|
|
 ***** إلـى هــــؤلاء *****
|
رمضان كريم و تصومو و تفطروا على خير و كل سنة و إنتو طيبين ...
إلتقيت بكم أكثر من مرة أو بالأصح كثيراً....
سمعتكم و أنتم تتحدثون عن الكثير من المواضيع و في شتى المجالات
سياسية و إجتماعية و فنية و ... و .....
تجيدون فن الحديث و لديكم الكثير من المعرفة و العلم الذي يؤهلكم للكتابة عن الكثير من مشاكل السودان
و لديكم القبول من الكثيرين الذين يمكنهم سماعكم و القراءة لكم و الإستذادة بما لديكم...
الإحصائية الفوق فيها الدليل على قلة مشاركاتكم و إذا عرفنا أن مشاركاتكم أغلبها كانت عزاء أو مجاملة زميل في حزن أو فرح
نجد أن مداخلاتكم شبه معدومة..
الأخ معتصم الأكثر مشاركة في هذه المجموعة وجدنا أن أغلب مشاركاته في الربع الأخير من 2012 كانت في بوست حفلة أبو عركي البخيت
يعني بالواضح كدا مشاركاتكم لا ترقى إلى إمكانياتكم
|
|
 
|
|
|
|
|
|
|
 Re: ***** إلـى هــــؤلاء ***** (Re: محمد البشرى الخضر)
|
Quote: هههههههههههههه يموت الأمنجي و صباعه بكبشر
يا عمك غالبك زي الناس تقول ليهم افتقدناكم و البورد فاقد اقلامكم ومشتاقين وشنو وشنو
لازم تحسب و تقطع و تجيبها بالصيغة الأمنجية دي :)
خم وصر هسّي بتجيك النطيحة بي فوق وما أكل السبع بي تحت يردموك |
لو عايز أقول أي شئ ما بغلبني و إنت عارف كدا...
النطيحة بي فوق أهو شرفت......
و لو نزلت إنت بي تحت تكون كملت لي حكاية ما أكل السبع .....
| |
|
|
|
|
|
|
|
|
 Re: ***** إلـى هــــؤلاء ***** (Re: ABUHUSSEIN)
|
Quote: رمضان كريم
ياخ روحك طويلة ماشاء الله
هسة في رمضان المولع دا قدرت تعمل الإحصائية دي كيف ؟
براكم بتسووها في نفسكم |
الله أكرم
الإحصائية الفوق دي أخدت مني بالضبط 10 دقائق فقط......... دي عايزه ليها طولة روح...؟؟؟
| |
|
|
|
|
|
|
|
|
|
Re: ***** إلـى هــــؤلاء ***** (Re: محمد البشرى الخضر)
|
Quote: أمين محمد سليمان
ابوحسين يا وهم... الناس دي خلت البورد ده بسببك ... تجي تقول ليهم تعالو ؟!!
رد · 2 · · منذ 10 دقائق |
ياخ دا يوم و بوست منيلات بي ستين ألف نيلة ......
أها الباقي منو من الجماعة إياهم...
شكلو كدا البوست دا حا إنحرف ......
| |
|
|
|
|
|
|
|
|
|
Re: ***** إلـى هــــؤلاء ***** (Re: ABUHUSSEIN)
|
| Quote: اهو يا كبسور جاك النطيحة خضر الانا بتكلم عنه, وبعد شوية ح يلبس خمار سودان (عجل) و ينزل ليك بتحت يلعب دور ما أكل السبع :) |
غايتو يا ود البشرى إتلحتني الليلة ...
ياخ الزول دا بقى كويس بعد ما إنكشف أمرو و الناس عرفت إساءاتو اللي كان بطلقها من وراء خمار....
| |
|
|
|
|
|
|
|
|
|
Re: ***** إلـى هــــؤلاء ***** (Re: ABUHUSSEIN)
|
Quote:
وين الكبشرة هنا ......؟؟؟؟؟
الله أكرم يا أوهط ..... |
يعني الكبشره دي الا تكون صوره يا عادل عباس
الله يكرم الجميع يا رهط
ما ماشى العمره تتعلق باستار الكعبه عشان تكفر عن الخمسين سنه الفاتت ؟
بالله ماتنسي تسوق معاك العمبلوك الفوق دا
| |
|
|
|
|
|
|
|
|
|
Re: ***** إلـى هــــؤلاء ***** (Re: خضر الطيب)
|
Quote: يعني الكبشره دي الا تكون صوره يا عادل عباس
الله يكرم الجميع يا رهط
ما ماشى العمره تتعلق باستار الكعبه عشان تكفر عن الخمسين سنه الفاتت ؟
بالله ماتنسي تسوق معاك العمبلوك الفوق دا |
هي ما خمسين يا sudan rebel هي 53 سنة .....
| |
|
|
|
|
|
|
|
|
|
Re: ***** إلـى هــــؤلاء ***** (Re: ABUHUSSEIN)
|
| Quote: هي ما خمسين يا sudan rebel هي 53 سنة ..... |
بالله هي 53 , والــ3 دي انتريست ولا شنو ؟
سودان ربل دا منو يا اخو ؟
انا ماشي افطر الآذان اذّن
وكان الله مدّ فى الاعمار بجيك يا ابشرى
| |
|
|
|
|
|
|
|
|
|
Re: ***** إلـى هــــؤلاء ***** (Re: خضر الطيب)
|
| Quote: سودان ربل دا منو يا اخو ؟ |
سنة يا البراءة
الطيرة دا قايل الناس كلّها بمستوى بلادته ولاّ شنو, يا ود مافي داعي للنكريبة دي خلاس الحجاب وقع من راسك و الصلعة انكشفت على الملأ :)
| |
|
|
|
|
|
|
|
|
Re: ***** إلـى هــــؤلاء ***** (Re: ABUHUSSEIN)
|
نرجع لي موضوع البوست
هــؤلاء اللي بنتكلم عنهم لو كل واحد كتب ليه بوست واحد في الشهر أو هم مجتمعين كتبو ليهم بوستين أو تلاتة في الشهر
لكفونا الكثير من البوستات التي لا تسمن و لا تغني عن جوع...
لديهم الأدوات و لديهم الوقت الكافي لإدارة حوار و إثراء البورد ببوستات جادة و مثمرة...
| |
|
|
|
|
|
|
|
|
|
Re: ***** إلـى هــــؤلاء ***** (Re: tmbis)
|
Quote: مسافر مسافر
فعلا اقلام تستحق القراءة ، شتات مبدع جميل ( ادخلوا مكتبتوا وشوفوا الزول ده مبدع كيف ) ، محمد الشيخ الكاردينال ( العلم مع التواضع الجم ، فقدنا قلمه جدا وكتاباته العميقه ، له التحية ولمدني عشقه ) وراق ، السياسي النبيل إبن الدويم ومرشحها صادق الكلمة شريف الخصومة ، كتابته في الصميم يستفاد منها الصديق والخصم ، عبدالله داش الشاعر الجميل ، نلومه لإختفاءه وبخله ، فهو موهوب جميل المفردة صاحب حس شعري عالي جدا ، معتصم دفع الله حبيب الكل ، نفتقد كتاباته الجميله وقفشاته الفنية ، أ بو الحسين ( مايهمك واثقين منك ) بس لقيتك امنجي هههههههههههههههه |
| |
|
|
|
|
|
|
|
|
|
Re: ***** إلـى هــــؤلاء ***** (Re: ABUHUSSEIN)
|
| Quote: اهو يا كبسور جاك النطيحة خضر الانا بتكلم عنه, وبعد شوية ح يلبس خمار سودان (عجل) و ينزل ليك بتحت يلعب دور ما أكل السبع :) |
يا ود البشرى ياخ دا كلام شنو دا ياخ ؟؟
الدنيا رمضان يازول انت ما صايم؟
شنو الشابكنا كبسور ونضيحه وعجل وما اكل اب شطور ؟
ياخ انت عمرك تجاوز الاربعين وداخل على شارع الوادي
احترم الحته دي
ماتبوظ للزول البوست بتاعو .. ابقى مارق
| |
|
|
|
|
|
|
|
|
|
Re: ***** إلـى هــــؤلاء ***** (Re: خضر الطيب)
|
يا رويبضة الاقتباس الجبتو دا فتناه قبيل اسي واقفين هنا | Quote: الطيرة دا قايل الناس كلّها بمستوى بلادته ولاّ شنو, يا ود مافي داعي للنكريبة دي خلاس الحجاب وقع من راسك و الصلعة انكشفت على الملأ :) |
بعدين ياخي حتة العمر دي ما لذيذ الكلام فيها دا غير انك ح تتعب كان فتحت سي زي دا
قلت لي خايف من شنو انتا ؟
| |
|
|
|
|
|
|
|
|
|
Re: ***** إلـى هــــؤلاء ***** (Re: محمد البشرى الخضر)
|
أبو حسين
رمضان كريم
وتقبل الله منكم صالح الأعمال
Quote: قلة الشغلة بتعلم المشاط ... نفترض الناس ديل زي ما انت قلت، انت علافتك شنو بالمنطق والحجة وطرح الآراء ؟
ياخ الشرفاء كلهم طفشوا خلوا ليك البورد وأنا أولهم ... تاني داير شنو ؟ قال كمان عامل ليهو احصائية قال ههههههههههههه
ياخ قوم لف لفاك قطر ... راجل وهم !!
|
أها يا أخوي
الكلام الفوق ده قالوا مستنير شديد (الامنجي وهبه)
فكلامو ده صحيح ولا إفتراء ساكت؟؟
| |
|
|
|
|
|
|
|
|
|
Re: ***** إلـى هــــؤلاء ***** (Re: عثمان حسن عبد الله الحاج)
|
| Quote: شكلو كدا البوست دا حا إنحرف ...... |
ينحرف كيف يعني حايشرب سجاير؟
رمضان مبارك يابوحسين ـ وكل عام وانت والاسرة الكريمة بالف خير.
أها كان ختينا النطيحة وماأكل السبع اوعا نكون تبع المتردية ؟
يابوحسين شكلك زعلان مننافي سرك.
ياخ مالك مقاطعنا هي بوستاتنا كلها بالكتير اتنين تلاتة في السنة
نامن الريس يغتس حجرها ماتظهر فيها تبقي ناقصة اهم عامود فيها.
ياخ نحن بنحبوك والله
| |
|
|
|
|
|
|
|
|
|
Re: ***** إلـى هــــؤلاء ***** (Re: عبدالعزيز الفاضلابى)
|
يعني أنا أفتح لي بوست إقوم إجيني واحد رايح ليه عتوت إسأل عنو في البوست دا..
و شويه إجيك واحد وشو معفص يا دوبو قايم من النوم شايل فرشتو عايز شوية معجون..
و بعد شويه إجيك واحد ساكي ليه واحد ناشلو و بكورك حرامي حرامي حرامي ..
سودانيز أون لاين جوها أبداَ ما جو الواحد ممكن يبدع فيه...
ما فيها البيئة اللي ممكن المبدع إطلع كل اللي جواهو ...
أبو صلعة دا المفروض إعمل على تصحيح هذا الوضع المزري و إنضف البورد من كل الأمثال اللي فوق دي
و بعدين أنا مفروض كل شهر أفتح لي بوست صدقة أو سبيل إجو فيه الناس اللي فوق ديل إمارسو فيه كل هواياتهم
العايز إشاكل إشاكل و العايز إنبذ إنبذ و الرايح ليه خروف إجي إعلن عنو هنا و العفصو واحد في بوست تاني إجي إشرك ليه هنا
و أهو أخلي الناس تتنفس ...
ياخ قومو لفو ....
| |
|
|
|
|
|
|
|
|
|
Re: ***** إلـى هــــؤلاء ***** (Re: ABUHUSSEIN)
|
Quote: مستنير شديد · Khartoum, Sudan
انا اقطع دراعي لو ما كنت فاتح البوست دا كايس ليك بيهو مشاكل ... عارفك يدك اكلتك ورمضان دا لا فيهو درويشة ولا بطيخ ... روق شوية بالله مرضتنا مرض
رد · · الأحد، الساعة 03:11 مساءً |
ياخ إنت أخطبوط ...؟؟؟ عندك كم ضراع إنت ... ياخ قبل كدا قطعت خمسة ....
بعدين ياخ شنو كل ما أكتب بوست تجيني ناطي ...
يا وهم الدرويشة في الأخير ما جيت إتفسحت بيها .. عليك الله البهجة اللي إنت لقيتها بي سبب الدرويشة بتلقاها في حتة تانية ...؟؟؟
قول الحمد لله و بعدها طوالي قوم لف يا وهم
| |
|
|
|
|
|
|
|
|
|
Re: ***** إلـى هــــؤلاء ***** (Re: ABUHUSSEIN)
|
| Quote: إحتمال كبير ما إكونو دخلو البورد و إحتمال دخلو البورد لكن ما دخلو البوست دا.. |
والله يا أبوحسين وما طالبني حليفه بوستيك دا ما شفته إلا أمس بالمساء ..
ياخي نحن بقينا ناس تمرين واحد في الإسبوع 
(الذين هم في ثورة الغضب يفقدون كل سلطان على أنفسهم) ..
لا أخفي عليك يا صاحب زيادة أعباء ومشغوليات خلت الواحد يبعد عن الموقع إلا من بعض متاوقات ..
وحقيقة أخرى أصبحت حياتنا جزء من بركان ينذر بالإنفجار في أي لحظة إن لم تكن نيرانه أصابت من أصابت ..
فقد صار كل ما حولنا مجهول وواقع بائس يفضي إلى لا شئ ..
واقع ما هو نحن عليه الآن ..
كنا نحلم بوطن فيه بالحب نتساوى ..
وطن يسعنا جميعاً ..
ولكن ..
إتسع الخرق على الراتق وأصبحت البندقية هي اللغة التي نتحدث بها اليوم ..
إمتلأت القلوب بالغبن والمرارات ..
وهذا بفعل شيطان رجيم أراد لهذا الشعب أن يكون هكذا عبد تحت رحمته ..
مارسوا عليه كل أنواع الذل والسيطرة ..
لكنهم نسوا التاريخ وتجاهلوا التغيير ظناً منهم أنهم أصبحوا كل شئ ..
لذلك كلما ضاقت الرؤيا إتسعت العبارة معليش شقلبت الحكمة بتصرف ..
نعم هذا هو حالنا اليوم أصبحنا نفكر بسياسة هلال مريخ لا نحكّم العقل ولا ترى الحكمة طريقها إلينا ..
إنعدمت الثقة بين الجميع ..
السودان بلد تتعدد فيه القبائل والثقافات ولكن تجتمع فيه صفات مؤروثه من الشهامة والكرم والرجولة والنخوة ..
فيهم محبة سودانية خالصه تنبع من قلوب طيبة وأبية ..
ولكن أراد الشيطان غير ذلك وهذا واقعنا اليوم ..
لا أخفي عليك يا أبوحسين الكتابة تحتاج لجوء صحي معافى لك عليّ أن أحترم رأيك مهما كان ولي منك ذلك ..
وعشان نكتب لمن يقرأنا صاح لازم نكتب بأمانة ومسؤلية ..
والفكرة هي كلها الوطن وإنسانه ..
وليس أنت مع من أو ضد ..
للأسف هذا واقع سودانيز أون لاين الآن ..
همنا كله المواطن البسيط العائش في الريف أو تحت نيران البندقية أن يجد حياة كريمة وسلام وأمن وإستقرار ..
نحن نغضب ونغضب أكثر الآن ..
لذلك صعب أن نسيطر على سلطان أنفسنا ..
لك العتبى في الرد المتأخر يا أبا حسين ..
وأشكر لك عشمك فينا ..
وأعدك بالتواصل متى ما أتيحت لي الفرصة ..
وأكيد سوف أكون معك هنا ..
| |
|
|
|
|
|
|
|
|
|
Re: ***** إلـى هــــؤلاء ***** (Re: معتصم دفع الله)
|
أبوحسين يا عادل ..
التحية ليك يا حبيب مربعات ومكعبات ..
والشكر كل الشكر على اهتمامك وحسن ظنك بينا ..
والقصة يا بوحسين طويلة ومعقدة .. أكبر من القراية والكتابة .. أكبر من الفكرة والنظرية .. بل أكبر من الفرد ومن المجموعة ..
القصة يا بوحسين (زي ما كتب ليك معتصم برصانة عالية) .. طويلة ومعقدة .. تتجاوزني وتتجاوزك وتتجاوز كل الساحة وما جاورها ..
قصة وطن بتموت أطرافو وينهار من عمقو .. وكل الناس بتتفرج على وفاتو .. كل الناس .. العاقل والمجنون .. البسيط والفيلسوف .. الخيِّر والشرِّير .. وكل الحواة من الجوقة المصاحبة ..
والكتابة يا بوحسين رسالة هادفة ومسار قاصد .. وليست مزاج واستعرض وشوفونية ..
الكتابة مَلَكَـة ومصداقية ووطنية ..
وكأنما الكتابة الآن فقدت قيمتها وصارت ترف لا قيمة له .. كأنما صارت صوت لا سامع له .. وضجيج لا دور له في عملية الإصلاح أو التغيير .. لذلك كثيرون يقولون "لمن تعزف مزاميرك يا داؤود؟" ..
يأس وإحباط وفشل يا بوحسين ..
يتداخل العام بالخاص .. والخاص بالعام .. ويضيع العام والخاص فيضيع الولاء والوطن والوطنية ..
وزي ما قال ليك معتصم الطقس العام يلعب دور كبير في الحركة والمشاركة الفاعلة أو الإسهام العام .. فمسار الرياح كثيراً ما يحدد حركة الملاح .. دا بالنسبة للمحترفين والمتخصصين فما بالك بالهواة الجارين على باب الله أكبر ..
إنشغلنا بأنفسنا يا بوحسين ..
فقدنا الاحساس بالقضية والانسان ..
كل منَّا أصبح عاق لوطنه وشعبه وأرضه ..
كل منَّا صار عاصٍ للمبادئ والوصايا والقيم ..
وبعدين؟
ولا شئ ..!
كلنا نقول وبعدين؟ .. ونرد ولا شئ! .. نعم ولا شئ .. إفلاس وفقر عام .. عجز وفشل يخيم على كل شئ ..
مَنْ في المقدمة منتشي بالمقدمة التي تقوده بسرعة إلى الهاوية ..
ومَنْ في القاع يصارع آلام القاع ولا وقت لديه للمشاركة في ترف القمة ..
والطبقة الوسطي .. عمق المجتمع .. تآكلت فأصبحنا زي "القشة أم روح" الهواء ممكن يقسمها على اتنين ..
في ظل هذه الغيبوبة .. ماذا يمكن أن نقول ؟ أو حتي كيف يمكن أن نفيق؟
سنفيق كما أفاق القذافي !
أفاق الرجل عندما اعتقله الثوار في ماسورة الشارع ..
رد الرجل بدهشة على الثوار .. خيركم؟ خيركم؟ ويش فيكم؟
أفاق الرجل في تلك اللحظة بعد أربعين عاماً من الغياب .. من السكرة .. من الغيبوبة ..
يديك العافية يا بوحسين ..
| |
|
|
|
|
|
|
|
|
|
Re: ***** إلـى هــــؤلاء ***** (Re: حمزاوي)
|
الاخ عادل ابا حسين ..
لك التحية ..
وشكرا كتير على حسن الظن..
دعنى اقتبس لك من مداخلة الاخ صلاح هذا الجزء.
الى ان اجيك برواقة..
Quote: والقصة يا بوحسين طويلة ومعقدة .. أكبر من القراية والكتابة .. أكبر من الفكرة والنظرية .. بل أكبر من الفرد ومن المجموعة ..
القصة يا بوحسين (زي ما كتب ليك معتصم برصانة عالية) .. طويلة ومعقدة .. تتجاوزني وتتجاوزك وتتجاوز كل الساحة وما جاورها ..
|
...
| |
|
|
|
|
|
|
|
|
|
Re: ***** إلـى هــــؤلاء ***** (Re: mohamed elshiekh)
|
أخونا أبو عمر سلام
عارفك ما حا تشوف البوست في يوم أو يومين
Quote: كنا نحلم بوطن فيه بالحب نتساوى ..
وطن يسعنا جميعاً .. |
و لا زلنا يا أبو عمر نحلم و لكن أحلامنا لن تتحقق مالم نتحرك و نجتمع على كلمة سواء
التشتت و الإختلاف الحاصل بين الناس هو أكبر دعم للظلم و الأكثر إحباطاً للحالمين بسودان معافى...
Quote: ولكن ..
إتسع الخرق على الراتق وأصبحت البندقية هي اللغة التي نتحدث بها اليوم ..
إمتلأت القلوب بالغبن والمرارات ..
وهذا بفعل شيطان رجيم أراد لهذا الشعب أن يكون هكذا عبد تحت رحمته ..
مارسوا عليه كل أنواع الذل والسيطرة ..
لكنهم نسوا التاريخ وتجاهلوا التغيير ظناً منهم أنهم أصبحوا كل شئ .. |
إبقى يا صاحبي المطلوب جهد أكبر و عمل مجود علشان نقلل فترة الظلم لا أن نستكين و نترك المستقبل مجهول لأبناءنا
Quote: لا أخفي عليك يا أبوحسين الكتابة تحتاج لجوء صحي معافى لك عليّ أن أحترم رأيك مهما كان ولي منك ذلك ..
وعشان نكتب لمن يقرأنا صاح لازم نكتب بأمانة ومسؤلية ..
والفكرة هي كلها الوطن وإنسانه ..
وليس أنت مع من أو ضد ..
للأسف هذا واقع سودانيز أون لاين الآن ..
همنا كله المواطن البسيط العائش في الريف أو تحت نيران البندقية أن يجد حياة كريمة وسلام وأمن وإستقرار ..
نحن نغضب ونغضب أكثر الآن ..
لذلك صعب أن نسيطر على سلطان أنفسنا .. |
يا أبو عمر الجو الصحي نحن من نفرضه على من يعكرونه و إحترام الناس لرأيك إن وجد فأشهد لهم بالإستقامة و النبل
و إن لم تجده فتأكد أن المتلقى شخص مريض و لا يستحق أن تتوقف من الكتابة بسببه
يا صديقي البلد محتاجة منكم الكتير بقدر ما أصابها من أزمات و علات و مآسي فلا تبخلو على وطنكم....
تحياتي و إحترامي
| |
|
|
|
|
|
|
|
|
|
Re: ***** إلـى هــــؤلاء ***** (Re: ABUHUSSEIN)
|
أخونا و حبيبنا صلاح شتات سلام
Quote: والقصة يا بوحسين طويلة ومعقدة .. أكبر من القراية والكتابة .. أكبر من الفكرة والنظرية .. بل أكبر من الفرد ومن المجموعة ..
القصة يا بوحسين (زي ما كتب ليك معتصم برصانة عالية) .. طويلة ومعقدة .. تتجاوزني وتتجاوزك وتتجاوز كل الساحة وما جاورها ..
قصة وطن بتموت أطرافو وينهار من عمقو .. وكل الناس بتتفرج على وفاتو .. كل الناس .. العاقل والمجنون .. البسيط والفيلسوف .. الخيِّر والشرِّير .. وكل الحواة من الجوقة المصاحبة .. |
ياخ عقدت الشغلانية شديد يا زول أكتب رأيك أو أمسك ليك قضية من قضايا الوطن و قول رأيك فيها و خلي الناس تشاركك فيها بالتحليل أو بالبحث عن حلول
و بي كدا تكون عملت شئ للوطن و شاركت في رأيك مهما كان..
Quote: يأس وإحباط وفشل يا بوحسين ..
يتداخل العام بالخاص .. والخاص بالعام .. ويضيع العام والخاص فيضيع الولاء والوطن والوطنية ..
وزي ما قال ليك معتصم الطقس العام يلعب دور كبير في الحركة والمشاركة الفاعلة أو الإسهام العام .. فمسار الرياح كثيراً ما يحدد حركة الملاح .. دا بالنسبة للمحترفين والمتخصصين فما بالك بالهواة الجارين على باب الله أكبر .. |
يا صلاح تقول رأيك و اللي بغلط عليك تديهو دروس في الأخلاق و الأدب...
عارف يا صلاح نظرية إنك ما تكتب علشان الخاص و العام دي هي اللي بتقوى شوكة الناس ديل علشان إمارسو الإرهاب بي الخاص...
لو كل الناس وقفت وقفة قوية في وجههم ما كان تمادوا في ممارسة هذه الأعمال القذرة...
و ليك مني يا شتات إنت أكتب و أنا كفيل بي زجر كل من يقترب منك (عايز شنو تاني؟)...
Quote: إنشغلنا بأنفسنا يا بوحسين ..
فقدنا الاحساس بالقضية والانسان ..
كل منَّا أصبح عاق لوطنه وشعبه وأرضه ..
كل منَّا صار عاصٍ للمبادئ والوصايا والقيم ..
|
دا إعتراف واضح و صريح بي نجاح الظالم و إستسلام المظلوم للأمر الواقع
يا صلاح التغيير ما حا إحصل مالم يتحرك كل سوداني و يعمل بما لديه من أدوات للتغيير
تحياتي و إحترامي
| |
|
|
|
|
|
|
|
|
|
Re: ***** إلـى هــــؤلاء ***** (Re: ABUHUSSEIN)
|
أخونا أبو سامي سلام
Quote:
دعنى اقتبس لك من مداخلة الاخ صلاح هذا الجزء.
الى ان اجيك برواقة.. |
عليك الله ما تعقدها زيهم بسطوها علشان الناس تطلع من الإحباط و اليأس الملازمهم كل اليوم ...
و في إنتظارك
تحياتي و إحترامي
| |
|
|
|
|
|
|
|
|
|
Re: ***** إلـى هــــؤلاء ***** (Re: عادل البراري)
|
Quote: أبو حسين
رمضان كريم
وتقبل الله منكم صالح الأعمال
Quote: قلة الشغلة بتعلم المشاط ... نفترض الناس ديل زي ما انت قلت، انت علافتك شنو بالمنطق والحجة وطرح الآراء ؟
ياخ الشرفاء كلهم طفشوا خلوا ليك البورد وأنا أولهم ... تاني داير شنو ؟ قال كمان عامل ليهو احصائية قال ههههههههههههه
ياخ قوم لف لفاك قطر ... راجل وهم !!
أها يا أخوي
الكلام الفوق ده قالوا مستنير شديد (الامنجي وهبه)
فكلامو ده صحيح ولا إفتراء ساكت؟؟ |
أخونا عثمان حسن رمضان كريم و تصوم و تفطر على خير
وهبه من المعلوم في هذا المنبر أنه من أكثر الناس حقداً على شخصي الضعيف و كل ما يقوله عني لا يعدوا أن يكون مجرد أكاذيب
الغرض منها معروف و هو محاربة النجاح .... فهذا الكائن لا يهدأ له بال إلا بعد أن يصب حقده في كل بوستاتي ...
و لا أملك إلا أن أدعوا له في هذا الشهر الفضيل بالهداية و الصلاح ....
| |
|
|
|
|
|
|
|
|
|
Re: ***** إلـى هــــؤلاء ***** (Re: ABUHUSSEIN)
|
Quote:
ينحرف كيف يعني حايشرب سجاير؟
رمضان مبارك يابوحسين ـ وكل عام وانت والاسرة الكريمة بالف خير.
أها كان ختينا النطيحة وماأكل السبع اوعا نكون تبع المتردية ؟
يابوحسين شكلك زعلان مننافي سرك.
ياخ مالك مقاطعنا هي بوستاتنا كلها بالكتير اتنين تلاتة في السنة
نامن الريس يغتس حجرها ماتظهر فيها تبقي ناقصة اهم عامود فيها.
ياخ نحن بنحبوك والله |
أخونا عبدالعزيز رمضان كريم و تصوم و تفطر على خير و ربنا يتقبل منا و منك الصيام و القيام و الدعاء
زعل شنو يا عزو ياخ إنت بزعلو منك كمان ...؟؟؟
تحياتي و إحترامي
| |
|
|
|
|
|
|
|
|
|
Re: ***** إلـى هــــؤلاء ***** (Re: ABUHUSSEIN)
|
الأخ أبو حسين
رمضان كريم
طبعا استلمت كلمة المرور قبل قليل من الاخ بكري، دا في حد ذاته أزمة، كونو الواحد ينسى كلمة مروره ولو كان التفاعل مستمر مؤكد لما ضاعت كلمة المرور..
مؤكد لي عودة تفصيلاً..
سلمت اخي الكريم.،
| |
|
|
|
|
|
|
|
|
|
Re: ***** إلـى هــــؤلاء ***** (Re: ABUHUSSEIN)
|
عدنا.،.،
..
..
ابو حسين .. تحياتي
الكتابة نتاج لتفاعل الإنسان مع واقعه، ويقيني ان سبب الركود او الكساد الحالي سببه رتابة واقعنا الاجتماعي، والاقتصادي، والسياسي، والثقافي الخ.. وبالتالي لا توجد محفزات لفتح شهية العضو.
عموماً...
زمان .. زمان دي حلوة مش كدا.. لأن السودانيين عموماً يعشقون الماضي ويجترون روائع ذكرياته..
زمان .. اقصد السنوات الأولى لإنطلاق المنبر.. كان الجميع هنا متحفز للكتابة والمشاركة وكان التفاعل كبيراً، لدرجة أن العضو او القارئ يكاد لا يلحق البوستات من كثيرة التفاعل في الحوار والنقاش.. صحيح كانت توجد بعض المخاشنات والصراع ولكنه صراع فكري محض او سياسي هادف وفي سبيل ايصال كل شخص لرسالته يستخدم كافة الأدوات الممكنة لأن الشريحة المستهدفة لم تكن العضوية فقط انما القراء وهم رأسمال هذا المنبر.
سأحاول بإذنه تعالي التركيز على بعض مراحل وفصول المنبر وملامح كل مرحلة والهدف هو الوصول لمعرفة سبب عزوف قدر كبير من الاعضاء السابقين المؤسسين.
دمت ودام الجميع هنا أعضاء وقراء.
| |
|
|
|
|
|
|
| |
ABUHUSSEIN
محمد البشرى الخضر
حمد عبد الغفار عمر
خضر الطيب
tmbis
عبدالعزيز الفاضلابى
محمد عبد الماجد الصايم
معتصم دفع الله
شتات
mohamed elshiekh
عادل البراري
إسماعيل وراق
فيس بوك
تويتر
انستقرام
يوتيوب
بنتيريست