تعرف يا فاروغ الأيام دي عامل فيها عندي برنامج بتاع مشي إها نزلت لي زي مية حلقة تفسير القران للشعراوي في الجوال وفعلا مستمتع جداً بها وبتنسيك رهق المشي في حر جدة ورطوبتها المهم قبل كم يوم تصدق حلقة كاملة شيقة جداً بتكلم فيها عن ( لولا ، لو ما) مسك الكلمة دا وقال كلام عجيب ، بس في حنة صغيرة قال بعض العلماء يقولوا ليك ألما حروف زائدة وقعد ليهم في المحاضرة نجمهم عديل والله بعد انتهي قربت اهتف من المتعة كيف قال يجرؤ علي ان يقولوا انه ربنا ممكن يقول حرف ما له لازمة أو حرف زايد زي ما قالوا
آمنة النصيحة الفيديو دا انا سمعتوا أيام الثورة طازجة قبل سنة ونص أو سنتين والليلة اتذكرته مع الأحداث دي
07-04-2013, 00:00 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
يا امنة الثائر يثور ليهدم الفساد ثم يهدأ ليبني الامجاد ياخ دا كلام عجيب افة الثائر ان الثائر يظل ثائرا لا يهدا ودا بالظبط الحاصل في مصر لو كانت الحكومة علمانية مثلا اكيد كنت حتلهجي بالثناء علي حديث الشعراوي يا امنة
07-04-2013, 00:59 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
عارف يا أساسي.. لحدي وقت قريب كنت ما بقدر أسمع الشيخ العلّامة الشعراوي لأسباب مرتبطة بالطفولة وإنو بيجيبوهو في أوقات إنت بتكون منتظر فيها مسلسل أطفال أو برنامج ترفيهي.. كان عندي فهم قاطعو من شبطي إنو الشعراوي مهما إتكلم فهو لن يقدم ما يقدمه الزنداني والدكتور مصطفى محمود.. لحدددي ما يوم نعلت الشيطان وقررت أحضر ليهو حلقة كاااملة عشان أشوف فرقو شنو من الناس البتشرح وتفسر قرآن.. ياااااه.. ياخ انا لقيت روحي أهبل كيف؟؟؟ ده شنو ده؟؟؟ الزول ده مختلف في أييي شي.. في فكرو في طريقة توصيلو للمعلومة في الأريحية في البساطة في الحضور..في بعد النظر في في في .. والله حقو أعمل ليك حركات سودانيز وأقول ليك صار كاتبي المفضل.. الشعراوي زول نضيييف ..نضيييف ..نضيييف.. تحس بيهو دواخلو دي نقييية وصااافية .. راجل ما ساااهل أبداص .. رحمة الله على الشيخ العلّامة ويسامحنا على الوقت الضيعناهو بدون ما نسمعو ونستفيد من الدرر المنثورة مجاناً دي.. ويجعلها الله في ميزان حسناته..
تخريمة : انا لمن مرة كده قررت أمشي نزلت أغاني لي تغريد جبرة ..
07-04-2013, 07:25 AM
وضاح عبدالرحمن جابر وضاح عبدالرحمن جابر
تاريخ التسجيل: 10-11-2012
مجموع المشاركات: 1986
القصة ما تنبؤ ولا وتنجيم فقط تحليل وفكر ومتابعة للثورات ونتائجها والقصة ما رجل دين لايفهم غير التاريخ والتقليد والنمطية بتاعت رجال الدين رجل دين مثقف متابع يحلل ويستنتج
يا سلام يا اساسى على الشيخ الشعراوى لا اعتقد ان هنالك من يوازى هذا الرجل فى فهمه للقران ولا فى سهوله شرحه وتفسيره بلغه بسيطه يسهل فهمها للجميع مع ربطه بحياه الناس اعتقد ان هذا الفيديو كان شعاراً لقنوات دريم او الحياه ايام ثوره 25 يناير ...... رحم الله الشيخ الشعراوى بقدر ما قدم لهذه الامه ......
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
اساسي
علاء سيداحمد
محمد إبراهيم علي
عمر الفاروق
AMNA MUKHTAR
أمين محمد سليمان
سيف النصر محي الدين
وضاح عبدالرحمن جابر
سامى عبد المطلب
فيس بوك
تويتر
انستقرام
يوتيوب
بنتيريست