أورومو ( أورومو: Oromoo وتعني القوة) هي جماعة عرقية تتواجد في اثيوبيا وشمال كينيا ، وأجزاء من الصومال . بتعدد 30 مليون متوزعين على جميع أنحاء العالم ، ويشكلون واحدة من أكبر الأعرق في إثيوبيا، بحوالي 34،49and#1642; من عدد السكان وفقا لتعداد عام 2007 في أثيوبيا . لغتهم الأم هي أورومو (وتسمى أيضا أفان أورومو أوالأورميفا)، والتي تعتبر جزء من الكوشية والتي تصنف لغوياً إلى الأفرو آسيوية . http://ar.wikipedia.org/wiki/%D8%B4%D8%B9%D8%...B1%D9%88%D9%85%D9%88
06-06-2013, 11:50 PM
awad okasha awad okasha
تاريخ التسجيل: 07-15-2007
مجموع المشاركات: 3876
الأرومو ديل المجموعة البشرية الأكتر تعداد في إفريقيا , وهم أهل الهضبة الاكتر عدد متابع معاك وبتمني البوست يتعرض لثقافتهم وجزء من تراثهم .... ولو الامهر والحبش هم وجه إثيوبيا الثقافي لاسباب .... بيظلوا الناس ديل أهل الثقافة الموغلة في تفرده وإفريقيته في الهضبة وهم الجيران البطابقونا في الملاح والسحنه 100% ليهم لغتهم ( الارومنجة ) وليهم ملامحهم الثقافية المميزة الخاصة بيهم وليهم مناطقهم أهل اديس وما جوره وكتير من مناطق وسط وغرب جمهورية إثيوبيا الفدرالية
ديل الاروموا في ملابسهم التراثية
Quote: واخير لينا ... الحبش
بوست عن الاروموا ..........شنو الجاب الحبش !!!!!!!!!!!!!!! ديل الناس الوجوده في الهضبة بقرون قبل يجوا الحبش مدام جات سيرتهم ........ هاك ديل الحبش
_ .زي ما بتكون بتقول والله الزاندي حلوين ..... يجيك وأحد ناطي يقوليك يعني أخير لينا .... الحلفاويين !!!! _
------- *من الارومو ... سودانين كتار موجودين ومعروفين حتى لو ما بشيروا للأصول دي صراحه .... ليهم التقدير والتحية
Quote: ما نجي نبيع المصريين ونعرض علي الجماعه ديل الحريات الاربع
أقترح 3 حريات إضافية يا زبير .. حرية العشق .. حرية التنقل العاطفي .. حرية التعبير والغناء واحترام حقوق الجمال ..
كلام ناصر صحيح وغير صحيح .. في الواقع .. هن يشبهن خيالنا العاطفي 100% !!.. وأمقس مقاس بالميت كده .. بعدين لاحظت خلو طريقة الكلام الانثوي عندهن من العوارة .. وتلك نعمة كبيرة والله ..
06-07-2013, 09:40 PM
Abd Alla Elhabib Abd Alla Elhabib
تاريخ التسجيل: 12-09-2005
مجموع المشاركات: 3806
الفراولة دي قرمشا إنتا يا أخوي ، نحنا ناس دوم ولالوب يا عكـش ياخ الناس ديل بحترمونا شـديد ونحنا ظالمنهم رسمي وشعـبي غايتو أنا معاهم في السـد بتاعهم ده .. إنتا كيف ?! ------------ ياوضاحـة : المنافسة عالية كان ما بتقدري عليها أحسن ليك تشتتي من بدري ههههه
06-07-2013, 09:49 PM
rosemen osman rosemen osman
تاريخ التسجيل: 06-06-2008
مجموع المشاركات: 2916
والله يا جماعة ما بتحترموا مشاعرنا (السودانيات) خالص وطوالى عبد الناصر حاضر للدعم والمعلومات :) لكن معذورين ما بتقدروا تشكروا بناتنا :) حسة فى زمتكم ..ما نمشي بعيد, زوجاتكم ولا خطيباتكم ما حلوين كمان ؟؟ الله فى :)
06-10-2013, 01:55 AM
awad okasha awad okasha
تاريخ التسجيل: 07-15-2007
مجموع المشاركات: 3876
Quote: الفراولة دي قرمشا إنتا يا أخوي ، نحنا ناس دوم ولالوب يا عكـش ياخ الناس ديل بحترمونا شـديد ونحنا ظالمنهم رسمي وشعـبي غايتو أنا معاهم في السـد بتاعهم ده .. إنتا كيف ?!
عبد الله ود الحبيب حبابك .. الفراولة دي ما بتتفات يا عمك .. الدوم واللالوب بكسروا السنون ياخ .. الناس ديل ناس ما هينين والله والمتزوجين منهم يحكوا ليك العجب عنهم .. يعملو سد ولا يعملوا استاد حتى ما دايرين مزيد من الخسائر الدبلوماسية ..
06-07-2013, 11:01 PM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
Quote: كلام ناصر صحيح وغير صحيح .. في الواقع .. هن يشبهن خيالنا العاطفي 100% !!.. وأمقس مقاس بالميت كده .. بعدين لاحظت خلو طريقة الكلام الانثوي عندهن من العوارة .. وتلك نعمة كبيرة والله ..
صدقني يادكتور انطباعي في التطابق في الملامح والسحنه مبني على المشاهدة والمعرفة بأهل الهضبة قاعد بكل بساطة من الملامح أحدد الأمهره والاحباش وكتير من شعوب الهضبة.... بس بجي لحدي الناس ديل وما بقدر احدد من الملامح إلا أسمع الكلام واللغة حتى أعرف لاي أهل الهضبه ينتمون
طبعا أستبعد صور صاحبي عوض عكاشة الفوق دي _ ما عارفوا جاب اسلحة الدمار الشامل دي من وين _ أنا بتكلم عن الارومو في أحوالهم العادية باقي ملاحظاتك ما عندي عنها فكره لغتهم ما مفهومه بالنسبة لى إلا كلمات السلام والشكر والبعرفهم منهم كلامهم العربي بنطقوا أقرب للأمهره في تأنيثهم للمذكر
Quote: عوض عكاشة جمعة مباركة وكتير التحايا والامنيات الطيبة الأرومو ديل المجموعة البشرية الأكتر تعداد في إفريقيا , وهم أهل الهضبة الاكتر عدد متابع معاك وبتمني البوست يتعرض لثقافتهم وجزء من تراثهم .... ولو الامهر والحبش هم وجه إثيوبيا الثقافي لاسباب .... بيظلوا الناس ديل أهل الثقافة الموغلة في تفرده وإفريقيته في الهضبة وهم الجيران البطابقونا في الملاح والسحنه 100% ليهم لغتهم ( الارومنجة ) وليهم ملامحهم الثقافية المميزة الخاصة بيهم وليهم مناطقهم أهل اديس وما جوره وكتير من مناطق وسط وغرب جمهورية إثيوبيا الفدرالية
وجمعة مباركة عليك يا حبيب .. ياخي الناس ديل فعلا يستحقوا الوقفة عندهم .. حضارة وجمال ورقي وتشابه مع السودانيات .. اتمني انك تقدر تسلط لينا الضوء على تراثهم .. بحكم درايتك ومعرفتك الواسعة في المجال ده .. واهو اخيرا اتفقنا على صنف من اصناف الجمال .. تسلم ويديك العافية ..
06-08-2013, 07:42 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: د. وضــــــاحة سعيد الاقيك بي جاى وحات الله الناس ديل أنتي بتريديهم في أى بوست تجي سيرتهم بتجي ناطه ......... وبالنسبة للحاصل عليك الله ما فينا زعل
لالا زعلانة بث
06-08-2013, 08:25 PM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
بعد مداخلتك الاخيرة سحبته الكلام ده ........ عمو ما بحب الشفع المتكبرين الماخدين في روحهم قلم .... بحب الحبش الزيو متواضعين ولازمين الجابرة وما بتعالوا ولا يسئوا لغيرهم
ربنا يصلح حالهم ويعيد ليهم عزهم وازدهارهم تعبوا من تطاول القصار عليهم
Quote: في الواقع .. هن يشبهن خيالنا العاطفي 100% !!.. وأمقس مقاس بالميت كده .. بعدين لاحظت خلو طريقة الكلام الانثوي عندهن من العوارة .. وتلك نعمة كبيرة والله ..
06-08-2013, 01:09 PM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
واتكلمته عن تقاطعاتهم الثقافية مع بعض شعوب السودان في النحاس والشلوخ ... الخ ** ممكن ولو لاحظته ود المشرف من انصار الجمال البتموا خيال وقبل مده قلت ليك ده الاوقع في النفس فرقوا زي تكون في ضفة نهر شائف البر التاني خلاص كده حد الصورة معروف او تكون واقف على ساحل بحر البر التاني تتخيلوا براك وتعيد وتزيد في صورتوا في ((( خيالك ))) ..............ياعوض الخيال ده ياهو البشعل الصور بالجمال
----------------------------
أستاذتنا / روزمين
Quote: والله يا جماعة ما بتحترموا مشاعرنا (السودانيات) خالص وطوالى عبد الناصر حاضر للدعم والمعلومات :) لكن معذورين ما بتقدروا تشكروا بناتنا :)
غايتو حضوري هنا لتحية صاحب عزيز ( عوض عكاشة ) بقي نادر الواحد يلقي لي بوست ممكن يشارك معاهوا فيهوا وفؤجي بوجود صاحب من الزمن الجميل ( ود المشرف ) ليهم أطيب تحية
أكيد ما عندي أي قصد هنا غير الكلمة الطيبة في حضره اصحاب عزاز بناتنا الما بنشكرهم ديل منهم أمي وأختى والخلات والعمات والقريبات والزميلات يعني مشاعرهم محل تقدير وإعزاز ........
----------------------- ود المشرف
عوض ده لمه في أرومو خياليين ما تقدر تقول عليهم كل الاروموا كلامي زي ما قلت ليك عن الارومو الواقعيين يعني الممكن تشوفهم حائمين في الشارع وديل القاصد ليك أنو عندهم معانا تطابق في السحنة والملامح ما عادي .........
Quote: ايوه يا ناصر .. صورك دي ياها نحنا ذااااتنا يا صديقي .. وتحتاج منا لذات تمومة الخيال وحتي نتم اليهن الأغنيات ..
شكرا لتمليك الحقيقة للجماهير يا صديقي
*** يعني تمليك الحقيقة مهم عشان ناس كمال سالم البفتشوا مواصلات البلد ديك ما يقولوا عوض ده ضللهم ساى ......
------------
Quote: He say habesh. please we not habesha bro . viva Oromo
الكلام ده لواحد من الارومو برد على واحد تعليق على صورة في صفحة خاص بيهم بهدي كلاموا للزول المصّر انو الناس ديل ((( حبش ))) ........ اعرفوا الناس وبطلوا التنّظير
تحياتي
06-08-2013, 04:12 PM
Mutaz Hussien Mutaz Hussien
تاريخ التسجيل: 04-04-2013
مجموع المشاركات: 447
يمين الله انتو ما شفتو الأرومو الفي السودان، شينين شنة شنة مّرررررة عديل كده.الجبتهم ديل غايته إلا عينات محسنة. شايف ناس البوست دا بقو nigamadani اللأروموا في السودان غالبيتهم مسلمين، وحتى في اثيوبيا بيشتكوا من سيطرة الامهرا على المناصب القيادية في اثيوبيا.
06-08-2013, 04:21 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20360
في حضره جيرانا الجالا (( الارومو )) الشعب العريق في الهضبة الإثيوبية ......... الأكتر تعداد وصحاب الثقافة المختلفة والمميزة حتى لو كان إثيوبيا بتاخد وجهها الثقافي من ثقافة الامهره والتجراى كثقافات بتعرف بيها إثيوبيا أكثر من أى ثقافات اخري موجوده باعتبار التعدد العرقي الموجود والعدد الكبير من شعوب شرق أفريقيا الموجود في الهضبة ووجود لعدد مقدر من شعوب غرب أفريقيا زي الهوسه والفولاني مع ثقافات أفريقية صرفة بتتمثل في الشعوب النيلية الموجود في جنوب غرب إثيوبيا
وعن الشعب البنتكلم عنو هنا :
Quote: يعد شعب الأورومو من أقدم الشعوب القاطنة لمنطقة القرن الإفريقي، إذ لا يوجد حتى الآن تقدير صحيح لتاريخ استيطانهم للمنطقة، إلا إن إشارات كثيرة توحي بأنهم يقطونون مواطنهم الحالية منذ ما يقارب 7000 سنة، وترد الدلائل إلى أنهم الرحم الذي انبثقت منه معظم الشعوب الكوشية الجنوبية الشرقية، كالصوماليين والعفريين ,والساهو فى ارتريا ,والنوبين فى مصر والسودان .وجزأ كبير من شعب غوراغى ,وكانوا يستعملون ميناءهم التاريخى ,,زيلع,, Zeyla" فى الاستيراد والتصدير البضائع كاالمواشى والحبوب كامثال الذرة والشعير والقهوة والجلود الحيوانية,,, ,ولازالت القهوة الاورومية معروفة فى العالم العربى الى يومنا هذا باسم قهوة لقمتى وبن هررى حيث تمثل القهوة الاورومية 40%من الانتاج العالمى حسب الدراسات المتوفرة هم من اكتشفوا القهوة لاول مرةفى العالم ومن منطقة غرب جما الاورومية .. ومنذ اربعين عاما لديهم جبهة تحرير اورومو والتى يراسها حاليا السيد داود ابسا تناضل لنيل حق تقرير المصير لشعب اورومو الكبير حيث نسبتهم تمثل 40مليون نسمة من سكان اثيوبيا البالغ 80 مليونا,
في البداية يا عوض ما عندي ذرة من الشك في أن جماعتنا ديل (الأرومو) أو أياً كان اسمهم الصحيح ....يعدون واحداً من أجمل الشعوب وهم بالطبع أهل حضارة موغلة في جذور التاريخ ...وتربطنا بهم صلات تاريخية عريقه .... وأكثر ما يحببهم لنا إنهم يقدروننا نحن السودانيين بصفة خاصة .... ويضعوننا في مكان مميز من قلوبهم ومشاعرهم .....
لكن يا عوض أخوي ..... وأرجو أن تضع تحت لكن هذه ما شاء لك الله من الخطوط .... أكاد أبصم بالعشرة .... أن صاحبة أجمل صورة من كل الصوّر التي تم استعراضها في هذا البوست الجميل المفيد بلا شك .... هي الصورة الأولى .... أي صاحبة (ضربة البداية) كما سميتها ..... ولكن يا عوض .... والحديث موجه للجميع هنا ... أسألك بالله ألم تبدو لك صاحبة الصورة الأجمل هذي تماماً كصورة زميلتنا هنا في المنبر والمذيعة ذائعة الصيت التي كانت تقدم برنامج (من واشنطون) ...وهي مقيمة مع زوجتها وأسرتها بالولايات المتحدة .... وأرجو ألا يعتبر ذلك غزلاً -لا قدر الله - ولكنه للإستشهاد والدلالة فقط ...مع تقديم عذري لها وللجميع .... وأقصد زمبتنا الكريمة المصونة .... غادة عبد العزيز خالد ..... ويمكن نقول قبل حوالي سبعة سنوات من الآن مثلاً ..... واحتمال كبير تطلع بتنا أجمل منها ..... لكن الشبه - إن لم تكن تلك صورة غادة أصلاً - يكاد لا يصدق ..... وعليكم الله لو واحد عندو صورة زميلتنا أختنا الكريمة غادة عبد العزيز خالد وأتمنى أن لا يكون في ذلك أي حرج يتحفنا بيها للمقارنة فقط .....
أستخلص من ذلك وبدون تجيز لبنات وطني ومن حقي أن أفعل وأباهي بهن الشموس .... أن بناتنا هن الأجمل ...في كل شي .... سماحه ، وأخلاق ، وثقافة ، وعلم .... الخ ..... وبنحب من بلدنا ما بره البلد ....ود ما بيمثل أي أعتراض على من أحبو أو حتى تزوجوا من خارج الحدود .....
وهاكم ليها بصوت إمبراطور الغناء السوداني محمد وردي ...... مع خالص حبي الذي تعرفون :
06-09-2013, 10:48 AM
rosemen osman rosemen osman
تاريخ التسجيل: 06-06-2008
مجموع المشاركات: 2916
Quote: الما بحتفى بالجمال وأنسنته ..يتخاف منه ..على انسانيته هو نفسه وعلى من حوله . بس كيفية التناول هي المحك .
غايتو انا هنا ما عندي في سيرة الجيران أحتفاء بالجمال والبعرفهم عن قرب هم زي اى شعب فيهوا السمح والشين بكتب في اى بوست يتعرض لسيرتهم أى كان نوع التعرض ده لانوا دي حريه صاحب البوست ما حتقدر تفرض عليهوا رؤية معينة لكين بحرص يكون في التناول ده تعريف ومعلومه صحيحة
وطبعا برضوا ما حتقدر تصحح كل معلومه أغلب ناسنا في تناولهم للجيران بقولو كلام قاطعنوا من راسهم يعني نفس النسبة لما جيران تانيين يكونوا في سيرتنا أغلب معلوماتهم عننا out of point مجرد انطباعات وتنظير منهم
تواجدي في غالبو أصلوا ما إحتفاء بالجمال لكين إحتفاء بالجيران أنفسهم وبلادهم وحضارتهم *ده منهجي البكتب بيهوا عن الناس ديل ....وبتمني التناول مهما كان فقط يركز على المعلومه الصحيحة ( - / + )
-----------
تحياتي
06-09-2013, 11:51 AM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
اللهم نسألك باسماءك الحسنى ان تحفظ المنقه والفراوله والبرقوق وان تحمى هذا البوست من ود شيقوق وعمر الفاروق وحمزاوى الصعلوق وطارق جبريل المزنوق ومن الما بوحد خالق الخلوق ومن المتنطعين الما براعو للجمال حقوق ومن كل كلف مفتون و مشروق ومن كل زول حاسد ومحروق وسهل لينا على جيهتن مروق وخلصنا من امات كرعبنن شقوق ماتبقى حكايتنا زى القمرة مع ابو الدردوق باقى نحن لينا الله وعيشة السوق اللهم اميييييييييييين يارب العالمين،،،
النسيم يشفيني أم يزيدني جراح يا ال مارأينا جمالك فى عجم وفصاح يا الشلتّ عقلي الشارد نور جمالك لاح الشاغل افكاري قول ليّ إيه ياصاح نحنا هل جنينا ام عقولنا نصاح ؟
ابو صلاح.....
06-09-2013, 07:27 PM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
وناس تقول سمحين وناس تقول شينين وناس تطقع بالحجار وناس تجي تقول شعر
وهم برضوا الناس أصحاب أكبر تنوع في ملامح والسحنات من بين شعوب الهضبة بوست عوض فتح للواحد مزيد من التامل في الناس ديل الاكيد جمالهم مختلف عن المجموعات السامية في الهضبة ( الامهر والتجراى ) كمجموعات بشرية قديمة في شرق أفريقيا .......
والنبتدي نشوف في ملامحهم الثقافية ونبداءها بغناهم :
وانا بفتش في نماذج لغني الاروموا ... بكتشف في موسيقي إثيوبيا ما محتك بيها كتير يمكن سمعته منهم قمر يوسف و المخضرم على بارية ( صاحب كليب غنيه كابلي شذي زهر ) وفناناتهم زي حمدية إبراهيم وصليحة سامي وكم غنية لشاب جديد أسموا كمال إبراهيم ... وما متابع غناهم مع أني بسمع غني إثيوبي كتير لكين محصور في غني هلال مريخ الهضبة ( التجراى والامهره) والقاعد أفهم غني الاوائل وجزء كتير من غني التانيين
ويمكن اللغة هنا مختلفة وما مفهومه لكين في روح في موسيقة الناس ديل قريبه لروووح موسيقتنا ويمكن للسبب ده بنلقاهم اكتر شعب في لهضبة بيجيد يغني غني سوداني زي ما شفنا في كليب على بارية( غنية شذي زهر ) وزي ما سمعنا فنانتهم المعروفة في السودان ( نقستي ) وإجادته لعدد كبير من الاغاني السودانية
وادناه نموذج من غني الارومو .... لا عارف الفنانة ولا فاهم بتقول في شنو
داليا حافظ وعصام علي احمد ومحمد عمر جبريل .. كيفنكم يا صحاب ..
وأما حرية التنقل العاطفي فجاءت كأحلي وظائف القلب في شهوات المريد .. والنص في مقام دستور إنساني كما تعلمون ..
هاك اتثقفي يا داليا
Quote: شهوة ان يقوز الفؤاد باحلى الوظائف
حرية الشكر, حرية الصمت
حرية الرقص حبا اذا ما هوى
والتخلى الانيق اذا ما نوى
والتنقل ما شاء بين الرضى والجفاء
سودان ريبل .. سلام في العالمين عليك.. اينما كنت ومن كنت !!
قلت لي الغنا الطاعم داك كلو ما كان فوق بناتنا .. غايتو وما مصداقية لي كلامك لكن .. الوصف ذاتو فيهو حاجه غريبة .. كلو بياض في بياض في بياض .. يخجل البدري ويخمد المصباح وانت ماشي وكمان جاب ليها سال من شعرها الذهب كمان ..
ديل منو يا الله ؟!!
ود الصائم ! الزومي مزنوقي يا صاحب .. غايتو !! الله فرجيني و .. سيدي الحسن يلحقنا في هذا المقام القريب منو جدا بس ياها الله فرجيني ذاتها ..
أقول ليك الجد ولا ود عمو يا عصام علي ..وبالمرة ابرهن للمشرف ثقافتي وروحي الرياضية ..
عندي جدا لي متزوج أثيوبية من خمسينات القرن الماضي ..الله يديها العافية والصحة وهي في مقام حبوبتي ..جابت نسل بالجد خرافي والآن أحفاد جدي وحفيداته على وجه الخصوص لو نزلت صورن هنا البوست ده بتقوم فيهو حريقة والله صحي (حقت قيقراوي )..هههه واحدة منهن غايتو بتكون زاملت المشرف أو عاصرتو في كلية الصيدلة ..أسماء ما معانا سمح يا المشرف ..
06-10-2013, 07:57 AM
awad okasha awad okasha
تاريخ التسجيل: 07-15-2007
مجموع المشاركات: 3876
Quote: والله يا جماعة ما بتحترموا مشاعرنا (السودانيات) خالص وطوالى عبد الناصر حاضر للدعم والمعلومات :) لكن معذورين ما بتقدروا تشكروا بناتنا :) حسة فى زمتكم ..ما نمشي بعيد, زوجاتكم ولا خطيباتكم ما حلوين كمان ؟؟ الله فى :)
والله ياروزمين يابت ابوي عثمان نسوانه ولا خطيباتنا ما اقل من ديل وكمان ارهب منهم مسافة ولكن ما معقول كمان نقول ليهم اتعروا و اظهروا للملأ كل المستخبي ... اظهار كل الجمال الموجود و من الزاويه المطلوبة يخلي اي انثى جميلة وكمان جذابة لدرجة الدهشة عند البعض .. خليكي من الاورومو وشوفي بنات MTV عشان تتأكدي مافي واحده ما جذابة .. ولكن الرجل السوداني تحديدا نفسياً اعصابه ما بتتحمل اي صورة منقوله من الهضبة و قاعد على الهبشة وليس الحبشة
*العنصر السامي: كالأمهري والتجراي. وهذان العنصران يقال أنهما نزحا من جنوب الجزيرة العربية مع أنو الكلام ده بصح للتجراى لانوا الامهره عرق تشكل من اختلاط المهاجرين والعنصر الموجود في الهضبة ). *العنصر الحامي: الأصيل في المنطقة, وهذا العنصر يشكل مجموعة الارومو والصومال وعفر...وغيرهم.
يعني البوست ممكن يكون فرصة للتعرض لاكبر شعب من شعوب شرق أفريقيا والبقولوا طلعت منو كتير من شعوب شرق ووسط أفريقيا ..... كناس متواجدين في إثيوبيا وكينيا وارتريا ..... في كتاب Africa from the Sixteenth to the Eighteenth Century بتعرض ليهم الكاتب كأكبر المجموعات الحامية في شرق أفريقيا وهجراتهم في كل أنحاء القارة وهجراتهم في الهضبة وتهديدهم المستمر لممالك الحبشة المسيحية والإسلامية على مدي تاريخها في بحثهم الدائم عن أراضي ومراعي وهم على خلاف مجموعات شرق أفريقيا الكبيرة أحباش , صومال ... الخ ماكان عندهم وعي قومي يوحدهم إلا مؤخرا فكانوا طوال تاريخهم قبائل رعوية وزراعية متفرقة وإن جمعت بينهم اللغة والملامح الثقافية فقط لكن لم توحدهم أي رؤيا سياسية ... لغتهم تعتبر من اللغات الكوشية القديمة واغلبهم دان بالاسلام في زمان أنتشاره في شرق أفريقيا وممالك الهضبة الاسلامية السبع .... ولم يتجهوا للمسيحية إلا مؤخرا حيث تنصر بعض كبارهم تقرب من البلاط الحبشي حينما وصلتهم مملكة الاحباش وأخذت كثير من أراضيهم في المرتفعات , يتحدث المؤلف عن أصلهم في مرتفعات مقاطعة بالي ومنها بدؤ هجراتهم ويشير المؤلف عن الروايات التاريخية للامهر حول أصل الارومو كرعاه بربر بلا حضارة مؤثرة كلام مردود فالارومو شعب إثيوبي أصيل وعرفوا كرعاه *تربطهم علاقة عاطفية بماشيتهم بصورة لم تعرف لدي أي شعب إثيوبي اخر.... - نفس العلاقة التي تربط بعض الشعوب النيلية في الجارة جنوب السودان بمواشيهم _ ولكنهم في نفس الوقت كانوا مزارعين زرعوا محاصيل لم يعرفها بقيه شعوب الهضبة إلا مؤخرا البرتقال , الخوخ , قصب السكر وأجادوا توزيع الأرض وطرق ووسائل الري وهذا الوجه الحضارى للارومو يتجلي في مدن عريقة مثل هرر ...
*وبإذن الله مواصل في أستعراض الكتاب البتكلم عن الارومو وجوانب مهمه من ملامحهم وتاريخهم كشعب عريق ومن الشعوب الاصيلة والقديمة في شرق أفريقيا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
awad okasha
كمال سالم
Zomrawi Alweli
جمال السنوسي
Abd Alla Elhabib
احمد حمودى
وضاحة
الزبير صالح الزبير
محمد حيدر المشرف
rosemen osman
Mutaz Suliman
أيمن الطيب
Afraa Sanad
محمد عمر جبريل
Mutaz Hussien
مجاهد محمد الهادي
هويدا شرف الدين
إدريس محمد إبراهيم
داليا حافظ
محمد عبد الماجد الصايم
عصام علي أحمد
صديق الموج
عبدالكريم الاحمر
فيس بوك
تويتر
انستقرام
يوتيوب
بنتيريست