Once upon time in the west شارلس برونسون في واحد من أروع وأمتع أدواره ـــــ * قبل ما يجي زول ناطي لي جوز أو داخل بتابوته في البوست العنوان ملطوش بتصرف من فيلم في منتصف سبعينيات الملينيوم الفات ـــــ البوست لاعلاقة له من قريب أو بعيد بإفلام الويسترن بس قطع شك على علاقة أكيدة بــ أفلام الكاوبوي المدوّرة هنا في برارّي بكري الواسعة ـــ و..على قول الناس العايزة تخوف ناس......سأعوووود وفي رواية أخرى سرتانا لا يرحم
02-13-2013, 08:44 AM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
ياود القوز ختفّتفها من خشم كيبوردي أها .. الفيلم دا بالذات مدّور ويعرّض حاليا" بي ترجمتوا التحت الشريط ــــ و...منتظرين البطل وحاتك دخل الحانة و..قال للنقاش حيث لا نقاش هنا فقط لاصوت يعلوا على صوت الرصاص....وبعض غبائن ــ على قول الملحمة (ذات ثورة) الرصاص لن يثنيّنا... والله الجملة الفوق دي ريحتني في حنان حناني ...
02-13-2013, 09:51 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
Quote: يا اميرنا خفف درجة التشفير شوية وراعي عامل السن انت قايل اعمامك شباب زي زمان:)
ياود البشرى تآمن وتصدق بس سمعت نصيحتك بي هناك بتاعت غمّض وتلّب أفتح بوست وجيت متلّب بي دا و..عارفك داخل من التلفون لو محتاج إي وشوش خضراء تسر الناظرين آني وير....رقبتنا سدادة ... ـــ وياكوتش مراعي عامل السن مش قلت ح تعزلني* في التقسية صانع ألعاب أهو جاتك الثرو باصات تقدّل إنت والقووون وعارفك أبوي لازي بكري المدينة أروش لازي ساكواها أشتر ـــ *ح أكون متحفظ على موضوع العزل بتاعك دا آخر حاجة إنت عزلتها طلعت خالية من الحاجات البتّنقع
02-13-2013, 10:34 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
ياود الصايم ..إنت كنت وين؟؟ عسى بس ماشر عليم الله إفتقدناك أأمل أن تكون أنت والبنات وأمهم بخير
Quote: لايكـ يا عمكـ .. لكن النجيضة .. لا ترقى لمرحلة الغباين!!
والليلااااا سرتانا أهو شايفوا جاء وكمان بــ مسدسين وشكلوا كمان بادئ بـــ ليديز فرست * أها أديك النجيضة الما خمج ولا نص إستواء بعد الغياب القسري (تقرأ المرضي) والله يواليك بالعافية ياسرتانا كان في تراحيب ومطايبات ومافيها إي (غبائن) والكلمة متفق معاك تقيلة شوية بس شكلوا الكان جوه الجوف لسه لا بتمحي لا بتنسي ...ومولع حريق آها ..(عاد أكضب)** أها جاء التآسي دا فتح الما(غبائن) من جديد بعيد عنك نهااااائي مابقرأ بأضنيني...ياخي سنين من المدرجات نشيل ونسف ونقرأ وبعض الأحيان نطلع من ملّة محمد (ص) ــ ** دي ماااا مني والله ما ما مني *كنت عايز أخت وش أخضر لافي بس قلت يكون ود البشرى محتاجوا
02-13-2013, 11:20 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
يا أمير والله ما فهمنا اي حاجة من كلامك ده ، حاول فك التشفير شوية ، أصلو نحنا مخنا تقيل مصطفى العميري (قدس الله سره) قال مرة ( التسكع في شوارع الوزيرية سمح لكن كعبة الكعوجة) فدحين ياخوي كعوجة زمان دي خلينا منها(وش ضاحك).
ياطلب وينك يا أخوي ماظاهر لا هنا لا هناك أخوك وحاة سيدي الحسن مدرّوش لمّن عندي وجع فلايت د.مصطفى العميري ومن زمن الوزيرية داك من أروع وأنقى مارأت عيناي أسمع.. ما تجونا ياخي
يا ود الزين تحّيات زاكيّات طيّبات مباركات لييي شنو؟؟ الوجه الأصفر الشاحب الفوق دا قلت لي ...سيدنا علي كرّم الله وجهه مالوا؟ أهو دا برضوا حدث ذات مرة.... من أمها
نفسي إنقطع ...... أنزل وأطلع العمارة الشاهقة اللي مافيها ما فيها أصانصير دي وشدّة ماخائف إنو الموضوع يتحّول للقضاء الأمريكي أتضّرع لله أن يبعد بعض مواطني ال دي سي كابتال وماجاورها من الدخول للعمارة للأسباب إدناه : 1_ رأفة بالعدالة الناجزة الأمريكية 2_ ولأننا بالطريقة دي كل يومين تلاتة ح نشيّل هارد كوبي وصوفت كوبي وفلاش ميموري وعمود غداء للناس المكوّمة في محاكم ال دي سي ..شكلهم كدا ح (يشرطوا عيّنا) زي ماشرطوها في أعالي البحار ولا ياربي هم ماعندهم شغلة الأ الحاصل في برارّي بكري دي؟؟ ــــ الله يكضّب الشيّنة
02-14-2013, 08:08 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
امير ازيك ياخ و...منتظرين البطل وحاتك دخل الحانة و..قال للنقاش حيث لا نقاش هنا فقط لاصوت يعلوا على صوت الرصاص....وبعض غبائن .............................................
مادام الشغلة فيها غباين وحانات اخير الواحد يعمل ساتر اصلو الحجاز قالوا بدوا عكاز وفى هذه الحالة حتكون رصاصة طائشة .. اوحتى نيران صديقة
Quote: مادام الشغلة فيها غباين وحانات اخير الواحد يعمل ساتر
صلاح حبيب ...يا حبيب.. عين العقل ..عين العقل أنصحك وأنصح نفسي ما تلز ضلفتين باب الحانة وتدّخل أمّهر رُماة برارّي أريزونا متواجدين هناك و..الساتر بعد الله.. ياهو زي العاملو أنا هنا دا لمّن إتكرش وكي بوردي الأمار بالسوء و..بعّض من شمار يراودني عن نفسي علشن أمشي هناك و..أرقص مع الذئاب بي الله ويآمين بمسك نفسي وأجي أردح هنا
يا أيمنوف إما أن دار محّور بخاتتكم لنّا أن يصل بنّا الحال لدرجة سرد أحداث مسيّلمة كـ توارد خواطر أحب أطمئنك بـــ ماتشيّل هم والشّر برّة وبعيد ـــ أعجبني تماما" تلاقح أفكار طلبة الدراسات العليا و...لم يعجبني ما..حدث ذات مرة في ...بوست لترباس
البراّري دي ياربي مافيها واحد لابس شارة الشريف؟؟ ولا هو الشرّيف في صمّة خشمو قالوا شارك... بس (بحسن نية) ــــ بدلا" عن الموسيقى المصاحبة لأفلام الويسترن المتعارفة إقترح أن تكون الموسيقى إغنية الشريف مبسّوط مني ــــ هوّن عليك ..هوّن عليك ..يادوك ...بعضا" من القوقلة لاتضر.. حتى لو كانت من قندهار و...لكن بعضا" من بين القوسين ما قتل ...فما بالك بأقواس كتيرة
02-13-2013, 06:24 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
أححححح من الصباح روحي عايزو تمرق في وش وشين ما قادر كتّر خير حموودي
اها يا أميرنا ياخي ابداع عديل كدا لقيتك متابع ولا الصادق اسماعيل في عنفوانه و تجيد القراية بين السطور الله يسألني حمّستني لرجعة الأسابيع بي باصاتك دي لكن عايز ليك دورة تشفير متقدمّة خلي بالك هههههههههههه هسّي دا
Quote: ح أكون متحفظ على موضوع العزل بتاعك دا آخر حاجة إنت عزلتها طلعت خالية من الحاجات البتّنقع
دان براون باقي ليك بفكّكو بالهيّن!! ساعدنا بالهنتات الله يرضى عليك
02-13-2013, 06:49 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
يااااحبينا ود البشرى الهنت أعلاه في بوستا" ليك والرد كان لي لمن كنت متفرّج وبكتب من المدرجات و..حتى قبل مايعّرض حاليا" خايفين نجي هناك والناس بتكتب عربّي ونحن نكتب حساب وشايفك من الصباح تهبّب وتـأبب وشغلت مرشات النجيلة ..في برارّي أريزونا خلي بالك في ناس بيقولو النجيلة المرشوّشة مابتخلينا نلّعب كويس وبتغلبنا عموما" البوست سعيّد وبخيّت الجاب حبيبنا ملك ملوك المتابعة ود إسماعيل بس كمان شكلوا ماشي لأنو يكون حسب (الأفيش) أدناه بس المدفون منو والدافن منو الله تأأالم.. أهو (وبعد أذنك يالصادق) ..متابعين
الترجمة لعنوان الفيلم من الأسباني والله أعلم و..أستغفر الله لي ولكم وأستغفرّتك يامالك روحي God Forgives...I Don't
بعد فرز العيشة تحوّل الآكشن كـ(الأفيش) أعلاه رغم التنويه بعدم العجلة اللهي من الشيطان بس عاد نحن ما مازيّنا وزي الخواجة ربنّا ما حبانا بطولة البال وعاجلا" أو آجلا" شفقتنا هي ال ح تقد مكنتنا و..صبرا" يبّل الآبري* بالحبة ماعندنا ..(يوجد أدناه خارطة طريق) ـــ فــ رأفة" بالبعض ...رأفة" بالبعض بلييز ياأختاه أصنعي.." الكوكيز".. "كويك" ــ *..دا زمن كان الآبري بيتّبل هسه شائف الكل قلب صمغ عربي فعليه...العايز ينتظرالآبري أهو قاعد يتزّرع والعايز صمغ بي راحتو هنا في برارّي أريزونا ..الريّس قال (الصمغ للجميّع) بس كركدي مامعانا ....
و..بعد أن خفّت درجة الأحتقانات التي كانت سيدة الموقف في بعض نواحي برارّي أريزونا ونسأل الله أن يهدي النفوس جميعا ــ حدث في بوست ..ماهو أعجب من المثل اللي بقول (عجب العجائب حِمل المرة والراجل غائب)* ننوه أن الثورة بالنص أو بالوادي أو حتى بالشنقيطي ..أو حتى في الجديد الثورة وفجرّها المنتظر بأنها فعل ومبدأ أخلاقي لتجاوز ركام الواقع والراهن السئ اللي أفرزته سئية الذكر الأنقاذ اللي كانت سياساتها لسنين ..أكسح... أخنق ..فطس ..أقطع البتاعات وبعد داك أحسب بعض الثّوار (تقرأ في سياق البوست) قاطعي الطرق هنا في نواحي برارّي أريزونا وكرّد فعل مُضاد ح ينتهجوا طريقة الهنود الحمر في الشعب السوداني الفضل سلخ فروة الرأس إي والله ...سلخ فروة الرأس تماما" فــ حليّلو هو الشعب الفضل فرأفة بنا ....ياهولاء..يا أنتم.. الخروف قبل ما يضبّحو بسقّو موية آمال لو قلنا ليكم تسقونا بيرة كان عملتوا فينا أيه؟ ــ *ياربي المثل دا سرّي؟؟
- سادتي - صاحبة البطل ضرّبت ليك البطل بمقال البطل في نص الجبهة تمامــا" إإإي والله في نص الجبهة تماما" و..بعيد عنكم في البداية دخلت الفيلم بأضنيني وإفتكرتها نيران صديقة .. طلعت وعلى قول البطل ذات تأمل هيهات وأبعد من أن تكون كذلك إتوقعتها أضعف الأيمان لا بأس ..طلع متعوب عليه..فــ خاب ظنّي أنصحكم ونفسي أن تدخلوا الفيلم دور أول وتاني ــ أنوه بأن : لاعزاء ولا بواكي لمّن لا سينما...لديّهم وأن الطرفة فعلا" ممطوطة بس تقول راويها قيقاراوي ( )
02-25-2013, 04:13 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا راوية عليم الله شدّة ما إتكبكبت قرّب ينّط ليّ زول زي الزول القاعد جنب طلحة يازولة مُعجب وساااي ...من وين بجيبوهوا (القلب الأحمر الببقبق داك) ـ بس الله يرضى عليك كان تمشي المناقل تاني خليك في موسكو أها كان باردة شديّد..جيبي لينا حاجات من لاس فيغاس
ياكوتش ياحبينا ود أسماعين ياحريف ملك ملوك المتابعة اللصيقة دا ما أنت و..* ــ إن شاء الله تكون بلغت الصحة وكل أمورك كما ينبغي لها أن تكون وماتشوف شر ياارب... ــ * و....كنت ح أضيف أبو حسين بس شايف مطلعّين عليهوا إشاعات والإشاعات لمّن تكتر الشرّيف ما ح ينبسط منو.. وما ح يخليهو ينداح في البرارّي دي بي راحتوا
يامعلّم...شايف الحجة مامتصبّرة ولاعبة معاكم ضاغط حالتك وصيتني وقلت عايز لي دروس تشفير متقدمة.. لو خفنّنا ياقول ناس الكيمياء المولارية وزودنا السيكودرامات دي موية بندّخل في ....قول ..أضافرينا.. كمان ما تقول البورد الأيامات دي كلو داخل فيها*.. ـ * منعا" لإي لبس ..الها ..ضمير بتاع مستترراجع للأضافرين
قال ليهم بعد ختاها ورماها فيهم وحتاها معاهم قرض زي إسم جريدتو الزمااان زي كول مي ود...المدينة... قاموا قالو ليهوا قوم لف كدا ولا كدا دا أنت واحد ...نو بودي
http://www14.0zz0.com/2013/03/12/07/854843269.jpg قال ليهم أنا.. أنا تدعوّنني نكرة أنا ..ياناس قريعتي راحت و..قبل أن يتجه رجل البوليس شرقا" أو للمجهول أو ويريفر ...هوووم كييرز قال ليهم محاولات الزوغان واللولوة ستغرقكم في الرمال المتحركة
لا يفوتني سادتي أن أنوه أيضا: ــ أن الأفلام معروّضة في كم دار عرض صباحي..مسائي و..المناظر أهم من الفيلم ــ هنالك بعض دوّر العرض لا تتعرّض لمقص الرقيب طلقيتي ساااي أنت وضميرك ـ هنالك بعض دوّر العرض ...بابها متركش* أها لو دخلت إنت وزاوية شوفك فــعليه ماتدقس و..: خليك هناي خليك بتاع + خليك واعي خليك كبير __ * التركشة دي على حسب رواية ود البوش
ــالمعاهو قزااااااز ..المعاهو قزاااااز الأحداث والهباب أدناه تدور أحداثه آواخر سبعينات الملينيوم الفات كنا بنلقّط القزاز الفاضي بتاع البيرة أبو جمل والشري وقزاز تاني كُتر كُتر كدا ..وننتظر الحلبي يجي مُندرع في حمـار أبيض يسّرالناظرين بي خرجين وبهتـــافه وصوته الجهوري ....المعاهووو قزااااااز ..المعاهوو قزااااز لمن يصلنا الحلبي أها تبدأ مفاوضات بس التقول أبوجا 1+ 2 ونيفاشا زاتو أها عمك الحلبي يبدأ التبخيس الما خمج القزازة دي مشرومة..لا دي مخروشة دي مامفتوحة بمفتاح أها دي بقرش دي بي فريني دي بشلن اليوم داك صديق ود السرّة* جاب ليهو قزازتين شكلهم غريب وخط شروط سقفهم عالي قال القزازتين ديل ما ح أبيع الواحدة بأقل من ريال للحلبي التيييت تيييت دا ..وأنا زاتو سارقهم من الحاجة قالت عايزة تخت فيهم خُمرة..فضيحة السواد... محمود ود الجزار* ولأنو شكلو أبوه كان عازم أصحابو سهرة ومتقلين كان عندو كوم قزاز يدخلوا سينما دور أول وتاني وممكن يجيب معاهو نص كيلو باسطة... حاول يقايض كوم قزازو بي قزازتين ود السرّة السمحات..وهنا بدأت نيفاشا To be continue... أكان المود يسمح ـ وعلشان المغالطات القصة دي حقيقة ولاّ ما حقيقية .. * الأسماء الواردة ضمن سياق الهباب أعلاه حقيقية بما فيها الراوي * وزيادة في التوضيح كل القصص الفي بوستات برارّي أريزونا كلها خيالية ..عدا قصص وبلاوي حبيب نورة * وياربي وين أشرف الحلبي ..أأمل أن تكون كل أموره كما ينبغي لها أن تكون هذا ما لزم توضيحه ...بالأضافة لأنو : رفعت البوست البيض بتاعي دا Thought-provoking مني ومع نفسي وسااااي كدا
Quote: الداير يعرف حاجة بس يجي بعد كم يوم كدة يدي البوستة دة نظرة ويمشي .. .. عيني باردة حالتك برلوم لو اديناك سنة . الناس تجي تديك المين بوينت حقتهم وانت وزوقك بعد داك .. واصل بوستيك قيافة للناس الشوافه ..
يا أم مؤيد ويحفظ ليك مؤيد ويخليهو ليك وتحضري عرسو ..والله ال24 ساعة بقت ممحوقة ومابتكفي...كترّ خيرك أها..عن الطيب صالح - طيب الله ثراه -على لسان ـ مصطفى سعيد- إينما كان مرقده داخل بطن تمساح أو ين ماعارف قال: قال :إلى أن يرث المُستضعفون الأرض ..وتسرّح الجيوش .. ويرّعى الحمل آمنا" بجوار الذئب و..يلعب الصبي كرة الماء مع التمساح ... إلى أن يأتي زمن السعادة والحب هذا... سأظل أعبر عن نفسي بهذه الطريقة الملتوية ... ـ أما عنّي سأظل أعبر عن نفسي وأمتع نفسي بالدهشة في برارّي أريزونا بالبوست البيض دا إلى أن يفكنا الله من سئية الذكرالإنقاذ .. إلى أن تفهم المعارضة أن بطريق تفكيرهم وأساليب معارضنهم دي ما ح يفكهم من الإنقاذ الأ الله إلى أن يجد الشيوعين أرضية مشتركة مع الإسلاميين إن وجدت إلى أن يفهم الجميع أن المشكلة أكبر وتتجاوز حنجرة المشير وبواسير بكري حسن صالح ـ بالأضافة الى : إلى أن يعتذر الحبشي لخضر حسين و..آخرين ولا ياربي الحصل كان مس أندر إستادنق ليس الأ إلى أن يجد عادل عبد العاطي طريقة للتفاهم مع هشام هباني إلى أن تضح لي تفاصيل د.صلاح البندر.. الحريص ..السوداني .. القصد كان هداية ال إي أكس مسلم دي ولا فعلا" الموضوع تصفية حسابات إلى أن يختوا ناس الحركات المسلحة الكورة واطة الخ الخ الخ ..من الأفلام المدوّرة حد الدهشة هنا و...كنت عايز إتمفّصل أكتر وأقول إلى أن يتوحد حزب الخضر بس ...فصلت*.. دا زائد : إلى أن ترجع كاتبتي المفضلة الزميلة عزاز شامي برارّي أريزونا ...ولا ياربّي كدا كترّتها؟؟ ــ * تفصل يااااا كبير...أها الفصلة دي مع نفسي و..نرجع للـ المعاهوووو قزاز
ياود البشرى وين محاضرة دكتور أحمد القرشي؟؟ مااا منتظرين ولايكين الصبر أها ياعمك لو ركزت لينا على رقيص العروس زمان ح تكون حاجة أحلى من الحمصية والسمسمية ـــ وبالمرة كمان ولأنك معلّم وكوتش لو شفت طريقة لإزالة المس أندر إستاندنق الحاصل بين طلحة وعمر عبد الخالق اللي صبرو نفد وشايفو بدأ ينقط تكون نهااائي ماقصرت و...الله يهدي النفوس ـ و...حليييلو الكان بهدّي الغير صبح مُحتار يكوّس هداي
لدي ولله الحمد مجموعة كبيرة من الأصدقاء فخور بيهم ويسدو عين الشمس الشيوعيين... الماغرقانين في مرحلة الجمهوريين... كلهم راقين وتقسيمتهم هااادئة البعثيين.. اللي لسه بحنو لزمن صدام زي كل العراقيين هسه الإتحاديين ..أصل وفرع وفرع ..فرع.. وتاني فرع حزب الأمة ..ولا بنكاويهم ونقول ليهم حزب الأمة حزب ضُلمة لاشتّين وبعضهم مُستقل وآخريين رأيهم متطرف وميّال للحركات المسلحة وأحمدك ياسيدي..كلهم حريفين و- الكل من زاويته- في قراءة الراهن السياسي حريفين في تحليل الكورة محلية وعالمية مختلفين في ميولهم هلاريخ برشا-ريال وأعتقد جازما" هم أحرف لاعبي الكتشينة في الشرق الأوسط وأعالي البحار التسيّك عندهم متعة وجرة الخمسين عالم تاني وأحمدك تاني ياسيدي أضافوا لي ووسعوا مداركي وأفاقي ومن محبتي لهم بقيت أشوف بعيونهم بعضمهم لديه خلفية بالحاصل في برارّي أريزونا والأغلبية ..دونت كير أها لمن أناضمهم وأحكي ليهم جزء من الحاصل هنا ياخي ديل بجرجروني جنس خمسينات في نضمي المستند أنا عليهوا والأنا قطع شك ما قريتوا بأضنيني ال ح يآكلهم الدود ديل..غايتو تحوطيا" وعموما"* ــ أنوه أن حتى تاريخه: ليس لدي لا لأصدقائي أصدقاء في الليبرالي ..ياربي يكونوا منتظريين بداية الولايات المتحدة السودانية ليس لدي لا لأصدقائي أصدقاء في حزب الخضر بشقيه... ولا ياربي مابتصاحبوا ناس تبارك وآمنة والبحيري ديل _ *... خمسييييين والجوكر بايظ للحاصل في برارّي أريزونا
آآآمنت بالله ...معقولة بس ...قلت أبقى زول إجتماعي وأناضم الناس ...تووووبة عنيّ تاني لا بدخل بوست من طرف لا بشارك في نضمي لا بتحاوم في بوستات الآخرين .. و...زيّ ماقال منو كدا ما متذكرو .. الآخرون هم الجحيم... ياهو بوستي الواااحد دا وح أعبّر عن شعوري فيهو و..أناضم العايز أنضامو من خلاله وح أنقلو من ربع لي ربع حتى ....يرث راعي البرارّي الأرباع..وأنا ذاتي لمّن أرشفتو قلبي كان حاسس باليوم الكُحلي دا جابت ليها عداوات عابرة للقارات ومنابذات وتفسير نوايا و..تفسير تفاسير الخ ..الخ ــ وحقو لا أحرّق روحي لا أحرق رزيّ ...لا أوجع قلبي لا أفقع مرارتي ..فيما لاطائل من ورائه ... من الناس الشوية البناضمهم هنا وفخور بيهم صديقى أبو حتوت ..وزي ماهديت لي هناك ح أرجع ليك هديتك هنا...وقطع شك أحسن من هديتك* ومستند في أحسن دي لفتواك : أن : لحم البطريق حلال.....شكلو كدا ومن بعد الخروفة عملت دراسات عليّا في كل اللحوم أها يامعلّم من الدقيقة : دقيقة ...و....إنت طالع ..وأنوه لـ: أصحاب القلوب الضعيفة يمتنعون ** ـ * يامعلّم الترتر بقيت إتشائم منو قدر ماجرجرت ترتري ومشيت بوستات الآخرين البوست يتحول لي تورا بورا شكلو الترتر وعلى قولك ماا.. بقسّم مع ناس البرارّي ديل ** و...نأسف لإدراج المشهد الدامي ...وأوصيكم ونفسي بــ: رفقا" بالبطاريق
ح أناضم الزميل ياسر منصور وهو زول فعلا" لذيذ وأها..قبل ما يحمّر الجيش كان عندو بوست لذيذ عن الباسطة اللي بفسحوّها..وبعد ما إتمطق فيها شات ليهو سؤال وقع لي في جرح ..وإتذكرت أزمنة طلعت من جخانين الذاكرة المهترئة.. سؤال ياسر زلقو وسط زيت الباسطة ببساطة قال.. ولاّ يا ربي مشتهي زمنها؟ من يومها سبب لي السؤال دا حالات فلاش باك جامدة للأزمنة ديك ..قلت أشارك ياسر الطلق فيني حالة الفلاش باك دي حكاوي من حكاوي الزمن داك ..واللي كان بشاركني فيها ويا محاسن الصدف صاحبا" لينا إسمو ياسر عندو لازمة أشتهر بيها وهي مفردة مشتهي دي...أها لمن كنا عاملين فيها حبيبين ونجي مارين بجنب كنيسة طالعين منها الأقباط لذيذيّن فاقع صفارهم يسرّ الناظرّين يتحفنّا ليك بالله شوفو الناس ديل ما يشهوّكم المسيحية؟ لمن جا علينا زمن عاملين فيها سياسين ونمشي نحضر ركن نقاش للجبهة الديمقراطية يتحفنا ليك بلازمتو بالله شوفو الجكس الشيوعي دا بالله مايشهّوكم الشيوعية؟ نمشي نحضر جلسات إنشاد الجمهوريين تلقاهو ناهر ليك الإنشاد يصوت سبرانو حاد وبعد ينتهي يلّصق لينا لازمتو بالله الجماهير ديل مايشهوّكم الجنة؟ دا غير يومي يحاول وإستغفر الله العظيم يحاول يلعبنّا ويست يا حريق بالباسطة واللي يحرق أو يتسيّك يمشي يجيب كيلو ولاّ كيلوووين باسطة و..طبعا" مع لازمتو ولاّ ما مشتهنّها... ــ شكلي كدا سرحت وكتبت بالمتر.. وآخر ما أقولو ليك يا ياسر.. مش برضك الفول خط أحمر! وبي علامة تعجبها ياعمك دي لازمتي أنا الأيام دي...
يابت الشيخ الله يجُبر بِخاطرك ..وماناضمناك المرة الفاتت وحلفناك وخصمناك بكل عزيز تجي وتجيبي معاك أم مؤيد القربو يقفلو ليها النفاج وأها كلامك دا شهادة بعد دا ممكن أدخل بيها أي بوست مطلوب فيهو شهادات...شايف في موضة زي دي في البرارّي الحزّ في نفسي يابت الشيخ وزي ما إنتي شايفة البوست دا متعوب عليه وغصبا" عن سيرفر أريزونا مرفوع فيهو أفيشات..صور..يوتيوبات..هترشات..خستكات..ذكريات..وعلى قول دقاش الدلال و..أشياء أخرى مفيدة بالله عليك أغفل أمشي ألقاهو تآآآكل في أخر صفحة..ومش في آخر صفحة وبس..جنب بقرة فيصل نوبي :) بالله عليك ناس البرارّي ديل يعملو معاهم شنو..البوستات وعلى قول منو كدا.. عايزة سندة ...على كلً....يابت عمنا الشيخ إنت والأخت تيسير بت عمنا عثمان عووضة من البقراءهم وبستفيد..أها بت عووضة طلقت فيني قبل كم يوم غنية كنت ناسيها وذكرتني ليها ورجعتني لزمن وأزمان كنّا عاملين فيها فنانين.ومن يوماتها بردد فيها آآآي نعم كان زمن ضياع بس ماعارف ليه لسّه بحنّ ليهو..على كلً -زمن حلو الله لا عادو- و برضو مشتهيهو الغنية فكتها وأستشهدت بيها وسط جدلً لاطائل منه...والغنية من أحلى وأجود ماتغني به وترنم أساطين الحقيبة ببكي وبنوّح وبصيّح للشوفتهم بتريّح....وكنا بنغنيها برق مصنوعة البتاعت البتكشكش الفيهو ديك من بواقي القزاز الحكايتو مذكورة أعلاه.... وبنقفل الحفلة والحفلة زيّ ماقالو قفلة بغنية..ماسمعتها قريب بتقول : الهبّ نسيمًو عطرّ وفاااح السمح في لونو التفاااااح ..أها التفااااح الممطوطة دي كنا بنرددها ولا عارفنو هو شنو ذاتو ــ و..آخر ما أقول في كلامي يابت الشيخ ..شكرا" ومنو بهدي سلامي و..ح أمشي أشوف ناس برارّي أريزونا ديل كيف أصبحوا..بالله أدعي لي وليهم ..والله يستر
Quote: يجوك وين عاد ياللخو انت اتحكرت وبقيت تعزم ناس البيت على بيتم
ههههههه قلتي لي ما جاية يجوك في السمح ..بعد كنتو جداد خلا شكلكم ح تبقو جداد وادي راحل دا غير إنو كمان طلعوكم متسوبيشي ولاّ شنو كدا ماعارف من المفردات الحايمة الأيام دي على كلً لو ما أتناضمنا تاني العفو والعافية.... أها إنتي في دا ولاّ بعد قلت كلامي دا لبت الشيخ
Quote: و..ح أمشي أشوف ناس برارّي أريزونا ديل كيف أصبحوا..بالله أدعي لي وليهم ..والله يستر
مشيت لقيت أخنتنا تيسيرعاملة ليها كوكيز نهااائي ما بتتفوت من قبيل بفكر ياربي أبلع كلامي بتاع ما ماشى لبوستات الآخرين.. ولا الشورة شنو؟وجاه الرسول ماسك كيبوردي عليّ بـ الله ويآمين وبطمن نفسي بحنك بيش من نوع : ذاتو لو بلعت كلامي يعني شنو كمان أول واحد يبلع ولاّ آخر واحد يزدرد فشكلو ح يكون في كميات تجارية من الطواقي..إضافة لحالات إزدراد بشفيّها الناشف و..السلس وعلى قول حبيبنا الصادق الشايف مكنة متابعتو خفّت ..متااابعون ونحن هنا جالسون...راصدون
كمال الزين مبارك يا أخوي والعديلة تقدمك وتبراك وبيت مال وعيال ما عارف الحفريات بتاعتك ديك وصلت وين بس بعد دا ما أظنك ح تقدر تكملّها ولاّ ياربي كملّتها؟ صراحة ما لقيت ليها زمن وكنت متابعها بكامل حواس وفل انتريست و... دا طبعا" غير إنك ما ح تقدر تلقى زمن تاني تغالط في مواضيع مراكز الاستنارة .. مراكز إستنارة شنو كمان؟ الدايرة ليها لياقة عالية وتركيز وحجة بحجة وجمل معرّبة بشكل سليم ياخ موضوع الدرويشة* ما أظنيتك ح تقدر تتابعو سيبك من كونك تغالط فيهو دخلت أبارك ليك في بوست عمك العوض اللي مفروض كان ينوّه لإنو أبعاد الصور في البوست تبدو أقرب للحقيقة ولحدي ماتحمّل الصور ظهرت لي حاجة كدا شكلها زي الترتر ترتر** الحمد لله طلع الصيوان وتووووف كدا ملاسي في وشي والصراحة ليك يا الله جفلت للحظات كدا....وللأمانة بعد الجفلة خفّت لقيت صورتو أحسن من الغياظة أم نضارات الفي البروفايل آها مشيت أفتش عليك سريع سريع ياعريس في باقي الصور وكلي خوف بس مازي خوف فكي بدر الدين قلت كمال دا مايكون لابس نفس البدلة ديك القال ليك فيها طلحة مرة كدا ذات شكلة ليها ضل بيناتكم ..عامل لي بدلتك الكيف الكيف دي.... ما لقيت ليك صورة وقلت بورداب الخرطوم ديل شكلهم كدا غير لوموا ناس مع العريس كمان ماصورو العريس.. ولاّ ياربي العريس كان مشغول بالرياحين*** والله ياكمال أخوي أخوك شدّة ما فرحان ليك لو لقيت تلفون ليك كان ح إتصل عليك وأهنئك وأوجبك وأديك خارطة طريق للعرس بس إنت كمان في قصص التلفونات دي ما بتنستر وبتفك آخرك سريع سريع ـــ هوامش وشروحات لا تقتل روح الأشياء: * دي تقرأ ...في موضوع الدرويشة .. الله لينا نحن من جافا وجوافة حميدة و**دي طبعا" أكيد......نقطة ترتر جديد ودي*** كنت عايز أكتب ليك حنك بيش من نوع .. سير والرياحين تملى دربك ياخ.. أو كما قيل آها لمن إتذكرت إنو الموضوع عرس كيبوردي ماطاوعني ...وبعدين تقول أمير غشاني كمان
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جمال ود القوز
طلحة عبدالله
محمد البشرى الخضر
محمد عبد الماجد الصايم
HAIDER ALZAIN
أيمن محمود
ABUHUSSEIN
الصادق اسماعيل
ALZOLZATOO
Rawia
تيسير عووضة
فيس بوك
تويتر
انستقرام
يوتيوب
بنتيريست