ومشردم؟؟!
لو كريتي عليها النظر مرة اخرى بتوضح ليك انه " منطقتنا " هي منطقة كوارث ومآسي ومصايب .. ليس منطقتنا فقط بل وداخل حوشنا .. المهم العاوز اقولوا انه ايدنا مع الناس هناك واهلنا ما دايرة ليها بوستات ولا عاوزة دق صناجات ..
قبل كدة سنة 78 جاء فيضان والناس بيوتها اتكسرت وصمدت وتاني قامت الحلة كما كانت .. وسنة 88 في الفيضانات حصلت والناس ما سألوا في حكومة او معونة براهم وستروا حالهم وهسسسع دي لا راجين لينا مساعدة زول او سائلين في حكومة .. ربنا يعينا بس بفضله ورحمته ..ويشد بالقوة في ضراع ولادنا وجنياتنا البيقعوا ويقوموا ..والحمد لله على كل حال..
المهم شفت مجهودك الاغاثي للمنكوبين والمتضررين المحتاجين .. ربنا يعينك ويوفقك وفي ميزان حسناتك..
والاهم شئ انك تعملي عملك وما ليكي بباقي الناس اعطوا او منعوا .. نضموا او انطموا.. عشان لا يبقي عملك المفترض لوجه الله تعالى مجرد عمل هتافي وشو وينقلب صفوان عليه كشحة تراب ويجي كمان الخريف دا يكسح بالتراب ويخلى الناس عاضة ليها حجر..
ثم قلتي يا وضاحة :
Quote: موضوع الرئسي دا ما بحل ليهم مشكلتن
|
ولا اظنك جادة .. وهل نحن مشاكلنا وكوارثنا الا من جراء هذه الابله العاهـة العار على الشعب السوداني؟
كيف ما بيحل مشكلة يا وضاحة والراجل بلدو غرقانة والناس بيموتو بالصعق الكهربائي .. وشوارع الظلط اتكسرت والاسواق غارقة في برك المياه وهذا العايـب الراقص ينسرِق زي اللصوص ويتدسي في طيارة عشان يلحق ليهو حفلة في ايــران؟
ولا حتى يقول ماشي كدة زيو وزي الرجال ..لا اندسي واتسحب زي العاشق الخائف من رقيب.. وبعد ربنا فضحو اهو قعد بكسرة عينه في السودان بغم تجاه اولياء نعمته بالمملكة ما قالها.. ينفع في البذاءة وطولة اللسان تجاه شعبه..
| |
|
|
|
|
|
|
|
|
|
Re: صحي الراجل العايب دا مشى إيران وخلى بيتو مهردم ومشردم؟؟! (Re: امجد الجميعابى)
|
صباحاتك يا الجميعابي..
قال الشاعر الايراني ( مسكويه ) واصفاً حال احدهم وفي بالي عمر حسن احمد البشيـر لان ما قاله مفصل عليه بالمللي :
أيا ذا الفضل و اللام حاءُ... ويا ذا المكارم والميم هاءُ
ويا أنجب الناس والباء سينٌ...ويا ذا الصيانه والصاد خاءُ
ويا أكتب الناس والتاء ذالٌ...ويا أعلم الناس والعين ظاءُ
تجود على الكل والدال راء...فانت السخي ويتلوه فاء
لقد صرت عيباً لداءِ البغاء...ومن قبل كان يعاب البغاء
وحمانا الله من هذا الداء
| |
|
|
|
|
|
|
|
|
|
Re: صحي الراجل العايب دا مشى إيران وخلى بيتو مهردم ومشردم؟؟! (Re: مصطفى عبيد)
|
سلامات ومرحبا مصطفي عبيد ..
| Quote: إنشاء الله بعد دة يلزم الجابرة وما يجيب لينا الكلام .... كل يومين فضيحة جديدة |
كلام وفضيحة وخيبة اكتر من دا..
| Quote: وأوضحت الهيئة - وفقاً لما لديها من سجلات وتسجيلات- أنه "لم يتم إخطار مركز المراقبة الجوية بالسعودية من قبل المراقبة الجوية بمطار الخرطوم بإقلاع الطائرة من مطار الخرطوم، أو بموعد دخولها للأجواء السعودية، كما هو معمول به دولياً.وبعد أن عادت الطائرة متجهة إلى مطار الخرطوم أفصح حينها قائد الطائرة أن على متنها فخامة رئيس الجمهورية السودانية". |
شفت الفضيحة؟
بيان هيئة الطيران المدني السعودية بيوضح بجلاء ووضوح بأنه هذا العــار كان مختبئ بالطائرة مثله ومثل اي لص ومجرم و########..ويرتعب خوفاً من ان يعرف نفسه كراكب على متن الطائرة..
بل حتى عندما رفض له السماح بالمرور لم يعرف نفسه الا عندما رجع للسودان حتى بدأت الورجغة من محبيه محبي الذل والهوان وطأطأة الرأس ..
| |
|
|
|
|
|
|
|
|
 Re: صحي الراجل العايب دا مشى إيران وخلى بيتو مهردم ومشردم؟؟! (Re: HAIDER ALZAIN)
|
أخونا حيدر الزين
لك التحية
المفترض البشير يقدم بعض التنازلات البروتوكولية يعنى يستغنى عن الإستقبال الرسمى وغيرها
ويتنكر مغيرا شكله ويُعطى جواز سفر دبلوماسى بإسم أحمد حسن عمر ووظيفته مضيف جوى
ويسافر بالطائرة الرئاسية ضمن الوفد الرسمى وبعد الوصول وداخل الفندق يزيل التنكر
ويمارس مهامه الرئاسية وعند المغادرة يعود الى شخصية المضيف الجوى وهكذا .
لا طردة لا كشة لا بهدلة .
| |
|
|
|
|
|
|
|
|
|
Re: صحي الراجل العايب دا مشى إيران وخلى بيتو مهردم ومشردم؟؟! (Re: جمال خضر)
|
سلامات عزيزنا جمال خضر وكل عام وانتم بخير..
Quote: المفترض البشير يقدم بعض التنازلات البروتوكولية يعنى يستغنى عن الإستقبال الرسمى وغيرها
ويتنكر مغيرا شكله ويُعطى جواز سفر دبلوماسى بإسم أحمد حسن عمر ووظيفته مضيف جوى |
البشير لو سمع كلام زين العابدين بن على وغير مهنته لحارس مزرعة اخير ليهو من تضييع الزمن..
ود علي هسع ما شاء الله لاااابد في بلد الامن والاطمئنان وزول جايب خبرو مافي..بس اللخو دا معقد ساي.. هسع يابى الحراسة وباكر يكوس للغفارة كواسة :)
| |
|
|
|
|
|
|
| |
HAIDER ALZAIN
saidahmed shami
saif massad ali
معاوية المدير
محمد يوسف طه
محمد حيدر المشرف
مصطفى عبيد
امجد الجميعابى
MOHAMMED ELSHEIKH
وضاحة
سمير شيخ ادريس
HAYDER GASIM
جمال خضر
فيس بوك
تويتر
انستقرام
يوتيوب
بنتيريست