|
|
|
 Re: عاجل قوات الجبهة الثورية ممثلة في حركة العدل والمساواة دخلت الدلنج (Re: خالد أحمد شطة)
|
وأفاد الناطق الرسمي للحركة العدل والمساواة / جبريل ادم بلال بأنهم اسروا 11 ضابط وجندي من القوات الحكومية من بينهم ضابط برتبة مقدم مسؤول الاستخبارات في اللواء 54 الدلنج .
وأضاف بأنهم ايضا استولوا على اربعة ناقلات وقود وسبعة سيارات لاند كروزر ذات الدفع الرباعي محملة بالأسلحة الخفيفة والمتوسطة والذخائر .
ولم تتمكن سودان تربيون من الاتصال بمكتب الناطق العسكري للجيش السوداني، إلا أن جبريل اضاف بان قواتهم تتعرض حتى لحظة كتابة هذا الخبر لقصف جوي من الجيش السوداني تستخدم فيه طائرات الميج والانتونوف.
وأكد جبريل ان هذا الهجوم يجيء في اطار خطط قوات الجبهة الثورية الرامية لأضعاف القوات الحكومية المتمركزة في الطريق إلى العاصمة السودانية .
وتقع الدَلَنْج في ولاية جنوب كردفان على بعد 498 كيلومتر ( 309 ميل ) جنوب الخرطوم ، وهي ثاني أكبر مدينة في ولاية جنوب كردفان وتتوسط منطقة جغرافية متنوعة الطبيعة تتميز بتلالها وتربتها الطينية والرملية التي جعلت منها منطقة زراعية مهمة.
هذه التدوينة كُتبت في التصنيف أخبار. أضف الرابط الدائم إلى المفضلة.
| |
 
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: ابو القاسم عبد الرحمن بشير)
|
Quote:
قوات الحركة تحتفل داخل الدلنج .
|
ول ابا ابو القاسم.. كده وسعتها شديييييييييييييييد يا عم..!!
اها ليه ما ذكرت خبر بقر اهلنا الفلاتة المساكين العايشين في ام علوان و تم نهبها بوساطة ناسكم قبل يومين تلاتة؟..
و بوابة حلايب دي وين بالضبط؟..
ناسك يا اخوي ظي كـــــلاب قعدت تتشاكل ليها في عضم.. و اهو براك شايف الحركة الشعبية بتقول نفذت العملية..و العدل و المساواة بتقول نفذت العملية.. بتقدر تشرح للشعب السوداني الخصام ده في شنو؟..
في تانكر جاز.. يعني كل النضال اصبح من اجل شوية جاز وقود..
سقوط الدلنج هل يعني سقوط النظام ولا ارهاب للمواطنين العزل؟..
كبر
| |
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: Kabar)
|
يا كبر رمضان كريم
كلامك قبل الافطار ما محسوب ...
قلت لي بقر فلاتة يا ؟؟؟؟
طيب ولدهم كبر ليه ما فتح بوست بموضوع دا ؟؟ ولا خجل
Quote: و اهو براك شايف الحركة الشعبية بتقول نفذت العملية..و العدل و المساواة بتقول نفذت العملية..
بتقدر تشرح للشعب السوداني الخصام ده في شنو؟.. |
كدا انت جيب لنا رابط واحد ناس الحركة الشعبية بقولوا نحنا قمنا بالعمل دا ،،، وما لو لو قالوا ما داموا شركاء في الجبهة الثورية
انت اتصل بناسك في الدلنج وقول لهم منوا الناس السجلوا الزيارة اليوم ؟؟؟؟؟
قال الله العزيز الناصر { إن تمسسكم حسنة تسؤهم وإن تصبكم سيئة يفرحوا بها}
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: Dr. Ahmed Amin)
|
Quote:
كدا انت جيب لنا رابط واحد ناس الحركة الشعبية بقولوا نحنا قمنا بالعمل دا ،
|
ادريس ياهو البيان بتاع الحركة الشعبية:
Quote:
مكتب الناطق الرسمى
التاريخ: 27/7/013
خسائر فادحة لقوات المؤتمر الوطنى على طريق الدلنج الدبيبات
تمكنت قوات الجبهة الثورية من الجيش الشعبى لتحرير السودان- شمال اليوم 27/7/2013من تدمير متحرك لقوات المؤتمر الوطنى فى الطريق بين الدلنج والدبيبات بولاية جنوب كردفان/جبال النوبة وكبدها خسائر فادحة فى الارواح والعتاد العسكرى فى معركة استمرت من الساعة 8:00 ص حتى ساعات غروب هذا اليوم كما تم تدمير وتشتيت ثلاثة متحركات اخرى مدعومة بقصف جوى للدعم اتحركت من الدلنج ، الدبيبات والفرشاى وما زالت قواتنا تطاردها
لقد خلفت قوات العدو عدد 6 قتيل و21 جريح، وتم اسر عدد 12 اسسير من بينهم 1- مقدم ركن أستخبارات/ياسر محمد عبدالله النمرة العسكرية 1100 2 لواء الدلنج–م أ/حماد محمد عبدالصمد نمرة العسكرية 231776 و استولى الجيش الشعبى على 3 تانكر وقود بحالة جيدة وتدمير واحد تنكر، 2 عربة اكمة جيب كورى محملة بالدوشكات، 4 لاندكروزر محملة بالدوشكات، واحد عربة مان محملة بدفع ثنائى 23 ومن جانبنا جرح واحد من المناضلين، سوف نوافيكم باسماء بقية الاسرى
أرنو نقوتلو لودى
الناطق الرسمى باسم الحركة الشعبية والجيش الشعبى
لتحرير السودان-شمال
|
اها يا شيخنا الجيش الشعبي لتحرير السودان -شمال ده منو؟ يعني ود خالة ادريس لقمة مثلا؟..
نعم حدثت العملية يا ادريس..و نقر بانها لم تستهدف المدنيين.. فالقتال كان بين جيشين..لكن حدث نهب الأبقار قبل يوم يومين..
و يبقى السؤال: هل سرقة ابقار البسطاء ضروري لتحرير السودان من حكم البطش بتاع عمر البشير؟..
هل سقوط الدلنج يعني سقوط النظام؟..
كلكم وكلاء حرب و مرتزقة تأتمر بأمر المأفون حسن عبد الله الترابي..و لو كنت تظنون ان هذا يسعى لإسقاط عمر البشير فانتم جهلاء..!!
اهم البيموتوا اهلك و اهلي في غرب السودان..يعني فاكر نفسك ح تسويها مملكة زغاوة و بعدين تجي توزع لينا الحواكير؟..وين يا عم و الله اسياد الشي ذاتا ان ما ركلوك بالجزمة القديمة مثلما فعلوا معك من قبل.. شنبي يقوم في الظلط..!
كبر
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: ابو القاسم عبد الرحمن بشير)
|
| Quote: وتقع الدَلَنْج في ولاية جنوب كردفان على بعد 498 كيلومتر ( 309 ميل ) جنوب الخرطوم |
الأخ أبو القاسم عبد الرحمن بشير. بعد السلام. رمضان كريم وتصوم وتفطر على خير.
أريد أن أصحح لك بعض المعلومات الجغرافية .. كلام الحرب ما عندنا فيهو معلومات عشان نفتي فيه.
1- الدلنج تقع في جنوب غرب الخرطوم وليس جنوب الخرطوم.
2- الدلنج تقع جنوب الأبيض بمسافة 140 كلم. والأبيض تقع غرب الخرطوم على بعد 610 كلم مما يعني أن الدلنج تقع جنوب غرب الخرطوم على بعد يفوق ال750 كلم (470 ميل). والله أعلم.
تحياتي.
كبـّاشي الصـّـافي
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: cantona_1)
|
ول أبا كبر،
رمضان كريم ..
| Quote: يعني فاكر نفسك ح تسويها مملكة زغاوة و بعدين تجي توزع لينا الحواكير؟ |
الناس ديل يا ول أبا كبر، خربوا شمال دارفور .. وفى الحقيقة تم طردهم منها سواء بالحكومة .. وبهذه الطريقة ناس كردفان ح يقبلوا عليهم، وهناك بتكون نهايتهم.
ول أبا .. أنت نسيت ولا شنو؟ قبل شهر كان هناك أشتباك كبير بين هؤلاء التورابورا وناس الحركة الشعبية .. أسفر عن مقتل عدد كبير بين الطرفين .. وتم نقل الحدث بواسطة الصحف .. وكان السبب هو من يتولى قيادة الجبهة الثورية .. هل هم التورابورا أم أبناء النوبة؟ .. وأناس أخرين قالوا أن سبب الخلاف هو تقسيم غنائم أب كرشولا .. التى ظل يهربها ناس التورابورا إلى دارفور ..
يبدو شهر العسل بينهم أنفض .. وهم مقدمون على تصفية بعضهم البعض ..
ما عرفت كيف يتخارجوا من المضب .. هل يذهبوا غرب الدلنج .. أم يرجعوا شرقاً من الضليمة ..؟ .. الناس ديل مرقوا فى منطقة سهلية .. مافيها أى شيئ .. وصقور الجو يكون أورتهم نجوم القايلة ..
بريمة
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: Sulaiman Adam)
|
Quote:
لن تتوقف الحرب الدمار الا بذهاب حكومة القتل في الخرطوم
|
و صدق من قال جلدا ما جلدك جر فيهو الشوك..
حكومة القتل قاعدة في الخرطوم يا خالد العبيد ، ليه ما دايرين تعملوا حرب و دمار فيها؟.. يا تري ليه؟ عشان فيها مقر سكرتير الحزب الشيوعي ؟.. و عشان فيها قبور السكرتيرين السابقين عشان كده هي مقدسة عندكم؟..
دي عنصرية يا خالد العبيد.. بالبا ب العديل.. عشان ما عندك اهل بتموت .. بتصر على استمرار الحرب..
كبر
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: Kabar)
|
حكومة القتل قاعدة في الخرطوم يا خالد العبيد ، ليه ما دايرين تعملوا حرب و دمار فيها؟.. يا تري ليه؟ عشان فيها مقر سكرتير الحزب الشيوعي ؟.. و عشان فيها قبور السكرتيرين السابقين عشان كده هي مقدسة عندكم؟..
دي عنصرية يا خالد العبيد.. بالبا ب العديل.. عشان ما عندك اهل بتموت .. بتصر على استمرار الحرب..
----------------------------------
مين القال ليك ؟
دارفور فيها حكومة قتل برئاسة الهارب من العدالة احمد هارون
ولسه بيواصل قتل وترويع اهلنا في دارفور
اعرف تماما انو قوى الشر والقمع ماعندها قبيلة
لكن انت وبطل الركوب كانتونا مفتكرين انكم مظاليم البشير الجعلي وعلي الشايقي
خلاص البراءة كاتلاكم يا اولاد غربنا الحبيب - العندي معاهم نسب درجة اولى
واجيك بالباب العديل
بالاسماء والبيانات الجبهة الاسلامية الحاكمة اتبنت على اكتاف ابناء دارفور .. قيادات وكوادر وجماهير !
عايز اسماء .. ؟!
كوادر جهاز الامن معظم افرادها من ابناء دارفور
عايز اسماء ؟ اسأل فكي اسحقو
انا شخصيا اتعذبت على يد اكثر من عشرة من ابناء دارفور
بعدين ايه قصة ما عندك اهل بتموت ؟
بتعرف ايه عن اهلي وفي اي منطقة يعيشون ؟
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: Kabar)
|
كتب خالد العبيد:
Quote:
واجيك بالباب العديل
بالاسماء والبيانات الجبهة الاسلامية الحاكمة اتبنت على اكتاف ابناء دارفور .. قيادات وكوادر وجماهير !
عايز اسماء .. ؟!
كوادر جهاز الامن معظم افرادها من ابناء دارفور
عايز اسماء ؟ اسأل فكي اسحقو
انا شخصيا اتعذبت على يد اكثر من عشرة من ابناء دارفور
بعدين ايه قصة ما عندك اهل بتموت ؟
بتعرف ايه عن اهلي وفي اي منطقة يعيشون ؟
|
يبدو ان الزميل مصاب بزهايمر الخلط في الأمور..و صدق قولنا فيه بان الزملاء مستعدين يسمعوا ليك جمهوريات الإتحاد السوفيتي من الألف الى الياء..ولمن يبقى الأمر عن السودان الواحد يتعثر.. اولا يا زميل.. البوست عن مدينة الدلنج..و هذه مدينة في جنوب كردفان/جبال النوبة..و لو دي بقت من دارفور.. يبقى قول لينا عووك..ولا انت عندك أي حاجة غرب بحر ابيض هي دارفور؟..
جيب الأسماء يا خالد العبيد.. وورينا بالتحديد منو منهم من منطقة الدلنج عشان نمشي نحلق ليهو من غير موية..!
نعم الجبهة الإسلامية انبنت على اكتاف بعض من اهل دارفور..و دارفور ما عندها علاقة بالدلنج يا زميل..و القيادة و الكوادر و الجماهير من دارفور مش من الدلنج..و الدلنج يكفيها شرف انو في يوم من الأيام الترابي حاول يجيها زيارة و يعمل فيها ندوة..و مرقنو كرعينو..الدلنج يا خالد العبيد هي المدينة السودانية الوحيدة التي لم يمر بها الترابي مبشرا..و ده مش مهم..
المهم يا زميل.. الجبهة الإسلامية الطلعت عينك في بداية التسعينات مفتولة من دقن حسن عبد الله الترابي نفاقا..و القيادات النفذت العملية اليوم في الدلنج مارقة من دقن الترابي..فكيف يبلغ الأمر بحدوث هذا التحالف المدهش بين مراكسة الحزب الشيوعي السوداني و الترابي؟..منو فيكم المنافق القاعد يكذب على الشعب السوداني؟..و انت شخصيا يا خالد العبيد وكتين عندك القدرة تصفق لمثل هذا العمل المجرم..ما بتقدر تجي تخم الناس و تتباكي على الجبهة الإسلامية التي انبنت على اكتاف اهل دارفور.. لأنك بتكون منشطر اخلاقيا..
كون كودار الأمن كلها من دارفور.. هل ده مبرر يتعذبوا ناس الدلنج يا زميل بحروب الأممين السودانيين العبثية؟..و كونك انتا شخصيا اتعذبت على يد عشرة من ناس دارفور فهل ده مبرر بانك تعذب ناس الدلنج بالحروب العبثية؟.. هنا الوعي خانك يا خالد العبيد..لأنك بتمارس في اسقاط نفسي بانهم كلهم غرابة زي بعض..و هم ليسوا كذلك..
و اتحداك يا زميل قدام هذا الملأ ..جيب اسماء الناس العذبوك..لو طلع منهم واحد من الدلنج ليك علي اعتذار و ملاحقة من قام بتعذيبك.. !
لا اعرف عن اهلك..لكن كن شجاعا وورينا عايشين وين في السودان و علاقتهم شنو بالحرب..و عندكم كم مقاتل في الجبهة الثورية عشان نقول ليهو امشي سوي الحرب في حلتكم أو فريقكم..!!
كتب خالد العبيد:
Quote:
الخرطوم بتركيبتها السكانية الحالية لي علمك .. نصفهم او معظمهم في وقتنا الحالي من ابناء دارفور وكردفان
بعد ان اجبرتهم الحرب ومن قبل الجفاف على النزوح الى عاصمة بلادهم
|
و من اخترع الحرب يا زميل؟.. مش ياهو اخترعتها التحالفات الفارغة (الترابي/عرمان) و البشير/الترابي و غيرهم؟..
يعني نفهم من كده انو الزميل ناوي يرجع لفقه الكشة بتا ع اب عاج ولا شنو معنى العبارة؟..
يا زميل ، قولنا بنقل الحرب الى الخرطوم.. لأن تغير النظام لا يتم الإ بالحراك في الخرطوم سواءا كان حراك مدني أو حراك ثوري مسلح..ولا يهم ان شاء الله الخرطوم تكون عن بكرة ابيها مواطنين من دارفور او من كردفان.. لأن الحراك في الخرطوم حراك محدود الأثر في مدينة واحدة و فعال في نتائجه.. الكيزان لمن استلموا السلطة لم يتحركوا من الأطراف و انما من داخل الخرطوم..و ناس نميري بنفس الطريقة و ناس عبود بنفس الطريقة..و الإنتفاضة 1985 كانت بنفس الطريقة.. هل حصل واحد جا ملاكم فقر و قال ليكم اذيتو اهلنا البسطاء في الأقاليم؟..
ادوات التغيير الحالية ، خصوصا اداة العمل المسلح اضرت باقاليم كثيرة ..و الحرب زمنها طال و الخسران مستمر..و انتو يا قريبي ما عندكم رؤية استراتيجية لعلاج المظالم المستمرة.. كان التهميش موجود و حروبكم رفعت نسبة التهميش من خمسين في المأئة الى مأئة في المأئة..و ما عندكم رؤية لمعالجة هذه الأمور.. في نفس الوقت ما عندكم القدرة على قيادة تعبئة جماهيرية تكون بكل شفافية توضح للمواطن ماذا سيجد مقابل التضحيات الجسيمة التي يقدمها في سبيل مشروع التغيير.. ما عندكم قدرة تقنعوا مواطنين السودان كلهم ان هناك حرب مستمرة و هي حرب من اجل الغيير الجذري ولازم كل الناس تشارك في هذا الأمر.. كل العندكم انكم تقتلوا الناس البسطاء.. تدمروا مقدراتهم و تسومونهم العذاب و تمارسون عليهم القمع ان قال بعضهم البغلة في الإبريق..!!
اذا كان البشير لعب على وتر العنصرية عبر احياء القبلية و الإثنية و العاطفة الدينية.. فالجبهة الثورية تعمل بنفس الوتيرة.. احيت القبلية و الإثنية ياهو دونك الأمر.. بعض من المستنوبين في هذا المنبر.. تقول ليهو نرفض تقتيل اهلنا في الأقاليم..و المسكين شغال نعرة افريقانية و بطيخ..يعني يا زميل مشروع الجبهة الثورية يقوم على عنصرية مضادة..و هذا مشروع ما بيقدر يحل مشاكل السودان لأنو حبيس لرؤية ضيقة و احادية لا تقل عن رؤية الجبهة الإسلامية الإقصائية..و لو اليسار السوداني فاكر انو بعد انتصار الثورة ح يقدر يضبط عسكرو.. فهذا يسار بره التأريخ.. عايش في افق مخملي للغاية.. الواقع قاسي يا خالد العبيد و داير مباصرة صادقة.. اما حكاية الإعتماد على العاطفة و التصفيق المجاني للحرب.. فهذا لا يجدي..لايجدي..!
كبر
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: خالد العبيد)
|
إلى شيوعي أستراليا بلد الإمبريالية .. إلى الذي فقد البوصلة الشيوعية بعد زوال الشيوعية على يد من رضع من ثديها الحليب بالشهد وأعني الرفيق الهالك يوما ما بقدرة الله قورباتشوف. تدعي الثورية وتعيش في بلاد الإمبريالية! لماذا لا تهاجر لكوبا أو كوريا الشمالية؟
هل صحيح أنت معلم سابق؟ إن كان الأمر كذلك فقد إنطبقت عليك مقولة الزميلة فاطمة أحمد إبراهيم – عضو الجمعية التاسيسية بعد ثورة أكتوبر 1964. عن المعلمين العام 1967 عند إضراب معلمي الثانويات الشهير!
صحح معلوماتك: اليوم في كل جهاز الأمن والمخابرات الوطني لا يوجد ضابط واحد من رتبة ملازم فما فوق من أبناء إقليم دار فور. أما الجيش فحدِّث ولا حرج. أما من عذبوك فهم زملاءك في الجبهة الثورية الآن فقد كانوا مع الترابي والبشير واليوم تحولوا 180 درجة وصاروا معكم أو صرتم معهم. فعند الشيوعيين الغاية تبرر الوسيلة.
لكن خذ مني حقيقة لو قلبت الجبهة الثورية الحكم في الخرطوم فلن يجد فيه الشيوعيين مزعة لحم. الخيل الحرة قاعدة وحتجي في اللفة. ولن يسمح بسرقة الثورة وجهود أبناء دار فور وجبال النوبة لياسر عرمان وهامان وفلتكان.. هل فهمت أم أنت تفهم بعد الساعة الرابعة مساء؟
تحياتي.
كبـّاشي الصـّـافي
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: Kabar)
|
لو محج دخل ليك وهم في راسك بانك محلل خطيير يبقى لحس قفاك
ولعن الله المحلل والمحلل له !
بوست اخونا ابوالقاسم ما محتاج لي كلامك عن الاتحاد السوفيتي الديالكتيك ، الاستعلاء ، الاممية ، ليننغراد ، حراك ثوري وحراك وحراك مدني .. الخ
الانشاء دي غش بيها الفكي اسحق
الكلام واضح جدا الجبهة الثورية في الدلنج
تجي تقول :
حكومة القتل قاعدة في الخرطوم يا خالد العبيد ، ليه ما دايرين تعملوا حرب و دمار فيها؟.
كأنو الحرب فيها خيارات انها تتعمل في ام بكول او عنكوش
قبل كده القوات دي زاااااتا مش دخلت لحدي الخرطوم ؟
واتحداك يا موهوم تجيب سطر واحد انا ذكرت فيه الدلنج في دارفور يا كذاب
انت اردت نقل الحرب الى الخرطوم كأنما الكيزان القتلة موجودين في الخرطوم فقط حيث قبور السكرتيرين السابقين للحزب وكذلك اهلي
كتبت ليك بي خط واضح جدا انو حكومة القتلة المجرمين لموجودة في دارفور بقيادة مطلوب العدالة احمد هارون
وكمان جابت ليها تحدي اجيب ليك اسماء الذين قاموا بتعذيبي !!
علي اي حال قال فيلسوف نسبت اسمو : كثيرا ما يحمي الغباء صاحبه من أن يجن
فبالله ادينا فرصة يومين .. الناس ديل لمن جو بيتنا ادونا كروت تعريف لسيادتهم .. نجيب ليك الكروت والاسماء والرتب
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: خالد العبيد)
|
معاك حق يا خالد العبيد امثالك ما عارفين عن السودان التكتح و برضك جايين يتفاصحوا و يطالبوا بحقهم الطبيعي و السماوي في الإستعلاء و قيادة الغبش.
-----------------------------------------------------
ده كلام مريض لا يصدر الا من نفس مريضة وشخص يشعر بالدونية
اتحداك يا كبر متى واين انا طالبت بحقي وكمان الطبيعي والسماوي !!!
في الاستعلاء عليك وعلى امثالك في قيادة الغبش
متى طالبت بهذا ؟
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: Idris Logma)
|
إدريس لقمة،
كدى فى البداية ورونا الناس الضربوا الدلنج .. هل هم الحركة الشعبية أو حركة العدل والمساواة؟ .. الكلام دا مهم لأننا نحن كبقارة ورعاة فى المنطقة عيشتنا هى أبقارنا .. والذين نهبوا أبقارنا هم أعداءنا .. ببساطة .. أنتم كجبهة ثورية أعداء لنا .. ومن حقنا نقف مع الجن الأحمر لحماية أنفسنا وثرواتنا.
نحن نقف خلف الجيش القومى السودانى .. لحماية أنفسنا وممتلكاتنا ..
بريمة
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: بريمة محمد)
|
ول أبا خالد العبيد،
رمضان كريم ..
Quote: دارفور فيها حكومة قتل برئاسة الهارب من العدالة احمد هارون
ولسه بيواصل قتل وترويع اهلنا في دارفور |
أنت يا زول طشيت شبكة .. أحمد هارون هو حاكم ولاية جنوب كردفان له سنين ..
الأن أحمد هارون يشغل والى شمال كردفان .. ومعروف أن مولانا أحمد هارون رجل أمن من الطراز الأول .. ونائبه الأمنى اللواء أحمد خميس يشغل الأن منصب حاكم ولاية غرب كردفان .. وللعلم أحمد خميس من النواحى الأمنية أصعب بكثير من أحمد هارون .. أحمد خميس ما عنده نفس للسياسة .. موضوعه كله أمسك لى وأقطع ليك ..
وأخراج رجلين عرفا الحركة الشعبية فى جنوب كردفان وعركتهما التجارب والأحن فيها، إلى شمال كردفان وغرب كردفان فيه رسالة كبيرة جداً .. وهو تغيير واضح فى رأى الحكومة تجاه موازنات القوة بالنسبة للحركات .. وأجندة الحرب .. أحمد هارون سوف يقطع الطريق لأى قوى تحاول أستغلال كردفان للزحف نحو الخرطوم .. هذه مهمة واضحة .. أما اللواء أحمد خميس هو أيضاً وضع فى ولاية غرب كردفان لمنع أى تسلل إلى ومن جنوب كردفان إلى دارفور .. وهذا التحول أيضاً يعنى ضعف موقف الحركة الشعبية فى جنوب كردفان بعد تحييد القائد عبد العزيز .. لأى سبب كان غيابه فهو تحييد له.
هذا هو المشهد فى ولاية كردفان الكبرى ..
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: عبدالرحمن عزّاز)
|
العبار بريمة
سلامات
منو القال القاتل احمد هارون والي او حاكم دارفور
السفاح احمد هارون عندو ملف جرائم في دارفور من ايام كان قائد للشرطة الشعبية هنالك
وهارون اشرف شخصيا في عمليات الابادة الجماعية في دارفور وكلنا نذكر كلمات الشكر التي امتدحه بها سئ الذكر كبر والي شمال دارفور
لما قام به هارون في تلك الايام الكالحة من قتل وابادة . ولو عايز تفاصيل نجيك بي مهلة
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: بريمة محمد)
|
يا بريمة
الناس انتصروا ودخلوا المدينة وسلموا علي اهلها انت جاي تقول منوا الضرب مليشيات الحكومة
طيب السؤال دا كان من الافضل توجه لناس استخبارات العسكرية في الدلنج قائدهم العسكري حل ضيفا علي الشباب
يا بريمة الشباب الذين يخوضون المعارك هناك اغلبهم من ابناء المنطقة ويعرفونها ذي ما انت تعرف الكنتاكي ...
قوم لف عبدالرحيم محمد حسين بكون ارحم لشعب كردفان من امثالك ديل..
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: cantona_1)
|
Quote: لا تنخدع لمعسول القول من أصحاب الغرض الذين باعوا إمامهم في أول ملف ومستعدين لبيع أغلى ما يملكون للوصول لهدفهم فعندهم الغاية تبرر الوسيلة. أنتم ونحن وأهلنا المكتون بنار الحرب وويلاتها الوسيلة لغايتهم وهي الإستمتاع بموت الأبرياء. هل أعدت التفكير في الموضوع؟
تحياتي. |
السيد كباشي يبدو انك تبحث عن ايجاد وسيلة تمكنك من حشر كلامك في ذهن مستمعك باي ثمن ......كيف تستطيع ان تتصور شخصاً مثل خالد العبيد يستمتع بموت الابرياء ؟ او لوجود الحرب اصلاً .......يا كباشي ان مشكلة السودان الحقيقية هي مع السلطة الحاكمة وليست هي ضد قبيلة ولا جهة .......ولو كانت هكذا لما كان اليوم السيسي يدعو البشير وصحبه في افطار في منزله في كافوري ....شوف كافوري دي كويس ........ما قصدت قوله ان النظام داخل مناطق النزاع يريد ان يحول المشكلة الي قبلية وهنا يسهل الشراء وهذه سوق النظام الشاطر فيهو ......فحينما ينجح في تحويل الازمة الي قبلية فان وجود اذرع سياسية وسط هذه القبائل امر سهل يعتمد علي الشراء.......وقسمة المقاومة .....نعم ان شكل المقاومة ذي بعد مناطقي وربما لا يخلو من الطيف القبلي .......ولكن ما لا تستطيع ان تنفيه ان هناك مجموعات من داخل المكون ذاته قبلياً ومناطقياً اقتضت مصالحها الاقتصادية والطبقية ان تظل بجانب السلطة ........فعملت سياسياً علي حقظ التوازن القبلي وظلت تعمل لصالح النظام السياسي المركزي ......وهي نفس المجموعة التي تتبني وجهة نظر النظام من ان المشكلة قبلية او مناطقية وبنفس المنطق تستبعد ياسر عرمان ......لانه لا ينتمي لهذا المكون " وهذا هو لسان السلطة التي تريد ان تنفرد بالثوار حتي علي مستوى الدعاية لتسوق الي ان الحرب ذات طبيعة قبلية وبالتالي تستطيع ان تعزل المقاومة عن ساير مناطق السودان .......
ان مشكلة الجنوب هي مشكلة سودانية وكذا مشكلة دارفور والنيل الازرق وجبال النوبة والشرق ......هي كلها قضايا سودانية ومن حق خالد العبيد ان يحدد رايه منها ولا يجب ابعاده عنها باسم القبيلة او الاهل او العشيرة .........فلا يمكن ان يتساوى القاتل مع الضحية ......ولو سرنا بنفس المنطق كان من المفروض ان نتوقع الحاج ادم وكبر من اخلص خلصاء المنطقة بدلاً من اخلاصه للنظام السياسي المركزي ..........
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: خالد العبيد)
|
ول أبا خالد العبيد،
Quote: العبار بريمة
سلامات
منو القال القاتل احمد هارون والي او حاكم دارفور
السفاح احمد هارون عندو ملف جرائم في دارفور من ايام كان قائد للشرطة الشعبية هنالك
وهارون اشرف شخصيا في عمليات الابادة الجماعية في دارفور وكلنا نذكر كلمات الشكر التي امتدحه بها سئ الذكر كبر والي شمال دارفور
لما قام به هارون في تلك الايام الكالحة من قتل وابادة . ولو عايز تفاصيل نجيك بي مهلة |
ملف أحمد هارون فى دارفور لا يمثل أى شيئ بالنسبة لنا فى جنوب كردفان .. ليس لعدم حرصنا على العدالة .. لكن من ناحية حرصنا علي مواطن جنوب كردفان .. مولانا أحمد هارون ينافس الراحل محمود حسيب فى خدمة الولاية من نواحى تنموية .. نحن أهل جنوب كردفان مثل القربة أو القراف القديمة .. تكون نشفت وصارت يابسة حطب .. ولكن حينما ينزل المطر ويتم عطنها فى الطين لمدة أسبوع تبدأ تتبلبل من جديد .. ديل نحن .. الخريف هو التنمية .. كنا أشبه بالأموت تنموياً ومولانا أحمد هارون بدأ يحيى فينا روح التنمية تدريجياً .. ولو أستفتيتم أهل جنوب كردفان بخصوص تقديم أحمد هارون للمحكمة سوف ترون العجب .. ربما يرفضون رفضاً باتاً تقديمه مثل ما فعل الكينيون برئيسهم الحالى.
خالد، أنا أظن السياسة السودانية فشلت فى خلق وطن يجمعنا .. والأجدر بنا نتجه للمحاظفة على كيانات الشعوب السودانية بدل المحافظة على الكيانات السياسية .. والمحافظة على الشعوب السودانية يجعلنا نتجاوز الكثير ونمضى فى أتجاه تعزيز التعاش السلمى ورتق النسيج الأجتماعى تحت أى مسمى مناسب حتى خارج إطار الأيديولوجيات السياسة التى تكبل البعض منا ..
بريمة
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: بريمة محمد)
|
العزيز عزاز
Quote: الأخ إدريس لقمة ... رمضان كريم .
Quote: ان خالد العبيد لاكثر نفعا لقضية المظالم والهامش منكم
الأكثر نفعاً لقضية الهامش طالب بتكوين رابطة للشماليين دون بقية السودانيين فى إستراليا
فماذا تسمى ذلك ؟؟ |
اخونا خالد العبيد اذا قال الكلام دا بكون خصما عليه وغير مقبول ونستنكره بشدة ، لكن ادينا المصدر في البداية وخلينا نحاكموا علي ما قاله بعد ذلك
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: ibrahim alnimma)
|
أخي الكريم إبراهيم النعمة بعد السلام رمضان كريم تصوم وتفطر على خير وتقبل الله صيامكم وقيامكم.
لا أتحدث في مداخلاتي عن أفراد لكن عن تنظيمات وأفكارها فالأفراد إلى زوال مهما كانت أعمارهم ولهذا لا أورد اسم إنسان مهما علا قدره في تنظيمه. لكن لي رأي في الحزب الشيوعي السوداني وهو رأي سالب بكل ما تحمل الكلمة من معان. ولن أغيره لأن الشيوعي سيظل شيوعي حتى ولو ترك الشيوعية. وما أسوأ من الشيوعي إلا الشيوعي السابق. وهنالك رأي محدد في الحركة الشعبية قطيع الشمال. هؤلاء هم أس البلاء في جبال النوبة. تقودهم حفنة من محترفي السياسة الذين يعيشون على دماء أهلي في جبال النوبة، فما لم يغيروا تكتيكاتهم واستراتيجياتهم ويحددون لنا هدفاً نعرفه ونفهمه فلن نكون معهم في مركب واحد.
الذين يقاتلون هم ابناء جبال النوبة. الذين يموتون هم أبناء جبال النوبة. الذين تحرقهم قنابل الحكومة والحركة هم أبناء جبال النوبة. الذين تنهب اموالهم ومواشيهم وتحرق محاصيلهم هم أبناء جبال النوبة. ولكن الذين يتولون أمر التفاوض في الفنادق 5 نجوم من هم؟ هل قابلك منهم فرد من أبناء جبال النوبة في الحركة الشعبية؟؟؟؟ الإجابة قطعاً: لا.
هؤلاء المتمشدقون باسم الحركة الشعبية ق ش ماذا فعلوا للسيد تلفون كوكو أبو جلحة سجين دولة الجنوب منذ الإنفصال؟ لم يفعلوا ولن يفعلوا شيئاً والسبب بالنسبة لنا معروف. فوجوده خطر عليهم وفق التمثيلية التي يقومون بها الآن. فتلفون قيادة حقيقة يجتمع حولها كل سكان جبال النوبة لا فرق نوباوي أو عربي أو اي قبيلة أخرى. لهذا لن يتركوه يستنشق نسيم الحرية ويتجول في جبال النوبة لأنهم سيصبحون مكشوفي الظهر.
تحياتي.
كبـّاشي الصـّـافي
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: cantona_1)
|
اخونا خالد العبيد اذا قال الكلام دا بكون خصما عليه وغير مقبول ونستنكره بشدة ، لكن ادينا المصدر في البداية وخلينا نحاكموا علي ما قاله بعد ذلك
---------------------------------------------
سلام يا ادريس
النكرة القال انو انا طالبت بتكوين تنظيم للشماليين كذاب لا يستحق الرد
واقول لك ولصديقي ادم عيسى الذي وصل معي استراليا بطائرة واحدة
ان استراليا تحترم التعددية في تكوين الجمعيات
في سيدني وجدنا جمعيات في غاية الروعة والتنظيم تخص ابناء دارفور
وجمعية اخرى لابناء جبال النوبة كذلك الاخوة الجنوبيين واهل الشرق
كل هذخ الجمعيات خدمية تقدم المساعدات لاعضاءها وبعضها نجح في تقديم الخدمة لاهله في السودان
نحن ابناء الشمال أحرام علينا تكوين جمعية تخصنا ؟!
فكرنا في الموضوع والفكرة لا زالت قائمة
لست انا من حملة افكار سيئ الذكر العنصري القبيح الطيب مصطفى ومن لف لفه
البوست موجود هنا في مكتبتي وساقوم بنشره هنا
فرع حزبنا هنا في استراليا يضم بين عضويته مجموعة مقدرة من ابناء دارفور
لك احترامي
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: عبد الحكم ابراهيم الحاج)
|
منذ قدومي الى هذه البلاد لاحظت ان الكيمان هنا مفروزة على وجه عرقي وقبلي
الاخوة من الجنوب لديهم منبرهم الخاص
وابناء جبال النوبة ايضا
وكذلك ناس دارفور
وايضا الاقباط
كل هذه الاثنيات والاعراق والقبائل لها منابرها الخاصة
لا نستطيع ان ننال عضوية هذه المنابر بحكم القبيلة
نحن ابناء الشمال والوسط اصبحنا لايصين مثل الاطرش في الزفة
لامكان لنا في الاجتماعات الرسمية التي تعقد مع الجهات المسؤولة
واذا اتينا للحضور يقال لنا انتو بتمثلوا منو ؟
هذا ماحدث ومايحدث
اصبح هنالك تململ واضح
والهمس بالدعوة لتكوين منبر لابناء الشمال والوسط انتقل من الهمس الى العلن !
قادمون !!
---------------------------------------------
سلام يا ادم عيسى
ده اول كلام بديت بيه البوست
وليسمح لي صاحب البوست بوضع لينك البوست هنا
لك احترامي الذي تعرف
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: خالد العبيد)
|
ثم في نفس البوست اكدت على الاتي
--------------------------
لم اكن اعمى حين طرحت الواقع الموجود هنا في سيدني
اعلم تماما خطورة الموضوع المطروح من كافة نواحيه السياسية والاجتماعية
على المستوى السياسي نتمتع نحن الشيوعيين هنا في سيدني بعلاقات ممتازة مع كافة التجمعات والكيانات السودانية الموجودة هنا .
وعلى المستوى الاجتماعي الشخصي تربطني علاقات قوية مع ابناء من كافة قبائل السودان
نتبادل الاحترام المتبادل والعشرة وملمات الفرح والترح والملح والملاح
سأضرب لك مثلا بكيان اخوتنا الاقباط السودانيين الذي تأسس قبل عشرات السنين هنا
فهم مجتمع او Community متماسك ، نلتقي معهم في كافة المستويات والمسائل العامة
لكن لهم خصوصيتهم في تقاليدهم وديانتهم وعلاقاتهم الاجتماعية مع بعضهم البعض هذه يجب ان نحترمها ونقدرها لهم وهذا حقهم ومن واجبنا ان نحترم خصوصياتهم .
الواقع هنا فعلا غريب وتحتاج ان تسير على الحافة دون ان تفقد اي توازن تسقط بموجبه على هاوية العزلة والعنصرية .
وعلى هذا قس !
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: خالد العبيد)
|
سلام يا ادم عيسى ده اول كلام بديت بيه البوست وليسمح لي صاحب البوست بوضع لينك البوست هنا لك احترامي الذي تعرف
____________________--
الاستاذ العزيز خالد سلام وود لك وللاسرة ...لكن بالجد مطالبتك تلك جد محبطة ولا توقعتها ابدا ان تصدر منك .. لذا لفت انتباهى اشارة الاخ عزاز
لها وخلته تلقاها من مصدر بسدنى وطالبته بمراجعة مصدره وهذا ظلم فى حقه ومصدره المفترض فأنى اعتزر للأخ عزاز عن ذلك ...لانى بعيد
من المنبر لفترة طويلة...
مع تقديرى
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: خالد العبيد)
|
Quote: العزيز ادم عيسى
لماذا لا يستحق الشماليون ان تكون لهم جمعية اسوة بما هو قائم الان من جمعيات سودانية من جهات دارفور والاقباط وجبال النوبة
احترامي |
العزيز خالد ...
الروابط الاجتماعية موجودة فى اى مكان فى الدنيا ومارسناها فى الجامعات السودانية ... لكن الواقع فى سدنى يحتم علينا وعليك
الدفع باتجاه المنادة بكومينتى سودانى يشملنا جميعا وانا شايف دا البخدمنا كسودانيين فى بلد الشتات البعيد استراليا ... وانا كنت اراهن
عليك كركيزة اساسية وقلت لبعض زملاءك فى الحزب ( اننا لو وجدنا 50 سودانى فقط يؤمن بفكرة الكومينتى الواحد لتغير وضعنا الاجتماعى
الماثل الان) لذا لم انتمى لاى جمعية او كومينتى او مجموعة حتى الان عشما فى وحدة جميع الكومينتات والجمعيات بما فيها جمعية الشماليين
التى تدعو لها....
مع تقديرى
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: ادم عيسى)
|
الروابط الاجتماعية موجودة فى اى مكان فى الدنيا ومارسناها فى الجامعات السودانية ... لكن الواقع فى سدنى يحتم علينا وعليك
الدفع باتجاه المنادة بكومينتى سودانى يشملنا جميعا وانا شايف دا البخدمنا كسودانيين فى بلد الشتات البعيد استراليا ... وانا كنت اراهن
عليك كركيزة اساسية وقلت لبعض زملاءك فى الحزب ( اننا لو وجدنا 50 سودانى فقط يؤمن بفكرة الكومينتى الواحد لتغير وضعنا الاجتماعى
الماثل الان) لذا لم انتمى لاى جمعية او كومينتى او مجموعة حتى الان عشما فى وحدة جميع الكومينتات والجمعيات بما فيها جمعية الشماليين
التى تدعو لها....
----------------------------------------------------
لا اريد ان اغير مسار البوست
وارحب بمثل هذا النقاش في بوست منفصل
وساقوم بفتح هذا البوست بنفسي لاثراء النقاش وتعميم التجارب
على اي حال انا وانت ما ممكن ابدا ننضم لي كومينتي اخوتنا الاقباط السودانيين
ولا كمينونتي اخوانا من دارفور
ولا كمينوتي احبابنا ناس جبال النوبة
ارحب بجالية عريضة تضم كل السودانيين
لكن كيف ومتى ؟
نترك هذا للبوست المقترح
---------
رجاء موبايلك في الخاص
او اتصل علي هنا
0402177588
بعد الثالثة
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: خالد العبيد)
|
كتب ابراهيم النعمة:
Quote:
ما قصدت قوله ان النظام داخل مناطق النزاع يريد ان يحول المشكلة الي قبلية وهنا يسهل الشراء وهذه سوق النظام الشاطر فيهو
|
ابراهيم النعمة.. حبابك يا صديق
رمضان كريم..
و انت واحد من الأقلام التي نحترمها هنا..
لا اعتقد ان حدة القبلية بالصورة التي تتصورها ، و انما المشكلة فينا نحن السودانيون الذين نرفض النظر الى الواقع بواقعيه ، و انما نقوم بخلق تصوراتنا الخاصة و نسعى لقرضها على الواقع..
و عبرك اقول للأخوة الذين يفرحون و يصفقون بان الجبهة الثورية دخلت مدينة الدلنج ، فهذا لم يحدث ..و الأمر كان عبارة عن حادث حدث في حوافي المدينة..
بالنسبة للموضوع الأهم.. و اتمنى ان ندير فيه حوارا صادقا خارج هذا الخيط..هنا قائمة اولية ممن فقدتهم مدينة الدلنج من ابنائها في هذا الحادث:
اصدق التعازي الى مدينة الدلنج التي فقدت في هذه الأحداث كل من:
اسماعيل (شنان) تاور سلمان
الأستاذ عباس اقرين
مصطفى ابكر صالح
احمد الصادق محمد
على صبره
نزار عثمان مراد..
اللهم اغفر لهم و ارحمهم جميعا..
هذه القائمة يا ابراهيم ضمت مختلف القبائل و الإثنيات التي تسكن مدينة الدلنج.. و كل الذي جمعهم هو انهم من المدينة ووجدوا انفسهم في حالة دفاع عن مدينتهم و اهلهم..
اذن السؤال: ان كان الأمر اصطفاف قبلي كما تصوره النخبة السودانية المعارضة للحكومة.. لماذا اجتمع ابناء الإثينات و القبائل المختلفة للموت في خندق واحد؟..
هل تنوعهم لا يكفي لإثبات التنوع الذي تقول به المعارضة؟..و ان كنا نفترض ان كل من يقاتل ضد الجبهة الثورية.. هو حكومة ، فكيف نفسر سكوت الحكومة و الإعلام الرسمي الإشارة لهذا الحادث و من سقطوا فيه؟..
ان كان يا صديقي حكمك بان من يدافع عن وجوده الذاتي هو من باب الإرتزاق و الشراء من قبل الحكومة ، فما الذي يمنع أن من يقاتل الحكومة هو الآخر يقاتلها بناء على ثمن دفعته جهة ما؟..ما الذي يجعل قتال مقاتل الجبهة الثورية قتال مبرر و مشروع و قتال الآخر دفاعا عن ذاته ووجوده هو قتال ارتزاق؟..
هذه منعرجات قاسية يا صديقي ..و التفكير فيها من باب المسكوت عنه..و النخبة المعارضة لا تريد أن تنتبه لمثل هذه التفاصيل و انما تريد ثورة لتسقط لها الحكم في الخرطوم..
الجبهة الثورية ، حتى تحافظ على معنويات جنودها ، لا تنقل اخبار الوفيات في صفوفها.. و صدقني لو نقلت مثل هذه الأخبار في هذا الحادث بالتحديد ستجد أن من ماتوا هم من اثنيات مختلفة و يجمع بينهم عامل واحد انهم من ابناء الدلنج و ضواحيها .. أي انهم من ابناء المنطقة.. فلماذا الناس تموت بالجملة (اثنيات مختلفة و قبائل مختلفة) في الجانبين من القتال؟..و ما هو موقع هذا الأمر في حسابات النخبة التي تزيف الواقع لتخدم اغراضها الخاصة بان الأمر امر قبائل عندها مصلحة مع النظام لذلك تقف معه؟..و نفس هذه القبائل و بكل تنوعها لها ابناء في الضفة الأخرى (الجبهة الثورية)؟!!
كبر
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: Kabar)
|
معاك حق يا خالد العبيد امثالك ما عارفين عن السودان التكتح و برضك جايين يتفاصحوا و يطالبوا بحقهم الطبيعي و السماوي في الإستعلاء و قيادة الغبش.
-----------------------------------------------------
ده كلام مريض لا يصدر الا من نفس مريضة وشخص يشعر بالدونية
اتحداك يا كبر متى واين انا طالبت بحقي وكمان الطبيعي والسماوي !!!
في الاستعلاء عليك وعلى امثالك في قيادة الغبش
متى طالبت بهذا ؟
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: خالد العبيد)
|
كتب خالد العبيد:
Quote:
دارفور فيها حكومة قتل برئاسة الهارب من العدالة احمد هارون
ولسه بيواصل قتل وترويع اهلنا في دارفور
|
و بكل قوة عين ، جا خالد العبيد تاني و كتب:
Quote:
العبار بريمة
سلامات
منو القال القاتل احمد هارون والي او حاكم دارفور
|
الزميل ده يا اخوانا كفيلو منو في المنبر ده؟..
يازول على بالحلال بطريقتك دي تغالط الله في نفسو..
انت يا خالد العبيد تكتب برئاسة احمد هرون..و تجي تنكر و تتساءل منو القال الكلام ده؟..ولا انت قايل الموضوع لمن يلحق الصفحة التانية معناتو الفات مات..!
وين المصداقية و الشفافية يا زميل؟.. غايتو البيكضب على الشعب السوداني في الحاجة الصغيرة.. البعيد شنو يكضب عليهو في الحاجات الكبيرة؟.. يعني بكضبك ده يا خالد العبيد ح تقدر تقنع زو ل بانك فعلا بتدعم في ثورة تغيير؟.. و فرقك شنو من نظام الجبهة الإسلامية؟..مش ناس الجبهة الإسلامية قاعدين يكضبوا بكل قوة عين؟.. اها البتسوي فيهو ده يا زميل ياهو الكضب بكل قوة عين..!!
انت جاهل بجغرافية السودان لأنك ما قادر تفرق بين كردفان و درافور..و لمن تم ضبطك و تنبيهك عامل فيها حريف و داير تتفهلوي.. بتقدر تعتذر عن جهلك الفاضح الفاحش.. حبابك.. ما بتقدر قول الرووب..و اقعد اتزاوغ..و الشعب السوداني الضحك ح يشرطوا..
خالد العبيد كتب:
Quote:
واجيك بالباب العديل
بالاسماء والبيانات الجبهة الاسلامية الحاكمة اتبنت على اكتاف ابناء دارفور .. قيادات وكوادر وجماهير !
عايز اسماء .. ؟!
كوادر جهاز الامن معظم افرادها من ابناء دارفور
|
و انا منتظرك تجي بالباب العديل و تجيب اسماء..ولازلت عندي التزامي لو طلع فيهم واحد من الدلنج اخد ليك حقك منو..ولا انتو الزملاء مرات لمن تلقوا الهبوب بتضروا ساكت؟..
زمان كنا قايلين ناس الحزب الشيوعي ديل دقيقين في حاجتهم و أنو فعلا قدر الشعارات القاعدين يرفعوها.. بتاعة الشعب حبيب و شرياني و اداني بطاقة هوية..و اهو الشعب بيسأل في الزميل خالد العبيد عن الإدعاءات التي ادعاها..جاب اسماء يكون قدر المسئولية.. فشل في ذلك عليهو الإعتذار للجماهير السودانية القاعدة تتابع الخيط ده..ما داير يعتذر فليكن شجاعا و يقول لينا انا اكبر من الشعب و لن اعتذر عن كضبي أو جهلي الفاضح في الخلط بين كردفان و دارفور..!
قلت لي الحرب لن تتوقف؟..ما ياهو الشطار المثلك يا خالد العبيد قاعدين صفاقة للحرب ..باقي ليك بتقيف؟..و باقي ليك مثل هذا الجهل الفاضح الناس بتقدر تبني فيهو وطن التسامح؟..
الواحد بندقية خرطوش صيد ساكت ما قادر يشيلها ، و من عجب يجوعر ليك الحرب لن تتوقف..التقول الحرب دي باسطة سلا و لا آيس كريم..!!
كبر
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: Kabar)
|
انت يا خالد العبيد تكتب برئاسة احمد هرون..و تجي تنكر و تتساءل منو القال الكلام ده؟..ولا انت قايل الموضوع لمن يلحق الصفحة التانية معناتو الفات مات..!
---------------------------------
غبت وجيت يالمبروك !؟
مافيش فايدة .. اثبت انو عقلك بيحي بعد الساعة اتناشر
نشرح والزمبرناه لله
قلنا يا كبير اخوانو انو دارفور فيها حكومة
زيها وزي حكومات الشمال والشرق فيهم قتلة ومجرمين همهم الاول ترويع اهلهم
حكومة الشرق كشفت عن القتلة ايام احداث بورتسودان الاليمة
ناس الشمال ما قصرو ابدا قتلو ما قتلو ايام احداث كجبار الشهيرة
مولاك احمد هارون مسؤول مسؤولية مباشرة عن مجازر دارفور .. وتم توجيه شكر لي سعادتو من كبر الوالي شخصيا
وبي تبسيط اكثر القتل الكان حاصل في دارفور برئاسة مولاك هارون
هارون يا كبر سيرتو الذاتية في كمبيوتري ده وفيها معلومات انت ما سمعت بها
مسكين انت المنتظر اجيب ليك اسماء الامنجية العذبوني
دي اسهل منها اجيب ليك اسماء جماهير بري يوم الانتفاضة الشهيرة !
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: خالد العبيد)
|
معاك حق يا خالد العبيد امثالك ما عارفين عن السودان التكتح و برضك جايين يتفاصحوا و يطالبوا بحقهم الطبيعي و السماوي في الإستعلاء و قيادة الغبش.
------------------------------------------------
شوف انت معقد لي ياتو درجة
بما انك من الغبش ... متين انا طالبت بي حقي الطبيعي انو استعلا عليك يا موهوم
ومن وين جبت كلام انو عندنا حق سماوي عشان نقودكم .. في يات كتاب دين يا مريض
معقول نحن عندنا حق سماوي لي جنس ده
| |
|
|
|
|
|
|
|
|
|
Re: عاجل قوات الجبهة الثورية ممثلة في حركة العدل والمساواة دخلت الدلنج (Re: خالد العبيد)
|
ثم ثانيا حقو تخت في بالك انو سيادتك شخص طبيعي كامل الاهلية
وماتجاري خيالك المريض بانو في ناس مطاردنك وبطالبو بي حقهم الطبيعي انو يقودوك من نخرتك ويستعلوك لانهم الاعلون سماويا مثل ماكتبت بعقلك الباطني
ابدا وطبعا لا مافيش كلام زي ...
الله يجازي محج فتح بوست شكرك والطمبارة ماقصرو معاك خاصة ثلاثي الغبش
فكي اسحق يزغرد
وعزاز يفنجط
وكانتونا ون شايل الهبابة يرقص
بعدين تعال انت فكي اسحق ده عميان منو ؟
تلك الايام كان ضابط امن يهز ويرز
استعين بيه ولو اداك الاسماء ما تقصر معانا
| |
|
|
|
|
|
|
| |
ابو القاسم عبد الرحمن بشير
)
الفاتح علي التوم
خالد أحمد شطة
Kabar
Idris Logma
cantona_1
بريمة محمد
خالد العبيد
Sulaiman Adam
بدر الدين اسحاق احمد
عبدالرحمن عزّاز
Elbagir Osman
ادم عيسى
ibrahim alnimma
عبد الحكم ابراهيم الحاج
فيس بوك
تويتر
انستقرام
يوتيوب
بنتيريست