|
بالنسبة لتعريفة المواصلات !!
|
يبدو ان الحكومة قد رفعت يدها عن اي شيء, المواصلات و السلع الاساسية و الجاز في السكة كيلو الطماطم بي 8 جنيه ده قبل يوم, اليوم البعديه تلقى وصل 15 جنيه اما المواصلات فحدث ولا حرج حافلات بعدد اصابع اليد و المئات من المواطنين محتارين يصلو بيوتهم كيف ده كله كوم و التعريفة البقت بتصدر عن سائقي الهايصات دي كوم تاني مثلا ... مواصلات الخرطوم - الشعبي ام درمان التعريفة الرسمية بي جنيه و ثلاثمائة قرش في نصصص النهار بتاع الحافلة بقيف و ينده شعبي بي جنيهين اما بعد الساعة 9 مساء فتعال شوف ,, شعبي على خمسة جنيه شعبي على خمسة جنيه طيب وين بصات الولاية !!
ده كله هين الموية البقت كلها طين دي حكايتها شنو !!
-- الحكومة رفعت يدها عن اي شيء إلا المواطن ارفعوا ايديكم عن المواطن يا هوووي
|
|
|
|
|
|
|
|
Re: بالنسبة لتعريفة المواصلات !! (Re: حسبو عكاشة)
|
متوسط دخل الفرد شهريا 700 جنيه " لا يوجد مصدر رسمي " و الفرد ده ذاتو بكون عنده ثلاث اطفال عايزين رسوم المدرسة و حق الفطور و نفس الفرد ده بركب المواصلات ابو جنيهين بالنهار و خمسة بالليل و عنده حق إيجار 400 جنيه على اقل تقدير نهاية الشهر بكون مديون طيب بوفق اوضاعه كييييف !!
-- قالو ليه بتصرف كم ؟ قال 700 جنيه بتتوصل بي كم ؟ قال بي 300 جنيه مؤجر بي كم ؟ قال بي 400 جنيه طيب بتاكل من وين ؟ قال باكل سيد البيت
| |
|
|
|
|
|
|
Re: بالنسبة لتعريفة المواصلات !! (Re: حسبو عكاشة)
|
سلمى يا سلمى Quote: يعنى لمن يرفعو يدهم عن المواطن القاعدين ليها شنو ؟ ما يتفكفكو يا عمك |
الحكومة رفعت يدها عن دعم اي شيء " التقول كان في دعم اصلا" بالرغم من ده لسة بتطالب المواطن بالجبايات و حق النفايات و ايصالات ما انزل الله بها من سلطان برضو مسلطة في رقبة المواطن
| |
|
|
|
|
|
|
Re: بالنسبة لتعريفة المواصلات !! (Re: حسبو عكاشة)
|
Quote: طيب بوفق اوضاعه كييييف !! |
في زمن فوضى الاسعار و في زمن الحكومة قاعدة مربعة يدينها و بتتفرج اها الناس بقت تقالع من بعض بتاع الحافلة بزيد التعريفة و بقلعها من الركاب و بتاع الدكان بديك بالجرورة لكن بخت طاقية في اي سلعة و هكذا الشغلة جاطت جوطة شديدة خلوووووس
| |
|
|
|
|
|
|
Re: بالنسبة لتعريفة المواصلات !! (Re: حسبو عكاشة)
|
Quote: لكن بخت طاقية في اي سلعة |
ياحسبو الطاقية ما عندك ...وبالله دا إنت؟ كنت خاتي ليك صورة حسبو عكاشة...حسبو عكاشة كدا....بالله طلع شكلك زيك وزي خلق الله العاديين وكمان بطلت التخصص..:) آخر مرة شفتك بتتكلم عن حراك..إفتكرتوا حراك جماهيري ثوري طلع حراك زحزحة مواصلات وماتعمل ليك بوست روحاني في رمضان دا عنوانو ..."هل تراني كنت أفحط بإستهتار"؟ ههههههه أقلوا تطلع من ساهر أحمد التجاني وتزيل "المس أندرإستاندق" الحاصل بينكم دا...وتوفق أوضاعك معاهو...وهكذا...:) ــــــــــــــــــــــ ربنا يصلح حال البلد ويهدّي جوطتها و..يهدي النفوس..وتصوم وتفطر على خير.
| |
|
|
|
|
|
|
Re: بالنسبة لتعريفة المواصلات !! (Re: أمير محي الدين محمد)
|
بالنسبة لتعريفة المواصلات والتلاعب بها فالسبب الأساسى هو المواطن. لو تمسك كل مواطن بالتعريفة لما تجرأ سائقى الحافلات بالتلاعب بالتعريفة. نفس الموقف مر بى قبل يومين.. نزلت من الحافلة بعد أن علمت بأن التعريفة غير.. المدهش أنى الوحيد الذى نزلت.. والباقين- مسحوقين ومعدمين- تمسكوا بمقاعدهم.. قلت ليهم انزلوا ونشوف سائق الحافلة دة ح يسوى شنو.. نط سائق الحافلة وقال لى " لو ما عندك بشيلك ساى".. أنا ممكن أدفع 100 ضعف التعريفة وما بتفرق معاى,, المشكلة عندكم يا و ه م هههههه نزلت وما هى الا ثوانى وأتت حافلة بالتعريفة الرسمية... . الأمر لو طالبت بباقى الألف.. 300 قرش.. الحافلة كلها تنظر ليك زكأنك شحاد.. ولو أصريت احتمال الكمسارى يرجع ليك قروشك كلها بداعى الشفققة,, فى حين أنه دة حق.. غايتو الخرطوم دى عادى ممكن تتحاوم فيها بالمواصلات وأنت لا تملك التكتح..
| |
|
|
|
|
|
|
Re: بالنسبة لتعريفة المواصلات !! (Re: ombadda)
|
حسبو سلامات ورمضان كريم أكون صريح معاك أحيانا أشعر " بقرف" وطمام شديد من الشكاوي دي لانها أضحت نغمة ثابتة كل شي فيه شكوى وكل أحد يشتكي وكلنا نعاني مملنا الشكاوي ، مالذي يمنع محاولة الموطنين تحسين سبل حياتهم أما بالثورة على النظام او بالثورة على الاستغلالين بضربهم وتأديبهم المأساة اننا تحولنا لمسوخ ترتضي اي شي
| |
|
|
|
|
|
|
Re: بالنسبة لتعريفة المواصلات !! (Re: ناصر حسين محمد)
|
سلامات يا ناصر و تصوم و تفطر على خيرQuote: حسبو سلامات ورمضان كريم أكون صريح معاك أحيانا أشعر " بقرف" وطمام شديد من الشكاوي دي لانها أضحت نغمة ثابتة كل شي فيه شكوى وكل أحد يشتكي وكلنا نعاني مملنا الشكاوي ، مالذي يمنع محاولة الموطنين تحسين سبل حياتهم أما بالثورة على النظام او بالثورة على الاستغلالين بضربهم وتأديبهم المأساة اننا تحولنا لمسوخ ترتضي اي شي |
بتفق معاك في اغلب كلامك و احكي ليك جانب من الثورة على الاستغلالين بتاع هايص جا وقف و الناس كتيرة جدا و مافي حافلات, و بقى يكورك الحاج يوسف على 3 جنيه " اي الضعف " الجماعة ركبو و بعد اتحرك كم متر الجماعة بدو "الحراك" هههههه و الململة و ده استغلال و جشع منك و واك ويك عمك قال ليهم يا جماعة هوووي انا ماشي بيتنا و قلت اعمل فيكم خير و على كيفي اشحن بالتعريفة البتريحني الجماعة شبكو ليك يا زول ده حقنا عمك طوالي دق خلف و رجعهم محل ركبو و قال ليهم انا ما عايز اشحن ذاتو عايز امشي البيت فااااااضي بعد الجماعة نزلو عمك متحرك قال ليهم " انتو حقكم ده ما عارفين تشيلو من وين كمان !! حقكم عندي انا ؟؟؟" و فححححط
| |
|
|
|
|
|
|
Re: بالنسبة لتعريفة المواصلات !! (Re: ombadda)
|
سلام دكتور Ombadda
Quote: بالنسبة لتعريفة المواصلات والتلاعب بها فالسبب الأساسى هو المواطن. |
كلامك صاح , بداية التعريفة الرسمية المواطنين ما عارفنها زادت بي كم و البقولو الكمساري بدفعوه لكن كمان في ظل عدم توفر الحافلات الناس بتدفع اي حاجة بتتقال عشان يتفكفكو بعدين الفوضى ما خاصة بالمواصلات بس تهبش اي حاجة بتلقى سعرها زاد بين يوم و ليلة ربك يصلح الحال غايتو
| |
|
|
|
|
|
|
Re: بالنسبة لتعريفة المواصلات !! (Re: أمير محي الدين محمد)
|
يا أميرنا, مشتاقين ياخ ياخ لقيتك بصااااار, قاري الملعب صاح الصاح دي شكلها طواقي الخوف يا عمك بعدين احمد التيجاني الاوضاع معاه موفقة , و ما التوفيق إلا من عند الله :) أزلنا "المس أندرإستاندق" من ايام الدرويشة , و كل فكرة تولد سليمة دعوها تنمو سليمة :)
| |
|
|
|
|
|
|
Re: بالنسبة لتعريفة المواصلات !! (Re: حسبو عكاشة)
|
Quote: هههههه انت بقيت مناضل يا حسبو والله احسن تناضل بدل العوارة هههههه كان نضال حسبو العوير ما عارف ههههههه |
يا عزو والله مع المواصلات المافي دي و سخونة الجو البلد في اشد الحوجة لخدماتك كشك ظرييييف في كوبر عشان تمتع ناس بري :) كسير تلج .. المتنا حقن البنج " :)
| |
|
|
|
|
|
|
|