|
دي الواسطة والا بلاش ... (بت الوالي نموذجاً) ..!!!
|
أروى عبد الرحمن الخضر (بت الوالي) تم تعيينها في شركة بترولية حكومية دون المرور بلجنة الاختيار للخدمة العامة ومعها أكثر من سبعين من أبناء وبنات كبار المسئولين من وزراء ومدراء وكبار ضباط الجبش والمدير الهمام قال ايدو ملوية ولا يستطيع السباحة عكس التيار . ولكن المحير في أمرها تم تعيينها العام الماضي 2012م وهذا العام تم اعطائها كل مستحقاتها المالية مقدما بحجة زواجها . في حين لم يتم الدفع للفنيين والوظفين الذين تعتمد عليهم الشركة لعامين مضن . ياربي الوالي يكون ما عندو حق الحنانة ولا ما عندو حق فطور العريس .
مقول من الفيس صفحة نعمان حسين
|
|
|
|
|
|
|
|
Re: دي الواسطة والا بلاش ... (بت الوالي نموذجاً) ..!!! (Re: Ahmed musa)
|
Quote: أروى عبد الرحمن الخضر (بت الوالي) تم تعيينها في شركة بترولية حكومية دون المرور بلجنة الاختيار للخدمة العامة المحير في أمرها تم تعيينها العام الماضي 2012م هذا العام تم اعطائها كل مستحقاتها المالية مقدما
ياربي الوالي يكون ما عندو حق الحنانة ولا ما عندو حق فطور العريس .
|
عندو النفوذ يا أخ أحمد وربما يكون هناك من هو أنسب فى هذا المجال
و كمان سبعين من أبناء وبنات كبار المسئولين من وزراء ومدراء وكبار ضباط الجبش ؟؟!!
| |
|
|
|
|
|
|
Re: دي الواسطة والا بلاش ... (بت الوالي نموذجاً) ..!!! (Re: Frankly)
|
ما الجديد وما الغريب؟ هذه ممارسة الانقاذية العادية منذ 24 عاماً خبر غير مدهش نهائي ..........فصل السودانين من اماكن عملهم وتعين المخلصين بدون اي مؤهلات فقط الولاء والاخلاص للانقاذ هي مؤهلاته الوحيدة ........وكمان معاها تملق وسير سير ......هذه راسمالهم الوحيد ليس في الخبر اي جديد ......
| |
|
|
|
|
|
|
Re: دي الواسطة والا بلاش ... (بت الوالي نموذجاً) ..!!! (Re: ibrahim alnimma)
|
Quote: غايتو للضمان كدا بقول ليك:
حاسب من ضنب الككو يا محمد موسى وأنت بتغرف من الفيسبوك |
هههههههههههههههههههه والله يافرانكلي من كتبت بقول اللهم اصرف عني علاءالدين يوسف اما البقية فانا كفيل بهم لكن زولي الناقل منه ده عضمة كبيرة في الحركة غايتو لو طلع الوالي ماعنده بت يكوت بجد الزول ده بالغ معاي :)
| |
|
|
|
|
|
|
Re: دي الواسطة والا بلاش ... (بت الوالي نموذجاً) ..!!! (Re: Ahmed musa)
|
Quote: هههههههههههههههههههه والله يافرانكلي من كتبت بقول اللهم اصرف عني علاءالدين يوسف اما البقية فانا كفيل بهم لكن زولي الناقل منه ده عضمة كبيرة في الحركة غايتو لو طلع الوالي ماعنده بت يكوت بجد الزول ده بالغ معاي :) |
علاء الدين هين بس تقول ليه يا كوز وتزوغ والمنبر كله ح يردمو ليك
المشكلة في الرمااااااااااااادييييين
ديل خطرين وبجروها خمسييييييييييييين
اقصد خمسين صفحة
ههههههههههههههههه
| |
|
|
|
|
|
|
Re: دي الواسطة والا بلاش ... (بت الوالي نموذجاً) ..!!! (Re: Tabaldina)
|
يا صالح كيمو ضارب الرطوبة ويدو في الموية البااااااااردة
ما تخليني أقول ليك سودانكم دا ههههههههههه
___________
يا زول جيب من الغريق
أصلو نحنا في محاربة الفساد دا بنوصلها للطيش
والوالي دا بالذات قال وظائف الخرطوم ما فيها اي محاباة أو وساطة
بجيب ليك الجملة حرفياً باكر كان الله حيّانا
| |
|
|
|
|
|
|
Re: دي الواسطة والا بلاش ... (بت الوالي نموذجاً) ..!!! (Re: Frankly)
|
.. .
Quote: ما تخليني أقول ليك سودانكم دا ههههههههههه |
هههههه .. يبقوا علينا القطريين والالمان .. والصفوة السودانية ..!! ما عصرتو علينا .. يا ريت لو سودانا .. دا بقى سودان قوم مختارون حتى ينزع الله الملك متى شاء .. والله يا كيمو البلد بقى فيها فساد لا انزل الله به من سلطان ..
-------------
حارب الفساد تبقى معارض .. تتكلم عن الوطن تبقى انقاذى نقبل ووين انحنا نلقاها من منو ولا منو ؟؟ :)
| |
|
|
|
|
|
|
Re: دي الواسطة والا بلاش ... (بت الوالي نموذجاً) ..!!! (Re: د.نجاة محمود)
|
يوم 7 فبراير 2012 قال البشير
Quote: البشير: لا وساطة ولا محسوبية في التوظيف بعد اليوم |
ويوم 14 أبريل 2013 نفى الوالي وجود محسوبية أو واسطة في تعيين موظفات
Quote: ولاية الخرطوم تنفي وجود شبهة محسوبية في تعيين موظفات
تاريخ الإضافة:2013-04-14 05:53:00
أرسلت ولاية الخرطوم النص الكامل للجنة التقصي التي شكلها والي الولاية د. عبد الرحمن الخضر حول تعيين موظفات بسبب قرابتهن لأحد العاملين بوزارة التخطيط، وخلص التقرير إلى أن إجراءات الاختيار للتوظيف لم يتم فيها تجاوز للقوانين أو اللوائح المنظمة بخصوص القضية كما أُثير ذلك عبر الإعلام. |
| |
|
|
|
|
|
|
Re: دي الواسطة والا بلاش ... (بت الوالي نموذجاً) ..!!! (Re: Frankly)
|
Quote: مصداقا لكلامك يا احمد مشى عدد من الطلاب هنا تخرجوا بتقديرات عالية وللاسف لم يجدو اي وظيفة لان الواسطة قبل كل شيئ واصلو الكوز ما بتغير.. |
والله يادكتورة بجد حاجة تزهج ... يعني القصة بقت شركه كبيرة اسمها السودان عندك عضو مجلس ادارة تشتغل ما عندك ترجى الله في اللفة ...
| |
|
|
|
|
|
|
|