|
|
|
 Re: يا لحضارية ورقي إنتقال السلطة في قطر ! (Re: Abureesh)
|
تولى الشيخ تميم بن حمد بن خليفة آل ثاني مقاليد الحكم في دولة قطر في 25/6/2013 بعدما تنازل له والده الشيخ حمد عن الحكم.
وشغل الشيخ تميم منصب ولي العهد منذ 5 أغسطس/آب 2003، ومنذ ذلك الحين برز على الساحات المحلية والإقليمية والدولية.
المولد والنشأة: ولد يوم 3 يونيو/حزيران 1980 بالدوحة، وهو ثاني أبناء أمير قطر الشيخ حمد بن خليفة آل ثاني، متزوج وله عدد من الأولاد.
الدراسة والتكوين: حصل على الشهادة الثانوية من مدرسة شيربورن بالمملكة المتحدة عام 1997، وتخرج في أكاديمية ساندهيرست العسكرية الملكية بالمملكة المتحدة عام 1998.
وهو يتقن بالإضافة إلى العربية، اللغتين الإنجليزية والفرنسية.
الوظائف والمسؤوليات: يترأس عددا من المؤسسات من بينها المجلس الأعلى للبيئة والمحميات الطبيعية، والمجلس الأعلى للتعليم، والمجلس الأعلى للاتصالات،
ومجلس إدارة جهاز قطر للاستثمار، بالإضافة إلى مؤسسات أخرى.
التجربة السياسية: عُين وليا للعهد في الخامس من أغسطس/آب 2003، ومنذ ذلك الحين برز على الساحة الوطنية والإقليمية والدولية حيث شارك ومثل بلاده في عدد من المؤتمرات.
تتبع له عدد من المؤسسات في قطر من بينها الحي الثقافي (كتارا) وجهاز الإحصاء والأمانة العامة للتخطيط التنموي، بالإضافة إلى أكاديمية التفوق الرياضي (أسباير).
نال عددا من الأوسمة منها وسام الشيخ عيسى بن سلمان آل خليفة من الدرجة الممتازة عام 2004.
وفي العام 2006 اختير أفضل شخصية رياضية بالوطن العربي في استفتاء مجلة الأهرام الرياضي المصرية. كما حصل في العام الذي يليه على الوسام الأعلى للمجلس الأولمبي الآسيوي.
المصدر:الجزيرة
| |
  
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: Ammar Makki)
|
Ammar Makki
Quote: الاخ ايمن لو إنتقال السلطة في قطر دا وجه حضاري
طيب إنتقال السلطة في امريكا وبريطانيا والدومقراطيات الغربية نسميه شنو
غايتو الله غالب |
انتقال السلطة يمكن اعتباره حضاريا للآتي:
1- لم يحث فيه استخدام للقوة .
2- من كان يحكم قد تنازل طائعا مختاراً للجيل الجديد.
3- كان التنازل مثابة درس للجيل الحالي والاجيال القادمة في مفهوم الحكم واهدافه.
4- لم تتأثر الدولة بعملية التغير سلبيا والارجح ستتأثر ايجابا.
5- على الصعيد الخارجي وكأني بالشيخ حمد يقول: أيها الحكام العرب وغيرهم لا تجعلو من السلطة مرضكم العضال!
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: أيمن محمود)
|
| Quote: وان ما حدث ويحدث فعلاً ماهو الا درس قيم يقدمه شيخ حمد بن خليفة للحكام في المنطقة عامةً. |
درس شنو يا اخوي
منه لولده
وقبلها دبر وخطط وشال خاله " وابن عمه" من السلطة
ده درس لترسيخ الدكتاتوريات يا سيد ،،
يعني بسلامتك شعب مصر طلع ثورة من ضمن اسبابها تخوفه من توريث مبارك السلطه لابنه
وكذلك ليبيا ،،،
يعني اسه لو البشير سلمها لاخوه يكون تغيير حضاري
غايتو أفه العرب سماحة وحلاوة الاخراج
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: ناصر حسين محمد)
|
ناصر حسين محمد
Quote: درس شنو يا اخوي
منه لولده
وقبلها دبر وخطط وشال خاله " وابن عمه" من السلطة
ده درس لترسيخ الدكتاتوريات يا سيد ،، |
النظام المتبع يا ناصر في قطر منذ تكون الدوله وما قبله (نظام وراثي) لذلك الدرس يستقى من النظر الى الحدث في اطارو الطبيعي السائد، وليس بمقارنته بالمعايير المتبعة في دول اخرى
با عتبار استصحاب الخصوصة الاجتماعية، الثقافية والسياسية في قطر.
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: Ammar Makki)
|
أيمن محمود :
وين الحضارة و الرقي ؟
الجديد شنو ؟
قطر التي تدفع بسخاء لأجل ( الديمقراطية ) و حرية الشعوب .. في مصر ؛ ليبيا ؛ تونس ؛ سوريا ..
مش كان من الممكن ( عمك دا ) يدخل التاريخ لو فتح الشغلانة و خل الشعب دا يمارس حرية في اختيار حكامو ؟
مش ممكن يعجن دستور لتداول السلطة و السماح القطريين بتأسيس أحزاب و منظمات و نقابات ؟
يعنى ( تنازل ) لابنه .. المعين ( ولياً للعهد ) ..
إرثاً ..
يرث أبوه .. و يجي ابنو يرثو هو .. و البلد كلها .. بترابها و شعبها .. حقتم ..
لا ينازعهم في ( الحكم ) أحد ..
لا تفتروا على ( الرقي ) أو ( الحضارة ) !!
إنهما براء مما حصل اليوم في قطر ..
و لو قابلت الوريث دا بالله قول ليه : اطلقوا سراح شاعر محكوم بالمؤبد بسبب قصيدة ..
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: أيمن محمود)
|
-
ما حدث وما يزال يحدث في قطر منذ إنقلاب الأمير على أبيه، وربما قبل ذلك، أمر مربك ومحير
أن يتم تشييد هذه المشاريع العملاقة في أقل من عقدين من الزمان أمر مربك ومحير
وأن تكون الدبلوماسية القطرية هي الأنشط عربياً وربما عالمياً أمر مربك ومحير
وأن تتمدد المشاريع الاستثمارية التابعة لهذه الدويلة الصغيرة بمساحة الكرة الأرضية أمر مربك ومحيّر
أن تكون هذه البقعة الصحراوية الصغيرة المرمية على أطراف الخليج هي الأولى عربياً في استضافة كأس العالم أمر مربك ومحير.
وأن تضم قطر صفوة العقول العربية ابتداءاً من (الطيب صالح) مروراً بـ (عزمي بشارة) وسواهما من بلاد السند والهند أمر مربك ومحيّر
أن تنال قطر مديح كل من عمل فيها من العرب وغير العرب، ومن صفوة الصفوة إلى أصغر عامل فيها أمر مربك ومحير.
أن يكون أكثر الشعوب العربية ثراءً هو أكثرها تواضعاً وبعداً عن الشوفينية أمر مربك ومحير.
وأن تُطلق قطر هذه الآلة الإعلامية التي إذا قسناها عربياً فإنها لا تقل عما أنجزه (قاقرين) و (ارمسترونج) وكل منهما يضع رجليه في الفضاء أو على سطح القمر أمر مربك ومحير.
وأن تظهر زوجة أمير هذه الدولة المحافظة جداً بهذه الصورة العصرية و المبهرة جداً أمر مربك ومحير
أن تحرض قطر، دولة الحكم المحافظ، على الثورات، بل وتقودها في بعض الأحيان أمر مربك ومحير
و أن تساهم قطر في تسليح و إجهاض الثورات، في سوريا وفي البحرين، أمر مربك ومحير
أن ينقلب الإبن في السابق على إبيه وبصورة غير متحضرة ويزيحه عن الحكم أمر مربك و محير
أن يتنازل ذات الأمير لولده عن الحكم وبصورة متحضرة أمر لا يمكن توقعه
بل لا يمكن أن يحدث في هذا الكون العريض
إلا في قطر
-
...
..
.
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: أيمن محمود)
|
عموما ان كان شعب قطر راضيا هذا التغيير ... فعلا هو تغيير حضاري
اما ان كان هنالك من يطمح ويري في نفسه كمواطن قطري بانه يحق له ان ينافس ليحكم
فهو تغيير بدائي كغيره من انوات التغيير في المنطقة
نتمنى لقطر الازدهار والنموء
لان شعبها وحكومتها تقدر السودان وتسعى لخيره
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: سرالختم عباس)
|
سرالختم عباس
Quote: الرقي وين في توارث الشعوب
كان أمير قطر سيكون راقيا لو نفذ ما يطمح له من تحولات ديمقراطية في دول المنطقة في نفسه وبلاده
لكن هاهو يثبت أنه مجرد دعي وألعوبة بيد تحالف الغرب والاسلاميين |
في رأيي الشخصي الديمقراطية بالنسبة لشعوب معينة: مفروض الناس تتعامل معاها زي الدرب تنقطها شوية شوية في عروق الشعب
أغلب (ان لم نقل كل) الشعوب العربية لو جاتها الديمقراطية دفعة واحدة (زي مصر مثلا) ممكن تعمل ليها حبس كبس :)
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: وليد محمد المبارك)
|
Quote: عموما ان كان شعب قطر راضيا هذا التغيير ... فعلا هو تغيير حضاري
اما ان كان هنالك من يطمح ويري في نفسه كمواطن قطري بانه يحق له ان ينافس ليحكم
فهو تغيير بدائي كغيره من انوات التغيير في المنطقة |
تعرف يا وليد - من خلال عيشتي وعملي في الامارات وزياراتي لقطر ودل خليج اخرى مشابهة
نظرة الخليجيين لمسالة الحكم مختلفة عننا كتير جدا، باعتبار ان نظام مشايخ القبائل، الاسر الحاكمة، السلطنات راسخ في تاريخهم ووجدانهم ومكون اساي من انظمة حياتهم
عشان كده بتلقي الموطن ممكن تكون طموحاته في اتجاه الحريات العامة اكثر من تداول السلطة
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: أيمن محمود)
|
حديثاً بديت اتبنى فكرة انه الديموقراطية لا يمكن ان تكون (في الوقت الحالي) خيار كل الشعوب على مطلقها، قد تكون مصيرها ومآلها بعد ما تصل لمرحلة من الوعي تكفي لإنهم يتحملوا الديموقراطية ويتقبّلوا الخيار الديموقراطي مهما كان، لكن ما اعتقد انها حتكون مناسبة لبعض الشعوب في وضعها الحالي... والخيار البضمن انه الشعب يعيش برخاء وسلام ويلقى فرصته عشان يتعلّم ويتنوّر ويتفتّح هو الخيار المناسب حالياً... لحدي ما يصل لمرحلة الديموقراطية المطلوبة دي...
جون ستيورت في لقاءه مع باسم يوسف الاسبوع الماضي قال كلمة عجبتني وطبعا لا تخلو من سخرية واضحة، قال: "استغرقنا (يعني الامريكان) مئة سنة من الديموقراطية قبل ان نصوّت على تنحية رئيس من منصبه قبل انتهاء ولايته، واحتاج المصريون لسنة واحدة لإنجاز ذلك".. والحقيقة دعوات المصريين لإطاحة حكم الاخوان (رغم اني مبسوطة بيها كيّه في الاخوان) دليل على انه قلبهم ضاق (بسرعة) من الديموقراطية... فمحمد مرسي بكل عيوبه يظل رئس منتخب عنده فترة رئاسية محددة تنتهي بعد اربعة سنوات، وبعدها يأتي البديل...
القطريين شعب طيّب، بدأ في طياته من يحلمون بالديموقراطية، لكن تظل الغالبية من السكّان منتمين إلى قبائل اكثر من انتمائهم إلى قطر... ويظل شكل الحكم الحالي خيارهم... فهنئياً لهم ...
أيمن ازيك :)
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: مريم بنت الحسين)
|
Quote: حديثاً بديت اتبنى فكرة انه الديموقراطية لا يمكن ان تكون (في الوقت الحالي) خيار كل الشعوب على مطلقها، قد تكون مصيرها ومآلها بعد ما تصل لمرحلة من الوعي تكفي لإنهم يتحملوا الديموقراطية ويتقبّلوا الخيار الديموقراطي مهما كان، لكن ما اعتقد انها حتكون مناسبة لبعض الشعوب في وضعها الحالي... والخيار البضمن انه الشعب يعيش برخاء وسلام ويلقى فرصته عشان يتعلّم ويتنوّر ويتفتّح هو الخيار المناسب حالياً... لحدي ما يصل لمرحلة الديموقراطية المطلوبة دي...
جون ستيورت في لقاءه مع باسم يوسف الاسبوع الماضي قال كلمة عجبتني وطبعا لا تخلو من سخرية واضحة، قال: "استغرقنا (يعني الامريكان) مئة سنة من الديموقراطية قبل ان نصوّت على تنحية رئيس من منصبه قبل انتهاء ولايته، واحتاج المصريون لسنة واحدة لإنجاز ذلك".. والحقيقة دعوات المصريين لإطاحة حكم الاخوان (رغم اني مبسوطة بيها كيّه في الاخوان) دليل على انه قلبهم ضاق (بسرعة) من الديموقراطية... فمحمد مرسي بكل عيوبه يظل رئس منتخب عنده فترة رئاسية محددة تنتهي بعد اربعة سنوات، وبعدها يأتي البديل...
القطريين شعب طيّب، بدأ في طياته من يحلمون بالديموقراطية، لكن تظل الغالبية من السكّان منتمين إلى قبائل اكثر من انتمائهم إلى قطر... ويظل شكل الحكم الحالي خيارهم... فهنئياً لهم ... |
اتفاق تام
انا تمام -ان شاء الله انتي تمام - شردتي وين؟
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: مريم بنت الحسين)
|
تحياتى أخى الصادق,,,,| Quote: أن يتم تشييد هذه المشاريع العملاقة في أقل من عقدين من الزمان أمر مربك ومحير |
فعلا هى أمر مربك ومحير بحسابات واقع اليوم وحسابات تطور الشعوب فى المنطقة وحسابات تنمية دول وشعوب يعدها العالم
(عالم ثالث) لكن الواقع يقول أن هنالك شهود شهدوا هذه الطفرة العملاقة والقفزة الكبيرة جدا بعيونهم وأيضا تدهشهم لكن قطعا
بدرجة أقل ممن هم بعيدون عنها أو خارجها ويسمعون بها فقط كأخبار ونشرات إقتصادية...
يا الصادق إذا كان دخل إحدى مؤسسات هذه النهضة والمشاريع العملاق أرباحه أكبر من ميزانيات دول كبيرة لاحظ أحدها فقط..
ويتم توجيه هذه الأرباح فى قنواتها الصحيحة لترقية الخدمات والبنى التحتية القوية الخالية من العيوب والبعيدة عن التلاعب و
تحكمها قوانين قوية لا مجال لأحد أن يغش فيها أو يتلاعب بها أو يفسد فيها كما هو الحال عندنا,,
لا نملك إلا أن نحترم هذا الشعب ونحترم إنجازاته ونحترم ما يقوم به حكامه تجاهه ..
معظم ما يدور هنا من لغط حول هذا الموضوع بعيد عن الواقع وبعيد عن الحقيقة ,,
هؤلاء الناس يتقدمون بخطى سريعة بالإتجاه الصحيح نحو تطور الأمم والحضارة
وثرواتهم تتحرك فى الإتجاه السليم لرفعة البلد وإنسانه ...
سلامات يا ابويمن,,
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: وضاحة)
|
الشيخ حمد استطاع خلال فترة حكمه ان يبني قطر كدولة حديثة وان يجعل لها دور مؤثر في المنطقة له التحية وهو يترجل الان عن الفرس ليترك قيادها لشبل من ذات الاسد ولفارس رضع القيم والحداثة والهمة العالية من والديه الشيخ حمد والشيخة موزة ..
فهنيئاً لاهل قطر بحمد راعيا وهنيئاً لهم بتميم قائداً
واكيد ان قضايا الشعوب العربية المستضعفة موعودة بمزيد من الدعم والمساندة
اما عن ديمقراطية وحضارة الانتقال السلمي للسلطة من يقول بغير ذلك لا يتحدث بواقعية ..
ونموذج الديمقراطية لا يشترط ان يكون مطابق للنموذج الغربي
وان يتراضى الغالب على الحاكم ايا كانت وسيلة هذا التراضي هو اس الديمقراطية
وان تتوفر للجميع العدالة والرفاه فهذه هي قيم الديمقراطية الحقة
واحسب انها توفرت في قطر وتوفرت في اختيار تميم ..
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: علي محمد الفكي)
|
-
شكراً أخي أيمن الطيب أنك أكرمتني برد خاص
وهانذا أجد نفسي أتلقى ردين دفعة واحدة
على مداخلة واحدة متواضعة
....
وما أصابني بالدوار وأضاع عني الاتجاهات
أنني وجدت أمامي كل إشارات المرور تضئ إجبارياً في الاتجاه الأيمن..
تلفتُ يساراً فإذا برد من أيمن "المحمود"
ثم نظرتُ يميناً فإذا برد كريم من أيمن "الطيب"
فخشيت أن يظهر أمامي أيمن الظواهري
ليس من خلال شاشة الجزيرة القطرية
وإنما يشخص بشحمه ولحمه ولحيته التي تقطر "جهاداً"
اشكركما
وأشكر (جزيرة الكنوز) قطر
أن سببت لنا كل هذا الإرباك المدهش..
وأثارت فينا كل هذا الإدهاش المربك
نشكرها على مفارقاتها الكُبرى
وعجائبها التي لم و لن تنقضي.
...
..
.
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: ombadda)
|
Quote: تعرف يا وليد - من خلال عيشتي وعملي في الامارات وزياراتي لقطر ودل خليج اخرى مشابهة
نظرة الخليجيين لمسالة الحكم مختلفة عننا كتير جدا، باعتبار ان نظام مشايخ القبائل، الاسر الحاكمة، السلطنات راسخ في تاريخهم ووجدانهم ومكون اساي من انظمة حياتهم
عشان كده بتلقي الموطن ممكن تكون طموحاته في اتجاه الحريات العامة اكثر من تداول السلطة |
يا ايمن
هل الكلام ده بنطبق على الشيعة برضو ؟
انا اعلم ان في قطر شيعة كثيرين
______________
يا عبد اللطيف
كفاية استضافتها لسنوات وفود التفاوض .. ياخ في حاجة حضارية اكتر من التفاوض
قطر صرفت على تفاوض لم يثمر شيئا لفترة طويلة
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: وليد محمد المبارك)
|
شكـرا يا وضاحـة،
هـؤلاء الناس يحترمون السودانيين إحتراما يفوق الوصف..
فى اتنين مهندسين ســودانين كان عندهم شغل صيانـة فى قصـر الوجبـة (قصـر الأميـر).. وحان موعـد الصلاة، فذهبا للمسجد الملحق بالقصـر.. وبعـد قليل
دخل رجال الأمن وحاولا إفهامهما أن يصليا فى وقت اخـر.. وفى هـذا اللحظـة دخل الأميـر.. شيـخ حمـد وحين علم أنهما سودانيان جاءا القصر للصيانة
قال لناس الامن خلوهم يصلوا.. وكان المصلين عبارة عن شيخ حمد والسودانيان وأنفار اخرين..
تتخيل لو كان النفرين ديل من جنسيات تانيـة كان سمحوا ليهم يصلوا خلف الأميـر؟
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: Abureesh)
|
يا اخوانا المساله م مسالة يحبوا السودانيين ولا يكرهوهم يا أبو الريش
المسألة مسألة حقوق وحريات للشعب القطري ده
الحكم الوراثي ده ياخ قمة الاستبداد والاستعباد
وأمير قطر ده عامل فيها رب الحريات والحقؤق وينادي بيها في المنطقه
فما ممكن تقنعوا الناس بي الكلام بتاع بيحب السودانيين القلب الطيب والعواطف دي
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: وضاحة)
|
باشمهندس أيمن و ضيوفه الكرام سلام وتقدير
الزميلة وضاحة.... دافعي وحبي يا ستي زي مادايرة....نفس ظروفك العشتيها هنا عشناها...نفس الحب والكرم القابلوكي بيهو لقيناهو....وما بنرضى (لكرم أصلنا السوداني) بتقليل من قيمة قطر وأهلها... وبما إنك قطرية مسموح ليكي تجاهدي عديل في أي شخص بيكتب عن قطر بسوء بأكثر من ماهو مسموح لنا....
لكن ده كلو كوم وإنك تسيئي للسودان ده كوم تاني....حتى أصولك السودانية ما بتسمح ليكي تتعدي ولو بحرف على السودان...وما حأمشي أجيب إقتباسات ولا غيرو.... ده منبر حر..وللأسف ممكن تتكلمي فيهو عن أي موضوع بيخص السودان...بس بإحترام....بإحترام
وده ما طلب و لا رجاء...ده تحذير أخير...
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: Abureesh)
|
| Quote: تتخيل لو كان النفرين ديل من جنسيات تانيـة كان سمحوا ليهم يصلوا خلف الأميـر؟ |
and why is that a good thing?1
العنصرية دى لازم تكون عليك حتى تدينها ??
و السودانيين احسن من باقى خلق الله فى شنو???
"حضارية ورقي" مين يا ايمن يا ابنى?
قطر(و باقى دول الخليج دى كلها) دى لو ما الغاز الطبيعى العايمين فيه ده كان بقوا كلهم ذى اليمن. ما تلخمونا ساى!!!
فرقه شنو من مبارك و الاسد و الليبى داك ?? الفرق هنا بس ان القروش كتيرة شديد قادرين يستمتعوا بيها تمام و كمان يمتعوا شعبهم.
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: smart_ana2001)
|
smart_ana2001
| Quote: قطر(و باقى دول الخليج دى كلها) دى لو ما الغاز الطبيعى العايمين فيه ده كان بقوا كلهم ذى اليمن. ما تلخمونا ساى!!! |
اول حاجة آسفين على لخمتنا ليكم. ثانياً حاجة طبيعية انو الثروة في قطر يكون ليها دور أساسي في الاستقرار في قطر أو أي دولة اخرى !
الحضارة والرقي الذي أتحدث عنه يتعلق بحدث محدد (انتقال السلطة الاخير) ضمن نظام الحكم السائد في قطر، واظن لو ان القطريين لديهم اعتراض على نظام الحكم في بلادهم لابدوه بشكل أو آخر
لا يجب أن نخرج الحدث عن سياقة السياسي والتاريخي لدولة قطر !
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: وليد محمد المبارك)
|
Quote: وانت المقعدك مع مشاكل سودانا شنو
ما تمشي قطر اون لاين ولا حمد اون لاين |
نشأت وضاحة في قطر وتعلمت في قطر
وحبها لي قطر ناتج من اصالة انسان بعترف بالفضل والجميل ..
وحب وضاحة لي قطر او الجنسية القطرية ما بتمنع حبها لي موطنه الاصلي السودان وتعلقه بيهو ..
وارتباطه بي قضاياهو وهمومو وظهر الارتباط دا بيان بالعمل من خلال اعمال حقيقية قامت بيها
مش طقطقة كي بورد وبس .. وضاحة تبنت كثير من الجمعيات الخيرية السودانية الاتفتحت ليها بوستات
في سودانيز اخره كانت جمعية رعاية الاطفال مرضى السرطان 00 وكذلك علاج كثير من الحالات عبر سودانيز ..
وما في حد بقدر ينزع منها هويته السودانيه او يشكك فيها عشان حب قطر الاتربت فيها بجري في دمها ...
ودفاعة عن قطر ناتج من قناعات راسخة ومتأصلة من مواقف لمست وعايشته ..مش هي وبس غالب السودانيين العاشو في قطر لاحظنا حبهم لي قطر ودفاعهم عنها ودا اكبر دليل على انو قطر دولة معطأة ودا ناتج من الدور الايجابي للاسرة الحاكمة في قطر ..
اها كل الناس المعترفة بي الفضل لي اهل قطر اهل الفضل نقول ليهم امشو شوفو ليكم قطر اونلاين ..
وحقيقة عملت جولة في مجموعة من المنتديات القطرية لقيت كل الكتابات تلهج بالثناء والشكر للشيخ حمد والتاييد للشيخ تميم اها الناس الملكيين اكثر من الملك ديل مع شنو .. وحقيقي لو انشغلنا بي قضايانا الحقيقية بكون افضل ..
وخالص الحب والتقدير والثناء مني لي شيخ حمد
والتاييد للشيخ تميم
وربنا يسدد خطاهم ..
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: علي محمد الفكي)
|
الأخ علي الفكي سلام وتحية
| Quote: وحبها لي قطر ناتج من اصالة انسان بعترف بالفضل والجميل .. |
بالحيل
Quote: حب وضاحة لي قطر او الجنسية القطرية ما بتمنع حبها لي موطنه الاصلي السودان وتعلقه بيهو ..
وارتباطه بي قضاياهو وهمومو وظهر الارتباط دا بيان بالعمل من خلال اعمال حقيقية قامت بيها
مش طقطقة كي بورد وبس .. وضاحة تبنت كثير من الجمعيات الخيرية السودانية الاتفتحت ليها بوستات
في سودانيز اخره كانت جمعية رعاية الاطفال مرضى السرطان 00 وكذلك علاج كثير من الحالات عبر سودانيز .. |
جزاها عند ربنا سبحانه وتعالى
Quote: والله شى يحزن بالله دا سفير ما اتعلم برتكولات التحدث مع المواطنيين السودانيين قبل ينصب سفير
بدل الفصاحة والسان الطويل دا خلى يمشى يحل مشكلة السودانيين المشتتين جنب مرور خليفة ديل
شباب زى الورد جعانين عديلللل اشكالن
الواحد يجى جارى وراء سيارة القطريين علشان يقدم ليه خدمة تجديد ترخيص السيارة مقابل عشرة ريال
يا حيف يا حيف عليك
الواحد زاتوا بخجل يقول اصلوا سودانى
قرف يقرفك
كرهتونا السودان زاتوا
|
Re: السفير السودانى بالدوحة يهدد بسحب الجنسية عن المعارضين لقراراته
؟؟؟؟؟؟ وزي ده الكثير
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: علي محمد الفكي)
|
كدي يا علي شوف الكلام ده كلام زول عنده علاقة بالسودان
| Quote: أمشى شوف مشاكل سودانك وحلوها |
الاعمال الحقيقية الخيرية .. ناس المنبر ده عملوا ليها منظمات .. من تاندينا وصولا الى لمة خير ... لو انت ما عارف .. اسال نوريك الناس بي طقطقة الكيبورت عملوا شنو ووصلوا وين في القضايا الانسانية .. والغريبة عملوا الكلام ده وما فيهم زول تنكر لاصله ..
هي من نزعت الهوية عن نفسها طوعا واختيارا عندما خاطبته وقالت له شوف مشاكل ( سودانك ) سودانه هو وليس سودانها هي
| Quote: وحقيقي لو انشغلنا بي قضايانا الحقيقية بكون افضل .. |
وهل قطر منشغل بقضاياها الداخلية .. ولا حاشة نخرتها في كل دولة
موش ياها قطر التي تسعى لتمكين الدمقراطية في الدول العربية .. ياها نفسها قطر التي تنصب ابن حاكمها عليها ملكا
قطر عايشة انفصام سياسي ... تريد تغيير الدول لشي هي ذاتها ما عايشاه
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: أيمن محمود)
|
| Quote: و السودانيين احسن من باقى خلق الله فى شنو??? |
,واللاى يا إسمارت السـؤال دا وجهيه للقطريين الذين يحترمون السـودانيين اكتر من اى جنسيـة أخرى.. الحاجـة الوحيدة الممكن توجهينهـا
لى هى إثبات ما اقول.. ولو عايزة إثبات موجود بكثرة. إتحرى وشوفى المؤتمنين على اسرار الدولة من الفنين منو. لكن ليه يحترموهم دون
غيرهم فسأتركك معهـم. هل ممكن ناس الأمن يخلوا جنسيات أخرى تدخل مجرد دخول للمسجـد الخاص بالقصر الذى يصلى فيه الأمير..
أما السودانيان فما سألوهم حتى عن هوياتهـم.
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: Abureesh)
|
| Quote: قطر(و باقى دول الخليج دى كلها) دى لو ما الغاز الطبيعى العايمين فيه ده كان بقوا كلهم ذى اليمن. ما تلخمونا ساى!!! |
في دول عربية كتيرة تملك من الثروات والمقدرات ما يفوق بترول وغاز الخليج لكنها فشلت فشلا سارت به الركبان في ان تستغل ما تملك في تحقيق الاستقرار والتنمية وعلى راس الامثلة لهذه الدول يقبع السودان
العراق مثال آخر ، عندهم نفط وماء وكوادر لكنهم غارقون في الفوضى
السبب في الرفاه في الخليج يرجع لحكمة القيادات الحاكمة في هذه الدول
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: مهدي صلاح)
|
كتير من العائلات السودانية اخدت الجنسية القطرية قديما وحديثاً.. ومعروف الحالات بتاعت التجنيس للرياضيين الواعدين في قطر... والتقدير للسودانيين موجود، بس برضه الشعب القطري اللاقيته وعشت معاه تلاته سنين من اكثر الشعوب طيبة مع الكل... حبّهم للسودانيين ده يمكن وهمه مننا ساي... هم شعب محترم مع الكل.. وبظهر بصورة واضحة لو جيت من بلد تاني زي السعودية او الامارات مثلا، على حبي للاماراتيين، لكن حسيت القطريين اكتر تواضعاً منهم... النموذج القطري في الحكم بمقاييس الديموقراطية بمعناها الامريكي، ما نموذجي... لكن its working... سؤالي لكل من ينادي بالحرية، هل الشعب مسؤول ومستعد ليها؟ يعني مثلا زي الغجر القتلو الرجل الشيعي في مصر ديل، بستاهلوا ديموقراطية... يعني انا اختلف مع زول واتغاظ منه امشي الم لي كم زول واقتله!!! القطريين على قدر قدرتهم فاتحين كنايس للمسيحيين، ومدين المرأة حرية في حدود ما يطيق المجتمع... في ظل نظام اجتماعي لازال يحتفل بالقبيلة والانتماء ليها مقابل الكفاءة، اعتقد اخير ليهم توريثهم ده... شعب لا بدفع كهرباء لا موية لا علاج لا تعليم، يسوي بالديموقراطية شنو!!
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: مريم بنت الحسين)
|
ما هو الفرق في انتقال السلطة الحالي في قطر عنه في بقية دول الخليج الأخرى : السعودية ـ الإمارات .. الخ ؟؟
ففي السعودية أيضاً يتم تداول السلطة "داخل العائلة المالكة" بالتراضي
وفي الإمارات برضو وكذلك في البحرين والكويت..
ما هو وجه الحضارة والرقي فيما تم في قطر بالله ؟
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: وليد محمد المبارك)
|
وليد محمد المبارك
| Quote: وفقاً لتقرير"الحرية الدينية في العالم"، الصادر عن وزارة الخارجية الأمريكية عام 2006، فإن نسبة الشيعة تصل إلى 10 في المائة، إذ يقدر عدد سكان قطر 900 ألف تقريباً، منهم 200 ألف مواطن قطري. |
اوكي يا وليد، ممكن يكونو 10 % او يزيد او يقل - بس الاهم هل يمارسون مذهبهم بكل حرية ؟ أعتقد نعم الى حد كبير
وفي البال اقباط وشيعة مصر واوضاعهم التي اراها الى بؤس شديد في ظل الديمقراطية الوليدة !
تحياتي
-----
مسألة البدون برضو ممكن تكون اشكالية في قطر. ان وجدوا !
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: أيمن محمود)
|
طبعا يا ايمن حكاية انو المواطنين القطريين 200 الف دي حيرتني عديل كده
يعني يا ايمن 200 الف ديل تنكر بتاع بنزين واحد لو باعوه ، بشيل مصارق الكهرباء عن كل المواطنين
ياخ نحن الامتحنوا شهادة ثانوية السنة دي 420 الف
النجحو 280 الف
يعني الناجحين في الشهادة الثانوية اكتر من مواطنين قطر كلهم
وديل كهلم منظراتية
كل واحد فيه عنده طموح ورغبات واهواء واشواق
انا يا دوب فهمت ليه قطر مرفهة ماديا من الغاز
وليه ما فيها مشاكل كتيرة بتاعت حكم
لانهم شوية .. ما اكتر ولا اقل
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: وليد محمد المبارك)
|
قالوا شيخ قطر مشى زيارة للصين ، الونسة جرت مع الرئيس الصيني ولما جات سيرة السكان والصيني عرف عدد القطريين قال لأمير قطر : كان تجيبم معاك ياخي
ومساحة قطر كما هو معروف صغيرة برضو ، يقول ليك لما ترجع ورا بعربيتك ممكن لو ما عملت حسابك تخبط في البحرين
برايي ان دول الخليج نجحت في استغلال ما تملك من موارد في الوقت الذي اصابت فيه لعنة السياسة والتنظير دولنا للحد الذي شغلنا حتى عن استغلال مواردنا وهي تناظر او تفوق بترول الخليج
| |
|
|
|
|
|
|
|
|
|
Re: يا لحضارية ورقي إنتقال السلطة في قطر ! (Re: وليد محمد المبارك)
|
يا وليد Quote: انا يا دوب فهمت ليه قطر مرفهة ماديا من الغاز
وليه ما فيها مشاكل كتيرة بتاعت حكم |
ولك أن تتخيل أن قياس حجم الثروات (الضخم جدا جدا) إلى عدد السكان حتى لو كانوا ملايين
وليس (خمسمائة) الف فقط أيضا يجعل منهم أحد أغنى شعوب العالم واعلاهم دخلا للفرد وأعلى معدل نمو لبلد!!!
وفعلا تعداد السكان القليل وقلة التنوع فى التركيبة يجعل الإتفاق حول أمور كثيرة وتوزيع
الثروة والعمل على رفاهية المواطن موضوع ساهل وبسيط,,
بعدين الجميل فى الناس ديل بتكلمو معاك فى أى حاجة أول ما تهبش السياسة بخليك فى محلك وبشوف ليهو
شغلة تانية ,,
| |
|
|
|
|
|
|
| |
أيمن محمود
Abureesh
Ammar Makki
ناصر حسين محمد
عبداللطيف خليل محمد على
الصادق عبدالله الحسن
وليد محمد المبارك
سرالختم عباس
مريم بنت الحسين
أيمن الطيب
وضاحة
عبد الله كسلا
علي محمد الفكي
ombadda
Musab Osman Alhassan
smart_ana2001
مهدي صلاح
Elhadi
فيس بوك
تويتر
انستقرام
يوتيوب
بنتيريست