|
Re: جمع تبرعات لعون الاسر المتضرره من السيول والامطار (Re: saidahmed shami)
|
فى الزياره الاستكشافيه لمنطقه العزبه فى دار السلام امبده لتحديد الاحتياجات قومنا بتوزيع اكياس تحوى على سندوتش وعصير وبسكويت لعدد لا بأس به بحمدالله وفضله ,,, وعلى حسب ما رأيت وجدت ان اضرار الفقر تفوق اضرار الامطار لهؤلاء المحتاجين , كان الله فى عونهم ,, بشكر شباب رابطة حلتنا احلى لجهودهم فى تجهيز وتوزيع الاكياس
| |
|
|
|
|
|
|
Re: ** حملة سودانيز أون لاين للمنكوبيين من أهلنا فى السودان بسبب الامط (Re: رانيه محمد الشيخ)
|
قومنا اليوم بفضل الله وحمده شراء 82 مشمع وتوزيعهم لاسر المتضرره من الامطار والسيل فى منطقة العتيد شرق النيل نسئل الله سبحانه وتعالى ان يفرج كربتهم ويستر حالهم ويجازى المتبرعين خير وفى ميزان حسناتهم ان شاء الله ايضا قومنا بتوزيع بسكويت مقدم من سوبر ماركت فى المهندسين ربنا يجازى خير تبرع عينى لاسر المنكوبه واطفالها وشكر خاص لاستاذ خالد مدير منظمة البر والتواصل لعونه بكل المقاييس فى الشراء والترحيل والتوزيع
| |
|
|
|
|
|
|
Re: ,, (Re: رانيه محمد الشيخ)
|
نص رساله وصلتنى صباح اليوم اختى الكريمه رانيه السلام عليكم ورحمة الله وبركاته وكل عام وانتم بخير, اختى الكريمه شدنى واذهلنى ما شاهدته من ضرر لاخوانى فى السودان وانا مواطن سعودى محب لسودان واهله ومستاء من مأسى حصلت لاخوانى السودانيين ويشرفنى ان أساهم معكم فى تخفيف مصاب اخواننا واهلنا والوقوف بجانبهم فى هذا المصاب وعن طريقكم شخصيا فأمل إرشادى بالطريقه لايصال دعمى لجهودكم المباركه وتقبلى جزيل شكرى وتقديرى أخوكم ,,,,,,,,, مكه المكرمه
| |
|
|
|
|
|
|
Re: ,, (Re: رانيه محمد الشيخ)
|
لتجنب التركيز على مناطق منكوبه معينه قومت بالتواصل مع زميل لى فى صدقات لمعرفة الاماكن الما تم تغطيتها وكتر خيره دلنا وايضا قومنا بالاتصال على نفير ومازلنا فى انتظار الرد ,.,., وجاءنا شخص من الكرياب قال كمية المشمعات الوصلت ليهم ما غطيت كل المحتاجين ومحتاجين لمزيد وان شاء الله بنحاول ايضا نوفر ليهم المستطاع
| |
|
|
|
|
|
|
Re: ,, (Re: رانيه محمد الشيخ)
|
ناس نفير ردوا علينا وكتر خيرهم وضحوا لينا الوضع وقالوا فعلا ناس الكرياب تعبانيين شديد وكميتهم كبيره وما غطوهم كلهم ونصحونا نودى مشمعات واكل جاهز ما بيحتاج نار لان الحاجات البيودوها وبتحتاج تجهيز مع وضعهم صعب
,,,
وبعدها رجعوا لينا باتصال لتوضيح ان حاليا فى دفاريين حيتجهوا لكرايب وان شاء الله يحاولوا يغطوا باقى الناس وربنا يجازيهم خير ,,, حنكون نحنا على تواصل مع زول الكرياب بحيث لو ليسه فى اسر محتاجه نمشى نغطيها ان شاء الله ونصحونا ناس نفير ان الفتح مازالت فى حوجه ممكن نوجه مسيرتنا ليها
,.,
ايضا لمن وضحنا لناس نفير ان فى اسر فى مايو والنصر محتاجين اخدوا منا تليفون الشخص الاتواصل معانا لمساعده ايضا
| |
|
|
|
|
|
|
Re: ,, (Re: رانيه محمد الشيخ)
|
التكاتف فى عمل الخير هو الحل الامثل لعون اكبر قدر من المحتاجين ,,,, لنرتقى جميعا يجب ان نمد يد العون لبعض
| |
|
|
|
|
|
|
Re: ,, (Re: ibrahim fadlalla)
|
Quote:
ما تتفــرّج .. بيك بتفـــرج . ................................................... ما تتفرّج بيك بتفرج أبسط حاجه ما تتحرّج فك الزنقه الناس محتاجه شد الساعد بيك بتفرج ما تتفرّج. ساعد ساعـد خوفهم باعـــد زيد الهمـــــــه و شد الساعد لمن تفـرّج ما تتفـــرّج ....................................................... مننا ديل و منك ديل ناس أخوان و ناس حبان ليهم بنسيبهم جوه السيل؟ ناس لا بيت لا ضل لا قوت أيه باقيلهم غير الموت؟ ....................................................... ما تستني وزير و حكومه زيد و عبيد و أبجاكومه ديل في وادي و نحن في وادي نغرق نحن ؟ مشهد عادي و هم ؟ فاضين لي حجج الرادي ناس غرقانه و ناس ملخومه نحن برانا بنبقي ضرانا للمحتاج البيتو إتهدّم للغرقان بي همو مردّم و طاعن السن العجز و قدّم لما بسيطتك تبقي كتيرتو داك الوقت الوطن يتقدّم لما إنسانو يبقي زخيرتو ما تتربّع و ما تتندّم ما تتفرّج بيك بتفرج أبسط حاجه ما تتحرّج فك الزنقه في ناس محتاجه شد الساعد بيك بتفرج ما تتفرّج. ...................................................... . فاروق أبوحوه |
| |
|
|
|
|
|
|
Re: ,, (Re: رانيه محمد الشيخ)
|
تم دفع 540 جنيه لشراء شولات فارغه تم ارسالها لمنطقة دلوت لعمل ترس يحميهم من السيل
,,,, وتم شراء 200 مشمع ب10,000 جنيه
وزع منها 109 مشمع فى منطقة الكرياب جنوب شرق النيل
و20 فى منطقة عيد بابكر جنوب فى شرق النيل
و71 مشمع تم مدها لمكتب نفير فى امدرمان لسد حوجه قافله متجه لفتح فى امدرمان ,,,,
| |
|
|
|
|
|
|
Re: ,, (Re: رانيه محمد الشيخ)
|
بما ان ما تم اعاقة اى قوافل كنت متابعه اخبارها لمناطق المتضرره وتمت شغلها بطريقتها المعتاده الحمدلله حنواصل الشغل بعون ربنا سبحانه وتعالى حاليا لدينا مبلغ وقدره نقدا من التبرعات 9,249 جنيه وان شاء الله حوضح فى الايام الجايه الشغل التم بها بإذن الله
| |
|
|
|
|
|
|
Re: ,, (Re: رانيه محمد الشيخ)
|
اختنا العزيزة رانية تحية طيبة لك ولكل المتداخلين والقراء
لدي منزل تحت التشييد في حى النصر مربع 25 مع آخر محطة للحافلات تم سقف الطابق الأرضي واوصلنا له الموية يمكن ان يكون ملجأ لأحدى الأسر المتضررة حتى يقضى الله لهم أمرا كان مفعولا وهاتفي في البروفايل
| |
|
|
|
|
|
|
Re: ,, (Re: MOHAMMED ELSHEIKH)
|
اخى محمد جزاك الله خير على هذه البادره الراااااااااااائعه وربنا يجعلها فى ميزان حسناتك وان شاء الله بتواصل معاك فى البرايفيت لتوضيح المزيد فى الموضوع
| |
|
|
|
|
|
|
Re: ,, (Re: رانيه محمد الشيخ)
|
وصلتنا منذ قليل بلاغات من اسر فى الفتح امدرمان انهم مازالوا بحتمى بصوانى الاكل من الامطار وان اغلب الدعم بيتوزع من شارع الزلط فما بيصلهم لان بيوتهم فى الداخل لصراحه انا شخصيا لمن مشيت كان فى نيتى ادخل جوا لكن الحصل فى شارع الزلط خلانا نقوم جاريين يبقى كيف كنا حنقدر ندخل
حاليا بنحاول نشوف طرق امانه للوصول اليهم ان شاء الله
,,,,,
ايضا سوف نتجه الى منطقة حمداب فى امدرمان بإذن الله لعدم وصول الاغاثات ليها ولانها فى حوجه شديده للعون بعد زيارة زول من طرفنا لها
| |
|
|
|
|
|
|
Re: ,, (Re: رانيه محمد الشيخ)
|
وصل مبلغ التبرعات المستلم بفضل الله وعونه من فاعلين الخير ربنا يجازيهم كل خير 14,352 جنيه وتقرر شراء الاحتياجات المدرسيه من زى مدرسى وشنطه ودفاتر لاطفال المتضررين فى السيول فى شرق النيل بعد عمليات فرز وحصر وتحديد لهذه الاسر والاطفال وجارى حاليا تنفيذ العمل من شراء الاحتياجات لتوزيعه فى الايام القادمه بإذن الله
| |
|
|
|
|
|
|
Re: ,, (Re: رانيه محمد الشيخ)
|
تبقى مبلغ بعد شراء الاحتياجات المدرسيه والمشمعات 942 جنيه دفع منها 900 مصاريف دراسيه لطالب يتيم ومتبقى فى حوزتنا 42 جنيه
| |
|
|
|
|
|
|
|