|
|
 القوات الاثيوبيه داخل الاراضي السودانيه والجيش السوداني في غيبوبة تامة
|
تكررت هجمات القوات الاثيوبيه داخل الاراضي السودانيه في الاونه الاخيره
وكلها نزاع حول الاراضي الزراعيه ...
وبالامس فقد دخلت قوة من القوات الاثيوبيه واشتبكت مع مزارعين سودانيين في منطقة بركه نورين الحدوديه
واسفرت عن مقتل مواطن وجرح اكثر من خمسه مواطنين
ونلاحظ غياب القوات المسلحه او حرس الحدود
|
|
 
|
|
|
|
|
|
|
 Re: القوات الاثيوبيه داخل الاراضي السودانيه والجيش السوداني في غيبوبة (Re: Haju Muktar)
|
Quote:
مقتل وإصابة «4» مزارعين سودانيين في اشتباكات مع مليشيات اثيوبية.
07-21-2013 12:58 PM
القضارف : عمار الضو: وقعت اشتباكات مسلحة بين مليشيات اثيوبية ومزارعين سودانيين حول اراضي زراعية بالحدود في منطقة بركة نورين صباح أمس أسفرت عن وفاة مزارع سوداني واصابة ثلاثة آخرين تم نقلهم الي مستشفى القضارف .
واكد بابكر جابر طه، معتمد محلية القريشة، ان النزاع وقع حول مساحة 50 ألف فدان بعد ان حاولت مليشيات اثيوبية مسلحة بأسلحة ثقيلة تتكون من 60 فردا التغول عليها ،واشتبكوا مع 12 مزارعا سودانيا، مما ادى لاصابة ثلاثة تم نقلهم الي مستشفى القضارف وجاري البحث عن بقية المزارعين وتمشيط المنطقة وتأمينها .
وقال طه ، ان تأخر هطول الامطار ادى الي توجه المزارعين الي زراعة الاراضي الحدودية، لافتاً الي ضرورة الالتزام بترسيم الحدود للحد من الاحتكاكات بالتنسيق مع الجانب الاثيوبي.
الصحافة |
وهنا الخبر اوردته جريدة الصحافة ولا خبر من القوات المسلحه او المشلخه
| |
|
|
|
|
|
|
|
|
|
Re: القوات الاثيوبيه داخل الاراضي السودانيه والجيش السوداني في غيبوبة (Re: Haju Muktar)
|
Quote: ( جيش الهنا ) لا يتحرك … مليشيات أثيوبية تقتل وتأسر مزارعين
July 21, 2013
القضارف: ( حريات، الإنتباهة)
لقي أحد المزارعين مصرعه بولاية القضارف فيما جرح ثلاثة آخرين وأسر عدد غير معروف من السودانييين في أحدث هجمات مليشيات أثيوبية على المزارعين في شرق البلاد وسط غياب تام للحكومة وفقدان هيبتها وفشلها في حماية الحدود الدولية والحفاظ على حياة المواطنين، وقالت صحيفة ( الإنتباهة ) إن اشتباكات ا بين مزارعين سودانيين وحوالى أكثر من «50» من المليشيات الإثيوبية بالقرب من منطقة بركة نورين شمال شرق القضارف، أدت إلى مقتل أحد المزارعين وإصابة ثلاثة آخرين إصابات وُصفت بأنها خطيرة، فضلاً عن أسْر أحد المزارعين من قِبل المليشيات وذلك أثناء مباشرة المزارعين لزراعتهم في المشروع، وأبلغ مصدر مسؤول «الإنتباهة» أن المليشيات التي هاجمت المزارعين بلغ عددهم أكثر من «50» مسلحًا واجهوا «8» من المزارعين السودانيين. ويشكو مزارعو القضارف من تكرار هجمات المليشيات الأثيوبية علي الأراضي الزراعية والاعتداء على السودانيين في وقت لا تزال فيه القوات الأثيوبية تحتل عشرات الآلاف من الإفدنة الخصيبة على الحدود المشتركة بين البلدين وسط غياب تام لجيش وشرطة وأمن نظام عمر البشير الذس أفقد البلاد هيبتها وفشل في حماية التراب والحدود والمواطنيين، إلا أن ذات النظام يستخدم قواته العسكرية في قتل السودانيين في دارفور وجنوب كردفان والنيل الأزرق ويستخدم طائراته في قصف المدنيين الأبرياء وحرق قراهم .
|
| |
|
|
|
|
|
|
|
|
|
Re: القوات الاثيوبيه داخل الاراضي السودانيه والجيش السوداني في غيبوبة (Re: amir jabir)
|
Quote: تخيل فى عهد الكيزان ديل الاثيوبين بكتلوا السودانين تخيل بس يا رجال؟
عارف لية لانو الكيزان ديل لا رجال لا بمشوا مع الرجال |
يا ود جابر اخوي رمضان كريم كرم شديد
والكيزان اصحاب نعيم دنيا وما ناس كتال
والجيش السوداني بقي يعرد من ضلو
وكان كاتل بكاتل في المواطنين العزل والابرياء
عشان كده بقي الوطن مغتصب وعرضه لاي اعتداء
بلد كان القائد العام بتاع جيشه بجري بتتوقع من عساكر الحدود شنو
اجبن جيش في القرن الافريقي بقي الجيش السوداني في عهد الكيزان
| |
|
|
|
|
|
|
|
|
|
Re: القوات الاثيوبيه داخل الاراضي السودانيه والجيش السوداني في غيبوبة (Re: ABUHUSSEIN)
|
Quote: وطني إنت اللي فتحت بوست فرحان بي إحتلال جيش الجنوب لي هجليج
و قلت فيه قولتك المشهورة : برافو سيلفا... |
وهسع برافو سلفا
| Quote: أنا قلت المرتزقة و ليس التمرد و الفرق كبير ... |
نفترض انا مرتزقه وعميل هل ده بخليك تختزل الوطن وقواته المسلحه في فرد مرتزق
ولكن هي حقيقة انو الجيش اصبح بلا ارادة ولا عقيده والدليل المواطنين الابرياء هم من تضرروا من الجيش
وغير قادر علي حماية الحدود والمواطنيين
الجيش السوداني الان يحارب اطفال الوطن
يا للمهازل ويا للهوان
| |
|
|
|
|
|
|
|
|
|
Re: القوات الاثيوبيه داخل الاراضي السودانيه والجيش السوداني في غيبوبة (Re: ibrahim alnimma)
|
| Quote: الجيش والقيادة السياسية للبلاد اقسمت لحماية الحدود وامن المواطن وانت فقط تقول حكاية يحارب التمرد ده فقط كفاية ؟؟؟؟؟؟؟ ومال لو مافي تمرد الجيش ده بعملو بيهو شنو؟ وين الدفاع الشعبي وين المليشيات وين الجنجويد ؟؟؟؟؟؟بل اين عشاق الجنة والحور العين؟ |
الاخ ابراهيم
سلاماات
الجيش السودني اصبح عباره عن جعجعه في اعلام زابل
وهذه الجعجعه لقتل ابناء الوطن الابرياء
الجيش الان يخوض حرب تطهير عرقي لصالح الكيزان وليس الا
| |
|
|
|
|
|
|
|
|
|
Re: القوات الاثيوبيه داخل الاراضي السودانيه والجيش السوداني في غيبوبة (Re: ست البنات)
|
| Quote: ولا يوجد بين المتداخلين مرتزقا ! |
منو القال ليك يا ست البنات؟
هجو ده اكبر مرتزق عميل
ويعمل جهارا نهارا لصالح دولة الجنوب
يا هجو
طالما انت بتقول انو قوات الجبهة الثورية اقوى من الجيش السوداني وحررت تلات ارباع الوطن
طيب ليه ما اتصدت للقوات الاثيوبية الغازية؟
شوف ات وابراهومة وست البنات ومن لف لفكم
جيشنا مهمته الوحيدة حالياً انو يخت القوات العميلة المتمردة تحت البوت، ولا نفس ولا حركة، دواس بس، و فل استوب
| |
|
|
|
|
|
|
|
|
|
Re: القوات الاثيوبيه داخل الاراضي السودانيه والجيش السوداني في غيبوبة (Re: أيمن الفاضل)
|
كتب الشفيع وراق: (شوف ات وابراهومة وست البنات ومن لف لفكم
جيشنا مهمته الوحيدة حالياً انو يخت القوات العميلة المتمردة تحت البوت، ولا نفس ولا حركة، دواس بس، و فل استوب).
انت يا الشفيع منو الأعطاك الحق فى مخاطبتنا بهذا الأسلوب والتعالى؟؟؟
انتو قايلين نحنا ما عندنا حق زيكم فى البلد دى ولا شنو ! ولا برضو كلنا مرتزقة فى عرفكم؟!!
بعدين شكلك كدا بتتكلم من مركز قوة شديد خلاص!!!
تكون شى القائد العام للقوات المسلحة ؟!
ثم تانيا أنا كلامي كان موجه لآبوحسين في نقطة محددة !!!
وثالثأ انت شايف دول الجوار دى عندها حق تستبيح ارضنا أكثر من المواطن العندو قضية مهما كانت وبيحتج ويرفع صوته من اجلها؟
كان دا رأيكم انت والوراك قد يصبح علينا صباح و نلقى خريطة السودان بدل النعجة الما عندها ضنب دى بتبقى سوسيوة بس!!
ست البنات.
| |
|
|
|
|
|
|
|
 Re: القوات الاثيوبيه داخل الاراضي السودانيه والجيش السوداني في غيبوبة (Re: ست البنات)
|
الأخ المكرم / هجو مختار
تحية وتقدير ,,,,
لتوضيح الحقائق ليس إلا ..........................
| Quote: تكررت هجمات القوات الاثيوبيه داخل الاراضي السودانيه في الاونه الاخيره |
الكلام ده ما فيهوا أى نوع من الدقة ...............
لانوا الاحداث البتحصل في الحدود ونزعات الاراضي الزراعية
حوادثة المؤسفة بتقع من مليشيات محلية مسلحة وليس قوات إثيوبيا نظامية (( جيش / سراويت ))
والكلام ده رهين بأنوا يحصل ترسيم واضح للحدود ..........يجنب الناس النزاعات
أخر الحروب بينا وبين إثيوبيا كان حرب الحبشة زمن الدولة المهدية في عهد الخليفة عبد الله التعايشي
ودي الحرب الانتهت بحملة الامبراطور منليك الاخد فيها اجزاء كبيرة من الاراضي واتفاوض مع الانجليز فيما بعد
وانسحب لكين أخد أقليم كبير ( بني شنقول ) / أقليم بيشاول في إثيوبيا الحالية
أخر توغل عسكرى كان من الجانب السوداني في النصف الاول من الثمانينات القوات الحركة الفريق أبوكدوك
لمطاردة قوات الحركة الشعبية داخل الاراضي الاثيوبية ...............والكلام ده زمن الجنرال جعفر نميري
حاليا المشاكل الحدودية وخصوصا على الارض الزراعية بتكون مابين السكان المحليين
إثيوبيا في حال تكون في حرب معلنه ما بتحارب بالطريقة المذكورة في الخبر لانوا طريقة القتال عندهم
بتكون عن طريق تحريك كتل بشرية كبيرة جيش مدعوم بالسكان المحليين ......... قتال الموجات البشرية
ونموذج قتالهم ده تابعناهوا في الحرب الاثيوبية الارترية في نزاعهم على بادمي 1998م
الاستبسل فيها الارتريين بطريقة ما عادية يصدوا موجات الإثيوبيين ........
والنموذج الاوضح للنوع ده من القتال شفناهوا في الحرب العراقية الايرانية لما واجهت القوات العراقية 6 مليون جندي ايراني مسلح
طبعا مع تحفظي انو جيشنا السوداني الباسل في حالة غيبوبة ................
وهو ما شاء الله كمل نص السودانيين ومستمر يقاتلهم في بساله وحماس ...................
----------------------------
ولك التحية
| |
|
|
|
|
|
|
|
|
|
Re: القوات الاثيوبيه داخل الاراضي السودانيه والجيش السوداني في غيبوبة (Re: عبد الناصر الخطيب)
|
الشفيع وراق :
Quote: شوف ات وابراهومة وست البنات ومن لف لفكم
جيشنا مهمته الوحيدة حالياً انو يخت القوات العميلة المتمردة تحت البوت، ولا نفس ولا حركة، دواس بس، و فل استوب |
كنت اظنك سوف تواصل في ادعاء والوطنية مع حرمان الاخرين منها .......ولكن كعادتك وقعت في فخ العمالة والارتزاق "طبعاً دون وعي " وفي غمرة الشوة بالوطنية الزائفة حاولت تبرير تطنيش القوات المسلحة لمهمتها الاساسية حماية الارض والتراب والمواطن وممتلكاته الي محاوبة الجبهة الثورية ......شوف كمان انت يالشفيع وراق : المرتزق a professional soldier hired to serve in a foreign army. Mercenary هو الشخص الذي يقاتل بجانب قوات خارجية بمقابل مادي ........وبهذا التعريف فدولتك العميلة هي الاخري تترك الدولة الخارجية تنهب وتقتل وتفتك بشعبك وتترك مهمتك الاصلية في التصدي لها وحماية الارض والتراب والمواطن لتتفرغ لكلام المشطات والشتايم من نوع عميل ومرتزق وخائن ........جيش يترك مهمته الاصلية في قتال الاجنبي وانت تسانده ثم تتهم الاخرين بالعمالة .....اين العمالة ان لم تكن انت عميل حينما تصرف الجيش عن مهمته الاصلية اليس هذا تواطؤ مع اثيوبيا الدولة الخارجية ؟ ان لم يكن هذه العمالة فاريني بربك كيف تكون عميلاً ؟
الشفيع وراق ظللت طيلة حواراتي معك احترمك ومازلت .....ولكن ارجو ان تغير من طريقة الخطاب الوصائي هذه .......
| |
|
|
|
|
|
|
|
|
|
Re: القوات الاثيوبيه داخل الاراضي السودانيه والجيش السوداني في غيبوبة (Re: ABUHUSSEIN)
|
| Quote: مع احتفاظي بحقي بوضع البوت فوق راس كل عميل خائن مرتزق |
خط البوت في راس البشير واعضاء حكومته وراسك باعتباركم اكبر خونه ومرتزقين
Quote: كاتب البوست من المرتزقة الذين يفرحون بإحتلال جيش الجنوب لأراضي سودانية ......
و غالبية كلامه هنا كذب..... |
حقوا تحمدالله انو دولة الجنوب الجاره القريبه
وليس بنقلاديش البعيده جغرافيا وقريبه وجدانيا ...........
| |
|
|
|
|
|
|
|
|
|
Re: القوات الاثيوبيه داخل الاراضي السودانيه والجيش السوداني في غيبوبة (Re: عبد الناصر الخطيب)
|
الاخ عبد الناصر الخطيب
سلامات ورمضان كريم
Quote: لانوا الاحداث البتحصل في الحدود ونزعات الاراضي الزراعية
حوادثة المؤسفة بتقع من مليشيات محلية مسلحة وليس قوات إثيوبيا نظامية (( جيش / سراويت ))
والكلام ده رهين بأنوا يحصل ترسيم واضح للحدود ..........يجنب الناس النزاعات |
المواطن البسيط هو عايز حمايه كان من القوات الاثيوبيه الرسميه او كان من المليشيات او كان من الشفته
المواطن بيبحث عن الامن لنفسه وارضه واسرته وعرضه .... والحزب الحاكم عاجز عن ذلك
Quote: طبعا مع تحفظي انو جيشنا السوداني الباسل في حالة غيبوبة ................
وهو ما شاء الله كمل نص السودانيين ومستمر يقاتلهم في بساله وحماس .. |
تحفظ خالص خالص
| |
|
|
|
|
|
|
|
|
|
Re: القوات الاثيوبيه داخل الاراضي السودانيه والجيش السوداني في غيبوبة (Re: الشفيع وراق عبد الرحمن)
|
Quote: يا هجو
طالما انت بتقول انو قوات الجبهة الثورية اقوى من الجيش السوداني وحررت تلات ارباع الوطن
طيب ليه ما اتصدت للقوات الاثيوبية الغازية؟ |
طبعا غباءك هو الاوحي ليك تكتب المداخله دي
وفعلا قوات الجبهه الثوريه في وضع افضل من مليشيات البشير
Quote: شوف ات وابراهومة وست البنات ومن لف لفكم
جيشنا مهمته الوحيدة حالياً انو يخت القوات العميلة المتمردة تحت البوت، ولا نفس ولا حركة، دواس بس، و فل استوب |
اولا مليشياتكم الان في حاله يرثي لها والقوات المسلحه اصبحت عباره عن جسد منهك وميت وقائدها عباره عن لبوه مطارده بين الدول
من نيجريا لي النيجر و.و..
كيف لها ان تحارب وترد وخصوصا اذا كان المعتدي من الجاره اثيوبياء وي المتنفس الوحيد لرئيسكم المطارد دوليا
وبما ان مهمتكم الان هي محاربة الجبهه الثوريه ... والجبهه الثوريه عباره عن شعب وهذا لشعب سيأتيكم بما لا قبل لكم به
ايها الاسلاميين الانتهازيين تجار الدين اخوان الشياطين
النصر قريب للشعب السوداني
| |
|
|
|
|
|
|
|
|
|
Re: القوات الاثيوبيه داخل الاراضي السودانيه والجيش السوداني في غيبوبة (Re: ست البنات)
|
Quote: استغفر الله ,
يا ابو حسين هسى دا رد علي خبر ان القوات الاثيوبية دخلت الاراضي السودانية وقتلت مزارع سوداني وجرحت اخرين محاولة التغول علي وطنك !!؟
الخبر والتعليق عليه موضوعيان ! ومن حق المواطن علي الدولة والقوات المسلحة حمايته لأن دورهم الاساسي حماية الوطن ارضا وشعبا والمزاطن بيصرف عليهم دم قلبو!!
ولا يوجد بين المتداخلين مرتزقا !
والا دا نوع وشكل جديد من اشكال العنصرية تتم ممارسته علي كل من قال كلمة حق في وجه راع فاشل!!
وبعدين انت القوات المسلحة والراعي الظالم دا وكت عاجبك سلوكهم ما تنصحهم بالحق !
ما مر عليك قول المصطفي عليه الصلاة والسلام ( الساكت عن الحق شيطان اخرس)؟؟
يا اخي نحنا فى شهر العتق من النار , انسى الدنيا شوية !
الناس ديل سودانيين زيك وانت عارف تماما!!! ودا خطاب مرفوض جملة وتفصيلا , وخليك موضوعي وحاور في الموضوع الأساسي وورينا اذا كان الخبر غير صحيح!!
وما تبخس الناس مللهم !!
اللهم قد بلغت فاشهد .
ورمضان كريم.
ست البنات.
|
ست البنات
سلامات
ورمضان كريم
بكل بساطه هم يتركون الارض للقوات الاجنبيه ويصوبون مدافعهم لابناء الوطن الابرياء
هم من افرغوا الوطن من محتواهو وهم من احيو بذرة العنصريه في جسد هذا الوطن
والمتأسلمين هم مارسوا اقصاء الاخر في كل المجالات
هم علي ايديهم شهد الوطن الانهيار الكامل
انهيار اخلاقي
انهيار المؤسسات
انهيار القيم الدينيه
...............الخ الانهيارات
لا تتوقعي من امثال ابوحسين وارباب الكيزان الانتهازيين كلمة حق
لان الحق بينهم وبينه كما المشرق والمغرب
واذا قالوا كلمة حق فتأكدي ان الشمس ستشرق من المغرب
| |
|
|
|
|
|
|
|
|
|
Re: القوات الاثيوبيه داخل الاراضي السودانيه والجيش السوداني في غيبوبة (Re: مجدي امدرمان)
|
Quote: لاتزال القضارف وسمسمها الثمين محط آمال الاطماع الاثيوبية .. لم تنتهي القضية ابدا باحتلال الفشقة واستمرت وتكررت الاعتداءات على المناطق الحدودية واقواها ذلك الهجوم الكبير على جبل حلاوة في العام 2008 والذي قضى على سرية احتياطي مركزي وعدد من المواطنين .
الى الان لم نسمع بيان من الناطق الرسمي للجيش يؤكد او ينفي الخبر !!!! |
مجدي امدرمان سلامات
تعرف لو احتلت اثيوبيا القضارف والفاو وخشت لحدي حنتوب وكبري حنتوب
وبرضوا ما ح تسمع ادانة من الكيزان
واحتمال كبير يكونو متأمرين مع اثيوبيا وبيقسموا معاهم
| |
|
|
|
|
|
|
|
|
|
Re: القوات الاثيوبيه داخل الاراضي السودانيه والجيش السوداني في غيبوبة (Re: Haju Muktar)
|
Kassala Algash
(احتمال كبير يكونو متأمرين مع اثيوبيا وبيقسموا معاهم)
"الآن جئت بالحق"
و الله أعلم
.......................................
احتمال واااااااااااارد
Abdalaziz Hussain ·
هجو مختار شقيقه العقيد حركة شعبية عبدالباقي مختار عقيد راسه عديل في الحركة الشعبية بتاعت الجنوب ومدير شركة باس المملوكة لياس عرمان والموكل إليها توريد الكحول لدولة الجنوب ومن مصلحته دولة الجنوب تكون قوية عشان يضمنوا اكبر ارباح وانه السودان ينهار عشان يفتحوا سوق توريد فيه اها دا مرتزق ولا ما مرتزق
رد · أعجبني · متابعة المنشور · منذ 15 ساعة
...............................................................
عبد العزيز انت عباره عن رجل مريض وحقير و######## كما انو تفكيرك لا يتعدي مؤخرت انفك وكذاب ومنافق واعلم ان هذه الدنيا اضيق من خرم الابره
عادل البراري · متابعة · Kirkwood Community College
الوطن أصبح مجموعة حزم من الجنيهات تدخل جيوب أهل نظام الإنقاذ أما ما يسقط من الوطن ليس في دائرة إهتماماتهم لانه لا يدر مالاً
رد · أعجبني · متابعة المنشور · منذ 16 ساعة
..........................................
صدقت يا عادل البراري
وتحياتي
| |
|
|
|
|
|
|
| |
Haju Muktar
amir jabir
ABUHUSSEIN
ibrahim alnimma
ست البنات
الشفيع وراق عبد الرحمن
أيمن الفاضل
م. سيد احمد قدورة
مجدي امدرمان
فيس بوك
تويتر
انستقرام
يوتيوب
بنتيريست