|
Re: حيرتونا واقفين مع البشير و ضد انقلاب الشعب المصري؟ (Re: محمد علي عثمان)
|
Quote: جماعة الإسلام السياسي لا علاقة لهم بالديموقراطية لا من قريب و لا من بعيد و يحمد لبشير احمد انه كان و أضحا في موقفه |
وات ما تكون شجاع وذو موقف وااااضح زيهم وتسمي الحاجات بمسمياتها السيسي علاقته بالشعب المصري شنو؟ الفوضو منو؟ الانتخبو منو؟ عسكري ززيو وزي البشير لامن عمل الانقلاب بس البشير بيفرق منو انو عمل انتخابات حرة ونزيهة هل السيسي ح يعملها،،،الله اعلم
| |
|
|
|
|
|
|
Re: حيرتونا واقفين مع البشير و ضد انقلاب الشعب المصري؟ (Re: Abdelmoniem ALHAJ)
|
يا محمد علي ما في فرق كتير بينك وبين كيزان السودان كلكم مع الديكتاتورية متي ما جاءت متوافقة مع ما تريدون وهذا حال النخب في أفريقيا والوطن العربي (وكثير من دول العالم الثالث) ما مهتمين كثير برأي الشعب بل ويكرهون ذلك كره العمي بما في ذلك الليبرالين والعلمانيين ويا للغرابة
المهم ليس السلطة أو من هو الحاكم المهم هو النظام السياسي والإجتماعي وكمية الحريات المتوفرة في هذا النظام الديكتاتور سيتساهل مع الناس في حريات صغيرة وهامشية (سكر عربدة مخدرات) لكن بيحرمهم من الحريات الكبيرة وأهمها إحترام الذات كل الناس في الديكتاتوريات حيوانات خائفة من البوليس السياسي تمشي وتتلفت وزي ماقال شاعر زمان "كل زول في البنادر عمدة ورخيص" الناس رخاص يدورون حول إشباع المتع واللذات الحسية
بكلامك دا يا الشفيع فقدت أي مصداقية عندي
Quote: بس البشير بيفرق منو انو عمل انتخابات حرة ونزيهة |
يا بشير
Quote: انا مع الدكتاتورية الي حين تعلُم الديمقراطية الصحيحة. |
زي ما إنه الغلط لا يقود إلي الصواب وزي ما إنه أن تسير في الإتجاه الخطأ فلن تصل أبدا فإن الديكتاتورية لا تعلم الناس الديمقراطية بل بالعكس بتكسر أي إمكانية لذلك الديمقراطية بتنمو وبتتطور في كل يوم زي ما حاصل في كل العالم الديمقراطي (يعني لو ما الديمقراطية لكانت الهند أسوأ من باكستان ولكانت تركيا أسوأ من روسيا )
يا محمد علي هذا نوع من الإستهبال ما حدث إنقلاب عسكري بس لأنهم جبناء فأتو برئيس دمية يحركونه متي ما شاءو (كان قد فعلوا ذلك مع محمد نجيب وبعدين إعتقلوه لأكثر من عشرين عاما)
Quote: يا ود البشري انا لا آري انقلاب مصر انقلاب جيش و آري أنها مواصلة لثورة الشعب ضد التسلط و لكن إذا أصر الناس علي تسميته انقلاب فهو انقلاب شعب بحاله |
ما في رئيس في دولة ديمقراطية بيسقط بمظاهرات ومن أدراك أن من يتظاهرون ضدهم هو من صوتوا لأحمد شفيق؟؟؟ أحمد شفيق صوت له أكثر من عشرة مليون والتسلط وين ومرسي منتخب ديمقراطيا؟؟؟ لو أنه رمي بسلم الإنتخابات من وراء كلنا نقول
ولكن أعداء الديمقراطية حرموا مصر من السلطة الأولي (السلطة التشريعية ) وبدلا من العمل علي إنتخابات نيابية لتكون هناك سلطة تشريعية تشارك الرئيس وتراقبه إنقلبوا علي الرجل الوحيد العنده تفويض من الشعب
تعرف يا محمد علي
Quote: جماعة الإسلام السياسي لا علاقة لهم بالديموقراطية لا من قريب و لا من بعيد و يحمد لبشير احمد انه كان و أضحا في موقفه |
في ستينات القرن الماضي وحين سعت جماعة الإسلام السياسي لحل الحزب الشيوعي السوداني قالوا نفس هذا الكلام وبالحرف الواحد قالوا أن الشيوعيين لا علاقة لهم بالديمقراطية
طالما أن الحزب المعني خاض إنتخابات حرة ونزيهة فهذا يعني أنه معني بالديمقراطية
لا في فرق وكثير يا كمال
Quote: لا فرق بين مرسى و الدكتاتورية |
في الديمقراطية إختفت (كما تقول ) سبعة مليار إنت وكل الناس سمعوا بيها شوف كل مليار إختفت في حكم مبارك والسمع بيها منو؟؟؟ لأنه الديمقراطية فيها شفافية (غصبا عن اليرضي واليابا) والديكتاتورية فيها نهب غمتي شوف النهب المدور في السودان العارفه منو؟؟؟؟؟ (الظهر دا واحد من مية من النهب المصلح)
لابد من الديمقراطية وإن طال السفر
| |
|
|
|
|
|
|
Re: حيرتونا واقفين مع البشير و ضد انقلاب الشعب المصري؟ (Re: Nasr)
|
يا نصر شكرًا للمساهمة الطويلة لكن الحقائق تبقي الحقائق 50 % من الذين صوتوا لمرسي من المعارضين غير الإخوان و هم فضلوا التصويت لمرسي ليقفلوا الطريق عن شفيق لكن الإخوان و ب 25 % من الذين يحق لهم التصويت من الشعب تنكروا لباقي الشعب و بداووا في تنفيذ برنامج التمكين علي هدي التجربة السودانية و إرشادات المرشد لكن شعب ام الدنيا و حضارة 10 ألف سنة اوقفهم عند حدهم التحية للشعب المصري و يا ريت نستفيد من تجربتهم في السودان
| |
|
|
|
|
|
|
Re: حيرتونا واقفين مع البشير و ضد انقلاب الشعب المصري؟ (Re: Kamal Elmahi)
|
Quote: بس يا جماعة السيد مرسى عاوز يعمل فى سنة واحدة العملو ناس البشير ف23 سنة الراجل عاوز يلحق سريع يأخون الجيش و الخدمة المدنية و يستلم مفاتيح لعب الاقتصاد فى سنة واحدة اختفت سبعة مليار دولار ( 2 من ليبيا و خمسة من قطر ) يعنى لو استمر اربعة سنة كان حيختفو كم
لا فرق بين مرسى و الدكتاتورية |
شكرا الاخ كمال الماحي لمرورك
| |
|
|
|
|
|
|
Re: حيرتونا واقفين مع البشير و ضد انقلاب الشعب المصري؟ (Re: Salwa Seyam)
|
Quote: يا ود البشري انا لا آري انقلاب مصر انقلاب جيش و آري أنها مواصلة لثورة الشعب ضد التسلط و لكن إذا أصر الناس علي تسميته انقلاب فهو انقلاب شعب بحاله |
ما هو يا محمد علي اذا المعايير صارت انا أرى ولا أرى الحكاية ح تبوظ خالص مثلا نافع يرى ان ما يفعله لارضاء الله و في سبيله و جبريل ابراهيم يرى ان اغتيال محمد بشر عمل مشروع و في صالح الثورة وهكذا عشان كدا توجد معايير متفق عليها مثل الانتخابات و نتيجتها و سلطات و صلاحيات الجيش المحدودة, ولا تخضع لرؤية فلان او علان
| |
|
|
|
|
|
|
Re: حيرتونا واقفين مع البشير و ضد انقلاب الشعب المصري؟ (Re: محمد البشرى الخضر)
|
Quote: ما هو يا محمد علي اذا المعايير صارت انا أرى ولا أرى الحكاية ح تبوظ خالص مثلا نافع يرى ان ما يفعله لارضاء الله و في سبيله و جبريل ابراهيم يرى ان اغتيال محمد بشر عمل مشروع و في صالح الثورة وهكذا عشان كدا توجد معايير متفق عليها مثل الانتخابات و نتيجتها و سلطات و صلاحيات الجيش المحدودة, ولا تخضع لرؤية فلان او علان |
دة رايك يا ود البشري؟
يعني انت تري و انا لا اري
| |
|
|
|
|
|
|
| |