|
|
 يا حيدر حنين هوّجتك أمسكا عليك في الشهر دا، نعمنها كعبة بالحيل...
|
قال ليك إتنين من أهلنا بيجدعوا الطينة. أها من تصبح الوآطة
تلقاهم غاتسين في الحوض ويخفجوا، اوآآآت ضنب الكديس
يتغتى يسدروا علي المرايس.
يوم واحد قال لرفيقوا، آ الضو أخوي المريسة دي دبغت
شلآليفنا، ما تمشاك علي البندر نضوق الويسكي.
أُمحومد قالوا، آ زول اختراك تب.
أها، الجماعة وصلوا الخرتوم نُصصصت نهار، والوآطة
مولعة نار.
الضو قال لمحومد، كدي تعال علي الكِشيك دا النشرب
لنا مهيةً صاقطة.
الضو قال لبتاع الكشك، آ جنا ادنا شيتاً نشربو.
بتاع الكشك قال ليهو، عندنا جوافة وعرديب وليمون، وبيبسي.
الضو قال لمحومد، ها زول ها الجنا عندو ويسكينا زاااتو.
أدنا اتنين.
بتاع الكشك فتح ليهم إتنين بيبسي. قعدوا في ضرا الكشك،
وامحومد قبض القزازة وصنقعبها، وكع، كع، كع رقدبها
ونزلا عدمانة الحبة، وقال كدي باااااااااااع إدشى. عيونوا
حمرن ونخرينو جرن، ودموعوا ديل قالن شو.
الضو عاينلوا وقالوا، أُمحومد أخوي!!! ها زول ها، اللتاريك
سكرك كعب تب...
|
|
 
|
|
|
|
|
|
|
 Re: يا حيدر حنين هوّجتك أمسكا عليك في الشهر دا، نعمنها كعبة بالحيل... (Re: معاوية المدير)
|
Quote:
سوداني ولاَ ما سوداني ... يمين الله ضكر
بلدا مو بلدك انطلق فيها عريان
الزول اعترته حاله وحاول يعبَر عن شعوره في تلك اللحظة |
يا حيدر أخوي أهبط. حكاية بلداً ما بلدك إنطلق فيها عريان دا كان زمان،
زمن تمشي مصر تقضي فيها شهرين ما يلآقيك سوداني. آخر يوم في
إجازتك يلاقيك سوداني وإنت ماشي علي المطار ياخدك بالحُضن وأشواقكم
تتعفص مع بعض يحلف عليك يرجعك، تاني تاخدلك شهرين وشهر من عندك.
يا اخوي الليلة ترفع ليك طوبة في القطب المتجمد الشمالي ينط سوداني يقول
ليك، إتفضل يا ابو الشباب، زي بيتكم.
يا اخوي أعمل حسابك. علي اليمين تفرفِر الفضائيات دي تتناقلك زي
مرسي، ما تقول لي قاعد في النبال !!!. كفاية فضايح السينما الجمهورية.
| |
|
|
|
|
|
|
|
|
 Re: يا حيدر حنين هوّجتك أمسكا عليك في الشهر دا، نعمنها كعبة بالحيل... (Re: محمد حيدر المشرف)
|
أووووه يا مدير
الهوجة بت اخت الهاشمية
الخليل الله يرحمو قال " حافي حالق" وما كمَل الهوجة بـ " يامولاي كما خلقتني"
لولا معزتكـ والشهر الفضيل كان طلعت الجبل حقهم وشايل جريد النخل أهش بيهو اي حاجة تقرص
-
كنا وقت الاتبراوي يجف والموية تتقطع ترع ترع
نمشي نخرَب الزرع الفي بطن البحر
مرة ونحنا بنعوم في باقي موية الدميرة
شرَكو لينا ناس الوجعة زاااتم وشالو هدومنا من القيف " الليلة ياجنَـون تمشو اهلكم عرايا ،حتى اللباسات تخلوها هنـي وتمشوا"
شالو العدة وطلقونا في السهلة الفسيحة ديك طرازانات غُبش
عليك امان الله قعدنا نحبي واحد وراء التاني لامن دخلنا الحلة مع وقت المسلسل
دحين الضرس تاورنا يازول
| |
|
|
|
|
|
|
|
|
Re: يا حيدر حنين هوّجتك أمسكا عليك في الشهر دا، نعمنها كعبة بالحيل... (Re: حيدر حسن ميرغني)
|
Quote: ياتو هوجه بالتحديد التي يتحدث عنها هذا "المدير"
باقي الزول ده هوجاتو كترت ..
شي نفهمو وشي ما نفهمو ..
علي بالحلال لغاية هسع هوجتو الاخيرة بتاعت الركوب ما فهمتها ..
دخلت البوست التقول عشره مرات ..
واطلع زي ما دخلت واحد ..
في النهاية قلت اقراهو في الفطر باذن الله !!! |
يا ود المشرف حيدر حسن، ما الكناري. الزول دا يتحجز ونقابض فيهو
قال إلا يعمل الحركة الغلبت مردونا. مردونا كان نفسو يتجدع سمكة في
شوارع بيونس ايريس، لكن الألمان طيروها ليهو، وحيدر حنين قال
الحركة الغلبت مردونا دي إلا يعملا عشان يبقى أشهر من ملاسي.
بوست الركوب أنا أرجعت البصر فيه كرتين، فرجع لي خاسئاً وهو
حسير، فخرجت أدُقُ يداً بيد ثمّ دخلتُ مرةً أُخرى بحمد وخرجت
بخوجلي، ورُحتُ أخوجل في الطرقات وأنا أردد، حسبنا الله ونِعمّ
الوكيل.
الكناري اظرط من رفيقو.
والله صحي...
| |
|
|
|
|
|
|
| |
معاوية المدير
HAIDER ALZAIN
محمد حيدر المشرف
حيدر حسن ميرغني
فيس بوك
تويتر
انستقرام
يوتيوب
بنتيريست