|
|
 كدى افتح الرادى واسمع النشرة
|
ياطالع الشجرة
جيب لى
معاك بقرة
ومحمد احمد
المسكين
تصفا ايامو
البقت غبرة
وغينيهو بتنظر
للايام فى الم
وفى حسرة
حاجات كتيرة
ماعاجباهو
وبقت عادى
منتشرة
الكان زمان
موجود وبى
كترة ووفرة
صبح معدوم
واصلو فى ندرة
ونحن الكرم
يانا ناسو
ومن قمنا
كل همنا
السترة
بانت شروخ
فى حياتنا
ومحتاجة
لى جراح
ودوا مشرط
وابرة
والكان زمان
نشوفو عيب
بقا عادى
ياحسرة
وده السبب
الوقف المطرة
والتمساح
هناك فى القيف
سادى علينا
واقف فى الحجرة
والمركب
بلا قائد
مالت ومنحدرة
رفعنا ايدنا
للاله وكيفن
يستجاب لنا
ونحن بقينا
لا نفرق
بين طعم
الكوثر والخمرة
ياطالع الشجرة
احكلينا
عن الايام
الزاهية
ومزدهرة
وكيفن كنا
ايد واحدة
ومافى شيتن
صعب ولبنشوف
عسرة
بارينا السراب
والليل
وزولا لا راى
ولافكرة
ختينا المثل
والقيم
بعيد هناك
فى الحفرة
وكدى افتح
الرادى واسمع
النشرة
كل شى
قبيح مابدعو
للبشرى
والليل طويل
باللحيل
وغابت القمرة
وقطعو ليه يا اخوان
الوهرة و الشجرة
الكانت لامنا
وقفلو الباب بى
الطلبة والوكرة
وبقينا نعاين
من الرحراح
والرقراق
وراجين
البصيرة ام
احمد ممكن
تورينا وهى
الدايما تحجينا
ياطالع الشجرة
جيب لى
معاك بقرة
بس البقرة
بقت ما خلابة
ولا لبنا بيعشينا
والكان معانا
وبيعرف ما سينا
شالتو الايام
لى رحلة
وتانى مبجينا
ياطالع الشجرة
قول ليا متين
بنوصل مراسينا
وتعال ياعصفور
نزرع هناك شجرة
وقالو اصلو
المشية
بتعدلا العترة
وياطالع الشجرة
احكى عن بكرة
احكى لى
عن بكرة
|
|
 
|
|
|
|
فيس بوك
تويتر
انستقرام
يوتيوب
بنتيريست