|
...شكر ....عرفان ... امتنان .... للاصدقاء
|
... ...... ... ...قبلا .... .. .. .. عميق العزاء ... ..لكل الاصدقاء و الصديقات من فقد عزيزا ... وصادق الدعاء بالرحمه...لفقدهم بأكف تتعالي وهمهمات تتبتل و تلهج بصالح الدعواتُ لربهم ان يمهد ويبسط مراقدهم الابديه ويسكن منامهم بقربه و يحفها بوراف ظلال جنانه بين عباده الصالحين ببركات هذا الشهر الكريم ..... . . ..ويا عاطف مكاوي ... عميق العزاء يا عزيز في الفقد الجلل ..و ربنا يتولاها و يتولانا برحمتو ....يا صديق ... .. .. .. ..ثم ....بعد ... .. .. ..فقد كنت حينها ... في حلبة الملاكمه ... و صراع مع....المدعو.ملك الموت... (عزرائيل حنانيا كوهين)... و اخوانو الباقين ناس هاروت و ماروت ...و منكر و نكير و رقيب و عتيد ... القانصييييين بهناك ..بشجعوا في اللعبه الحلوه يترقبون نهاية الجوله الاولي ؟؟؟ ..يتحرقون لانهاء المباره (لصالح كبيرهم حنانيا كوهين الذي علمهم السحر ) عشان يتفرغوا ويشوفوا شغلم و يكملو الناقصه؟؟ ..و كأنما الحكايه ناقصاهم !!!!...فخاب فالهم جميعا (عضلات تبش) في تلك الجوله بصرع كبيرهم ذاك ..وبفضل طاقه مختزنه ...لم تتبدد بعد ...اّزرها و عضّد ثباتها ... اكف كثيره للاصدقاء ارتفعت عاليا بالمؤازوه و حب الحياه ما استطاعت اليها سبيلا.... ... ... ...... الشكر للاصدقاء قاطبه .. .. *للصديق ادم جمال و عذرا لك يا صديق ... ان تناولت شفقة الاصدقاء ما كتبت بغير ما عنيته انت؟؟؟ *لخالد العبيد ....(النومه كانت طويله ...فالجوله كانت مرهقه) *لعبد المنعم الطيب ...(يا عبد المنعم و الله عقدتني عديل كده ...و حقو الواحد يفكها في نفسو بعد كلامك) *لابو العناكب ....السامه ....ابراهومه ...و فعلا قد نهضت لقراءة ما كتب في يوم شكري يا عزيز و للاستعداد لجوله اخري في هذه الحياه ؟؟ * لكل الاصدقاء ناس مصر و المنصوره بالمنبر..ومن خارج المنبر من اشتبك اثير هواتفهم علي سطح هذا الفراغ ليشكل مقصله هذا العزرائيل ... *لكل الاصدقاء بالمنبر *لكل الاصدقاء هنا ..باستراليا *جمعية لاكمبا *جمعية ليفربول *الاسر الكريمه بسيدني ... من خطف قلبهم الخبر ..و اقاقت منامهم تلك الايام *الاصدقاء ...بكامبرا *بــ ملبورن *بـــ برسبن *بــــ دارون *الاصدقاء بالسودان .. .. .. .. ..و تطول القائمه ... .. .. ..و عتبي حتي يثلج صدره ..من ضاقت علي ذكره هنا .. .. *..لكل الاصدقاء من تقاطعت خطواتي مع خطواتهم يوما ما علي هذه الارض ...و فرقتها محن البلد و عصابات العولمه ايدي سبأ *..لكم جميعا ...شكر عميق ...و لله في الاعالي ....في منزلة وقبل ان يحط علي عقولنا.. و افئدتنا كبشر....لتفريقنا ؟؟؟؟
...
|
|
|
|
|
|
|
|
Re: ...شكر ....عرفان ... امتنان .... للاصدقاء (Re: Hololy)
|
Hololy: مرحب بيك في الجولة الثانية .....الجولة الثانية في هذه الفانية .....يبدو ان الله قد استجاب دعوة أو دعاء اخونا في حب الفقراء ........طراوة فقد تعجبت وعجبت لدعوته تلك قائلاً " ياربي اكرمنا في هذا الفتي " اولربما هي استجابة لدعوة الفقراء انفهسم ........او ربما فريق عزرائل كوهين المبعوت اليك قد اتي لامر المشاغلة فقط ولم ياتي جاداً لصراع طويل ........على كل حال ياخي الله يغفر ليك هذه الهجمة .........يقول ايوب بالمون : "The violence of the battles maybe braved but the attacks of disease appall the boldest" in spite of these you are brave enough to be appalled فهنئاً لك وهنئياً لكل محبيك بعودتك سالماً .......بعد هذا الصراع العنيف
| |
|
|
|
|
|
|
Re: ...شكر ....عرفان ... امتنان .... للاصدقاء (Re: ibrahim alnimma)
|
ألف حمداً لله على السلامة يا حلولي ولا أخفي عليك يا صديقي ما سببته هذه الوعكة لنا من قلق واضطراب , فبقدر ما استفدناه من بروفسيرات جامعة المنصورة بقدر ما اقتبسناه من معاني الصمود في روحك الوثابة التي ما زالت تملؤنا بالأمل , فأرجو أن تحافظ عليها ويبدو أن قوانين التوازن قررت أن وجه الأرض الكالح يحتاج إلى قلوب جسورة تفيض نبلاً وضياءاً لتوازنها قليلاً , فكن دائماً بخير وأجمل الأيام لم تأت بعد.
| |
|
|
|
|
|
|
Re: ...شكر ....عرفان ... امتنان .... للاصدقاء (Re: ست البنات)
|
.. ..Quote: .. مرحب بيك في الجولة الثانية .....الجولة الثانية في هذه الفانية .....يبدو ان الله قد استجاب دعوة أو دعاء اخونا في حب الفقراء ........طراوة فقد تعجبت وعجبت لدعوته تلك قائلاً " ياربي اكرمنا في هذا الفتي " اولربما هي استجابة لدعوة الفقراء انفهسم ........او ربما فريق عزرائل كوهين المبعوت اليك قد اتي لامر المشاغلة فقط ولم ياتي جاداً لصراع طويل ........على كل حال ياخي الله يغفر ليك هذه الهجمة .........يقول ايوب بالمون : "The violence of the battles maybe braved but the attacks of disease appall the boldest" in spite of these you are brave enough to be appalled فهنئاً لك وهنئياً لكل محبيك بعودتك سالماً .......بعد هذا الصراع العنيف
|
.. .. ابراهومه ... ياخ عزرائيل شنو الماجدي و جايي يشاغل كمان؟؟؟ هسع هو الماجادي و اللا انت الماجادي؟؟ ...انت خلي بالك ما مقتنع ...بعضلات تبش دي ؟؟؟ و لاحظ ...عضلات تبش و معاها... دعوات ...اولاد عمر مصطفي . ودعوات طراوه..(مع انو دعوات عمر مصطفي دي انا عارفا ما قايمه منننن الواطه) و الوصلتني حقيقة هي دعوات اطفالوا ...اضافه لدعوات اولادك وكل الناس الذكرتهم فوق ديل ...., ومع الدعوات دي و بالذات الطفوليه بتاعت الصغار لو صاحبك ده كتر قلل ... كان هو ذاتو اتلحس (عذرائيل طبعا ) ... ... ...تعرف يا صديق ... في الفتره ديك سمعت عبر الموبايل اصوات ناس فارقتهم من قرابة الــ 25 سنه ..و الادهش من كده انو قبل ما ابدأ هسع في كتابة البوست وضعت السماعه بعد الانتهاء من إتصال من الاصدقاء صاحبك صلاح سوميت و الصديق مجدي درويش الذي فارقته منذ الثانوي و لم التقيه الا عبر هذا اتصاله الان وسويا.. و ما زاد من فرحتي باتصالهم ان صلاح سوميت .. هذا الشاب الاسطوره مع السكه حديد والباراها منذ بواكير شبابه كمراسله في العموم وعامل ثم موظف بالحمله الميكانيكيه وفي اكتر فروعها حساسيه (استلام وارد وتصريف صادر المحروقات لمركبات السكه حديد) و شهود كل مدرائه له بالاستقامه و النزاهه علي خلاف الكثير ممن سبقه في ذاك المنصب ثم وليس اخيرا مهندس ليعتلي الان ترقية لمنصب مدير الورش هو جدير و اكثر بها و ما اضحكني اكثر ...تريقة صديقه مجدي و هو يصرخ في التليفون ضاحكا ... (يا حلولي ياخ صحبك ده مدير الورش ولسه راكب عجلتو بتاعت زمااااان ديك الكان بيجي بيها المدرسه ) .... هل تصدق ؟؟؟؟!!!!ماكان عندي حاجه اقولا ليهم إلا ...انكم انتصرو لذاتكم و لــ بلدكم و صمدتو و صبرتو و باصرتوها بجاي و جاي و الحياه مشت... و نحنا الاتهزمنا بتفضيل خيار الحل الفردي وشردنا و سيبنا البلد غض النظر عن المبررات ....فهي الحقيقه المره التي نتجرعها علقم الان ؟؟؟؟؟ و بالتأكيد لي رجوع لشحصيات عطبراويه كثيره هو احداها في بوست منفصل سّاتيها في الحين و الساعه متي ما توفر حينها و ساعتها !!!
المهم الاصدقاء ديل كووولهم كنت بقول ليهم حاجه واحده .....انو الواحد لو عارف الحكايه كده ...كان طلب المعركه دي مع عمك عذرائيل كوهين ده من زمااااان ... عشان يسمع اصواتكم دي و يستعيد توازنو الانساني ... و صحتو ... .. .. ..و هسع الحكليه شايفا بقت عليك ...لانو لي زمن من المنبر ..لا اطالعه إلا لماما..و اول ما اتطلعت علي العناوين لقيت صاحبك فرح ابو طاهره فاتح ليك بوست و الحقيقه قلقت ...و انا بمد يدي علي الماوس عشان افتحو ...لكن عند بدء القراءه ....ضحكت ملء الشدق ...و قلت الله هوينيهو (هوني عنكبه)... (وفرجيني) انا علي... عرب الجزيره ..و الضهاري الاتمدينو و تمدينت معاهم الامراض ....بدل البلهارسيا و الاسهالات ...بقت امراضم نا س شد عضلي و تمزق في الاغشيه اللمفاويه ...و شنكبه في عضلات عنكبه ..و ....و ....و.... هلم الصادق المهدي ....وتوارد الي اذني و كما الناقوس صدي اصوات ترددت في نفسي .... (قااااادر الله) ... .. .. .. ..و قاااادر الله يا منعم الطيب .
.. .. .. .. .. .تعرف يا منعم صحبك العريبي ده .....(و انا لابد ليهو بالمناسبه...حقي اصلو ما بخليهو ؟؟؟)... تعرف لو عرف درب الكوره و التمارين ...و الرياضه والذي منو .... فانا ما حإستغرب اطلاقا انو السنه الجايه ...اشاهد و اسمع في الاخبار العالميه انو .( البطل العالمي ...عمر مساعد خريج طبيعه و كيمياء جامعة المنصوره ...السوداني الهوي و الهويه ...ا ..الامريكي الجنسيه ... قد ختم نهائي بطولة ويمبلدون الصيفيه للتنس ..في لندن ..و فاز بها بجداره.. .بعد سحقه ...لبطل العام السابق الاسمو نقط نقط نقط !!!.. من المجموعه التانيه 6-صفر ....6- صفر ) .. . . . . ..و طبعا .......مااااااااافي شئ بعيد علي الله .... . . ... .. يا عنكبه ...غايتو حكاية شد عضلي دي ...نحنا كنا بنعتبرا زمان في عطبره زي الزول الادوهو كون (بتاع ايسكريم) .. .. ..لكن هسع الاعتبارات ما معروفه بقت كيف ... غايتو للضمان حتأكد ليك و اجيك؟؟؟ . . . . . . . ..دمتو يا عزيزين ...مع امنيات وافره و قريبا لك .... بشد كومبيوتري علي صفحات المنبر ...بدل (لــ.....) الشد العضلي .... بس بعد ما توفي دي ....
.. . ..Quote: .. ... والذي ربما يستمر قليلاً حسب نصائح الاطباء بالخلود للراحة وعدم الجلوس امام الكمبيوتر |
.. .. ...و تديها حقها ....و تستعيد كامل اللياقه و الصحه .... لانو العصافير الحولك ديل لسه منتظرين منك الكتير (تفرخو ...ساكت !؟؟) ...الياقي و المنبر و اب صلعه صاحبو ملحوقين .. .. ..وليس هناك عجله يا صديق . . . الشكر مجددا لك و لكل تلك النوارس .... و الاسماء الحسني ... . . . . .ــــــــــــــــــــــــــــــــ
...بعدين ياخي التليفون ضاع؟؟؟؟!!!! . .ود الهادي سلام
| |
|
|
|
|
|
|
Re: ...شكر ....عرفان ... امتنان .... للاصدقاء (Re: Hololy)
|
في عرس زول قريب مني جدا جدا؛ ياخ ممكن تعتبرني انا عديل كدة، بعد الحفلة ما انتهت، العروس وصاحباتا والعريس طبعا، ولمة كدة ما بطالة دخلوا بيت الجيران، وبدات دكيكينية اخري على الضيق كدة بس امتع من الحفلة الكبيرة، اخت العروس وفردتا اتلفت يمين شمال لا شافت اختا ولا صديقاتا، طلعت برة وتصنتت، سمعت الربة جاءت داخلة من متين الحفلة دي مدورة يا خاينيين! وسرعان ما اندمجت في الفرح الجماعي؛ دحين البوست دا من متين ؟ اول مرة اشوفو..... ................................. في المنصورة جاء صديقي يوسف دقاق المحب للحفلات، ولقى حفلة استقبال برالمة على وش ان تنتهي وفي شقتو كمان عارف قال شنو... اسمعوا يا جماعة الحفلة دي تعيدوها لي تاني من الاول؛ سلامات يا حللي، وبركة الشوفا ياخ، وعنكبة دا حكايتو خفيفة، دي كلو من رياضة الكُبُر؛ لي عودة هنا وفي التلفون تسلموا جميعا.....
| |
|
|
|
|
|
|
Re: ...شكر ....عرفان ... امتنان .... للاصدقاء (Re: Hololy)
|
في عرس زول قريب مني جدا جدا؛ ياخ ممكن تعتبرني انا عديل كدة، بعد الحفلة ما انتهت، العروس وصاحباتا والعريس طبعا، ولمة كدة ما بطالة دخلوا بيت الجيران، وبدات دكيكينية اخري على الضيق كدة بس امتع من الحفلة الكبيرة، اخت العروس وفردتا اتلفت يمين شمال لا شافت اختا ولا صديقاتا، طلعت برة وتصنتت، سمعت الربة جاءت داخلة من متين الحفلة دي مدورة يا خاينيين! وسرعان ما اندمجت في الفرح الجماعي؛ دحين البوست دا من متين ؟ اول مرة اشوفو..... ................................. في المنصورة جاء صديقي يوسف دقاق المحب للحفلات، ولقى حفلة استقبال برالمة على وش ان تنتهي وفي شقتو كمان عارف قال شنو... اسمعوا يا جماعة الحفلة دي تعيدوها لي تاني من الاول؛ سلامات يا حللي، وبركة الشوفا ياخ، وعنكبة دا حكايتو خفيفة، دي كلو من رياضة الكُبُر؛ لي عودة هنا وفي التلفون تسلموا جميعا.....
| |
|
|
|
|
|
|
Re: ...شكر ....عرفان ... امتنان .... للاصدقاء (Re: عبدالمنعم الطيب حسن)
|
.. ..Quote: .. حسنة وأجر وكفارة يا Hololy |
.. ابو عمار يا عزيز .... طبعا ما حنقول يا اب تفه .... لانو الصوره دي قديمه ...من زمن كان بكري عندو شعر و بمسحو بالكريمات ...بالاضافه لانو سمعنا و العهده علي الراوي انو عمار الابن ... زعمطتك صاح و خلي بكري بالنسبه ليك ....هيماميلني ؟؟؟ عشان تاني تجي السوق ؟؟؟ تحسبو لعب و اللا منبر . . . .. .. شكرا ليك كتير يا صديق....و يبدو انو لسه عندنا جكه في المنبر .... و نسأل الله انها ما تكون عرده ... بالبل الكتير.....والحلاقه الفيهو تلحقونا صاحبو ...!!! و تبقي علينا صلعه نص كم و شيب طويل ... مجددا شكر ....عميق ... و اعمل حسابك برضو لانو شايف عمار ...بالاضافه للزعمطه عمل شغل كويس ... و قصص ليك اجنحتك و بقيت مقل الطله في المنبر ؟؟؟ ... . .و عبرك تحاياي الحاره لزول عزيز لا يقل معزه عنك وشفتو يجاورك في احدي الصور الطاشه هنا بالمنبر ...كن كما تريد و الاسره يا عزيز ... ... ..
.. .. ..
| |
|
|
|
|
|
|
Re: ...شكر ....عرفان ... امتنان .... للاصدقاء (Re: Hololy)
|
Quote: ..فقد كنت حينها ... في حلبة الملاكمه ... و صراع مع....المدعو.ملك الموت... (عزرائيل حنانيا كوهين)... و اخوانو الباقين ناس هاروت و ماروت ...و منكر و نكير و رقيب و عتيد ... القانصييييين بهناك .. بشجعوا في اللعبه الحلوه يترقبون نهاية الجوله الاولي ؟؟؟ ..يتحرقون لانهاء المباره (لصالح كبيرهم حنانيا كوهين الذي علمهم السحر ) عشان يتفرغوا ويشوفوا شغلم و يكملو الناقصه؟؟ ..و كأنما الحكايه ناقصاهم !!!!... فخاب فالهم جميعا (عضلات تبش) في تلك الجوله بصرع كبيرهم ذاك .. وبفضل طاقه مختزنه ...لم تتبدد بعد ...اّزرها و عضّد ثباتها ... اكف كثيره للاصدقاء ارتفعت عاليا بالمؤازوه و حب الحياه ما استطاعت اليها سبيلا.... |
Quote: ياخ عزرائيل شنو الماجدي و جايي يشاغل كمان؟؟؟ هسع هو الماجادي و اللا انت الماجادي؟؟ ...انت خلي بالك ما مقتنع ...بعضلات تبش دي ؟؟؟ و لاحظ ...عضلات تبش و معاها... دعوات ... اولاد عمر مصطفي . ودعوات طراوه..(مع انو دعوات عمر مصطفي دي انا عارفا ما قايمه منننن الواطه) و الوصلتني حقيقة هي دعوات اطفالوا ...اضافه لدعوات اولادك وكل الناس الذكرتهم فوق ديل ...., ومع الدعوات دي و بالذات الطفوليه بتاعت الصغار لو صاحبك ده كتر قلل ... كان هو ذاتو اتلحس (عذرائيل طبعا ) ...
|
لاحولةً ولا قوةً إلا بالله العليّ العظيم اللخووووو حولى انت من امة محمد بن عبد الله صلى الله عليه وسلم مسلم بى تشهد ان لا إله إلا الله وتشهد أن محمداً رسول الله وتؤمن بالله وملائكته وكتبه ورسله والقضاء والقدر خيرهـ وشرهـ ياخى اليوم داك اريتك كان متا يمكن تكون فى وضع افضل من دا بى كتير لان المرض كفارة لصاحبه واعلم ان عزرائيل لا يرسل ليلاعب بل لينفذ ولن تردة دعوات ولا بطيخ بل تعلق بين العرش ويخفف الله بها عنك يوم الحساب وعند حساب البرزخ إن قُبلت واعلم ان ما اصابك من خير فنعمة وما اصابك من شر فكفارهـ وان مرضك الذى نجاك الله منه بفضله ومنته انذار لك لتؤووب فى هذة الفانيه ولا تعود لتتجاسر على قضاءهـ وقدرهـ بعضلاتك التبش التى لن ترد عنك ضربه من يد الملاكم السودانى هاشم بدر الدين الذى اوهنه الكبر ناهييك عن ملائكة الرحمن الذى يفعلون ما يؤمرون ولا يعصون الله اللخوووو حولى قال صلى الله عليه وسلم انا زعيم بيت فى ربض الجنه لمن ترك المراء وان كان محقاً المراء الهظار وربض الجنة وسطها وزعيمة أى سيدة اى فى صحبتة اخى حولى جعلك الله فى صحبت نبى الرحمة المهداة وجعل مرضك الذى لم نسمع عنه شيئاً كفارة لك وحسنه تثقل موازينك يوم لا ينفع مالٌ ولا بنون واترك المراء والهزق فى حق الله وملائكته قضاءهـ وقدرهـ الذى لا يرد إلا برحمةِ منه وبركات أخى حولى فانت صاحب ملكة ادبية سخرها فى خدمة دعوة السلام والاسلام وملاطفة اصحابك فى غير ما جرأة على الاسلام واركانه رحمك الله : : : مع التحيات لله الزاكيات
| |
|
|
|
|
|
|
|