|
Re: جو بتاع جووومة :) (Re: حسبو عكاشة)
|
صور غريبة يا حسبو
من ناحية كاتمة ... لكن يبدو انو فيه شمس من الناحية التانية
غايتو دي كان صبت .. يوقفا الله ساي
طمنونا عليكم .. وعلى باصات الوالي
| |
|
|
|
|
|
|
Re: جو بتاع جووومة :) (Re: osama fadlalla)
|
الجو دا خلّي بالك ماااا من النوع البغنو ليهو... مرقت على المطر حفيان لاقيتك والرذاذ مدخل... دا بس تفت فتة العدس دي وتلبت...غير كدا ح تترش ..ح تترش. عنيّ بحب الجو الكدا دا.....و..برضك ...بحب الدافوري بالليل. ـــــــ و..جووومة يعني شنو؟؟ صراحة إستغلقت عليّ ياربي يكون معناها .. جو "جواز" ؟
| |
|
|
|
|
|
|
Re: جو بتاع جووومة :) (Re: osama fadlalla)
|
يا اسامة الشغلة دي رااااشة من اول امبارح, بتعمل فاصل و تاني تواصل
Quote: طمنونا عليكم .. وعلى باصات الوالي |
ربنا يستر غايتو مع الخريف البفاجئ ناس المحليات كل سنة ده :) المشكلة مافي باصات الوالي , الكنتة في الناس تصل بص الوالي كيف !! شكلهم ح يعملوا عطاءات مراكب :) هاك دي صور امبارح الصباح حيث لا والي هناك :)
| |
|
|
|
|
|
|
Re: جو بتاع جووومة :) (Re: حسبو عكاشة)
|
أميرنا يا أميرنا ايوه ما بتاع رذاذ مدخل و مرقت حفيان, دي لو مرقت ليها حفيان بتتشطف عادي فاحسن زي ما قلت الواحد يلبد, و اهو لابدييين و الحمد لله
Quote: و..جووومة يعني شنو؟؟ صراحة إستغلقت عليّ |
زي ما بقولو الجماعة الجووومة يا عمك, المنجرية , العضة ... الخ
واحد من نفس الجماعة كان بتكلم عن موضوع مصر و انقلاب السيسي على مرسي قال: يا عمك الحفتيين في مصر شالو مرسي طلس سااااي :) تعال قول لي طلس يعني شنو !! هههههههههههه بعدين يا عمك جواز دي إلا رمضان الجاي :)
| |
|
|
|
|
|
|
|