|
|
|
 Re: أخبار التطبيقات App .. آيفون .. آيباد .. أندرويد ..!! (Re: صلاح أبودية)
|
طيب أبدا ليكم أنا ..
Shazam
تطبيق ظريف ولذيذ ورانى ليهو الزميل عبداللطيف بكرى ..
التطبيق تفتحو وتشغل ليهو أى أغنية فى الدنيا مسجلة فى ألبوم ..
يصن ليك شوية كده ..
ويكتب ليك ... listening
وبعد أقل من نص دقيقة ..
يوريك إسم الأغنية وشاعرها والألبوم وكلماتها
وأين يمكن أن تسمعها من الراديو وتفاصيل أخرى !
تطبيق عجيب وحيرنى وحير الأخ عبداللطيف بكرى !
| |
  
|
|
|
|
|
|
|
|
Re: أخبار التطبيقات App .. آيفون .. آيباد .. أندرويد ..!! (Re: صلاح أبودية)
|
Numberbook
تطبيق عجيب ..!!
يخليك تعرف تلفون أى زول فى العالم !!
ما عليك إلا أن تكتب إسم الزول وتحدد الدولة التى يعيش فيها ..
وتعمل سيرش ..
أقل من دقيقة يجيب ليك إسم الزول ..!!
والعكس برضو ..
يعنى لو زول ضرب ليك تلفون من أى دولة فى العالم ..
تنزل النمرة فى خانة البحث ..
وتحدد الدولة ..
وتعمل سيرش ..
ثوانى بس يجيب ليك إسم الزول !!
| |
|
|
|
|
|
|
|
|
|
Re: أخبار التطبيقات App .. آيفون .. آيباد .. أندرويد ..!! (Re: صلاح أبودية)
|
Goalography
تطبيق لهواة كرة القدم
التطبيق يمكنك من متابعة العديد من المباريات دون الحاجة بالبحث المتواصل عن النتائح !
كل ما عليك هو إختيار المنطقة التى تريد متابعة مباريات كرة القدم فيها على الخارطة المرفقة مع التطبيق ..
فيقوم التطبيق بإخبارك بالنتائج الحية أولاً بأول !
التطبيق مجاناً للآيباد
| |
|
|
|
|
|
|
|
|
|
Re: أخبار التطبيقات App .. آيفون .. آيباد .. أندرويد ..!! (Re: صلاح أبودية)
|
مراحب خونا صلاح
ده بوست كنت بمني نفسي يكون عندي زمن وأسكن معاكـ فيهو لأنو بيديكـ المفيد فعلاً خاصة وانو التقنيات بقت محاوطانا
عموماً متابع وساتيكـ بالمفيد الذي أستخدمه أولا ومن ثم ما سمعت عنه بس رجاء انو الشباب يساعدونا بأيقونة البرنامج لأن الأسماء قد تتشابه لحد بعيد أو تعريف التطبيق نفسو
وهذا مثال :
| |
|
|
|
|
|
|
|
|
|
Re: أخبار التطبيقات App .. آيفون .. آيباد .. أندرويد ..!! (Re: عمران حسن صالح)
|
الأخ عمران حسن صالح
لك التحية والإحترام
| Quote: ده بوست كنت بمني نفسي يكون عندي زمن وأسكن معاكـ فيه |
تقدر تعتبر من هسى البوست ده حقك وتساعدنى فى الردود
| Quote: رجاء انو الشباب يساعدونا بأيقونة البرنامج |
لذلك رديت عليك قبل أخونا معاوية ..
شكلو مجضم الشغلانة ..
تحية لك أخى معاوية وأشرح لينا معاك كيفية وضع الأيقونات فى البوست !
| |
|
|
|
|
|
|
|
|
|
Re: أخبار التطبيقات App .. آيفون .. آيباد .. أندرويد ..!! (Re: صلاح أبودية)
|
شكرا اخونا صلاح
بوست مفيد جدا اتمنى ان نستفيد منه ...
شخصيا اخر واهم برنامج قمت بتحميله هو برنامج مضاد للسرقة
يعنى تخت جهازك فى اى مكان وتعمل تشغيل للبرنامج تانى مافى زول يقدر يهبش الجهاز
لانو اى تحريك او لمس للجهاز بيطلق بوق عالى زى صوت النجدة بتاعت سيارات الشرطة
وما يسكت الا انت تدخل الرقم السرى اللى بتختارو انت .. يعنى مستحيل الجهاز يتسرق
وفى من البرنامج نوعين نوع مجانى ونوع اخر مطور تقريبا باقل من واحد دولار 99 سنت
اسم البرنامج :
RaLok Technologiesللاسف ما قدرت احمل صورة للبرنامج او شكل الايقونة
ممكن واحد معلم ينقل لينا صورة البرنامج من موقعهم :
https://play.google.com/store/apps/developer?id=RaLok+Technologies
| |
|
|
|
|
|
|
|
|
 Re: أخبار التطبيقات App .. آيفون .. آيباد .. أندرويد ..!! (Re: ombadda)
|
Quote: بوست موفق يا أبودية..
نصيحة لمستخدمى نظام الاندرويد من داخل السودان:
تنزيل البرامج بواسطة غوغل بلاى. Google playصعب أو مستحيل من داخل السودان بسبب الحصار الإقتصادى على السودان.
|
أمبده
تحياتي وإحترامي
واصل معانا والبوست حقك وما تبخل علينا بالنصائح الهامة دي
شكري وتقديري
| |
|
|
|
|
|
|
|
|
|
Re: أخبار التطبيقات App .. آيفون .. آيباد .. أندرويد ..!! (Re: صلاح أبودية)
|
صلاح
سلام
شكـرا على البوست المميــز، ونحن بقينـا ناس أندرويـد ساكت.
اعمل الان على تطوير برنامج تطبيقى على نظام أندرويـد للتحكم فى أجهـزة خارجيـة.. واهم ميزة فى اندرويد إنه ملح.. المصادر المفتوحـة.. لا شركة أبل الإحتكاريـة والغالية الاسعـار
فهـذا عهـد المهمشين الكادحين.. والمجتمع العالمى الذى يحارب مبدأ بيع البرامجيات فى تزايد مستمـر، وناس مايكروسوفت وأبل يحصدون نهايـة الموسـم، وبعد شوية كل المزارع حيفكوها!!
| |
|
|
|
|
|
|
|
|
|
Re: أخبار التطبيقات App .. آيفون .. آيباد .. أندرويد ..!! (Re: Abureesh)
|
أبو الريش لك التحية والإحترام
في إنتظار مساهماتكم الثرة
وأسمع الخير الطازج ده :
قالت شركة ChangeWave المتخصصة بدراسة الاسواق ان الاهتمام بجهاز الايفون وسط المستخدمين من المتوقع ان يتراجع بنسبة 21% خلال الربع القريب من العام الجاري
يشار الى ان هذه التوقعات تعزز من المعلومات التي نشرت سابقا عن تراجع مبيعات جهاز الايفون 5 لدرجة ولدت خيبة امل لدى شركة ابل ودفعتها الى تقليص طلبياتها من قطع الجهاز الى النصف.
وتقول ذات الشركة ان شركة سامسونج التي تعتبر المنافسة الاقوى لشركة ابل ستتمكن من كسب اعجاب المستخدم المتردد بين منتجات الشركتين، وعليه سيزداد انتشار الاجهزة التي تنتجها شركة سامسونج بنسبة 8% خلال نفس الفترة.
| |
|
|
|
|
|
|
|
|
|
Re: أخبار التطبيقات App .. آيفون .. آيباد .. أندرويد ..!! (Re: صلاح أبودية)
|
اعلنت شركة جوجل ان تطبيقها الشهير للخرائط قد عاد بصورة رسمية من جديد الى متجر ابل ليكون متاحا مجانا للتحميل في كافة اجهزة ابل الذكية سواء الايفون او الايبود-تاتش.
طبعا أي زول عمل تحديث للجهاز بتاعو آيفون أو آيباد فقد خاصية إستخدام خرائط جوجل !!
لكن أخيرا إتحلت المشكلة
حمل البرنامج مجانا من App Store
ودي الأيقونة
| |
|
|
|
|
|
|
|
|
|
Re: أخبار التطبيقات App .. آيفون .. آيباد .. أندرويد ..!! (Re: صلاح أبودية)
|
هنالك تطبيق لا غنى عنه فى اى جهاز ايفون او ايباد
Icaught u pro البرنامج للاسف موجود على السيديا فقط يعنى للناس العاملين جلبريك
البرنامج تكمن اهميته فى انه اقوى برنامج للعثور على الجهاز المسروق فبعد تثبيت البرنامج وعمل الاعدادات والتى تاتى بخيارات واسعه
بدءاً من اخذ صوره بالكاميرا الاماميه لكل من يحاول فتح الجهاز ويخطئ فى تخمين الباسورد وارسالها فى الايميل كما يقوم بارسال احداثيات موقع السارق بدقه كبيره جداً
كما يمكنه ارسال رساله على اى رقم موبايل اخر عند محاوله فتح الجهاز ويمنع اغلاق الجهاز تماماً كما يمكنه مسح جميع بيانات الجهاز او ادخال الشخص فى سطح مكتب كاذب
لايهام السارق بانه تمكن من فتح الجهاز ببساطه البرنامج لا غنى عنه لمن لا يرغب فى سرقه اجهزته
| |
|
|
|
|
|
|
|
|
|
Re: أخبار التطبيقات App .. آيفون .. آيباد .. أندرويد ..!! (Re: سامى عبد المطلب)
|
Quote: هنالك تطبيق لا غنى عنه فى اى جهاز ايفون او ايباد
Icaught u pro البرنامج للاسف موجود على السيديا فقط يعنى للناس العاملين جلبريك
البرنامج تكمن اهميته فى انه اقوى برنامج للعثور على الجهاز المسروق فبعد تثبيت البرنامج وعمل الاعدادات والتى تاتى بخيارات واسعه
بدءاً من اخذ صوره بالكاميرا الاماميه لكل من يحاول فتح الجهاز ويخطئ فى تخمين الباسورد وارسالها فى الايميل كما يقوم بارسال احداثيات موقع السارق بدقه كبيره جداً
كما يمكنه ارسال رساله على اى رقم موبايل اخر عند محاوله فتح الجهاز ويمنع اغلاق الجهاز تماماً كما يمكنه مسح جميع بيانات الجهاز او ادخال الشخص فى سطح مكتب كاذب
لايهام السارق بانه تمكن من فتح الجهاز ببساطه البرنامج لا غنى عنه لمن لا يرغب فى سرقه اجهزته |
شكرًا سامي
في إنتظار مساهماتك معنا
طبعا معظم الناس التي قامت بتحديث أجهزتها فقدت السيديا
هناك برنامج مشابه في الأبل ستور إسمه Find my I phone
| |
|
|
|
|
|
|
|
|
|
Re: أخبار التطبيقات App .. آيفون .. آيباد .. أندرويد ..!! (Re: صلاح أبودية)
|
غايت. ياود الخال لازم تحرجونا معاكم
معقول الزول يكلمك بحاجة قبل تلاتين يوم
تجي تقشر بيها هسي؟؟
شازام بتاع مين ياخ؟؟
soundhound
فتش دا وجيب الايقونة بتاعتو
وبالمرة كدا جيب العود ولا الجيتار واعزف الاغنية العايزة
او بالعدم (همهم) فقط باللحن جنبو ساي يجيبها ليك سمكها يبلبط على قول فتحي ابودية ههههه
ياخ دا عجيب قلت الليلة ادقس ليك الخواجة دا قمت
غنيت افلام الستينات هندي : ميري موهابات ......
عليك امان الله جاب ليك محمد رافي زي ما الله خلقه
| |
|
|
|
|
|
|
|
|
|
Re: أخبار التطبيقات App .. آيفون .. آيباد .. أندرويد ..!! (Re: عبد اللطيف بكري أحمد)
|
Quote: غايتو ياود الخال لازم تحرجونا معاكم
معقول الزول يكلمك بحاجة قبل تلاتين يوم
تجي تقشر بيها هسي؟؟ |
والله يا عبداللطيف البتاع ده محيرنى عديل كده !!
تانى المافى شنو زى ما بقولوا ..
قبل كم يوم واحد ضرب لى تلفون ..
قلت ليهو ياخ ما تتكلم معاى وإنت فى الحمام !
وهو فعلاً كان فى الحمام ..
وأنا عرفتو من صوت الصدى فى التلفون !!
لغاية هسى الزول ده زعلان منى وقايل أنا مراقب تلفونو !!
| |
|
|
|
|
|
|
|
|
|
Re: أخبار التطبيقات App .. آيفون .. آيباد .. أندرويد ..!! (Re: خالد النور)
|
فهمي كان زي فهم عمر الفاروق في الجوالات :)
شيل ليكـ أيِ طوبة تقول ألو وانتهى الموضوع
الأجهزة الذكية أجبرتنا على التعامل معها وشالت جزء كبير من الميزانية غصباً عننا
اكتشفت بعدها كمية التوفير الممكن تجي من وراها بحكم وجود برامج للتواصل الجميل مثل الــ whatsapp
أو الفايبر
وبدأ بعد ذلك الأهم باستخدام برامج تسهل علينا الكثير من الوقت
أجمل هذه البرامج التي أفادتني كثيراً برنامج الـ Cam Scanner ومن اسمه يتضح انه عبارة عن اسكانر متكامل يعطيكـ دقه عالية جداً في التصوير الدقيق للمستندات
وما عليكـ بعدها إلا التعامل مع الصورة المأخوذة إما بإرسالها عن طريق الـ Bluetooth إلى جهاز الكمبيوتر للإحتفاظ بها أو تعديلها بواسطة برامج الصور
أو حتى تحميل تطبق معالجة الصور بواسطة جهاز الاتصال نفسه وارسالها مباشرة عن طريق الإيميل إلى الجهة التي تتعامل معها
أيقونة البرنامج :
الجميل أن شكل الشاشة والفولدر التي بداخله تعطيك فرصة جيدة لحفظ الصور حسب وأين ما تريد
اتمنى إن وجدت الزمن الكافي أن أشرح أكثر بالصور
| |
|
|
|
|
|
|
|
|
|
Re: أخبار التطبيقات App .. آيفون .. آيباد .. أندرويد ..!! (Re: عمران حسن صالح)
|
QR Barcode scanner
برامج الكسل اللذيذ
بدل تضايق الزول جنبكـ في الحافلة وتتاوق في جريدتو بس بأدب أطلب منو يوريكـ الصفحة الفيها الشكل ده :
والبرنامج أعلاه يقرأ الرسمة ويتعامل معها بإعتبارها رابط URL يأخذكـ إلى صفحة الجريدة ، هذا إن اهتمت الصحف أصلاً بعمل هذا الكود السهل إنشاؤه
حتى إن اسمكـ يمكن أن يكون له كود بواسطة الـ QR
الكود أعلاه حقيقي يأخذكـ إلى موقع ويكبيديا حيث تجد تعريف الـ QR
أيقونة البرنامج :
بعد تحميل البرنامج يمكنكـ استخدامه بتوجيه الجهاز إلى الصورة أدناه لتقودكـ إلى صفحة حوش بكري :)
أو يمكنكـ إنشاء كودكـ الخاص لأي شي تريده
هنـــا
| |
|
|
|
|
|
|
|
|
|
Re: أخبار التطبيقات App .. آيفون .. آيباد .. أندرويد ..!! (Re: عمران حسن صالح)
|
الاخت مواهب اشكرك واسف لانى لم ارى تعليقك اسفل البوست الا الان
بالنسبة لبرنامج RaLok Technologies انا احمل جلاكسى توو وهو متوفر
فى سوق الجلاكسى لكن ما عندى فكرة عن الابستور بتاع الايفون لكن ممكن استفسر
من صديق يحمل الايفون ان كان البرنامج متوفر .. بس انا نصيحتى من خلال التجربة
انا افضل سامسونج جلاكسى على الايفون لان السوق فيه ضخم وكل البرامج تقريبا مجانية
عكس الايفون .
| |
|
|
|
|
|
|
|
|
|
Re: أخبار التطبيقات App .. آيفون .. آيباد .. أندرويد ..!! (Re: هشام عباس)
|
هناك ايضا برنامج جميل ومفيد متوفر فى تطبيقات السامسونج
اسم البرنامج NQ Mobile Security and Antivirus
من حيث الحماية قد لا تكون بقوة البرنامج الذى شرحناه فى المداخلة السابقة دكتور ويب
لكن هذا البرنامج لديه ميزة اضافية وجميلة جدا لمن يحبون السرية لانه يعطيك خدمة اضافية
اسمها Vault-Hide SMS, Pics and Videos وهى نظام حافظة سرية تحفظ فيها كل الصور والفيديوهات الخاصة
وكذلك الارقام الخاصة بحيث اسم الشخص لا يظهر على الاسماء فى الجهاز واى رسالة من الشخص تاتى للحافظة السرية
مباشرة وليس على رسائل الجوال ولا احد يستطيع الاطلاع عليه الا بالرقم السرى
وهناك ميزة اضافية ضد السرقة وهى تعمل بطريقة جميلة جدا حيث ان تدخل رقم جوال بحيث اذا سرق جهازك
وقام السارق بادخال اى شريحة اخرى فى الجوال تاتيك رسالة على رقم الجوال الذى حفظته توضح لك رقم الشريحة
التى دخلت فى جوالك اى رقم السارق ..
الايقونة الاساسية للبرنامج
الخدمة الاضافية السرية
| |
|
|
|
|
|
|
|
|
|
Re: أخبار التطبيقات App .. آيفون .. آيباد .. أندرويد ..!! (Re: هشام عباس)
|
نسيت ان اضيف خدمة اخرى توفرها NQ Mobile Security and Antivirus
اذا قمت بتفعيل برنامج السرقة سيقو الجهاز بتصوير سرى لاى شخص يجى يهبش جهازك
وبيوريك هو دخل وفتش شنو فى جهازك ان كان صور ولة فيديوهات ولة رسايل
الجميل ان التصوير بطريقة سرية بحيث ان من يحمل الجهاز لا يدرى انه بيتصور وكل
حركاته مرصودة
| |
|
|
|
|
|
|
|
|
|
Re: أخبار التطبيقات App .. آيفون .. آيباد .. أندرويد ..!! (Re: هشام عباس)
|
بالنسبة لاهل السامسونج دا برنامج مريح جدا
الطريقة ..
تقوم بتنزيل البرنامج على جهاز الكمبيوتر او اللابتوب الخاص بك
وتعمل مزامنة بين البرنامج على كمبويترك وجوالك
ممكن تشبك عن طريق اليو اس بى او الواير لس او البلوتوث
البرنامج بيقرا جهازك فورا وينقل كل مافى الجوال الى الكمبيوتر كما هو موضح بالصورة
بالتالى تقدر تتعمل مع كل الملفات والصور بسهولة وتحفظ كل شئ
اسم البرنامج SAMSUNG KIES
| |
|
|
|
|
|
|
|
|
|
Re: أخبار التطبيقات App .. آيفون .. آيباد .. أندرويد ..!! (Re: هشام عباس)
|
Quote: بالنسبة لحاملى السامسونج ويريدون برنامج الملاحة iGO
الذى قمنا بشرحه سابقا .. اكتشفت قبل قليل انك لن تحتاج
الى لفة طويلة لتحميله كما شرحنا سابقا ..
فقط اعمل بحث عن طريق الحرامى الذى شرحناه ايضا
ستجد التطبيق موجود وتقوم بتحميله بسهولة ويسر باتباع الخطوات السهلة
شكرا للحرامى |
ما ظبط معاي يا هشام اخوي..
| |
|
|
|
|
|
|
|
|
|
Re: أخبار التطبيقات App .. آيفون .. آيباد .. أندرويد ..!! (Re: سامى عبد المطلب)
|
| Quote: تسلم يا عم معين على الاضافات المميزه |
هلا سامى اخوى
معليش شكلك بتعرفنى كويس ما دام قلت عم معين لكن للاسف انا ما عرفتك
زى ما قلت فوق انا ذاكرتى خربة جدا ...
بالنسبة لبرنامج مكافحة السرقة الجبتو انت انا بحثت عندى عشان اعمل مقارنة
بالبرنامج الموجود عندى واشوف ايهما افضل لكن للاسف ما لقيتو عندى هل هو
متوفر فى الايفون فقط ؟؟ وهل هناك طريقة لتثبيته على السامسونج ؟؟
اتمنى شوية شرح
| |
|
|
|
|
|
|
| |
صلاح أبودية
محمد جمعه الخير
سامى عبد المطلب
Maawya Hussein
خالد عبد الله محمود
عادل امام خيري
عمران حسن صالح
ombadda
هشام عباس
Abureesh
ماضي ابو العزائم
rani
خالد النور
ياسر منصور عثمان
Mohammed Maher
المكاشفي الخضر الطاهر
Elkalakla_sanga3at
عبدالله كع
Mustafa Satti
Abdelrahim Elamin
7abib_alkul
لؤى
فيس بوك
تويتر
انستقرام
يوتيوب
بنتيريست