بعد إذنك يا صاحب المقولة ..ومابجيب إسمو الهواء بقسموا وبعد إذنك يا صديقى ود البشرى فكرة البوست ملفوّحة منك قلنا نسبق صاحب المقولة و...يتبع ...و..اوف كورس و أكيد بعد إذنك يا حبيبنا طلحة ـــــ وأهو ماشين في السكة نتعلم علشان أولادنا ما تتألم و...هكذا..... ــــ وشوش شنو العايز ألصقها كمان...هو بي الله ويآمين أزرار موضوع جديد وأضف رد لميت فيهم
06-24-2013, 08:55 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
شكلو كدا ما ح تدونا خاطركم فـــ ح إنداح إندياحي ـــ مصاب بالــ"شووك" ومرّة أضحك و....مرّة أبكي ومرة (ضمـــة وبي الله واحد) تغلبني القراية ـــ إذا قبل كلام من صاحب بداوة منبرية....فيا صاحبي على قول صاحبك لي صاحبي في "البريمير ليق" أنــسي بـــس وإذا لم تقبل فااا شنو : تبكي بس عين قطرة وعين مز ــ قدر ما فتشت وحكحكت رأسي علشان ألقى لي مفردة أملى بيها ياااا للـــ ...تلآئم فجاعة المشهد مالقيت الف وأجي راجع لــــ أنسى بس .. كل الرياضات حرمت فيها الضرب بي الكوع والضرب تحت الحزام ويتوقع منع العض بعد عضّة سواريز العضعضة الحاصلة هنا في برارّي أريزونا دي ياربي ح تتمنع متين؟ ليه الناس دي شايلة من بعض قدر دا في شنو وفوق كم ؟ في وطن لا وطن له دا وبرضو ألف وأرجع وأسأل نفسي أهي : لعنة وطن ...أم وطنً ملعون ... ـــ و...شنو ياطلحة نتبع ...و...لا نقرض على كدا
06-24-2013, 09:12 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
لا أتبع يا أمير أتبع طوالي وشديد ياخ .. بيني وبينك يا أمير جائي داخل البورد من الصباح قلتا ألقي لي بوست أتريق بيهو فاذا بالحبيب أبو حسين يعتر لي بى نكتة أسمج من السماجة ذاتو . أتبع يا أمير ياخ .
06-24-2013, 09:22 AM
حمد عبد الغفار عمر حمد عبد الغفار عمر
تاريخ التسجيل: 06-06-2008
مجموع المشاركات: 7662
تلاحقنا الفداحة كاللعنة!. تزحف على الورق الأبيض وتتشبث بقلم البيك!. تضغط على أزرار الكيبورد، ثم تضع عنواناً في رأس الصفحة: الفداحة مرّت من هنا أيها الأصدقاء.. فلا تشعروا بالحزن إذا نقصت ساعات اليوم، واجتمعت غربان الحدائق فوق أعلى نخلة كي تحصي ما تبقّى من الشفق قبل أن يبتلعه العتم!. الفداحة، عيارٌ ثقيل من الفقد، أو درجة هائلة من الخسارة، اندحار ونقصان وتلاشٍ..سيكولوجيا قائمة ومستقلة وشامتة.. تستطيع أن تدفعك بسرعة للأمام أو تعيدك سنين طويلة للخلف..!. الفداحةُ كاتمُ صوت، يجبرك على الصمت وبلع المرارة تلو المرارة.. سكين مسنون مثل الرمح.. أو سهم ينطلق باتجاهك، أنت الشبيهُ بالدريئة.. الملوّنُ أو الرماديّ أو الأصفرُ اليابسُ والمهترىء.. لن تهرب من نصل الفداحة الذي يلمع في الضوء، كأنه ينتظر!. ستتبعك الفداحة، وتقتفي أثرك.. سترسمك على خاصرتها عندما يحين وقتك، كأن مسلسل الخطايا، سنسالاً يتلوى من شدة النيل منك.. ستلاحقك كاللعنة كما قالت عرّافة الحظ التي دعوتها بالشمطاء، لكنك ستقبل بكل ذلك.. وتبتسم!. ستكسرُ خوابي نبيذك المزّ، كي تفارقك الفداحة.. لكنها تشبه القدر.. ستصرّ على اقتفاء خطوك كأنكما مربوطان بمصير واحد تقريباً.. أنت والفداحة وجهان لعبث واحد.. فتابع.. ومن ثم "واصل.. رغم أنه لا مكان لكي تصل.." هكذا تقول الفداحة!.
ركز معاي على الرمادي دي بالله
06-24-2013, 09:29 AM
أمير محمد ادريس أمير محمد ادريس
تاريخ التسجيل: 01-17-2013
مجموع المشاركات: 1248
شنو يا أمير إدريس ياخ الحساسية دي موسوعي شنو كمان ياخ أنا الجريدة بقراها في أسبوع وفي الإشارات بس، حصل شفت ليك زول بيتمنى تلاقيهو إشارة حمراء نوع 180 درجة فهرنهايت عشان يقيف يقرأ فيها الجريدة ؟
أنا اصلا أمير قاصد شنو ما عارفو لسة بس حسيت إنو بيكابد فداحة معاناة ما
وقلت أساعدو أجلب ليهو تعريف أمو بت عم أبوهو للفداحة
طلحة ياحبيبنا كنت واثق تماما" في إعطائي ضوء يتبعك الأخضر ..فــ ماعدمناك وبعد ما أهلنا التراب على البوست وترحمنا أن ..يرقد بسلام ..تجي الأقدار تمد إيدها ـــ
Quote: الفداحةُ كاتمُ صوت،
آآآآآآي آآآآي ياحمد بالظبط كدا زي الصوت الناااعم اللي بيطلع من رصاصة كاتم صوت ....زيييييطك كدا ... وأضيف على كلامك وعليم الله كلامك صنع مااااي داي جاء أيضا" ياحمد ياعميق وماعندك حدوود زاتو .....في سيكلوجيا الفداحة إنها..... ........حاااادة كمّا سن الشفرّة تغوص عميقا"..عميقا" ....في الكبد الطرئ ... فــ أها أي زول ماعايز الفداحة تغوص ليهو في كبدو وتوسع بيهو يلزم الجابرة معانا .. وثرو باص الرمادية باصيتو عملت ليهو كبري ووصل كثرو باص لود البشرى ــــ أيمن الطيب ياأخوي وينك ومن ليّسو فيك قصة مسكان الصورة بالقلبة ماشفناك تاني ... ومطالبني حليفة الجملة دي شدّة ما سكيتها ....وحاولت أعترها لدرجة مشيت إشرئبيت بي هناك ومش كدا وبس ...أفتكرت ح أمشى وأجي ألقى فاضي الكلام مليان جيت راجع بي صمة خشمي ـــ أمير إدريس يا سميّ...قلت لي خفت ماتكون جووه الكيس وشنو التحسّس القدر دا حمد دا مولود في مدني وعليه تتعامل معاهو بالعماقة المشروحة أعلاه وقيل قديما" في سفر الأولين ولاّ وين ماعارف .....الشروحات تغتال روح الأشياء ..ياكمان أبكي وأضحك زيّ ... المشهد يطلّع أحلى ـــ و...لكم أفتقدك يا حمودي العسل...وأأمل أن تكون كل أمورك كما ينبغي لها أن تكون
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد البشرى الخضر
طلحة عبدالله
حمد عبد الغفار عمر
أمير محمد ادريس
أيمن الطيب
حسبو عكاشة
فيس بوك
تويتر
انستقرام
يوتيوب
بنتيريست