|
|
|
 Re: مـرحـبـتـيـن حـبـاب وِلآد البـاوقـة فـي حـوش بـكـري ... (Re: باسط المكي)
|
Quote: حباب ولاد جنة الفردوس
السكانها حور
كم هم مبدعون وعبر اخي معاوية
بودمختار القنديل سراج البيت
حمدلله السلامة الجيت التحية لكل الاهل في الباوقة
والي صديقي علي جار النبي |
اهلا ياباسط وحبابك الف
تعرف لمان قامت حكاية السد وما ادراك اهلنا في فتوار اتواضعوا شوية وقالوا ما عندنا بديل لي فتوار الا موقع مطار الخرطوم القديم.
اها عندنا جماعة من الحواشات قالوا ابدا قسما عظما بديلنا بس الجنة.
اوافق على اطلاق نسيبنا ود الباوقة الى ود الأنقاذ وما أظنو يأبى
| |
  
|
|
|
|
|
|
|
|
Re: مـرحـبـتـيـن حـبـاب وِلآد البـاوقـة فـي حـوش بـكـري ... (Re: MOHAMMED ELSHEIKH)
|
حباب ناس البلد
عارف ياود الشيخ زمان افترعت لي عامود زي ما بقول اخونا عزام فرح الله يطراهو بالخير فى منبر الباوقه وسميته مدرسة بله
كنت امل ان يستمر ويكون ربط بين الباوقه وريغها حيث كانت حتى الداخليه فيها طلبه من الباوقه وارتولي العبيديه مبيريكه و بالغرب من كدباس حتى مناطق الردى والسليمانيه شرق وغرب
ايماني كل هذه المنطقه الروابط بينها اكبر من كل شى فبها وحدة بيئه و عادات قل ان تجدها في مساحه كهذه
المهم لم استمر في الموقع وانتقلت لمنتدي فتوار وراحت السكره
و لنا عوده
| |
|
|
|
|
|
|
|
|
|
Re: مـرحـبـتـيـن حـبـاب وِلآد البـاوقـة فـي حـوش بـكـري ... (Re: MOHAMMED ELSHEIKH)
|
عوده
مدرسة بله سميت بهذا الاسم نسبة لمدير المدرسه آنذاك اااستاذ بله او محمد الخليفه سعيد وهو من ناس الجول وانا اعتبره من اميز معلمي اللغه الإنجليزيه
رغم حده تشويه في بعض الاحيان المدرسه عمارتها مختلفه عن ما هو سائد في المنطقه ومبنيه علي الطراز الانجليزي بنوعيه ممتازه من الطوب الاحمر وعلي حسب علمي هى من تنفيذ وزارة الاشغال التي كانت تنفذ المشاريع الحكوميه بجوده عاليه
ومهارات مكتسبه منذ العهد الانجليزي وهو اغلب ما تميزت به المباني الحكوميه القديمه
وهنا لابد من ذكر من بقي بالذاكره من ألاساتذه امثال الشيخ كرتات وقمر الدين صديق ولا اعلم ما ذا فعل بهم الدهر وهم من علموني ابجديات العلوم والانجليزي لهم التجله اينما كانو
بره الموضوع
حرويل مره واحده يا ود الشيخ
ولنا عوده
| |
|
|
|
|
|
|
|
|
|
Re: مـرحـبـتـيـن حـبـاب وِلآد البـاوقـة فـي حـوش بـكـري ... (Re: عبدالرازق الطيب يس)
|
طبعا مدرسة الباوقة الأميرية الوسطى انشئت حسب ذاكرتي في عام 1965م وفتحت في مدرسة الباوقة الجنوبية الأولية بالمخازن حيث تم استضافتها هناك
وتم تكملة البناء بالخشب . اولي وتانية في عهدنا كانوا من الطين وتالتة ورابعة خشب(اولى قصب, تانية خشب وتالتة ورابعة فضة ودهب)هههههه.
أول ما أذكره من المديرين أحمد عثمان بحيري الأستاذ الشهير من ابناء المتمة
عند دخولنا كانت المرسة الوسطى مكتملة حتى السنة الرابعة
ونذكر من المعلمين انذاك الأستاذ حمزة عبد الله البشير - محمد طاهر السراج- والصادق محمد عثمان و.... تموا الباقي
الداخليات كانت بيوت مؤجرة منها داخلية ابزيد , .... برضو نسيت
العمال ... اذكر الحكم المحلي عثمان عربي
من الطباخين ودالنور.... و صقير
رحم الله من فارق الدنيا وطول العمر للأحياء
ونواصل الأنتقال للمباني الجديدة في عام 1970 منقة العمارة
| |
|
|
|
|
|
|
|
|
|
Re: مـرحـبـتـيـن حـبـاب وِلآد البـاوقـة فـي حـوش بـكـري ... (Re: زياد جعفر عبدالله)
|
Quote: حباب ولاد جنة الفردوس
السكانها حور
كم هم مبدعون وعبر اخي معاوية
بودمختار القنديل سراج البيت
حمدلله السلامة الجيت التحية لكل الاهل في الباوقة
والي صديقي علي جار النبي |
الف مرحب بيك اخونا باسط المكي
ومرحب بالمتداخلين سلمي علي
امين حمد سليمان
الاخ طه ابراهيم ..انت زول بلد تب معناتا بتعرف على عبد الله واولاده
اخونا زياد رسالتك وصلت وين بلدك
عبد الرازق ابو احمد اخبارك لابد في الغربية اخبارك ولاهل ان شاء الله بخير
الاساتذة الشيخ وقمر موجودين لكن مااعرف لا زالوا في التعليم ام المعاش
اما اعمامك ود النور واحمد عثمان (صقير) ربنا يرحمهم ويدخلهم فسبح جناته
| |
|
|
|
|
|
|
|
|
 Re: مـرحـبـتـيـن حـبـاب وِلآد البـاوقـة فـي حـوش بـكـري ... (Re: معاوية المدير)
|
Quote: حباب ولاد جنة الفردوس
السكانها حور
كم هم مبدعون وعبر اخي معاوية
بودمختار القنديل سراج البيت
حمدلله السلامة الجيت التحية لكل الاهل في الباوقة
والي صديقي علي جار النبي |
الحبيب باسط المكي،
حياك الغمام.
أبداً لم ينتابني شعور يوماً أنّك بعيد
مِننا. يا باسط يا أخي إنت زولاً لينا
تب.
إتوهّط.
هذا هو صديقك علي جار النبي الرجل الخلوق
الشاعر الأديب الحبيب.
له ولك عاطر التحايا، وتقبل سلآم
جميع الأهل بأُم زهور...
| |
|
|
|
|
|
|
|
|
|
Re: مـرحـبـتـيـن حـبـاب وِلآد البـاوقـة فـي حـوش بـكـري ... (Re: معاوية المدير)
|
Quote: أخونا محمد الشيخ
زياد جعفر عبدالله إبراهيم محمد حمزة إبراهيم الكاسر...
إنقريابي عبداللابي همزيابي..
حفيد العمدة عبدالله ود إبراهيم و إبن أخ المرحوم مختار عبدالله إبراهيم..
تعريف كيف..مكتمل وللا لا
تحياتي ليك يا ملك |
مرحب حبابك حفيد العمدة ابراهيم ود الكاسر
وكدا كفيت وأوفيت
تحياتي عبرك لكل اسرة المرحوم الباشمهندس عمنا مختار عبد الله
ناس على وعبد الله وطبعا حسن ود عمكم
كنا مشغولين مع الأخ دقرشاوي ابوشورة من ابناء فتوار الذي اجريت له بنجاح عملية نقل كلية ومن ابناء الجول الأخ بدر الدين على المبارك الذي اجريت له ايضا بنجحة عملية غضروف حرجة بمدينة خميس مشيط
نسأل الله لهما تمام العافية
وجاييكم
| |
|
|
|
|
|
|
|
|
|
Re: مـرحـبـتـيـن حـبـاب وِلآد البـاوقـة فـي حـوش بـكـري ... (Re: معاوية المدير)
|
Quote: 
|
Quote:
الأخ الحبيب محمد حمزة الحسين
وددبايتور.
سعيدين بوجودك بيننا يا وددبايتور... |
شيخ العرب معاوية ود المدير
ياااخى الله يجبر بى خاطرك ايااااها المحريه فيك
واياااكا زول واجبااات عليّا الايمان زى الضبح لنا تور
اهاااا ترانى هااادى تفينه فى البوست دا نوثق معاااك وشوفنى كان انفزر
:
:
:
:
بث ياخى مكاجنتا ديييك خليها بى غااادى ...... والله كان تعرف المحبه الفى قلبى عليك يقوم لك شعر فى صلعتك دى 
| |
|
|
|
|
|
|
|
|
|
Re: مـرحـبـتـيـن حـبـاب وِلآد البـاوقـة فـي حـوش بـكـري ... (Re: محمد حمزة الحسين)
|
اها نواصل في مدرسة بلة:
" في عام 1971 م على ما أذكر انتقلت المدرسة الى العمارة حيث تم افتتاح مستشفى الباوقة ومازال مديرها بحيري (ابنالمتمة) الذي لم يمكث بعدها كثيرا حيث خلفه المدير عبد الحليم اسماعيل
الذي اتى من العاصمة وهو يمتطي عربة بيجو بيضاء . وقد زانه مديرا للمستشفى الدكتورمجذوب أحمد قادم منابناء كردفان والذي طاب له المقام وناسب اهل الباوقة ونتذكر العم محمد معروف محضر العملية من ابناء بربر ووالد صديقنا ودفعتنا كمال محمد معروف وبدات المنطقة في النمو "بخجل" وكلنا نذكر مطعم الدبان داخل المستشفى ومطعم البرعي الذي كنا نضرب فيهو الفول في الساعة الرابعة عصر.
كانت الداخليات خرج المدرسة : شرق المستشفى على مسافة نصف كيلو تم ايجار منزل الحاج ابوزيد (داخلية ابزيد) و شرقها على مسافة قريبة وبالقرب من دكان" شقيق الأستاذ الصادق محمد عثمان" داخلية اخرى اسمها داخلية"..................".
من هنا اترحم على روح العم جعفر ارباب والعم عمر وكل الذين مروا من هنا وراحو للدار الآخرة.
قبل الولوج لعهد بلة الخليفة"استاذنا محمد الخليفة سعيد" أمد الله في أيامه لابد من تعريججة على غارات "البرتكان
| |
|
|
|
|
|
|
|
|
|
Re: مـرحـبـتـيـن حـبـاب وِلآد البـاوقـة فـي حـوش بـكـري ... (Re: MOHAMMED ELSHEIKH)
|
ود الشيخ ليك تحية ،،
يسعدني أند دخلت في هذا الموضوع بمدخل كبير وهو المخضرم بلة الأستاذ الذي طبع الذاكرة بأقوى المعاني لدى الطلبة وأولياء أمورهم وعلى المكان والزمان هناك ، فهذا المدخل حقيقة رائع ونتمنى أن يستمر منبع الذكريات لديك لكي يشمل الزملاء النوابغ الذين جاءت بهم الأيام فجعلوا صباحاتها منارة يسطع ضوءها اشراقا يعم تلك المساحات ...
نحن دفعة السلم التعليمي الذي أدخل المدرسة الشعبية ضمن المساق الحكومي وجعلها تحظى بقدوم الطلاب الذين كانت تستحوذ عليهم مدرسة بلة لسبب وجود الداخلية ، لذلك أصبحت الداخلية مشتركة بين المدرستين وكثير من الصفات مشتركة حين تم توزيع المعلمين كذلك بالتساوي وفي الوقت الذي كان أستاذنا القدير بلة في المدرسة الأميرية طل علينا في المدرسة الشعبية قمر من أقمار الزمان قل ظهوره في سماوات القرى ، ألا هو المرحوم " أحمد بشير الأحمدي " فهو علم على رأسه نار وخبير حوت خبرته عصارة التجارب الإنسانية وصاحبه في تلك الأوقات المرحوم الخال "الجعلي ود الدوم" والخال " زيد عبد الجبار " وأستاذي الفنان والأديب الشاعر " قمر الدين عبد الله الصديق " والأستاذ " محمد عبد المنعم " والأستاذ " عباس الخضر " والأستاذ مرسال ...
في السنة الأخيرة شاورنا أستاذنا أحمد بشير الأحمدي بأن الأستاذ بلة أقترح عليه في الأيام الأخيرة دمج الفصلين من المدرستين ووضع برنامج موحد للاستعداد لامتحان الثانوية ، وطلب رأينا ، وصمت الطلبة ، وذكر الاستاذ أنه لن يتخذ قرار من غير يعرف رأينا ، وعندما رأيته ينظر إلي ، وهي عادته عندما يخصص السؤال لطالب ما ، قلت له أقتراح الأستاذ في ذاته شهادة لنا ونحن يشرفنا ويسعدنا كثيرا أن نشترك في برنامج موحد ، لكن أعتقد أن لهذه المدرسة حق علينا ، نحن دفعة هذه المدرسة ، ولأول مرة يمكن أن يتغير الاعتقاد بأن مدرسة بلة هي الأولى وأن المدرسة الشعبية هي الثانية ، نحن قادرين على قلب المعادلة، كان رد الأستاذ هو كذلك...
وقد كان ...
نجح جميع طلاب الفصل ...
70% من الطلاب دخلوا الثانوية العليا ... وكانوا أكثر من الطلاب الذين دخلوا من المدرسة الأخرى
حقق طلاب الفصل أعلى الدرجات ومنهم الأخ عثمان محمد علي الشيخ حقق 202 من 220
وكان مثل هذا النجاح بعزيمة مثل هؤلاء الرجال الذين يستحقون التكريم ...
ومرت الأيام وترك أخي الدراسة بدو أسباب وذهبت لمقابلة أستاذنا بلة للمساعدة لإعادته للمدرسة
كانت دهشتي كبيرة لمقابلته لنا بترحاب كبير مقدراً حضورنا ولكن يعتقد أنه ليس له داعي لأنه يعتقد أنه أحق بأن يقوم بأي تصرف جئنا نحن من أجله ، بل أنه هو بنفسه سوف يقوم بعمل المستحيل لو ظهر له أن أخي هذا لديه أقل ميول لكي يكون طالب علم أو يرغب في تحقيق أي هدف من خلال الدراسة وأنه في مكان الوالد يشعر بمدى الأسى لفقدان الفرص لكن هناك أمل ويمكن يكون فيه العزاء وهو أن النجاح في الحياة أحياناً لا يمر عبر مقاعد الدراسة ، أتركو لهذا الشاب يختار طريقه ، وأنت يا أستاذ لما كنت طالب في الشعبية كنت بعرفك ، أنت كنت طالب ، وهو ليس بطالب ...
لم تكن لدي أية مبادرة للإضافة لمثل هذا الكلام، شكرناه وغادرنا وبدأ أخي مشواره ... فهو الآن في مقدمتنا.. بل طوق النجاة..
| |
|
|
|
|
|
|
|
|
|
Re: مـرحـبـتـيـن حـبـاب وِلآد البـاوقـة فـي حـوش بـكـري ... (Re: معاوية المدير)
|
اخونا معاوية
كيفك ياخى ... اخوك من العبيدية النفافير ... والباوقة دى لينا فيها احلا زكريات وياما حضرنا فيها من افراح .. يا سلاااااااااام ياخى على الباوقة وأهلها الطيبين .
بجيك راجع تانى ونكب السكناب .
اغانى ود الحوري رجعت بى لاحلا زمن وذكرتنى بأعز اصحاب لى ... اخوك بعزف طنبور زى الورد .
تحياتى لجميع اهلنا ... بوست موفق جدا عشان الناس تتلم وتتعارف ليها ولى الزمان
| |
|
|
|
|
|
|
|
|
|
Re: مـرحـبـتـيـن حـبـاب وِلآد البـاوقـة فـي حـوش بـكـري ... (Re: زياد جعفر عبدالله)
|
Quote: Yousif Bashari ·
كرهنا الباوقة .. مش كفاية علينا ( ودالباوقة ) وشغل النسوان البسوى فيهو دا ..
سيدى الرئيس وسيدى شنو ماعارف .. والله لو أنا من الباوقة أصلى مابقول
من الباوقة وأخاف يكون كمان جعلى ..! |
سلآمات أخونا يوسف بشاري.
يا يوسف إن كنت تنتسب فعلاً إلي قبيلة أهلنا البشاريين، فود الباوقة
تب مُو فايتك، نسبةً لأنّ الإنقرياب ليهم نسب عريق مع البشاريين.
أما إن لم تكن من قبيلة البشاريين، فألف مرحب حبابك وسطنا،
وما تسوي فوقنا قول الشاعر:
جرمٍ جرّه سفهاء قومٍ وحلّ بغير جارمه العقاب.
يا يوسف أخوي الله يرضى عليك لا تاخُدنا بجريرة غيرنا.
لك عاطر مودتي...
| |
|
|
|
|
|
|
|
|
|
Re: مـرحـبـتـيـن حـبـاب وِلآد البـاوقـة فـي حـوش بـكـري ... (Re: معاوية المدير)
|
i ·
ي...Quote: كرهنا الباوقة .. مش كفاية علينا ( ودالباوقة ) وشغل النسوان البسوى فيهو دا ..
سيدى الرئيس وسيدى شنو ماعارف .. والله لو أنا من الباوقة أصلى مابقول
من الباوقة وأخاف يكون كمان جعلى ..!
سلآمات أخونا يوسف بشاري.
يا يوسف إن كنت تنتسب فعلاً إلي قبيلة أهلنا البشاريين، فود الباوقة
تب مُو فايتك، نسبةً لأنّ الإنقرياب ليهم نسب عريق مع البشاريين.
أما إن لم تكن من قبيلة البشاريين، فألف مرحب حبابك وسطنا،
وما تسوي فوقنا قول الشاعر:
جرمٍ جرّه سفهاء قومٍ وحلّ بغير جارمه العقاب.
يا يوسف أخوي الله يرضى عليك لا تاخُدنا بجريرة غيرنا.
لك عاطر مودتي... |
هسي ياجنا المدير الزول دا كتب كلامو وين؟ قدر مافتشت مالقيت لو محل
اها ياود البشاري ود الباوقة دا عاد نسوي عليهو كيفن؟ عنك لينا اقتراح كبو هنا( ياقول ناس سودانيز اون لاين)
ان قلت اضبحوه نضبحو ليك وانا متأكد ان بقينا على الضبح اول واحد يرقد لنا هو.
علي العموم
ماتزعل ياخي مننا والله الباوقة دي جابت احد شهداء اكتوبر: الشهيد محمد الخليفة والذي استشهد ببورتسودان وأكبر حديقة في الثغر مسماه باسمه
الباوقة جابت الفنان صديق ود كحلاوي عليه الرحمة
الباوقة جابت الجماعة الهجمو على الوالي
اها باقيلك دي بلدا بتتكجن؟؟
| |
|
|
|
|
|
|
|
|
|
Re: مـرحـبـتـيـن حـبـاب وِلآد البـاوقـة فـي حـوش بـكـري ... (Re: MOHAMMED ELSHEIKH)
|
الصورة ياود المدير كانت ايام عيد الاضحي 2009 كان عيد ليهو طعم خاص لم الناس كلهم من الشرقيه
والغربيه
من النوادر الحصلت حقت حسين ابكر (ديقول) لمان اتملأ في الشربوت هههه
مرحب حباب سيف الدوله واهلا وسهلا بيك ومرحب حباب ود النفافير يازول العبيدية والباوقة الا البحر البينهم دا
استاذنا محمد الخليفة (بلة) ربنا يديهو الصحه والعافية
ود الشيخ بعد السرد الجميل يازول منتظرين
!!!| Quote: قبل الولوج لعهد بلة الخليفة"استاذنا محمد الخليفة سعيد" أمد الله في أيامه لابد من تعريججة على غارات "البرتكان |
تحياتى
| |
|
|
|
|
|
|
|
|
|
Re: مـرحـبـتـيـن حـبـاب وِلآد البـاوقـة فـي حـوش بـكـري ... (Re: محمد بابكر محمد)
|
سلام ياود المدير وكل ألأخوة بهذا البوست..
البشاريين ياود المدير بحهة أمبريكا والعبيدية (ابومريخ) على ماأظن..كن أود ان اسال هل (الهامك) بشاريين ..صلة المنطقة والتداخل موجود مع أهلنا البشاريين ولكن تاريخياً التسيق تم مع العبابدة فى قصىة تهريب سلاطين باشا الشهيرة..أعتقد أن صلتنا أى صلة القرابة مع أهلنا (العتمن) بشرق السودان وليس مع البشاريين..والله أعلم الخبر اليقين عند (المسافر فى هذا الأمر)
من الباوقة د. الكنين عضو اللجنة المركزية للحزب الشيوعى الأستاذ يحى الحسين المخامى والقيادى بحزب البعث ساطع الحاج ارئيس الحزب الديمقراطى الناصرى..فينا الأتحاديين والشيوعيين وحزب الأمة وجميع اصناف الأنتماءات السياسية والأخ ود الباوقة مننا وفينا لكن ذاع خبره هنا فى هذا المنبر كمؤتمر وطنى مدافع عن البشير وحزبه..
أخيرا دعونا نترحم على روح الفقيد محمد خير ابراهيم الخليفة
| |
|
|
|
|
|
|
|
|
|
Re: مـرحـبـتـيـن حـبـاب وِلآد البـاوقـة فـي حـوش بـكـري ... (Re: عبدالعزيز الفاضلابى)
|
| Quote: من النوادر الحصلت حقت حسين ابكر (ديقول) لمان اتملأ في الشربوت هههه |
هو اكِنوا ديقول دا حسين ابكر يا ود مختار ؟!؟!؟!.
نان ما قلنالكم أكان معاكم زول من ناس الباوقة حدثونا، واللآ
حسين ابكر دا ماكُم عادنوا من ناس الباوقة ؟؟؟.
قسماً عظماً يا ود مختار، حسين ابكر دا أكان وقف في بوآبة
الباوقة وقالنا ما بتدخلوا، نرجع.
مرحبتين حبابك يا حسين ابكر في بلدك ووسط أهلك...
| |
|
|
|
|
|
|
|
|
|
Re: مـرحـبـتـيـن حـبـاب وِلآد البـاوقـة فـي حـوش بـكـري ... (Re: معاوية المدير)
|
| Quote: ياخ مرحب بيكن وكان ماشالكن حوش بكري تشيلكن سواقي الفاضلاب. |
الفاضلابي سلام مابتققصر ومشكور . اكيد بتعرف جماعتنا في ام الطيور
Quote: هو اكِنوا ديقول دا حسين ابكر يا ود مختار ؟!؟!؟!.
نان ما قلنالكم أكان معاكم زول من ناس الباوقة حدثونا، واللآ
حسين ابكر دا ماكُم عادنوا من ناس الباوقة ؟؟؟.
قسماً عظماً يا ود مختار، حسين ابكر دا أكان وقف في بوآبة
الباوقة وقالنا ما بتدخلوا، نرجع.
مرحبتين حبابك يا حسين ابكر في بلدك ووسط أهلك... |
من غير قسم يا ود المدير الزول سيد بلد تب .. ومثال للنشاط والحيوية
| |
|
|
|
|
|
|
|
|
|
Re: مـرحـبـتـيـن حـبـاب وِلآد البـاوقـة فـي حـوش بـكـري ... (Re: حسن مختار الخليفة)
|
Quote: هو اكِنوا ديقول دا حسين ابكر يا ود مختار ؟!؟!؟!.
نان ما قلنالكم أكان معاكم زول من ناس الباوقة حدثونا، واللآ
حسين ابكر دا ماكُم عادنوا من ناس الباوقة ؟؟؟.
قسماً عظماً يا ود مختار، حسين ابكر دا أكان وقف في بوآبة
الباوقة وقالنا ما بتدخلوا، نرجع.
مرحبتين حبابك يا حسين ابكر في بلدك ووسط أهلك... |
| Quote: من غير قسم يا ود المدير الزول سيد بلد تب .. ومثال للنشاط والحيوية |
حياكم الله ود المدير وحسن
تسلموا وتكرموا
| |
|
|
|
|
|
|
|
|
|
Re: مـرحـبـتـيـن حـبـاب وِلآد البـاوقـة فـي حـوش بـكـري ... (Re: حسين ديقول)
|
| Quote: مـرحـبـتـيـن حـبـاب وِلآد البـاوقـة فـي حـوش بـكـري ... |
لقد ضيقت واسعا يا ود المدير يااااااااااااااخ...
يعنى هسع أنا فركة كعب منكم ... كلها 4 كيلو بس.. بيناتنا السلم والحاجاب وأبو كبيدة
( من ود الفكي علي / وحلة يونس ) ... تقوم ترحب بناسكم براكم
غايتو أنا برحب بنفسي ..
إلا الفيكم إتعرفت
الشغيل
| |
|
|
|
|
|
|
|
|
|
Re: مـرحـبـتـيـن حـبـاب وِلآد البـاوقـة فـي حـوش بـكـري ... (Re: MOHAMMED ELSHEIKH)
|
الهامق هم عرب مثلنا من عرب جهينة
وليس لديهم علاقة بالبجة
ولكن وجودهم بين البشاريين والهدندوة جعل الناس تعتقد أنهم بشاريين
وعلاقتهم بالإنقرياب علاقة ودية وليست كعلاقة العتمن الذين هم أولاد عثمان ود عجيب
في الحقيقة لا توجد علاقة فعلية بين أولاد عجيب والإنقرياب
والعتمن رغم معرفتهم بعلاقتهم بعجيب لكن أحتموا بأهلهم البني عامر لكي ينجو بحياتهم من التقتيل والتشريد الذي ناله أبناء العبدلاب
| |
|
|
|
|
|
|
| |
معاوية المدير
سيف النصر محي الدين
أمين محمد سليمان
MOHAMMED ELSHEIKH
باسط المكي
عبدالرازق الطيب يس
سلمى على محجوب
زياد جعفر عبدالله
حسين ديقول
حاتم الياس
محمد حمزة الحسين
المسافر
محمد بابكر محمد
سيف الدولة كامل
معتصم محمد عبدالرحمن
عبدالعزيز الفاضلابى
فيس بوك
تويتر
انستقرام
يوتيوب
بنتيريست