|
|
 يا جماعة في مخرجين وبتاعين ديكور في السودان
|
المسلسل كلو الناس تفكر وشايلين هم
اي زول شايل ليه هم ويفكر ويعاين بعييييد
تاني شيء يجبو الزول شايل ليه لمبة جاز وفي نفس الوكت لمبة الكهرباء شغاله
في راكوبه يا جماعه في السودان بكونو معلقين فيها طباقه وسيوف وحراب وفي قريه ولا اي حته في السودان ده في مجلس قريه ومجتمع دايما بس لانو الحلقه وال القره كلها ناس مهمومه ومتشاكله
طباقه دي جمع طبق وهو بغطو بيها الاكل في الصينيه للما بعرفها
والمهم الزول يكون لبسو الملبسينو ليه تعبان جدا ويكون البيت جابوه من بره تعبان جدا
يخل البيت جوه يكون مفروش علي اعلي مستوي والستاير كيف
المشكله المخرجين ديل بعملو في شنو وبتاعين الديكور
|
|
 
|
|
|
|
|
|
|
|
Re: يا جماعة في مخرجين وبتاعين ديكور في السودان (Re: abas)
|
علي مهدي
ياخ الليله يدينا خيرك نفس الاسلوب ونفس الكلام والحركات من زمن المسرحيه المع تحيي زروق
مافي زول غيرك يعني في السودان ده
احترنا زاتو الفن ناس معينه
السياسه ناس معينه ما بتغيرو ولا بموتو زاتو
الكورة ناس معينيين عاملين فيها اسياد الكفر وهم ما شاتوه ولا ضفاري زاتو
امتع شيء في الشروق برنامج رمضان حسن والجمري حامد
| |
|
|
|
|
|
|
|
|
|
Re: يا جماعة في مخرجين وبتاعين ديكور في السودان (Re: abas)
|
معاك 100%
ديكوراتنا في قنواتنا تخجل
جنس ألوان
وجنس كرور
وجنس مرض
يا جماعة إنتو ما بتشوفوا القنوات الأخرى ( عربية / أجنبية )
شرطوا عينا ،،، الله يُشرط ..... ( اللهم إني صائم )
أرحمونا الله يرحمكم
أما مخرجينا
أخير أنسكت والدنيا صيام والسُترة واجبة
| |
|
|
|
|
|
|
|
|
|
Re: يا جماعة في مخرجين وبتاعين ديكور في السودان (Re: سيف الدين محجوب)
|
سيف الدين محجوب
والله يا اخوي سيف الدين فعلا تخجل والمشكله يجيبو ليك واحد لابس عراقي ازرق ولا لبني ولا احمر يا جماعه معقوله في السودان ده كلو في زول شاف ليه زول لابس عراقي باللون ده
وال المسلسل بتاع السيف والنهار في تلفزيون السودان
المسلسل كلو رجاله وكلو في وسط شجر شوك وتدخل الاوضه تلاقيها مقروشه علي احدث طراز وناس حايمه في الخلاء وشايله لمبه جاز وتشوف لاشارع منور بي كهرباء
ومن متين في عمده في السودان ولا وزير ولا حاكم اقليم زاتو بقدر يربط ليه زول في شجره
الناس دي كلموها ياخ
سيف الدين محجوب
يا حبيب رمضان كريم
| |
|
|
|
|
|
|
|
|
|
Re: يا جماعة في مخرجين وبتاعين ديكور في السودان (Re: abas)
|
أولاَ رمضان كريم وكل سنة وإنتم طيبون
طبعا السودان بلا شك تتوفر فيه كل الكفاءات لكن
مشكلة هؤلاء الدراميون أو الذين يمسكون بهذا النشاط
عشوائيون ولا يردون أن يشركوا معهم أصحاب الفن البصري
أو الإجتهاد في دمجهم في نشاطهم ليسددوا الثغرات .
لكن يبدوا أنهم يريدون أن يصنعوا عمل بأقل تكلفة واقل جهد
والعمل الجيد يحتاج لبذل مجهود كبير ووقت أكثر وحشد إمكانيات بشرية
ومادية اكثر.
| |
|
|
|
|
|
|
|
|
|
Re: يا جماعة في مخرجين وبتاعين ديكور في السودان (Re: منتصر عبد الباسط)
|
منتصر عبد الباسط
حبيبنا منتصر كل سنة وانت طيب
ويتعاد علينا وعليك بالخير وتصوم وتفطر علي خير
ده الكلام والواقفين عل يالكلام ده كلو ناس معينيين وكل سنة كده مافي تغير ليه يا جماعه
والناس تحس بيهم بمثلو يعني مافيهم زول تلقائي كده وبعيش الدور وتاني شيء بحير موضوع الهموم والزول يكون مهموم ليه بس
وين البساطه والونسه العاديه المهم بجيك حاجه كده بتخليك تحس انهم بلعبو بينا بس
| |
|
|
|
|
|
|
|
|
|
Re: يا جماعة في مخرجين وبتاعين ديكور في السودان (Re: abas)
|
Mutaz Altayeb
لكم التحية .. انا ش
اهدت حكايات سودانية امس ولفت نظري الطباقة والحراب والسيوف الفي كل مكان دي.. بعدين في دخان لونو ازرق بجيبوهو في اي لقطة .. دي ما عرفنا سرها شنو.. المعروف انو الطبق بغطو بيهو الكسرة ولا الصينية ونحن اولاد ريف ما شفنا لينا يوم واحد طبق ملصقنو في حيطة.. بعدين في حاجات كتيرة عايزة تفسير.. انا خليت القصة الاساسية وبقت مركز مع الجلطات بتاعة الديكور دي.. غايتو انا اول ما شفتها اتذكرتا مسلسل الجوارح طوالي
حبيبنا معتز رمضان كريم
دي الحكايه الخلتني اتكلم عنهم ياخ نحنا مولودين وعايشين في ريف الريف زاتو ما لاقينا مناظر زي دي ولفيت السودان ده كلو غرب وشرق وجنوب وشمال ما لاقوني ناس بلبسو عراريق لبنيه ولا خضراء
الناس دي بتمثل علي منو بس البشتنه لزومها شنو
شفتو ليكم عمده بربط ليه زول في شجره ويدقو والبدقو فيه يقول للمره اديني الناكل وهو بدقو فيه
احيييييييييييييييي يا بطني بس
| |
|
|
|
|
|
|
|
|
|
Re: يا جماعة في مخرجين وبتاعين ديكور في السودان (Re: abas)
|
يا جماعه المسلسل كلو زول رابط ليه زول في شجره وزوله بتمشي تتكلم مع نعجه نعجه يا جماعه
وزول شايل لمبة جاز والكهربائ شغاله الغريبه يعني شايلها ليه دي عاوزين لينا زول يكون عارفه بس
وزي ما قال اخونا الدخان الازرق ده بجي من وين
يا ناس ورونا وين المسؤولين عن الحاجات دي
| |
|
|
|
|
|
|
|
|
|
Re: يا جماعة في مخرجين وبتاعين ديكور في السودان (Re: ملهم كردفان)
|
ملهم كردفان
حبيبنا ملهم كردفان
كل عام وانت بخير وتصوم علي خير
فى لكن مستواهم التنفيذى
محتاج لشوية تأهيل إبداعى منطقى متجدد
يا حبيبنا المشكله ما في التاهيل المشكله في الابداع
ياخ السودان ما كلو شجر شوك
ياخ عليك الله وريني مسلسل مافيها شجر شوك
ولا فيها زول لابس ليه ملابس لونها غريب
ما عارف ديل عاوزين يورو الناس شنو ويوروهم بي الكذب بخلاف الموجود في الواقع
تحياتي يا حبيب
| |
|
|
|
|
|
|
| |
abas
سيف الدين محجوب
منتصر عبد الباسط
MOHAMMED ELSHEIKH
ملهم كردفان
فيس بوك
تويتر
انستقرام
يوتيوب
بنتيريست