|
|
 رمضان يجمعنا
|
تذكر الاولاد ايام المدرسة لما يعملو معاك شكله واضاربوك
وتجي تاخذ حقكم منهم وتضاربهم اختو الشنطه بينك وبينهم
ولما تفك فيهم البنيه وتقع في الشنطه اقولو ليك حرام ... الشنطه فيها كتاب دبن.
أها الاولاد ديل لما كبرو بقو كيزان....
|
|
 
|
|
|
|
|
|
|
|
Re: رمضان يجمعنا (Re: عباس الدسيس)
|
Quote: تذكر الاولاد ايام المدرسة لما يعملو معاك شكله واضاربوك
وتجي تاخذ حقكم منهم وتضاربهم اختو الشنطه بينك وبينهم
ولما تفك فيهم البنيه وتقع في الشنطه اقولو ليك حرام ... الشنطه فيها كتاب دبن.
أها الاولاد ديل لما كبرو بقو كيزان. |
عباس الدسيس تصوم و تفطر علي خير
متابعة و عودة
| |
|
|
|
|
|
|
|
|
|
Re: رمضان يجمعنا (Re: امير طمبل)
|
ام جنقر :
جني وجن زول اقول ليك نصلي ونفطر.
كنت في ماموريه لمدينة النهود في رمضان ولم اجد متعة اكثر من متعة سجارة بعد الفطور سوي أم جنقر في رمضان.
مشكلة ناس النهود بصلو وبعدين بفطرو والحكاية ما راكبه راسي
اولا الزول استف بطنو بعدين اصلي.
في ناس عندهم رأي بقولو اولا الصلاة عشان اقعدو كويس للاكل.
قدمو لينا دعوة فطور خارج الميز مشينا وشايل معاي هم الصلاة اولا وفعلا الجماعه قدمو الصلاة علي الاكل حاولتهم يا جماعه ناكل اول كلهم بصوت واحد يا زول الشفقة ليك شنو كلها خمسة دقائق.
يا جماعه ناكل وانشاءالله نصلي عشرين دقيقه ... واعاين لي كورة ام جنقر بحسره.
الجماعه الزول ده ما تشتغلو بيهو زحو الصواني وراء واقيمو الصلاة.
بالله قولت الله اكبر والامام انتهي من الفاتحه نسمع ليك كركبه في الصواني وراء البقية ما بعرفا لكن أنا كرعي قعدن اترقطن وبالي مشي بعيد يا ربي دي غنماية بتكابس في الاكل تقوم تجوط لينا العدة والليمون مع العصيدة وتبقي ليلتنا منيله قرصته عيني في الركعه بي تحت اشوف ليك زول واقف ولابس عراقي قلبي اطمأن شوية .
واصلنا في الصلاة في الركعه الثانية الكركبه جات تاني وبشدة بعد شوية نسمع ليك زول اقول ((ام جنقر لا اله الا الله - ام جنقر لا اله الا الله- ام جنقر لا اله الا الله)).
ياربي ام جنقر الحصل ليها شنو!!! والزول بعمل في شنو!!!! والصلاة بتنتهي متين عشان نشوف الحاصل شنو!!!
القلب بدأ اشتغل .
الامام استعجل لي نهاية الصلاة الظاهر فلبو اكلو برضو ومع قولة السلام عليكم كل الجماعه بي لفته واحده توجهو ناحية الخلف للصواني. ع
ليك امان الله لقينا واحد مجنون من شدة ما صات في ام جنقر وشرب منها عراقيهو كلو اتملي ام جنقر ورافع كوره مغطي بيها وشو ولا جايب لينا خبر.
وبصوت واحد كلنا.... يا زول ده شنو!!!!
قال لينا: ام جنقر لا اله الا الله واخذ ليهو نطه في نص الصواني خرب الباقي كلو
| |
|
|
|
|
|
|
|
|
|
Re: رمضان يجمعنا (Re: Asim Fageary)
|
Quote: عباس الدسيس تصوم و تفطر علي خير
متابعة و عودة |
من خشمك ولي باب السما
امير يا وجيه سلام وتحية
تصدق يا حبيبنا من امس بالليل عطشان وشغال شاي وتركش كوفي وسجاير في المكتب لو جمعته المنصرفات المالية تفتح كوفي شوب
رمضان الحالي اصعب رمضان في منطقة الخليج الحرارة فوق لـ50 درجة وساعات الصوم 16 ساعة قبل ما ابدأ رمضان الفينا شلينا هم للجاي كان ربنا طول العمر.
| |
|
|
|
|
|
|
|
|
|
Re: رمضان يجمعنا (Re: عباس الدسيس)
|
| Quote: رمضان كريم يا دسيس ... وبالزمة كدا ما صرفت ليه أيتها حاجة المجنون دآ .... مٌتخيِل منظرك طبعا في الوكت داك . وبضحك .. تصوم وتفطر علي خير |
حبيبنا Mohamed Hassen Abdallah من الشباك
تحياتي واشواقي اخبارك يا وجيه
اليوم داك صرف وفكه وادينا عديل
كل ما اتذكر الحادثه اشرب لي كوزين مويه
| |
|
|
|
|
|
|
|
|
 Re: رمضان يجمعنا (Re: Asim Fageary)
|
دي قديمة لكن تناسب جدا هذا المقام
عمك حاج بابكر كبير وسننو مكسرة قولة الله واكبر وشربة اللابري اقوم الغلغ الصلاة الصلاة ( ينطق الصاد سين لعدم السنون )
واحد من اعمامك زهجان منو جدا
اليوم داك انفجر وكورك فيهو
اتا يا حاج بابكر دابنك شفقان علي الجنة دي كدي ان عندك فيها ؟
قصيرا بدور تكدو ول عندك ليهو سنون ؟
ما موزة وبترضعا ساكت
.
.
الدسيس يا وناس اها رمضان جاك بطير وين عارفك جرسة من زمن البنك الزراعي وفطور ناس الهلالي
| |
|
|
|
|
|
|
|
|
|
Re: رمضان يجمعنا (Re: عبدالله ود البوش)
|
| Quote: كل سنة وأنت طيب يا دسيس .. |
الاستاذة داليا ازيك
كل عام وانتي بخير والاسرة وجميع الاهل
رمضان شهر خير وبركات منها طلتك لينا في المفترع هنا
تحياتي وتقديري
| |
|
|
|
|
|
|
|
|
|
Re: رمضان يجمعنا (Re: عباس الدسيس)
|
Quote:
الدسيس يا وناس اها رمضان جاك بطير وين عارفك جرسة من زمن البنك الزراعي وفطور ناس الهلالي |
حبيبنا شيخ العرب ود البوش
تحية وسلام اخبارك والاسرة الكريمة
جرسة البسيطه رمضان اعمل فينا العجائب من الحاجات الصعبة في رمضان زول اعزمك بره البيت مع زحمة الشوارع .
اليوم الصباح واحد صديق انصار سنة طلب مني لازم اديهو يوم في رمضان
عشان ما التزم قلت ليهو ربك اهون بس ما أعتقد أقدر اجيكم لانو انت ما عندك DSL في البيت وأنا متابع اشياء مهمة علي النت ثم بحضر اغاني اغاني وانت ما عندك تلفزيون.
شلاقتي سألت لي هندي بعد صلاة الظهر قلت ليهو رمضان بكره و ل بعد بكره قلته الهندي بكون داقس اطمني شوية
قال لي بكره
بالله قلبي عمل شح سألتو عرفتو كيف؟؟
قال By Technology
طلعت الداقس أنا منتظر الراجل اثبتو لي
| |
|
|
|
|
|
|
|
|
|
Re: رمضان يجمعنا (Re: عباس الدسيس)
|
Quote: امير يا وجيه سلام وتحية
تصدق يا حبيبنا من امس بالليل عطشان وشغال شاي وتركش كوفي وسجاير في المكتب لو جمعته المنصرفات المالية تفتح كوفي شوب
رمضان الحالي اصعب رمضان في منطقة الخليج الحرارة فوق لـ50 درجة وساعات الصوم 16 ساعة قبل ما ابدأ رمضان الفينا شلينا هم للجاي كان ربنا طول العمر |
عباس يا دسيس
غايتو نحن في قطر الأيام دي سخانة و رطوبة البلد تقول ميت فيها مكوجي ....
قبل عشرة رمضانات كدة كنت بعافية شوية و فاطر عندي صاحبي كان ساكن معاي زولك قام عزمني فطور في بيت أخوهو لزوم نحن عزابة و كدة و الراجل طبعا عاوز يعمل معاي واجب
أخوك زول لسانو أطول من طريق خريص الشهير خصوصا في (العضة) التعبانة المهم مشيت معاهو بيت أخوهو صادف إنو زوجة اخوهو ما إتوفقت إطلاقا في العضة ..العصيدة وحاتك تشبه
إالي حد كبير (اللبقة) ملاح أخضر كدة ما عرفتو حنة التاج الممتازة ولا برسيم ولو ما أخاف الكضب أظنو كانت مفتكراهو (سلج) البليلة وحاتك تقول سوتها و الغاز قطع مع صحن فول أسوأ منه
الا هو زاتو.. سلطة روب كده قال ليك تقول عملتها بموية جبنة (مبجرة) و منتهية خالس..المهم لميت ليك في البلح بلعتو مع كباية (حلو مر) مسيخ قاطع الطعم ...طبعا صاحبي زاتو ما عجبو الحال
لكن عمل نايم و نحن في طريق العودة زولك متخيلني أقوم أشتغل ليهو جماعتو ديل أصلو ما جبت ليهو سيرة قلت الراجل كتر خيرو برضو قدرني و عزمني ..نسيت حاجة مهمة جدا جابت لينا شاي
أحمر لو ما خايف أظلمها أظنو عملتو بي ال(مايكرويف) ما الغاز قطع ....
المهم بالليل و كالعادة في بيت العزابة قعدنا في الحوش الكبير نظام العشاء و السحور طبعا الشباب حتي المتزوجين بيجو علينا بالليل نظام (الوست )و كدة و طبعا اي واي واحد بيجيب معاهو حاجة
شاءت الظروف الناس كلها قامت و فضلت أنا الفاطر ده لسة كنت بعضي لاني نضام .يقوم صاحبنا العزمني في بيت أخوهو وقف لي في رأسي قال لي أنت يا طمبل بكرة صايم؟ الناس الصايمين كلهم
قامو .طبعا قمت ليك علي حيلي وقفت ليهو زي القرضاوي في خطبة الجمعة الشهيرة قلت ليهو هو أنا الليلة فطرت أصلا عشان أصوم بكره و قمت فتحت ليك فيهو نار و علي زوجة أخوهو و هاك يا ردحي
طلعت ليك مرة أخوهو أي كلام و شنفت ليك عضتها المنتهية ديك دخلتو ليك طبعا في حتة ضيقة جدا لما خجل ..
زولنا خلاص لما جينا ننوم قال لي فضحتني فضحية هو أنا زاتي لو ما حيوان أسالك أقول ليك قوم مالي....
(حكيت القصة دي عشان الناس تعرف إنو (الزوجة) الخمجانة بشيلو حسها ..
| |
|
|
|
|
|
|
|
|
|
Re: رمضان يجمعنا (Re: امير طمبل)
|
| Quote: (حكيت القصة دي عشان الناس تعرف إنو (الزوجة) الخمجانة بشيلو حسها .. |
امير يا حبيبنا سلام وتحية
ابداع يا لحبيب .... السنة دي اعمل حسابك ((ما تخاطر لو ما فاطر)).
غالبية نسوان الخليج تعبانات في حكاية الاكل وشغالات اتصل نصل ما عدا القلة
يا حليل اماتنا مع التقلية وملاح الروب والنعيميه
رمضان ليهو طعم في السودان هنا عدي حالك
تحياتي وتقديري
| |
|
|
|
|
|
|
|
|
|
Re: رمضان يجمعنا (Re: حمزاوي)
|
قطعت جهيزة قول كل خطيب ....
قطع شك .....
قبل كبري مدني حنتوب ناس الماشية كانو تعابانيين شديد في عبور النيل لغرب مدني وخاصة ايام عيد الضحية لتسويق الماشية وفترة طلق القطن للمرعي.
قوم يا النميري قرر انشاء كبري حنتوب وبعد الانتهاء لازم وضروري وحسب البروتوكول الريس افتح الكبري ...
حكاية الفتح الغريبه عندنا بس في السودان الدول كلها تعمل مشاريع بالمليارات ما سمعنا ملك و ل رئيس مشي فتح
عندنا لازم اول الريس.
وفي تلك الفترة لم تدخل ميزانية السودان الارقام المهولة الوصلت مليارات .... تصدقو مليار كرقم ما عرفناهو الي في الوسطي كان حدنا مليون.
أعتقد الخروف كان بي 170 جنية والتور 1500 والناقة ممكن تحصل 2500.
الريس فتح الكبري....
اول ناس عبرو الكبري كانو ناس الماشية والصينين ابدعو في انشاء الكبري واحد من الرواعية عجبو شكل الكبري ومندهش في الداهي المشحوط فوق والناس ماشه فيهو والمويه جاريه بي تحت والجمال تترس والبقر يتناطح والداهي لا يهز لا يميل.
الراعي قعد في نص الكبري وسأل اخوهو ...ها فلان الداهي ده بكون كلف كم من القرييشات؟؟؟؟
اخوهو اتفن في نص الكبري وجسه المسطبه ورفع يدو لي فوق طأخ ضرب اسمنت الكبري وقال ليهو: والله يا فلان اخوي قطع شك ما إكون فات المية جنية.....
حسي رمضان لا بي العين المجرده ولا غيرو قطع شك بكرة ..... امانة ما وقعو رجال.
الغريبه اليوم السخانة ذادت
| |
|
|
|
|
|
|
|
|
|
Re: رمضان يجمعنا (Re: Asim Fageary)
|
قالوا لمساطيل عملتو شنو مع شهر رمضان الحار ده مع السخانه وكيف كان الصيام قالوا والله صمنا زي الحلاوة اتلمينا ثلاثين نفر وصمناهو في يوم واحد ....
بنقعد كده ما لايقل عن عشرة سنوات رمضان بكون في الجو السخن ده ربنا اعظم الاجر مع اختلاف الزمن اصبحت هنالك مفارقات سألو الفنان كمال ترباس قالوا ليهو شكلك اتغير لونك بقي ابيض ومرتاح قال ليهم دي العشره مليون والفريون حكاية الفريون دي والله مريحه في رمضان والجو السخن كان ما لقي الواحد فريون بلحق امات طه في بلد الصحاري هنا أما اللون الابيض بيدخل مع العشرة مليون وحكاية ((ديانا يا غبيانة)) ترباس قايلنا وهم ...
يقال والعهد علي الراوي كان في سنة سخنه من سنين الصيف الحار الشمس لما تضربك في جبهتك تعكس الاناره في الاتجاه المعاكس من السخانه ومن شدة السخانه الناس وقت اخش المغرب بكونو دايخين.... بي دوخت الناس كانو بتحرو رؤية هلال رمضان ليلا مع التعب كان في صعوبة في الشوف الناس تداقس وينو الهلال يا جماعه ده من ناحية والناحية الاخري الناس متكاسلين يعني مافي اجتهاد مع الحر القاعدين فيهو ده.... اجمع الناس لم يتم رؤية الهلال في هذا اليوم قررو الذهاب للنوم فجأة ظهر ليهم واحد قال ليهم اهو الهلال انتو يا ناس ما بتشوفو خلاص عيونكم عمن....
اتوكلو علي الله وصامو رمضان بعد تسعة وعشرون يوم الناس خلاص عايزه العيد لسؤ حظهم لا شافوا شهر لاشافو غيرو الليل كلو قاعدين اعاينو في السماء اخونا الشاف ليهم شهر رمضان جاء ماشي الجماعه كلهم جرو وراهو مسكو من جلابيتو قالو ليهو يا خونا شوف لينا مخرج من الشهر الدخلتنا فيهو ده ... ((غايتو الله اطلعنا بالسلامة من الشهر الحرارتو فوق الخمسين))
من اجمل ايام الطفولة الزكريات :
كان زمان في حي الدباغه مدني وحال الاحياء الشعبيه في السودان كلها تتشابه مع تضاريسها المختلفه عالي واطي تشوف الناس العصريه ماشة تشتري الثلج الطالع العالي عايز يحبي والنازل عايز ادردق الناس تلهث العصرية من العطش ماشة تشتري الثلج كان عندنا جارنا بتاع دكان الله ارحمو عندو عنقريب هبابي قصير تلقي خاتي بره والخرطوش بتاع المويه في يدو قاعد في برندة الدكان تجي تشتري منو حاجة ما بقوم طوالي علي حيلو..... بسألك عايز شنو وبي كم كان لقاك عايز ثلج بي قروش شوية بقول ليك اقعد هناك في العتبه ديك لما اجي اخوك التاني نخاوي بيك يعني زي ولد الكتشينه انت تكون منتظر قاعد كان ما جاء واحد تاني ارافقك عمنا ما بقوم من عنقريبو لازم حسبت القروش تكون كبيره تستاهل القومه في نهار رمضان .... رمضان كريم وربنا اعظم الاجر.
| |
|
|
|
|
|
|
|
|
|
Re: رمضان يجمعنا (Re: عباس الدسيس)
|
Quote: يا عباس ليك حق
ياخي سخانة ورطوبة مسافة من باب العمارة لباب السيارة
جو كاتم بصورة غريبة |
فقيري سلام يا وجيه
كل عام وانت بخير
لسع دي المناظر لي قدام يا ما نشوف
رمضان السنة عايز ليهو راجل كارب صلبو علي قول حبوبتي
| |
|
|
|
|
|
|
| |
عباس الدسيس
امير طمبل
داليا حافظ
Asim Fageary
عبدالله ود البوش
فيس بوك
تويتر
انستقرام
يوتيوب
بنتيريست