|
بمناسبة رمضان بتتذكروا (الجك) ده (صورة)
|
Quote: 44 سنه خدمه في رمضان بس دايرين كوره ابو نجمه .....اسال الله ان يلغنا رمضان ويرفع شان الامه الاسلاميه في الارض والسماء
|
منقول من الفيس بوك صفحة الصديق والدفعة/اسامة دفع الله
|
|
|
|
|
|
|
|
Re: بمناسبة رمضان بتتذكروا (الجك) ده (صورة) (Re: omer osman)
|
جنابو عمر ياخى الحاجات القديمة دى كلها حلوة .. ياريت لو عندك الكورية الحمراء والخضراء المكتوب عليها رمضان كريم .. واحدة للحلو مر والتانية بتاعة الليمون .. ايام حلوة ياخى .. انا بتذكر زمان وانا صغير يوم اصريت اشيل من اخوى الاكبر منى الصينية الفيها الكورتين ديل طبعا كانت بتكون ملحق للصينية بتاعت العضة .. اها وصلت البرش لحظتها عترت لى سفنجة واحدة من الجماعة ... والصينية طارت بى الكورتين في عمنا حاج عبدالله .. ياخى والله موقف .. لكن الزمن داك الناس طيبة ياخى ..ياخى انا وقفت زى الصنم واخوى من وراى كاتم الضحك .. ومن وجوه الناس دى كلها انا ما شايف غير وش ابوى الله يرحمو .. كان راجل صعب .. لكن عم عبدالله طيب خاطرى ياخى قعدنى جنبو والله وقال لى بابطل ولا يهمك قلع جلابيتو وقعد بالعراقي كمل فطورو زى الما حصل شى .. ايام جميلة وناس طيبتها من جوة .
| |
|
|
|
|
|
|
|