|
|
|
 Re: لو في مسئول عنده اخلاق وشاف الصورة دي مفروض ينتحر ...!!!!! (Re: كمال سالم)
|
يا مطر الله كتير نشكر
ربنا رسل جات رحماتو
خيرا دافق منها سماتو
وبدل الحاكم ختت ودبر
وزال العوج الفي ساحتو
ميز مجري السيل بي جيهة
وخلا الدافر في وجهاتو
شيد تحت الشارع كبري
ماكان صابو المحنة الجاتو
وكيف الفقرا اسدو الدافق
وحيلة الواحد بس ضرعاتو
شفت الصور الجات بكتني
وجيعة الفقرا الما فكتني
شفت الناس الشقيانين
بين الموية وخمج الطين
وكم ياخلق كم غرقانين
كم الماتوا المفقودين
بلدا يغرق في فد مطرة
كيف لو عقبت صاروا اتنين
يااهل الخير هو يالزينين
شدوا حزامكم يااهل الحارة
ماكايسنها من حكامنا
ديل شالوها معانا متين
نحن عشمنا في شعبا زاهي
ابيض قلبوا واملا العين
نمرق هذا السيل بي سواعد
ونرجع نعدل حالا شين
كل من فرط في حق الفقره
اضوق الصاع صاعين اتنين
| |
 
|
|
|
|
|
|
|
|
Re: لو في مسئول عنده اخلاق وشاف الصورة دي مفروض ينتحر ...!!!!! (Re: Ahmed musa)
|
الاخ
Ahmed usa
ســــــــــــــــــــــــــــــــــــــــــــــــــــــــلام
و رمضان كريم
أصلا لالالا يوجد هناك مسؤل!!! أما عن ألاخلاق و الله لا توجد أخلاق لد أى مســـــــــــــــــــــــــــؤل فى هذة البلد
اذا كان هناك أخلاق أو مســــــــــــــــــــــــــــــــــــــــؤل لما حصل هذا
أللهم أذهب بى مســــــــــــــــــــــــؤلين الســــــــــــــــــــــــــــــــــــــــــــــــــــــــــــــــــودان قبل نهاية هذا الشهر الكريم يا كريم
| |
|
|
|
|
|
|
|
|
|
Re: لو في مسئول عنده اخلاق وشاف الصورة دي مفروض ينتحر ...!!!!! (Re: newbie)
|
| Quote: المسئولين وبكل قوة عين يبررون الكارثة التي وقعت بان معدلات الامطار والسيول كانت تفوق التوقعات |
معقول ..؟!!!
وناس الإرصاد ديل قاعدين وين ..؟!!!
تصدق يا أخي أنا عندي صديق عاااادي كلمني بالسيل ده قبل ساعة من وصوله مرابيع الشريف
قال لي في سيل جاي من فوق كتير زي ساعة كدة بصل وقد كان
ده مواطن
الحكومة الاسمها حكومة ما كانت عارفة ..؟ََ
الحكومة ما متوقعة تمشي تجي حكومة تتوقع وتتجهز .....
| |
|
|
|
|
|
|
|
|
Re: لو في مسئول عنده اخلاق وشاف الصورة دي مفروض ينتحر ...!!!!! (Re: Ahmed musa)
|
Quote: احسن حكومة مابكون فيها اخطاء ..؟!!!
... |
طبعاَ لو كانت أخطأ وليست خطايا
والفرق بين الخطأ والخطايا أن الخطأ يحدث مع النية المخلصة والسعي الجاد في شأن خدمة الناس
ووضع الأولوية للأمور الإنسانية والتحوط لكل طارىء
ثم من بعد هذه الجهود إذا حدث تقصير غير متعمد وغير معتاد يقال أخطأ وا
ولكن إذا كانت ما سميته أخطأ معتاد حدوثه هنا وهناك فهنا لا يسمى خطأ بل يسمى خطيئة
ولا يحدث مثل هذا التقصير المتزايد في كل الأمور في أحسن حكومة
ولا أي حكومة عادية متوسطة الحال بل يحدث في أسوأ حكومة
...تردي في الصحة تردي في كل الخدمات وتقول أخطأ؟!
هذه خطايا وليست أخطأ
في زمن الحكومات السابفة كان يعوض كل من يتهدم بيته
فهل هذا يحدث في حكومتك الرشيده هذه ؟!
من لا يتحمل المسئولية ويأخذ ولا يعطي
لا يهمه ولا يضره لو تهدمت كل البيوت إلا بيوتهم وبيوت أتباعهم
| |
|
|
|
|
|
|
|
|
|
Re: لو في مسئول عنده اخلاق وشاف الصورة دي مفروض ينتحر ...!!!!! (Re: Ahmed musa)
|
وأنت بتسمي بحر الإخفاقات ده مجرد أخطاء يمكن التغاضي عنها؟
كل يوم فاتح ليك بوست بي مشكلة اجتماعية أو إنسانية وجاي تثبت فكرة إنها مجرد أخطاء؟
الخراب الوصل ليهو حال البلد ده وتقول أخطاء؟ هسه بالله العايشين فيها دي عاصمة؟ والله أنا خجلت عديل من منظر الخرطوم
والناس عايشة بصورة طبيعية وكأنما الوضع عادي ومافي مشكلة.
بعدين كلامك عن إنو دي أفضل حكومة موجود في بوست من بوستاتك، أمشي فتشوا براك، بعدين هو أنت قلت بتحب أبوالعفين
عليك الله تاني لو بقيت كوز عديل كده ماش تفرق معاك شنو!!!!
| |
|
|
|
|
|
|
|
|
|
Re: لو في مسئول عنده اخلاق وشاف الصورة دي مفروض ينتحر ...!!!!! (Re: نادر)
|
| Quote: بعدين كلامك عن إنو دي أفضل حكومة موجود في بوست من بوستاتك، أمشي فتشوا براك |
يازول إنت طبيعي ...؟!!!!
انت جبت حاجة امشي افتشها أنا ..؟!!!
طيب افتش وين سعادتك ..؟!!
اها أنا زمان قلت حزب المؤتمر الوطني احسن حزب
وأحسن حزب دي قارنتها بأحزابكم الكرتوية الحالية دي
ده رأيي انا ...مفروض يكون رأي كيف طال عمرك ..؟!!!
وماحصل يوم قلت الحكومة دي احسن حكومة ولا أكعب حكومة
تعال نظّر لي وقول لي الحزب هو الحكومة ....عشان ناخد ليكشر في العلوم السياسية من فخامتكم ...
| |
|
|
|
|
|
|
|
|
|
Re: لو في مسئول عنده اخلاق وشاف الصورة دي مفروض ينتحر ...!!!!! (Re: Ahmed musa)
|
Quote: بعدين هو أنت قلت بتحب أبوالعفين
عليك الله تاني لو بقيت كوز عديل كده ماش تفرق معاك شنو!!!! |
أهااااا نسيت ...بالمناسب أعمل لي لستة بالمفروض أحبهم ومفروض اكرههم
ونفرض انو أنا بحب د.نافع ده بضرك في شنو ..؟؟؟
ونفرض إني بحب د.نافع ده بمنعني لو غلط اقول غلط ؟؟
يازول انت طائفي .؟؟
قصدي يعني من من ناس سيدي صاح ولو غلط ؟؟
ولا إنت زول غر الوعي ..؟!!!
ولا رمضان قام بيك ؟؟؟
قوووووووول بقيت كوز ده ممنوع ؟؟
هل ممسموح لينا بس بطريق واحد للحق ؟؟
| |
|
|
|
|
|
|
|
|
|
Re: لو في مسئول عنده اخلاق وشاف الصورة دي مفروض ينتحر ...!!!!! (Re: Ahmed musa)
|
قصيدة اكثر حزناً من صفحى اليل lSalih Abdelrahman Salih بالفيسبوك
ريس البلد وينو
لا بان ولا طله
لاجانا يتفقد
لا زارنا في الحله
لا شاف وقع كم بيت
لا جاب طحين لا زيت
+++
لا كفن الميتين
الماتو جوا السيل
لا جابلو طوريا
ساعدنا شد الحيل
وأصبحنا نص الليل
ما جانا منك زول
ولا طله منك زول
+++
فاطر في كافوري
وشعبك فطورو أنين
نايم وتتقلب
وشفع كتار صاحيين
متوسد الموكيت
وشعبك رقد في الطين..
| |
|
|
|
|
|
|
|
|
|
Re: لو في مسئول عنده اخلاق وشاف الصورة دي مفروض ينتحر ...!!!!! (Re: Ahmed musa)
|
الحكومة أعلنت خطتها العلاجية بالدعاء والتضرّع ود ماقلنا فيه شئ كل شئ بأمر الله
ومن ذلك ابتلائنا باولئك الرجال
الشئ التاني يشيلو من المواطنين قروش يعينو بيها مواطنين تانيين
السؤال : و في مواطن عنده قرش فايض ..؟!!!
وبرغم ذلك ودون تدخل الحكومة المواطنين قاطعين من جلدهم وشايلين بعض
بس الرجاء الحكومة تطلع نهائي من الجهد الشعبي ده عشان مايروح الجد الشعبي شمار في حوافز ...
المستغرب ليه هو ليه مجلس الوزراء ماقال نقتطع راتب شهر ولانصه ولا اسبوع ولا حتى يوم او ساعة للسيول
كأنما العقارب تتكاثر بجيوبهم المكتنزة بالنقد المحلي والاجنبي ...!!!
| |
|
|
|
|
|
|
|
|
|
Re: لو في مسئول عنده اخلاق وشاف الصورة دي مفروض ينتحر ...!!!!! (Re: Ahmed musa)
|
كتب المعتوه دينق
صورك دي مقارنة مع صور الأطفال القتلى بدارفور وجبال النوبة لا تساوي شئ.
يا معتوه موت الاطفال بل موت اى انسان فى دارفور أو فى الجنوب أو فى الكرياب والمرابيع أمر جلل
ويأسف له كل من لديه ضمير
ولا مجال للتفضيل أو المقارنة
الموت هو الموت وربنا يرحم كل موتى المسلمين
ياخى حل عن سمانا وبطل ترهاتك واحقادك الدفينة وعنصريتك البغيضة
الاستاذ احمد والجميع كل عام وانتم بخير
| |
|
|
|
|
|
|
|
|
|
Re: لو في مسئول عنده اخلاق وشاف الصورة دي مفروض ينتحر ...!!!!! (Re: حسن حماد محمد)
|
Quote: هذا ما كتبته الأخت رشا المهدي قبل قليل:
Rasha ElMahdi والله العظيم بتاع الامجاد الوصلنا الليله قال جاي هسي من شرق النيل الناس قاعده في الظلط جعانين وعطشانين ليهم يومين زول جاهم مافي الا مصريين جو بي عربات وزعوا سنتدوتشات وناس تاني جابو ليهم اكل!!! والطامه الكبري مرقوا جثث طفلين ميتين وهم ماسكين بعض!! والله مسخ علي الدنيا!! حسبي الله ونعم الوكيل فيهم |
منقول من الفيس ..........
| |
|
|
|
|
|
|
|
|
|
Re: لو في مسئول عنده اخلاق وشاف الصورة دي مفروض ينتحر ...!!!!! (Re: Balla Musa)
|
Quote: المهم فى الأمر ماذا فعل عمر 88 وعمر 2013 للمتضررين؟
النتيجة التعادل السلبى |
اخوي الغالي بلة موسى المواطن داير يحس المسئول جنبه
موش دايما المسئول (فوق) حت لحظة الكوارث
بعدين الطيارة مابتنزل ينزلوا في اقرب مكان ويركبو عربات كبيرة
صدقني اهنلنا ديل طيبين وحركة زي دي كانت حتكون رصيد ايجابي للحكومة
الكاشات دي م قناعانين من تالاها بس دايرين المؤازرة
| |
|
|
|
|
|
|
| |
Ahmed musa
طه جعفر
كمال سالم
عبدالعزيز عثمان
الهادي ابوبكر
Adam Omer
مهدي صلاح
محمد محمود محمد
منتصر عبد الباسط
سفيان بشير نابرى
ibrahim alnimma
Deng
تبارك شيخ الدين جبريل
حسن حماد محمد
عماد شمت
Balla Musa
فيس بوك
تويتر
انستقرام
يوتيوب
بنتيريست