|
يحدث الأن في سودانستان ... الجزء التاني !
|
مرة أخرى، سودانستان دولة متخيلة، لا وجود لها إلا في الخيال المريض لكاتب هذه السطور !! كاتب هذه السطور غير مسؤل عن أي تشابه في شخوص أو أحداث أي من هذه القصص و الحكاوي !!
|
|
|
|
|
|
|
|
Re: يحدث الأن في سودانستان ... الجزء التاني ! (Re: أمين محمد سليمان)
|
الرئيس السودانستاني دعى لاجتماع عاجل لمناقشة أمر الأمطار التي إجتاحت البلاد الأيام الفائتة. الاجتماع الذي دُعِي له على عجل، ضم كل الوزراء و والي الخرطوم و بعض رجال الأعمال الكوزستانين. الرئيس ابتدر الحديث قائلا : - يا اخوانا براكم شفتو الموية عملت شنو، البلد غرقانة و الحياة واقفة... عايزين نشوف لينا حل للقصة دي قبل ما تجيب ليها مطرة تانية و البلد تبقى زي حوض الجامعة !! بدا الرئيس جادا و منفعلا، و بعد فترة صمت لم تطل، وجه سوأله لنائبه الأول : - إنت يا علي القصة دي مسؤلية منو ؟ قبل أن يرد النائب الأول، جاء الرد من وزير الدفاع : - مسؤلية ربنا سبحانة و تعالى، الابتلاءات دي ... قاطعة الرئيس بصورة حاسمة : - ياخي ما ممكن المطر يكون إبتلاءت... بعدين... ده شنو اللابسو ده يا عبدالرحيم ؟!! - دي فنيلة برشلونة !! - و ليه جايي الاجتماع بفنيلة برشلونة ؟! - والله يا ريس أنا كنت في البيت بتفرج في المسلسلة لمن الجماعة ضربو و قالو لي إجتماع عاجل، غيرت الشورت لكن ما لحقت أغير .... الرئيس مقاطعا : - خلاص ... خلاص يا عبدالرحيم ... ما عندنا وقت للكلام ده ... السؤال ذاتو ما كان ليك ... إلتفت الرئيس لنائبه الأول و أعاد السؤال مرة أخرى : - يا علي القصة دي مسؤلية منو ؟ - والله يا ريس لو بتتكلم عن تصريف موية الأمطار ، مفروض تكون مسؤلية الوالي .
| |
|
|
|
|
|
|
Re: يحدث الأن في سودانستان ... الجزء التاني ! (Re: محمد المسلمي)
|
مباشرة إلتفت الرئيس للوالي : - يا عبدالرحمن... الموية دي ما إتصرفت ليه ؟ - والله يا ريس عملنا لينا كم خور كده، لكن القروش ما كفت !! - و ليه ما طلبتو من المالية ؟ - طلبنا .... لكن قالو ما عندهم كاش لحدي ما يفكو من شهامة !! - شهامة شنو ياخي ؟! - والله يا ريس ما عندي فكرة، أسأل وزير المالية !!
| |
|
|
|
|
|
|
Re: يحدث الأن في سودانستان ... الجزء التاني ! (Re: أمين محمد سليمان)
|
الرئيس بضيق موجها السؤال لوزير المالية : - يا علي، شهامة دي شنو ؟ - دي سندات بتصدرها وزارة المالية و بتبيعها للمواطنين... بتخش بيها في مشاريع ... و تقريبا المواطنين بربحو قريب ال 50%, لكنهم في الحقيقة بخسرو قريب ال 50% لانو الدولار بكون طلع 100% !! - و دي علاقتها شنو بقروش ولاية الخرطوم ؟ - الوالي لمن جاء طلب قروش، ما كان عندنا كاش... لانو الكاش الكان عندنا في الوزارة جت اشترينا بيه شهامة !!
| |
|
|
|
|
|
|
Re: يحدث الأن في سودانستان ... الجزء التاني ! (Re: أمين محمد سليمان)
|
النائب الأول هامسا في أذن الرئيس : - أنا شايف انك تنسى قصة الحصل شنو و السبب شنو ... الناس دي ما بطلع منها بحق ولا باطل ... من هنا لقدام ركز على نعمل شنو !! إقتراح النائب الأول لقي صدىً طيباً عند الرئيس، إعتدل في جلسته و وجه حديثه للجميع : - كدي يا اخوانا خلونا من الحصل شنو ... هسي نحن عندنا موية مالية الشوارع و الميادين لازم نشوف ليها حل قبل ما البلد تغرق ... العندو إقتراح يدينا ليه بالله !!
| |
|
|
|
|
|
|
Re: يحدث الأن في سودانستان ... الجزء التاني ! (Re: أمين محمد سليمان)
|
وزير السياحة كان أول من ابتدر الحديث بعد أخذ الاذن من الرئيس : - بسم الله و الحمد لله و الصلاة و السلام على رسول الله، أما بعد ... الرئيس مقاطعا : - يا هد عندك إقتراح للمصيبة دي و لا داير تخطب فينا ؟! الوزير مبتسما : - عندي إقتراح يا ريس و هو إنو نخلي الموية في الشوارع زي ما ياها و نستورد مراكب صغيرة كده زي بتاعت المدينة الفي إيطاليا ديك ... اسمها شنو هي ؟ وزير الخارجية مجيبا : - اسمها البندقية ... فينيس ... و بالايطالي فينيزيا !! الرئيس و على محياه إبتسامة خبيثة : - عارفنك بتمشي إيطاليا يا كرتي و عارفين البوديك !! ثم إنفجر ضاحكا !! وزير الطاقة إستغل جو المرح الذي خلقته ضحكة الرئيس، فقال ضاحكا : - والله يا ريس لو بايدنا كان قفلنا البلف، لكن البتاعة دي بلفها ما عندنا !!
| |
|
|
|
|
|
|
Re: يحدث الأن في سودانستان ... الجزء التاني ! (Re: أمين محمد سليمان)
|
يا اخوانا لو في إقتراحات جادة شوية ... يا أسامة .... مافي سكة سدود نخزن بيها الموية دي ؟!! - والله يا ريس في كم موقع ممكن نعمل فيهم سدود، المشكلة إنو المواقع دي في امدرمان و بحري و الحتات دي ناسها بتاعين شوشرة نحن في غنى عنها ... الرئيس مقاطعا : - أبعدنا بالله من شوشرة ناس امدرمان و بحري دي.... كدي شوف لو في امكانية سدود في الرياض و المنشية و المحلات الناسها رايقة شوية . الوزير هز رأسه موافقا .
| |
|
|
|
|
|
|
Re: يحدث الأن في سودانستان ... الجزء التاني ! (Re: أمين محمد سليمان)
|
في آخر القاعة جلس بعض رجال الأعمال الذين تم اختيارهم لحضور الاجتماع، الرئيس موجها الحديث اليهم : - اخوانا رجال الأعمال ما عندهم اقتراحات ؟! جمال ... عبدالباسط ... مافي زول عندو شي ؟! احدهم رفع يده لاخذ الاذن بالحديث، كان في العقد الرابع من العمر و به كل الأعراض الكيزانستانية المعروفة : - يا ريس أنا عندي إقتراح ممكن يحل مشكلة الامطار و تصريف مويتها و يدخل قروش للمحليات ... - جميل ... بس قبل ما تورينا اقتراحك ورينا اسمك و نبذة سريعة عنك بالله .. - إسمي خالد تمساح و أنا رئيس الغرف التجارية و الصناعية و مسؤل التبرعات بحزب المؤتمر الوطني... - ما شاء الله ... ما شاء الله يا تمساح... اها بتقترح شنو لحل مشكلة تصريف موية الأمطار الابت تتحل دي ؟!! - والله يا ريس أنا بقترح اننا نخلي المواطنين يحفرو الخيران دي براهم !!!! يعني كل زول يحفر قدام بيتهم، الما عايز يحفر يدفع للولاية تحفر ليه ! الرئيس متسآئلا : - طيب أفرض نسبة كبيرة من السكان قالو عايزين الولاية تحفر ليهم، الولاية تجيب ناس من وين للحفر ده كلو ؟! - نعمل عطاء في كل منطقة، الشركة البتقع ليها العطاء مسؤلة من إستجلاب العمالة و ممكن نستورد عمالة رخيصة من بره . ثم أردف قائلا : - بعد الأنفصال و توقف تصدير النفط، مداخيل الحزب و ناسو شحت بصورة شديدة جدا و في تذمر شديد على كل المستويات، دي فرصة كويسة نديهم العطاءات دي منها ينعنشو شوية و منها نحل مشكلة التصريف !!!
| |
|
|
|
|
|
|
Re: يحدث الأن في سودانستان ... الجزء التاني ! (Re: أمين محمد سليمان)
|
لم يعلق الرئيس على إقتراح رجل الأعمال، فكرر السؤال مرة أخرى : يا اخوانا لو في إقتراحات جادة شوية ... نسمع !! قالها و بصدفة بحتة كان ينظر في إتجاة وزير الدفاع الذي ظن أن الرئيس يخاطبه، فقال : - والله يا ريس ... ما عارف انتو مركزين على قصة التصريف دي ليه ؟!! أنا شايف إنو المطرة في الشوارع دي فيها فايدة كبيرة خلاص مافي زول جايب ليها خبر !! - كيف الكلام ده يا عبدالرحيم ؟!! - يا ريس ... نحن مستهدفين، و ناس الجبهة الثورية خططهم كلها قايمة على انهم في الآخر يخشو العاصمة ... صاح ؟! - صاح !!! - لو بنينا خندق كبير داير ما يدور حول العاصمة، و قدرنا نوجه ليهو موية المطرة ... بنكون حمينا العاصمة من أي إجتياح بري محتمل !! سادت فترة قصيرة من الصمت قبل أن تعلو أصوات التكبير إستحسانا لاقتراح الوزير ، و بدا وجه الرئيس متهللا عندما وجه حديثه لوزير دفاعه مثنيا على اقتراحه : - يا سلام عليك يا عبدالرحيم و على أفكارك النيرة، بتجيب الأفكار دي من وين ؟!! عبدالرحيم بدا وجهه هو الاخر متهللا، حيث لم يتوقع الصدى الطيب الذي لقيه اقتراحه التعيس، فرد على الرئيس بحماس بالغ : - فكرتي دي يا ريس استراتيجية دفاعية معروفة اسمها ( الدفاع بالمطر ) !!
| |
|
|
|
|
|
|
Re: يحدث الأن في سودانستان ... الجزء التاني ! (Re: عاطف عمر)
|
Quote: وزير الخارجية مجيبا : - اسمها البندقية ... فينيس ... و بالايطالي فينيزيا !! الرئيس و على محياه إبتسامة خبيثة : - عارفنك بتمشي إيطاليا يا كرتي و عارفين البوديك !! ثم إنفجر ضاحكا !! |
لا أستملح مثل هذه الإشارات؛ ولكن وبما إنها صادرة من الرئيس شخصياً .. فلا غضاضة في أن استملحها هذه المرة.
| |
|
|
|
|
|
|
Re: يحدث الأن في سودانستان ... الجزء التاني ! (Re: tmbis)
|
سلام أمين محمد سليمان رمضان كريم وتقبل ألله صيامك وقيامك.
Quote: بعدين... ده شنو اللابسو ده يا عبدالرحيم ؟!! - دي فنيلة برشلونة !! - و ليه جايي الاجتماع بفنيلة برشلونة ؟! - والله يا ريس أنا كنت في البيت بتفرج في المسلسلة لمن الجماعة ضربو و قالو لي إجتماع عاجل، غيرت الشورت لكن ما لحقت أغير .... |
يا أخي دا أوسكار عديل كدا والتحية للأخ محمد المعتصم ابوبكر صاحب الصورة ربنا يديكم العافية مودتي
| |
|
|
|
|
|
|
Re: يحدث الأن في سودانستان ... الجزء التاني ! (Re: محمد نور عودو)
|
Quote: أوسكار يا عمنا
أضحك الله سنك ياخي أنا فقعت حتة ضحكة حتى كدت أن أصنف بين الموظفين مجنوناً |
دي اسمها شر البلية ما يضحك يا عاطف .. ياخي والله الحاصل ده تخطى حد المعقول و الغير معقول في إستوساخ الحكومة للناس ! جزء بسيط من عائدات البترول كان يكفي لبناء بنى تحتية و صيانة الجزء المبني خاصة إنو مشاكل السيول و الأمطار معروفة و لا تخفى على أحد . الصور الشفتها هنا و في الفيسبوك عن معاناة الناس جراء ما يحدث و عن لا مبالاة الحكومة زادت لي قناعتي إنو العيب فينا طالما ساكتين و قبلانين بالوضع ده !!
| |
|
|
|
|
|
|
Re: يحدث الأن في سودانستان ... الجزء التاني ! (Re: أمين محمد سليمان)
|
Quote: يا أخي دا أوسكار عديل كدا والتحية للأخ محمد المعتصم ابوبكر صاحب الصورة ربنا يديكم العافية |
و عليكم السلام و رحمة الله يا عودو و تقبل الله منا جميعا صالح الأعمال .... الأوسكار حقيقة بستاهلو الجماعة ديل و اللي بدون الحد الأدني لاي معرفة حاكمين البلد دي ليهم 24 سنة !!!
| |
|
|
|
|
|
|
Re: يحدث الأن في سودانستان ... الجزء التاني ! (Re: زياد جعفر عبدالله)
|
Quote: امين يا امين بوست كل المواسم .. فترنا ياخي من الكوميديا ، لمن بوش خسر الانتخابات الامريكية جون ستيوارت قال it's the end of comedy الغريبة الدراميين عندنا ما جايبين خبر للمولد ده
رمضان كريم |
الله اكرم يا عبدالله و شكرا على المؤازرة ... ناس جون ستيوارد و الكوميديانز الامريكان كانو بضحكو في سطحية عمك بوش و تصرفاتو ال unpresidential، نحن مشاكلنا داخلة في عضم الناس ذاتهم !!
| |
|
|
|
|
|
|
Re: يحدث الأن في سودانستان ... الجزء التاني ! (Re: أمين محمد سليمان)
|
Quote: مافي لوم على الناس الحاكمة، اللوم علينا المربعين يدينا نتفرج على الحاصل |
مرات الواحد بقول أي زول ياكل نارو يا أمين ! في ناس كتيرة يا أمين داخل وخارج السودان دفعت الكثير (ما ربعت يدينها) ... والاغلبية مربعة يدينها يا امين ... عشان نكون منصفين والحقيقة التغيير والتنوير بقع على عاتق الاقلية دائما، كونو الاقلية بتعني النخبة المتعلمة والمثقفة كل الثورات والتغييرات الحصلت في التاريخ قادوها وفجروا اقلية من الناس (واعية) ومتحملة لمسئؤليتها التاريخية كونو اللوم بيقع على الناس المربعة يدينها (بس) ده برضو فيهو استهتار بقوة وجبروت الظالم، الشرارات الاشتعلت في السودان خلال موجة الربيع العربي كانت في نظري قوية جدا وكانت كافية لتشعل النار تحت اقدام الجبروت، الا انو عدم التنظيم والاستهتار بدهاء الحكومة عجل باطفاء النار بضعة مئات من الشباب هم من اشعلو المظاهرات في تلك الفترة، وكانت في طريقها للاشتعال اكثر وأكثر لولا نجاح الامن في (لمهم) ... لمهم من بيوتهم !!! والمربعين يدينهم برضوا كانوا موجودين (كأغلبية) !!!!
قوم لف زي هناي !!
| |
|
|
|
|
|
|
Re: يحدث الأن في سودانستان ... الجزء التاني ! (Re: أيمن محمود)
|
Quote: مرات الواحد بقول أي زول ياكل نارو يا أمين ! في ناس كتيرة يا أمين داخل وخارج السودان دفعت الكثير (ما ربعت يدينها) ... والاغلبية مربعة يدينها يا امين ... عشان نكون منصفين والحقيقة التغيير والتنوير بقع على عاتق الاقلية دائما، كونو الاقلية بتعني النخبة المتعلمة والمثقفة كل الثورات والتغييرات الحصلت في التاريخ قادوها وفجروا اقلية من الناس (واعية) ومتحملة لمسئؤليتها التاريخية كونو اللوم بيقع على الناس المربعة يدينها (بس) ده برضو فيهو استهتار بقوة وجبروت الظالم، الشرارات الاشتعلت في السودان خلال موجة الربيع العربي كانت في نظري قوية جدا وكانت كافية لتشعل النار تحت اقدام الجبروت، الا انو عدم التنظيم والاستهتار بدهاء الحكومة عجل باطفاء النار بضعة مئات من الشباب هم من اشعلو المظاهرات في تلك الفترة، وكانت في طريقها للاشتعال اكثر وأكثر لولا نجاح الامن في (لمهم) ... لمهم من بيوتهم !!! والمربعين يدينهم برضوا كانوا موجودين (كأغلبية) !!!!
قوم لف زي هناي !! |
سلام يا عم أيمن ... متفق معاك تماما في مجمل كلامك إنو في ناس كتيرة ناضلت - و ما زالت - لازالة هذا النظام، لكن كمان الغالبية الغالبة ( اللي أنا من ضمنهم ) ما عملت أي حاجة significant من شأنها ازاحة هذا النظام انما اكتفينا بالولولة عند الملمات !! واحدة من أكتر الأشياء المحيراني في الدنيا إنو كيف هذا النظام بدون أي سند شعبي و وسط أغلبية كاسحة معارضة (باحزابها و منظمات مجتمعها المدني و كل الفئات المؤثرة في المجتمع افرادا كانو أم جماعات ) حاكم لمدة 24 سنة.... بالطبع في أكتر من سبب، واحد منهم بالتأكيد عدم ترجمة الأغلبية الكاسحة معارضتها لعمل ملموس من شأنو يزيح هذا النظام. عدم قدرتنا على تنظيم نفسنا بصورة جيدة - أو ما جيدة ذاتو - واضح لكل ذي بصيرة ... و ده الأنا نعيتو علينا !! ----- هناي عميق ... بس انتو ناس حاقدة ساي !!
| |
|
|
|
|
|
|
|