|
|
 معتز صباحي ..يا قدور ..
|
لامن يغني بتذكر الميكانيكي لامن يجي يقرض الجربكس ...
غايتو يوم ح يعفص ليهو مكرفون .....
معقولة يا قدور ...دة شنو دة ؟؟؟؟
مع اعتذاري للمكانيكية ....
|
|
 
|
|
|
|
|
|
|
|
Re: معتز صباحي ..يا قدور .. (Re: احمد محمد احمد عتيق)
|
غايتو معتز صباحي دا بذكرني العتالة اخر الدوام،
مرة يخمش الغنوة من اليمين تغلبو يويديها شمال،
ومرة ينط فيها دبل كلك، ومرة يغطس بيها، ومرة يقلع،
يقيف ما تزبط، يقعد برة الخط،
عرقان في جميع الاحوال، وخجلان،
حضورو ضعيف، وصوتو خفيف،
تصدقو وترني، الله لا تاجرو!
| |
|
|
|
|
|
|
|
|
|
Re: معتز صباحي ..يا قدور .. (Re: عبدالمنعم الطيب حسن)
|
اخى عبدالمنعم ..
تحياتى وتقديرى ..
بالغت لكن ..
معتز ده لمن يغنى بحس بيهو زى الباكل فى دوم ..
وعقدنى شديد عندما يجلس بعمل حركة بتاعت البنات ديك ..
غايتتو لحدى نص رمضان كده السودانيين كلهم حيعرفوا حاجة عن الزول مش مظبوطة وكده...
| |
|
|
|
|
|
|
|
|
|
Re: معتز صباحي ..يا قدور .. (Re: احمد محمد احمد عتيق)
|
معتز صباحى كان مايغنى إلا الأغانى الهو بيقدر يؤديها ...
والا يفارق البرنامج من البدايه هو كده جامل على حساب نفسو ..
والصوت الرايح منو ده ممكن بالتمارين الصوتيه السليمه يصلحو
لأنو لسه شباب ...
وحب الناس مذاهب وميولهم المتنوعه مكسب ....
وفى تقديرى انو عندو غنا غناهو كويس إلا إنو فى اغانى واغانى باهت جدا جدا
رأى المتخصص البروف الموصلى مهم فى هذا الشأن
احمد محمد احمد عتيق
كامل احترامى وتقديرى لوجهة نظرك
وكل سنه وانت طيب
| |
|
|
|
|
|
|
|
|
|
Re: معتز صباحي ..يا قدور .. (Re: ملهم كردفان)
|
Quote:
د. ازهرى شرشاب شرشاب · Cairo university branch of khartoum
غايتو اجمل تعليق عن معتز صباحى قريتو واحد يوصف قال الفنان اللابس شراب فى راسو
رد · أعجبني · متابعة المنشور · منذ 34 دقيقة |
| |
|
|
|
|
|
|
|
|
|
Re: معتز صباحي ..يا قدور .. (Re: امجد الجميعابى)
|
نعم لاول مرة اسمعه في اغاني واغاني ..حتى انني لم اسمع عنه ..ولا في الكاسيت الكتير الحايم ..
ونعم ..حب الناس مذاهب ..ولكل وجهه نظرة ...وبالنسبة لي وجهه نظر ليس الا ....
بس خرمج لينا غناء الجابري الجميل ..والغريبة في حلقتين متتاليتين ...اكيد قدور من المعجبين به ...
مع تحياتي للجميع ...
| |
|
|
|
|
|
|
|
|
|
Re: معتز صباحي ..يا قدور .. (Re: احمد محمد احمد عتيق)
|
Quote:
لامن يغني بتذكر الميكانيكي لامن يجي يقرض الجربكس ...
غايتو يوم ح يعفص ليهو مكرفون .....
معقولة يا قدور ...دة شنو دة ؟؟؟؟
مع اعتذاري للمكانيكية .... |
الاخ احمد .... عجبني تعليقك دا ...
وانا ما عارف كيف تم افناعه انه فنان ...
يااخ دا بياكل الكلام بطريقه غريبه .. وبيقطع .. زي الكربريتر الشرقان ...
و لبسته الكشميريه البايخه .. والتي يحاول ان يغطي بها صلعتووو ...
لو كان لبس جلابية سودانية وعمامه كان افضل ....على شرط ما يغني كمان ....
دا خرب لينا الاذن الوسطى ... الله يعفي ليهو ...
تحياتي ,,,
| |
|
|
|
|
|
|
|
|
|
Re: معتز صباحي ..يا قدور .. (Re: محمد مجيدو)
|
تحية...
تذكرت حين وجدت الشاب المذكور ضمن المجموعة وما كان يردده شيخنا في الخلوة عند تحميل اللوم لمن يستحق...(خاتيات القرود الختن قدورن ولا خاتي القرد الكبير الخته قدرو فوق قدور القردة)...
يتحمل السر قدور وزر محاولات تشويه الوجدان السوداني باسكانه هؤلاء الشباب عشوائيا في اغاني الافذاذ...
المدعو معتز وخلال اللحظة بين الامساك بالرموت الي حين الضغط عليه هروبامنه وامثاله يسبب تلويثا خطيرا للذائقة الرمضانية وللمزاج حين ننشد براحا مريحا نطل عبره الي عالم الفن في اصوله لا الي الهرجلة وتشتيت الضحكات المفتعلة والاصوات النشاز...
رفقا باعصابنا يا هؤلاء...وحمدا لله علي اختراع الريموت نستعمله كالسوط علي ظهر ال.... عند اللزوم اللازم في اغاني واغاني(كما قالوا)... جاتكم داهية..
| |
|
|
|
|
|
|
|
|
|
Re: معتز صباحي ..يا قدور .. (Re: محمد مجيدو)
|
Quote: ولا رمضان كريم وتصومو وتفطرو على خير ..
بالنسبة للموضوع :معتز صوت قوي واسلوب متفرد وله بصمة خاصة .. معتز يغني باسلوبه وطريقته لايقلد ولا يتشبه بفنان آخر . |
يا خالد نور ياخي هناك فرق بين تفرُّد الاسلوب والطريقة وبين التشويه...ما يفعله معتز صباحي هو تشويه للغُنا وهرجلة يحسبها صباحي تطريباً، وتشويه اللحن ليس تطريباً.
| |
|
|
|
|
|
|
|
|
|
Re: معتز صباحي ..يا قدور .. (Re: Adil Ali)
|
Quote: السلام عليكم استاذ / احمد عتيق
معتز صباحي محتاج للتاقلم مع البرنامج والمشاركين فيهو
بااله تحياتي لعاطف عتيق قول ليهو دفعتك في الجامعة/ احمد محمد عباس |
تحياتي احمد ووصل السلام ..وبيسال عنك ..وفعلا انقطعت فترة طويله جدا ...
| |
|
|
|
|
|
|
|
|
|
Re: معتز صباحي ..يا قدور .. (Re: ود الباوقة)
|
التحية لكم جميعا
برايي ان معتز صباحي ادى اليوم اغنية من طرف الحبيب للجابري كأسوا ما يكون الاداء وانا مخصوص إنتظرت تعليق السر قدور بعد انتهاء الاغنية فاذا بقدور يهلل لروعة الاداء ويبذل له وبسخاء آهات الاعجاب
لو ما اخاف الكضب معتز صباحي يقلد في أغطية الراس الفنان المصري (المحجب) عصام كاريكا
| |
|
|
|
|
|
|
|
|
|
Re: معتز صباحي ..يا قدور .. (Re: عماد ساتي)
|
شكراً أحمد محمد عتيق على فتح هذه الكوة ......
معتز صباحي أعتقد أن السر قدور دقس دقسة السنين في الزج به في هذا البرنامج ...صوت بلا تطريب ... وافتعال الأناقة بهذا الزي الغريب ..... قولوا ليهو يا ناس حتى سيف الجامعه كشف صلعتو .....
غايتو في إعتقادي الخاص أن (فاطمة) ولا أعرف بقية اسمها تعد واحدة من أفضل ما قدمه عمنا السر قدور هذا العام ...... البرنامج شيق ...ونسبة مشاهدته عالية جداً ولكن تبالغ إدارة القناة بوضع هذا الكم الهائل من الإعلانات خلاله.... غايتو العايز يستمتع جد عليه بالإعاده ما فيها أي دعايات .....
مع خالص شكري وتقديري ؛؛؛؛
| |
|
|
|
|
|
|
|
|
|
Re: معتز صباحي ..يا قدور .. (Re: إدريس محمد إبراهيم)
|
Quote: غايتو معتز صباحي دا بذكرني العتالة اخر الدوام،
مرة يخمش الغنوة من اليمين تغلبو يويديها شمال،
ومرة ينط فيها دبل كلك، ومرة يغطس بيها، ومرة يقلع،
يقيف ما تزبط، يقعد برة الخط،
عرقان في جميع الاحوال، وخجلان،
حضورو ضعيف، وصوتو خفيف،
تصدقو وترني، الله لا تاجرو! |
مباااااااااااااالغة يا منعم
الغريبه معتز صباحي من ناحية السلوك كويس بتشبه بي عبدالله بالخير ليه ما عارف وخاصة السبحة
اما الغنا حقو ابدأ من جديد مع بابكر صديق بلون اخر امكن تلفق معاهو
البرنامج اصبح مكرر وممل
| |
|
|
|
|
|
|
|
|
|
Re: معتز صباحي ..يا قدور .. (Re: عباس الدسيس)
|
Salma Salama · الأكثر تعليقا · Cedar Crest College
يا معتز صباحى ما تشتغل بالناس ديل نهائى ، رغم انى ما شفت الحلقة ، وما اظن اشوف اى حاجة لانه ما عندى تلفزيون ، وعندى مشكلة فرق توقيت ، لكن الناس ديل ما بعجبهم العجب ولا معتز صباحى ، لاعب الكورة لمن يعجز وهو عارف روحه انه ما بقدر يلعب تانى يهيجو فيهو ويكرهوه روحه ، رغم انه قدم ما قصر للجمهور دا نفسه البقول ليهو اطلع من الميدان ، معتز صباحى دا ولد غناى ، يعنى ما عنده صوت فارق ولا مستلف صوت ، زول غناى وصوته جميل لكن الاضواء دى ما بقدرو عليها ناس كتار ، عليه ارجوكم ادوه فرصة ، ياخ انتو صابرين على نافع والبشير ما قادرين تصبرو على الفنان معتز صباحى ؟ دا شعب شنو الغريب دا ؟
رد · 4 · أعجبني · متابعة المنشور · منذ 12 ساعة
Fatih Abbas · متابعة
انا واحد من الجمهور وماعندي راي في صوت معتز,, بس راي انه بتشالق في بعض الاغاني, وبيفرق زمن في الاخر, عليه يجب على معتز تجويد ادائه حتى ينال رضاء الجمهور,, واتنين أكان قالوا ليك اضانك مافي أتبنها.
رد · أعجبني · منذ 12 ساعة
Sadig Shiakh Eldin Gibril · متابعة · Leerkracht في Vlaamse overheid
يا سلمى أنا داخل من قبيل في حوار مع معنم شوف حول نفس الموضوع، لكن عجبتني ... ادوه فرصة دي.. زي صاحبنا مشى مع ولد اخته المدرسه عشان رفدوهو، الاستاذ قال الولد ما بعرف ولا 3 في 3 كم، وسأله الاستاذ، والود ردَ... 9، الخال اتلفت على الاستاذ قال عليك الله اديه فرصة، معتز غني باسلةبه للجابري، الداير يسمع الجابري ببساطة يمشي اليوتيوب...
رد · 1 · أعجبني · منذ 12 ساعة
| |
|
|
|
|
|
|
|
|
|
Re: معتز صباحي ..يا قدور .. (Re: احمد محمد احمد عتيق)
|
Waleed Dawash · متابعة
يا سلمى بالغتي والله ... الزول ده بشتن اغنية رسائل للجابري بشتنة ما بعدها بشتنة .. بالله اسمعيها و تعالي قولي رايك .
رد · أعجبني · متابعة المنشور · منذ 9 ساعات
Mona Ahmed · جامعة ام درمان الاهلية
والله بشتن اغنية الجابرى بصورة غيااااااااااااااظه جدا
رد · أعجبني · متابعة المنشور · منذ 33 دقيقة
Hassan Mhdi · محاسب في شركة الراجحي
ياخي معتز صباحي بالغ معانا أمس طير البلوم . والليله شتت الرسايل وحير ود الياس ... هههههه
رد · أعجبني · متابعة المنشور · منذ 13 ساعة
| |
|
|
|
|
|
|
|
|
|
Re: معتز صباحي ..يا قدور .. (Re: احمد محمد احمد عتيق)
|
Khaled Noor
تسلمي استاذه سلمى .. وعجبتني صبرتو على نافع والبشير ههههههههههههه .. تاني حاجه معظم النقد الموجه نقد انطباعي يعني لابس شنو وشكلو كيف وزكرني ايه نقد من اجل الضحك والونسه وهضم المندي والمظبي ^_^ .. وانا أأكد ليك اكتر فنان كان ينتقد نقد جارح ونقد في الخاص اكتر من العام المرحوم محمود عبد العزيز والناس ديل زاتهم بعد وفاة محمود عبد العزيز لبسو الاسود وصرو وشهم وعملو فيها هم اكتر ناس كانو بسمعو لمحمود وكمان في واحدين عملو كان ماهم محمود ما كان بقى فنان الشباب الاول .. محن سودانية .. وتصومي وتفطري على خير يا استاذه
رد · 1 · أعجبني · منذ 12 ساعة
اعرض 2 أخرى
Khaled Noor
كلام سليم اخ كردفان .. معتز في اول ظهور له الحلقه قبل الاخيرة لم يكن موفقا في اختيار الاغنية وكان عليه ان يعتذز ويختار ما يناسبه حتى لا يظهر بطريقه تقلل من اداءة .. وفي رأيي في حلقة اليوم بدأ يظهر جزء من مقدراته وامكانياته الصوتية .. زائدا انه ماشرط الفنان يكون بعرف يغني كل الاغاني .. وكل فنان يدعي ذلك فهو مخطيء فلكل فنان نوع معين من الاغاني ولونيه خاصة في طريقه ادائة والا كان عندنا فنان واحد بنسخ متكرره
رد · أعجبني · متابعة المنشور · منذ 14 ساعة
Kamal Omer · Faculty of law cairo university
معتز صوتو قوي و ممكن يطربك ، بس لو خلا لولوة الخشم البيعمل فيها دي و لوليح المكرفون لأنو بلولوة الخشم يغير النطق للكلمات و لوليح المكرفون يخليك ما تسمع باقي الكوبليه البقول فيهو ، اللبس دا ما لقى استحسان لأنو عموماً السودانيين ( الصُلُع ) ما بيغطو راسهم كده ، بس هو زول فنان
رد · أعجبني · متابعة المنشور · منذ 14 ساعة
| |
|
|
|
|
|
|
| |
عبدالمنعم الطيب حسن
عبداللطيف شريف على
عماد ساتي
فتح العليم محمد أبوالقاسم
ملهم كردفان
امجد الجميعابى
garjah
محمد مجيدو
محمد الكامل عبد الحليم
ناصر حسين محمد
مهدي صلاح
إدريس محمد إبراهيم
عباس الدسيس
فيس بوك
تويتر
انستقرام
يوتيوب
بنتيريست