|
كتب الكاتب الفاتح جبرا المتوفرة بمعرض الدوحة
|
|
 Re: نقل صور المناسبات الاجتماعية الى المنبر !!!!!! (Re: omer osman)
|
سلامات يا عمر..,,
والله القصة دى على بالى !! قصة توجد صور الجننت الناس دى,,
بقى مافى أى حدود وفى ناس بكل سهولة ممكن تنتهك أخص خصوصيات
الآخرين برفع صورهم على الإنترنت بغض النظر عن الأوضاع التى تم
التصوير بها,,
حقيقة البعض يظنها شئ عادى والبعض يسعى لها بكل السبل,,
يا أخوانا إنتهاك الخصوصيات يبدا بهذه الأمور البسيطة وتصوير
الناس وإنزال صورهم على مواقع الإنترنت والأخبار إنتهاك وتعدى
وتجنى على حقوقهم وقد يكون جريمة...
رأى القانون فى الموضوع دا شنو بالتحديد..
تحياتى يا جنابو
| |
 
|
|
|
|
|
|
|
|
Re: نقل صور المناسبات الاجتماعية الى المنبر !!!!!! (Re: أيمن الطيب)
|
| Quote: ويجب على الاعضاء مراجعة ما ينشرونه من صور وان لم يراجعوا فلتراجع الادارة تلك الصور !!! |
| Quote: رأى القانون فى الموضوع دا شنو بالتحديد.. |
حسب علمي، القانون لا يمنع نشر الصور المأخوذة في أماكن عامة للاستخدام في اغراض غير ربحية !
رأيي الشخصي - ما فيها حاجة
| |
|
|
|
|
|
|
|
|
Re: نقل صور المناسبات الاجتماعية الى المنبر !!!!!! (Re: محمد جمعه الخير)
|
Quote: شخصيآ لا ارضاها لي ولا لاهلي .
وكنت في قمة السعادة لتوقف برنامج افراح وافراح . |
ده (معيار) صالح جداً للحكم على عدم صحة هذا الفعل
وهو صالح باعتباره كمل يقول القانون *(معيار الرجل العادي)
| Quote: هذا الشخص المجرد هو الشخص العادي الذي يمثل جمهور الناس* فلا هو خارق الذكاء شديد اليقظة فيرتفع إلى الذروة,ولا هو محدود الفطنة خامل الهمة فينزل إلى الحضيض,وهذا ما يسمى بـ “الرجل المعتاد” وهو في القانون الروماني القديم كان يسمى”رب الأسرة العاقل“ |
----------------------------------------------
* كلمة الرجل هنا تنصرف الى الرجل أو المرأة ..........
| |
|
|
|
|
|
|
|
|
|
Re: نقل صور المناسبات الاجتماعية الى المنبر !!!!!! (Re: أيمن محمود)
|
Quote: حسب علمي، القانون لا يمنع نشر الصور المأخوذة في أماكن عامة للاستخدام في اغراض غير ربحية !
رأيي الشخصي - ما فيها حاجة |
هل حفلة الزواج مثلاً والتى توجه فيها كروت دعوة لاشخاص محددين او يتم دعوتهم باى وسيلة تعتبر (مكان عام) !!!
هناك قاعدة فقهية تسمي (سد الذرائع) وتعريفها :
Quote: سد الذرائع هو أحد أصول الدين الإسلامي عند الإمام مالك وأحمد بن حنبل. والذريعة عند علماء الأصول هي ما يُتوصل به إلى الشيء الممنوع المشتمل على مفسدة.[1]
وبالتالي الذريعة عبارة عن أمر غير ممنوع لنفسه يخاف من ارتكابه الوقوع في ممنوع. |
وهنا يا ايمن محمود (التصوير) امر غير ممنوع لنفسه !!! لكن اصبح (التصوير في الحفلات) من الممكن ان يقود للوقوع في الممنوع
وجلب الضرر على أخرين !!!
| |
|
|
|
|
|
|
|
|
|
Re: نقل صور المناسبات الاجتماعية الى المنبر !!!!!! (Re: omer osman)
|
Quote: (التصوير في الحفلات) من الممكن ان يقود للوقوع في الممنوع
وجلب الضرر على أخرين !!! |
أي انسان ماشي حفلة في الزمن ده بالضرورة بكون عارف انو في تصوير فوتوغرافي وفيديو، يبقى بذهابة للحفلة بكون وافق ضمنًا على تصويره !، والا كان قعد في بيتهم وما جاء !
وبعدين انا ما قادر اتخيل الانسان بيتضرر بى شنو لو اتصور في حفلة جاييها مع سبق الاصرار والترصد !
أما مسألة التلاعب بالصور، اعتقد ده موضوع تاني خالص !
| |
|
|
|
|
|
|
|
|
|
Re: نقل صور المناسبات الاجتماعية الى المنبر !!!!!! (Re: أيمن محمود)
|
Quote: أي انسان ماشي حفلة في الزمن ده بالضرورة بكون عارف انو في تصوير فوتوغرافي وفيديو، يبقى بذهابة للحفلة بكون وافق ضمنًا على تصويره !، والا كان قعد في بيتهم وما جاء !
وبعدين انا ما قادر اتخيل الانسان بيتضرر بى شنو لو اتصور في حفلة جاييها مع سبق الاصرار والترصد ! |
طيب يا ايمن بنفس المنطق اى زول ماشي محل زحمة سوق او كورة او خلافه عااااااااارف انو في نشالين وعااااااارف
انو في ممارسات ما اخلاقية بتتم في الزحمة هل ده معناهو انو موافق يتنشل او موافق انو تحصل معاهو حاجة ما اخلاقية !!!!!!
انا ماشي الحفلة عشان معزوم ما عشان موافق انو زول يصورني وينزل صوري في النت !!!!
| Quote: أما مسألة التلاعب بالصور، اعتقد ده موضوع تاني خالص ! |
ابدا يا ايمن ده ما موضوع تاني ده صلب الموضوع زاتو ما هو التلاعب بجي بعد ما تتوفر الصور في النت لكل من هب ودب
قبيل قلنا انو المصور قد يكون حسن النية لكن بوضعه للصور على النت جعلها في متناول من هو حسن النية او من هو سيء النية !!!!
| |
|
|
|
|
|
|
|
|
|
Re: نقل صور المناسبات الاجتماعية الى المنبر !!!!!! (Re: omer osman)
|
Quote: اى زول ماشي محل زحمة سوق او كورة او خلافه عااااااااارف انو في نشالين وعااااااارف
انو في ممارسات ما اخلاقية بتتم في الزحمة هل ده معناهو انو موافق يتنشل او موافق انو تحصل معاهو حاجة ما اخلاقية !!!!!! |
اسمح لي يا جنابو اقول ليك مافي وجه مقارنة او تشبيه بين التصوير كفعل مسموح قانونا وجريمتي النشل والتحرش المحرمتان في جميع الاماكن والاوقات !
بطريقتك دي بعد شوية ممكن تقول لي اها البيركب سودانير هل معنى كده انو موافق ينترم في الجو 
| |
|
|
|
|
|
|
|
|
|
Re: نقل صور المناسبات الاجتماعية الى المنبر !!!!!! (Re: أيمن محمود)
|
Quote: اسمح لي يا جنابو اقول ليك مافي وجه مقارنة او تشبيه بين التصوير كفعل مسموح قانونا وجريمتي النشل والتحرش المحرمتان في جميع الاماكن والاوقات !
بطريقتك دي بعد شوية ممكن تقول لي اها البيركب سودانير هل معنى كده انو موافق ينترم في الجو |
ههههههههه
لا يا ايمن التصوير ما فعل قانوني على إطلاقه فالتصوير زاتو ليهو حدود وضوابط اذا تخطاها يصبح غير قانوني
مثلاً قانوني تصور اولادك الاطفال وهم بلعبوا لكن اذا كانت خلفية الملعب ثكنة عسكرية ببقي التصوير ده ما قانوني وممنوع
طيب وجه المقارنة جاي من وين وجه المقارنة جاي من فكرة الموافقة الافتراضية مش من فكرة التصوير من عدمه لانك انت بتقول
بمجرد ذهابك لمكان في تصوير فدي موافقة افتراضية وده كلام ما صحيح في لمات البورداب معروف انو في بعض البورداب او البوردابيات
ما بحبو يتصورو وكل الناس بتحترم الخيار ده وما قاعدة تصورهم !!!!!!!!
| |
|
|
|
|
|
|
|
|
|
Re: نقل صور المناسبات الاجتماعية الى المنبر !!!!!! (Re: أيمن الطيب)
|
Quote: والله القصة دى على بالى !! قصة توجد صور الجننت الناس دى,,
بقى مافى أى حدود وفى ناس بكل سهولة ممكن تنتهك أخص خصوصيات
الآخرين برفع صورهم على الإنترنت بغض النظر عن الأوضاع التى تم
التصوير بها,,
حقيقة البعض يظنها شئ عادى والبعض يسعى لها بكل السبل,,
يا أخوانا إنتهاك الخصوصيات يبدا بهذه الأمور البسيطة وتصوير
الناس وإنزال صورهم على مواقع الإنترنت والأخبار إنتهاك وتعدى
وتجنى على حقوقهم وقد يكون جريمة...
رأى القانون فى الموضوع دا شنو بالتحديد.. |
انتهاك واضح وصريح لخصوصيات تلك المناسبات المشكلة انو الضحايا او قل نسميهم المتضررين قد لايعلموا
شيء عن نشر صورهم حتى تقع الفأس في الرأس فالتقنيات الحديثة ممكن تتلاعب بتلك الصور كما تشاء
وفي مثل هذه القضايا لايجوز تحريك الشكوي الا من المتضرر وكما اسلفت قد لايعلم بتاتاً او قد يعلم بعد فوات الآوان وحدوث الضرر
وحتى اذا افترضنا ان لاضرر قد وقع يبقي امر نشر هذه الصور غير مقبول طالما ان الاشخاص الموجودين فيها لم يؤخذ اذنهم في نشرها !!!!
| |
|
|
|
|
|
|
|
|
|
Re: نقل صور المناسبات الاجتماعية الى المنبر !!!!!! (Re: هجو الأقرع)
|
Quote: ا جنابو سلام من الله و رحمة لك الشكر و التقدير على فتح هذا الخيط المهم
للاسف تنزل هنا بعض الصور خاصة للعروسات غير مناسبه للنشر ابدا وكمان
بعض الصور مشينه بحق . |
هلا شيخ هجو ..........
بالفعل ياما نزلت صور في هذا المنبر وسببت إحراج كبير للاشخاص الذين ظهروا فيها
مرات الحياء السوداني يمنع اهل المناسبة من منع شخص ما من التصوير في مناسباتهم
لكن في كل الاحوال لا اظنهم يخالون ان هذه الصور سوف تجد طريقها الى الانترنت وتصبح
متاحة لملايين البشر حول العالم !!!!!!!!!!
| |
|
|
|
|
|
|
|
|
|
Re: نقل صور المناسبات الاجتماعية الى المنبر !!!!!! (Re: omer osman)
|
موضوع مهم يا جنابو عمر ..
ممكن تلاحظ ضررو الشديد لمن تخش في بعض صفحات الفيسبوك السودانية البذيئة او المسيئة ..
بتلقى كمية من الصور (لبنات تحديدا) ، منشورة تحت اسماء وهمية ، ومروج ليها على اساس انهم بنات سيئات السمعة ...
يللا ، معظم الصور دي ، بشيلوها من صور عادية زي البتنزل في المنابر والمواقع السودانية ، وزي الصور البنزلوها الناس (بنية طيبة) في مواقع الانترنت ..
وزي ما بيقولو الخواجات ( الطريق للجحيم مفروش دايما بالنوايا الطيبة ..)
كمان في صور بنات حايمة الايام دي في الموبايلات والفيسبوك ، مياخدنها كلقطات من تسجيلات فيديو لبرامج سودانية في التلفزيون ، من الجمهور الحاضر التسجيل يعني .
....
| |
|
|
|
|
|
|
|
|
|
Re: نقل صور المناسبات الاجتماعية الى المنبر !!!!!! (Re: omer osman)
|
سلامات أخي عمر...
تحياتي لك ولضيوفك،
نشر الصور في الوسائط الاعلامية له شروط وفي كثير من الدول القوانين تحمي مواطنيها من انتهاك خصوصيتهم بمعاقبة اي جهة تنشر صورة قد يعتقد صاحبها أنها اساءت له، بل لمجرد انه غير موافق على نشرها،
فالناشر سيقع طائلة القانون، وبكل أسف أنا كأحد هواة التصوير قمت في مناسبات سابقة بنشر كثير من الصور دون أن استأذن أصحابها، ودعني أنتهز فرصة هذا البوست لاعتذر لهم.
قدمت احدى القنوات التلفزيونية تقريرا مصورا حول حدث ما، ظهرت فيه سيدة سويدية تصادف وجودها في مكان التغطية، ولمدة لا تتجاوز جزء من الثانية ظهرت ملامح وجهها في مركز الصورة، فقامت السيدة برفع دعوى قضائية مطالبة بتعويض مالي يتجاوز المئة الف دولار امريكي، ورغم عن انف فريق الدفاع المتمرس فقد كسبت الشاكية الدعوى والتعويض....
وسائل الاعلام عندنا تعتبر كل من جاء لمناسبة فهو بالضرورة موافق على التصوير، ويمكن ان يكون ذلك صحيح مية في المية اذا كان الحضور لاستوديوهات اي من البرامج الجماهيرية، فالحضور لمناسبة زواج لا يعني بالضرورة الموافقة الضمنية للتصوير والبث على الهواء، وقد يقبل كثير منا التصوير على سبيل المجاملة ولكن بالتأكيد لا يمكن سحب هذه الموافقة لتشمل البث والنشر عبر الوسائط الاعلامية...
+ من الشعر بيت:
Quote: التصوير غير النشر
من اشهر امثلة هذا الجدل اقدام رجل شرطة على مصادرة كاميرا احد الاشخاص الذي كان يصور في مكان عام في سوق احدى المدن عملية اعتقال نفذتها الشرطة بحق احد الاشخاص. حكم القاضي بعدم قانونية تصرف رجل الشرطة لأن التصوير في الاسواق والاماكن العامة متاح للجميع لألبوماتهم الخاصة واستخدامهم الخاص ولكن نشر هذه الصور في وسائل الاعلام ومواقع الانترنت تحكمه قوانين حماية الخصوصية.
تختلف قوانين حماية الخصوصية من بلد لآخر. فبلد مثل السويد يحرم التصوير ليس في الاماكن العامة ولكن في المناسبات الخاصة داخل البيوت إلا بإذن من الاشخاص موضوع الصورة. |
| |
|
|
|
|
|
|
|
|
|
Re: نقل صور المناسبات الاجتماعية الى المنبر !!!!!! (Re: nadus2000)
|
| Quote: قدمت احدى القنوات التلفزيونية تقريرا مصورا حول حدث ما، ظهرت فيه سيدة سويدية تصادف وجودها في مكان التغطية، ولمدة لا تتجاوز جزء من الثانية ظهرت ملامح وجهها في مركز الصورة، فقامت السيدة برفع دعوى قضائية مطالبة بتعويض مالي يتجاوز المئة الف دولار امريكي، ورغم عن انف فريق الدفاع المتمرس فقد كسبت الشاكية الدعوى والتعويض.... |
اها يا ايمن رأيك شنو ؟
| Quote: وقد يقبل كثير منا التصوير على سبيل المجاملة ولكن بالتأكيد لا يمكن سحب هذه الموافقة لتشمل البث والنشر عبر الوسائط الاعلامية... |
بالضبط كده يانادوس بس ما عارف اخونا ايمن جاب حكاية الموافقة المفترضة دي من وين !!!
| |
|
|
|
|
|
|
|
|
|
Re: نقل صور المناسبات الاجتماعية الى المنبر !!!!!! (Re: omer osman)
|
| Quote: قدمت احدى القنوات التلفزيونية تقريرا مصورا حول حدث ما، ظهرت فيه سيدة سويدية تصادف وجودها في مكان التغطية، ولمدة لا تتجاوز جزء من الثانية ظهرت ملامح وجهها في مركز الصورة، فقامت السيدة برفع دعوى قضائية مطالبة بتعويض مالي يتجاوز المئة الف دولار امريكي، ورغم عن انف فريق الدفاع المتمرس فقد كسبت الشاكية الدعوى والتعويض.... |
عند تصوير شخص في وسط حدث غير اعتيادي (وسط جريمة مثلا) ليس من حق المصور اظهار ملامح الشخص الذي تم تصويرة،
اما تصوير الاشخاص وسط تجمع من الناس في الاستادات والميادين العامة وخلافة فليس من حق الشخص اعتبار الصورة شخصية
وذلك ما لم يتعمد المصور انتقاءة من بين الناس !
| Quote: وقد يقبل كثير منا التصوير على سبيل المجاملة ولكن بالتأكيد لا يمكن سحب هذه الموافقة لتشمل البث والنشر عبر الوسائط الاعلامية |
الصورة التي يظهر بيها الانسان في المناسبات الاجتماعية من المفترض انها تمثله وتعبر عنه وقد ظهر بها استحسانا لها، وهو بالضرورة اراد الناس ان تراه عليها !
والا ادعوكم لمقاضاة برنامج افراح افراح (بصراحة انا شايفو من ابيخ البرامج) !
سؤال مهم يا جنابو : ما دواعي الاحتجاج على نشر صور المناسبات الاجتماعية ؟
هل لأسباب دينية ؟
ام هي خشية منتجتها وتقديمها في شكل مغاير؟
ام خشية ظهور الشخص بصورة غير جميلة لأن الصورة اخذت على غفلة مثلًا؟
ام لأن الظهور في المناسبات أمر يدعو للخجل منه ويستوجب ستره؟
| |
|
|
|
|
|
|
|
|
|
Re: نقل صور المناسبات الاجتماعية الى المنبر !!!!!! (Re: omer osman)
|
لا مجال للمجاملة هنا,,
أى نعم بعض الناس يعشق الظهور والنور والجمهور,,
ومواقع كالفيس بوك وما شابهه أشبعت رغباتهم تماما,,
ولكن لا يصح إلا الصحيح ,, فلا يمكن أن تأتى لمناسبة
خاصة مدعوا فقط وتسمح لنفسك بتصوير الضيوف أو أهل
المناسبة مهما كانت المبررات وإن حدث فليعلم أنه
على خطأ وفعلته متخلفة وغير جميلة وفيها إنتهاك سافر
لخصوصيات الآخرين,,,
ولا أن تصور أصدقاء أتوا لزيارتك أو إلتقيت بهم فى مكان
ما وتقوم بنشر صورهم دون إذن منهم واضح وصريح..
سمح لنفسه وصور مناسبة خاصة وذهب بعدها لينشرها على
خلق الله فى الإنترنت متخيلا أنه (فى كل الأحوال) قد قام
بشئ طبيعى مما يسعد أهل المناسبة رغم أنه قد يكون قد
أدخل الناس فى حرج باااالغ,,
ناس صور البنات فى الفيس بوك اليوتيوب أولئك قصة أخرى,,
الواحدة واقفة وتتضحك وتتكشم لواحد بتعرفو أو ما بتعرفو
أو واحدة ما فرقت وبكرة الصور فى السهلة و وإحتمال هى زاتا
ونبقى فى القصص,,
والعجيب هؤلاء الذين يتداولون مقاطع رقيص البنات والنسوان
والواضح أن معظمها قد قامت بتصويرها صديقات مقربات وبعدها
لا تسأل,,
صور الآخرين ملك لهم وعيب وخطأ وكبيرة إستعمالها ونشرها دون
إذنهم,,
تحياتى يا عمر وأنت تنشر بعض من الوعى والتنوير بقوانين
وأعراف وذوق يجهله بعض الناس ,,
أمورنا جاطت خالس خالس,,
| |
|
|
|
|
|
|
|
|
|
Re: نقل صور المناسبات الاجتماعية الى المنبر !!!!!! (Re: عماد حسين)
|
Quote: أقبح من ده كلو... العريس الذي يرضى رفع صورة عروسه ومعها صور كمية لنسوان النسابة وأهل العريس
يعني ده نظام شنو؟
شوفني عرستا واحدة سمحة ولّ كيف
|
تعرف ياشيخ عماد عندنا في السودان (طيبة) كده كثيراً ما ترمينا في المحظور
وهذا العريس في كثير من الاحوال لم يستشار او يوافق على التصوير من اصلو ........
| |
|
|
|
|
|
|
|
|
|
Re: نقل صور المناسبات الاجتماعية الى المنبر !!!!!! (Re: أيمن الطيب)
|
يا أيمن سلامات يا حبيب,,| Quote: ما دواعي الاحتجاج على نشر صور المناسبات الاجتماعية ؟ |
المناسبات التى ينشر صورها أصحابهابأنفسهم مافى زول بقدر يقول حاجة فهم أحرار ولهم مطلق الحق فيما يريدون ويعتقدون بخصوص حدود خصوصياتهم,,
ورأيى فى هذه الحالة أحتفظ به لنفسى,,
أفراح أفراح تقليد غبى لبرامج عربية قديمة تجاوزها الناس وهو مثال واضح للإزدواجية فى المفاهيم والقوانين والمعايير !!
وطريقة تقديمه وتصويره وإخراجه أفقر وأقبح ما تكون ولكن بعد أن إتضح أن القصة دى فيها متاجرة ودفع ورسوم بس تدى
ربك العجب,,,
تحياتى,,
| |
|
|
|
|
|
|
|
|
 Re: نقل صور المناسبات الاجتماعية الى المنبر !!!!!! (Re: أيمن الطيب)
|
لا مجال للمجاملة هنا,,
أى نعم بعض الناس يعشق الظهور والنور والجمهور,,
ومواقع كالفيس بوك وما شابهه أشبعت رغباتهم تماما,,
ولكن لا يصح إلا الصحيح ,, فلا يمكن أن تأتى لمناسبة
خاصة مدعوا فقط وتسمح لنفسك بتصوير الضيوف أو أهل
المناسبة مهما كانت المبررات وإن حدث فليعلم أنه
على خطأ وفعلته متخلفة وغير جميلة وفيها إنتهاك سافر
لخصوصيات الآخرين,,,
ولا أن تصور أصدقاء أتوا لزيارتك أو إلتقيت بهم فى مكان
ما وتقوم بنشر صورهم دون إذن منهم واضح وصريح..
سمح لنفسه وصور مناسبة خاصة وذهب بعدها لينشرها على
خلق الله فى الإنترنت متخيلا أنه (فى كل الأحوال) قد قام
بشئ طبيعى مما يسعد أهل المناسبة رغم أنه قد يكون قد
أدخل الناس فى حرج باااالغ,,
ناس صور البنات فى الفيس بوك اليوتيوب أولئك قصة أخرى,,
الواحدة واقفة وتتضحك وتتكشم لواحد بتعرفو أو ما بتعرفو
أو واحدة ما فرقت وبكرة الصور فى السهلة و وإحتمال هى زاتا
ونبقى فى القصص,,
والعجيب هؤلاء الذين يتداولون مقاطع رقيص البنات والنسوان
والواضح أن معظمها قد قامت بتصويرها صديقات مقربات وبعدها
لا تسأل,,
صور الآخرين ملك لهم وعيب وخطأ وكبيرة إستعمالها ونشرها دون
إذنهم,,
تحياتى يا عمر وأنت تنشر بعض من الوعى والتنوير بقوانين
وأعراف وذوق يجهله بعض الناس ,,
أمورنا جاطت خالس خالس,,
| |
|
|
|
|
|
|
|
|
|
Re: نقل صور المناسبات الاجتماعية الى المنبر !!!!!! (Re: أمير محمد ادريس)
|
سلام لجانبو وكل الاخوة الكرام
احكي ليكم حادثة حصلت في زواج قريبة لي تقيم بالسعودية...طبعا المناسبات في السعودية مفصولة تماما وتقام في صالات وقصور افراح مخصصة لذلك وصالة النساء منفصلة تماما عن صالة الرجال
المهم في زميلات قريبتي دي سعوديات حضرن الحفلة حسب الدعوة ولمن بدا التصوير اعترضن انو نحنا ما عارفين في تصوير ودا ما من عاداتنا ...طبعا لانو الوسط نسائي ولا يوجد اي رجل فكل النساء بياخدن راحتن وفي غرفة مخصصة لتغيير الملابس وبعلقوا فيها العبايات واغطية الوجوه
فاقنعوهم انو ماممكن صورهم دي تطلع ولا يشوفها اي رجل لانو اصلا السي دي الحيطلع -طبعا كان في مصورة محترفة بتصور الحفل فوتغرافي وفيديو- ما حيحضروهو الا نساء لانو نحنا برضو بتهمنا اعراضنا وما ممكن نعرضها للغاشي والماشي يتفرج فيها
حتى بعد داك السعوديات اقتنعن
اها طيب نفرض اهل قريبتي دي في السودان ما حضروا الحفلة ومتلهفين شديد وما عندهم صبر لغاية السي دي يطلع ويرسلوهو ليهم وعايزين حار حار...اها وكان في بنات اليوم داك بصورن بموبايلاتهم الخاصة مقاطع وصور من الحفلة
اها هل ممكن العروس دي عشان توري اهلها المتلهفين لرؤية زواجها تقوم تختار تصوير نضيف من واحده من البنات الكانن بصورن بموباياهم وترفعوا في اليوتيوب عشان اهلها يشوفوا الفيديو؟
هل مثلا السعوديات الحضرن الحفلة واعترضن واقنعوهم ديل ممكن يوافقن لو عرفو انو في جزء اتصور بالموبايل واترفع على اليوتيوب؟ رغم انو النية حسنة جدا والغرض تفريح اهلها الما حضرو عرسها
واليوتيوب رغم انو زيو وزي باقي مواقع التواصل الاجتماعي فيهو ضبط للخصوصية وجعل الفيديو يظهر لفئة معينة ...ألا انو ما كل الناس بتعرف الحاجة دي او بتلاحظ ليها
فالبت لو قبلت تتصور عشان تظهر في سي دي او البووم بعد ادوها ضمانات انو ما حيشوف السي دي او الالبووم دا راجل اطلاقا...هل اخلاقي انك ترفع الفيديو ع اليوتيوب بدون رضى الظاهرين فيهو؟
| |
|
|
|
|
|
|
|
|
|
Re: نقل صور المناسبات الاجتماعية الى المنبر !!!!!! (Re: عبد الله فقير)
|
كل الناس في كل العالم تشارك الناس في افراحها
نشر الصور حاجة عادية, اما ان هناك بعض من سيستغلها خطأ, هذا لا يجب ان يمنع الناس من خلق مجتمع اكبر ####Sudan بمشاركة الناس
زمان كانت سودانيز اكثر شعبية و متعة, عندما كانوا ينشرون صور المناسبات في الاعياد و المناسبات لكن النزاعات
قللت من ذلك و قلصت من الدور الذي كانت يمكنها ان تلعبه اجتماعيا و ثقافيا و حصرها في السياسي و المناكفات المذهبية
بين انصار السنة و الاخوان المسلمين و الشيعة.
المشكلة ليست في الصور, المشكلة فيمن ينظر للصور او يستغلها!
و لا يمكن تقويم هولاء الا بوضعهم عند حد سيف الاخلاق!
| |
|
|
|
|
|
|
|
|
|
Re: نقل صور المناسبات الاجتماعية الى المنبر !!!!!! (Re: عبد الله فقير)
|
Quote: سلامات ياجنابو
قبل فترة في واحد من البوستات يعلم الله نفس رايك دة خنقني
الا خفت يقولو الزول ده برلوم وتعقد ومش عارف ايه فاثرت السلامة
اوافقك في التشدد في نشر مثل هذه الصور |
هههههههههههه
ما خلاص ياعبدالله تميتو ستة شهور وبقيتو ما برالمة 
وكويس انو قطاع كبير من الاعضاء والقراء موافق على فكرة البوست
| |
|
|
|
|
|
|
|
|
|
Re: نقل صور المناسبات الاجتماعية الى المنبر !!!!!! (Re: Mohamed Mekki)
|
تحياتي يا كمندان
هل الزواج بشكله الحالي مناسبة خاصة.ان كان في صالة او شارع؟شهدت اكتر من مناسبة يتم التنبيه فيها لعدم التصوير لكن غيرذلك فلا انتهاك لخصوصيه
وبافتراض حسن النيه الذي عدمناه. فان نشر تسجيل حفل هو بغرض المشاركه ما لم يحدث غير ذلك.ثم ما الضير على من حضر حفل في صاله لايعرف نصف الموجودين فيها
ان يشاهد الحفل نصف سكان العالم؟
| |
|
|
|
|
|
|
| |
omer osman
مزمل خيرى
أيمن الطيب
أيمن محمود
محمد جمعه الخير
هجو الأقرع
nadus2000
عمر عبدالرحمن
saidahmed shami
عماد حسين
أمير محمد ادريس
احمد سيد احمد
عبد الله فقير
بدر الدين احمد موسى
Mohamed Mekki
فيس بوك
تويتر
انستقرام
يوتيوب
بنتيريست