محمد عمران - الوغد - شايقي بالجد ، أصلو ما طالع لأبوهو :) شااني عليهو حملة وداسي منو كل حاجات اللعب واليوم كلو خاتي وشو في باسم :) غايتو بالعافية ، مكاواة لي ، حقارة منو ساي :) ، أصلو ما بوريني انو زعلان ولا مضايق وكان عصرته عليهو شديد بقول لي حزين :) وبالطريقة بدردقني بدرقني لامن ألين أنا واقوم اتحامق اشتري ليهو حاجة كده بالنت ورخيصة مقارنة بسعر ناس البيع بالرياض عشان تصل الرياض دايره ليها كام يوم أها أنا خشمي خفيف قلت ليهو عامل ليكـ مفاجأة طبعاً نسى كل أوهام اللعبات المقفولة منو دي ولبس ليكـ توب عدم الإنتظار ودردقني برضو لامن أديتو النجيضة :) ..... طاري القصة كلها شنو ؟ اللليلة الشاب ده وأمو طالبين المدينة مع خالو " عزابي يعني يا ابو حسين " :) وطبعاً استخدم طريقتو بتاعة الدرديق المعفنة ديك وقال لي - يا بابا اشتقت ليكـ - هههههههههههه وجيت داخل حوش بكري ده أردد في - اشتقت ليكـ - ست الإسم بتاعة الأستاذ محمد ميرغني حين يغمض عينية وينظر إلى المايكـ ولقيت عنوانكـ الكان غُناي في ذات اللحظة هههههههههههههههههه
............................. متأسف للبرية يا شباب
06-19-2013, 11:21 PM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
غايتو يا عمران النصيييحة كده الحاجة الوحيدة الطلعت بيها من مداخلتك دي إنو بتشتري الحاجت بي النت .. وهذه لعمري معلومة مهمة قد أحتاجها في مقبل الأيام .. :) :) :)
06-19-2013, 11:41 PM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
طبعاً كلامك صاح جداً فيما يتعلق بي فرفور وكلمات الأغاني بتاعت الحقيبة .. البيزعل ويزهج أكتر إنو فرفور مصصر ومللح جدا إنو هو أحسن زول حافظ حقيبة وقراها من خيلانو اللي عندهم دواوين شعر مكتوبة فيها الاغاني دي بي طريقتا الصحيحة وهو حفظا من هناك.. صاح قد تكون المعلومة صحيحة لكن الما صحيح انو ما حفظا زي ما هي.. فرفور عندو صوت جرس فعلاً وجمييييل ولو ركز في الحقيبة ممكن يعمل فيها شغل متميز .. المشكلة يا تبارك إنو نحن بنغني بي الالتقاط والبنسمعو من أوول زول غنا الاغنية خلاااص بينطبع في الاذهان وماف زول بيفتش الكلمات الاصلية .. شوف اغنية الاهيف اوول ما طلعت كللل الفنانين بيقولوا أبا ما يلييين .. في حين إنها ابدا ما يريم ..حسب اقوال بادي الله يرحمو..
تخريمة : ما تستبعد يوم تلقى فنان بدل الفطن الوسيم يقول ليك القطن الوسيم :)
06-20-2013, 08:04 AM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
فقاموا عملوا ليه حركات اولاد الحريقة بقوا ساكنو ليك في الحفلات كل ما يغني غنية حقتهم يفتحو فيه بلاغ ويجيبوا شاهدين
انا كنت شاهد في دي ومعاها واحدة تانية .. غناها في عرس بت عمتي يازول وهو بغني في الغنية وانا واخواني الاتنين واقفين في نص الدايرة عاملين اهل عروس وكده جاتنا ليك ( ما قلتو نوبة ) وهنضبتنا ... سامعين الغنية دي ؟ قلنا ليها ايوه ليه ؟
قالت بس... سمعتوها كويس ؟ قلنا ليه ايوه قالت ده موش فرفور؟ قلنا لينا نعم !! مالك يا زولة!! والغنية دي موش الغنية الفلانية ؟ يا زولة انت جنيتي ما ياهنده بنسمع فيها !!! قالت : بس خلاص
واتخارجت
تاني يوم جانا اخوها الكبير قال دايرنكم في في النيابه
هاهاهاهاهاهاهاهاهاهاهاها
كانو فاتحين قريب خمسة بلاغات
اول واحد حكمو فيه بي 3 مليون وسجن مع وقف التنفيذ يازول وادخلوا ليك الوساطات طبعا حكم وقف التنفيذ ما ببقى مرتين يعني لو كان حكم في القضية التانية كان بدوه الرج توشك واحتمال يفعلوا ليه الحكم بتاع وقف التنفيذ داك
المهم خلوه بعد ما وروه مشكلتهم معاه شنو
انقر فرفور التابين الفات ما كان في نصو
06-20-2013, 09:43 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
طبعا يا وليد انا كنت متابع القضية في الجرايد وأيام الحكم كنت قاعد في السودان وقريتا في الجريدة قعدت اضحاااك ..وقلت والله تراهم النوبة ديل ما هينين .. ليهو حق وليد يمشي زي المسطرة مع الناس الجنهم محاكم ديل .. :) :) بالله طلعت انت من الشهود؟؟؟ لكن يا وليد بالجد انا في الحتة والنوع ده من القضايا ما قادر افهمو وعندي أسئلة كتييرة فيهو ما واقعة لي.. يعني مثلا انا لو عايز اغني الاغنية بمشي لي الشاعر والملحن استئذن منهم بي انو عايز الاغنية دي؟؟ وهل الاستئذان ده بيكون مكتوب ولا بي الخشم ساي ؟؟وهل أي زوول مثلا حضر الحفلة وسمع فنان بيغني اغنية زول وقام كلمو فكيف بيتم التأكيد هل بي شريط فيديو ولا بي سؤال الشهود وتحليفهم ؟؟ ومثلا زي التسجيل الانا اسة جايبو ده هل ممكن انتو تمشو تشيلوهو تفتحو بيهو بلاغ ؟؟ ح تعرفو كيف التسجيل تم قبل أو بعد قضيتكم المرفوعة ديك ؟؟ وهل فعلا بعد 25 سنة من موت الشاعر بيحق للفنانين يغنوا بدو إذن؟؟ ولو الشاعر موافق تغني والملحن لأ هل ما تغني الاغنية ؟ وهل الفنان فعلا ما صاحب حق أصييل في الاغنية حقتو ؟؟ لأنو ما اشتراها من الشاعر؟؟ وهل الشعراء بيبعوا القصيدة أو اللحن بي تنازل وكأنو بقا ما حقو ؟؟
06-20-2013, 11:04 AM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
طيب يا عمر انا حا اديك معلوماتي في الموضوع ده مع انها ما متبحرة شديد لكنها ممكن تكون مفيده ... معرفتي بالموضوع ده ما عن طريق شكوة ناس فلاح دي .. مع انو ده من المواضيع الما بحب اناقشها في المنبر ... لجديتها التامه ... لكن انت زول بتستاهل
نحن الجمعية بتاعتنا عندها علاقات قوية مع الـ WIPO من سنة 2004 يعني لينا تقريبا 10 سنوات .. كان سنة 2004 دعينا السيد : Mr. Wend Wendland, Director, Traditional Knowledge Division .. واستضفناه 7 يوم في السودان على حساب الجمعية .. عشان نعرف ذاتو الوايبو يعني شنو ودايره شنو من ناسا .. وتدرجنا في علاقتنا في الوايبو لحدي ما بقينا زي عضو مراقب ( ما متاكد من التسمية شنو ) ومندوبنا بيدعى وبيحضر اجتماعاتهم الدورية .. ده نموذج فتشتو في القوقل على السريع لقيت التقرير ده
وده مندوبنا الكان حاضر الاجتماع ده The Sudanese Association for Archiving Knowledge (SUDAAK) Fawzia YOUSIF GALALELDIN (Ms.) (Executive Director, Khartoum)
المهم ما بين 2004 و 2012 تم شغل كتير مع الوايبو من ندوات وورش ومحاضرات واتفاقيات .. داخليا وخارجيا ... اها من الخلاصة الطلعت بيها من الموضوع ده
في موضوع الغناء ده تحديدا الحق الاصيل فيه للشاعر ياعمر ويوجد حق مرادف ليه للملحن
الباقين من المؤدي الصوتي ( المغني ) ، منفذي الالحان الموسيقية ( العازفين ) ، والبقية من كورس و و و و و كلهم اسمهم اصحاب الحقوق المجاورة
طبعا شخصيا اعتقد انو كتير من قوانين الوايبو عاوزه تتطور .. لكنها كبداية حاجة كويسة
دي النقطة الاولى الحبيت اثبتها وحا اجيب في الباقي واحد واحد ... وحا احكي ليك تفاصيل القضية الكنت شاهد فيها عشان نفهم مع بعض الطريقة الشغالة بيها المؤسسات دي .. ونشوف ونقيم مع بعض كده .. الحاصل
06-20-2013, 11:21 AM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
في قانون حماية حق المؤلف والحقوق المجاورة لسنة 1996 م، الفصل الاول وهو للاحكام التمهيدية فيه من الحاجات البتهمنا في نقاشنا ده حسب ظني الاتي
1- الفقرة (2) إلغاء واستثناء 2- يلغي قانون حماية حق المؤلف لسنة 1974م. على أن تظل اللوائح والأوامر والقواعد الصادرة بموجبه سارية، ما لم تعدل أو تلغى وفقاً لأحكام هذا القانون.
2- الفقرة (3) تفسير 3- في هذا القانون ما لم يقتض السياق معني آخر :- نحتار منها ما اظنه يهم نقاشنا - (المؤلف) يقصد به أي شخص طبيعي ابتكر المصنف والذي تم نشر المصنف تحت اسمه منسوباً إليه بأي طريقة من الطرق التبعة في نسبة المصنفات لمؤلفيها أو بطريقة يتم اختراعها في المستقبل ما لم يقم الدليل على خلاف ذلك. - (حق المؤلف) يقصد به كل أو أي من الحقوق المذكورة في المادة 8 ويشمل الحقوق المشابهة الأخرى. - (الحقوق المجاورة) يقصد به فنانو الأداء ومنتجي التسجيلات المسموعة والمرئية وهيئات البث (إذاعة وتلفزيون). -(فنانو الأداء ) يقصد بهم الممثل أو المغني أو الموسيقي أو الراقص أو أي شخص أخر يقوم بتمثيل أو غناء أو تلاوة أو إنشاد أو أداء المسرحيات وغيرها من المصنفات الأدبية أو الفنية بما في ذلك عرض لعب الأطفال والمنوعات المسرحية وممثلي السيرك، - (المصنف) يقصد به أي عمل أدبي أو مسرحي أو موسيقي أو غنائي أو أي لوحة أو زخرفة أو نحت أو تصميم أو رسم أو حفل أو صورة أو شريط مسجل أو اسطوانة أو أغنية أو فيلم سينمائي لم يسبق نشره وتم تسجيله وفقاً لأحكام هذا القانون . - (النقل للجمهور) يقصد به العملية التي يتم بوساطتها إرسال الصوت والصور أو كليهما عبر الوسائل السلكية أو أي مادة أخرى ناقلة لها لغرض استقبالها بواسطة الجمهور. -
بالنسبة لسؤالك عن المدة لحماية المؤلف يا عمر فهي خمسين سنة ما 25 .. الـ 25 دي لمنتجات معينة موضحة تحت بتلقاها وده بكون بالنسبة لحقوقها بعد نشرها .. :
مدة حماية المؤلف
13-(1) تستمر حماية الحقوق الأدبية المذكورة في المادة 8 (أ) مدى الحياة
(2) تستمر الحقوق المالية في المصنف مدى حياة المؤلف لمدة خمسين سنة بعد وفاته.
(3) تكون مدة حماية حق المؤلف خمسة وعشرين سنة من تاريخ النشر في المصنفات الآتية:-
(أ) الصور الفوتوغرافية والأفلام السينمائية والمصنفات السمعية والبصرية الأخرى.
(ب) المصنفات التي تنشر لأول مرة بعد وفاة المؤلف، إذا كان المصنف مكوناً من عدة أجزاء أو مجلدات بحث تنشر منفصلة أو على فقرات فيعتبر كل جزء أو مجلد مصنفاً مستغلاً وذلك لأغراض حساب مدة الحماية.
(ج) المصنفات التي تنشر باسم مستعار غير معروف أو بدون أي اسم لمؤلفها يبدأ حساب المدة مع أول نشر للمصنف. بغض النظر عن إعادة النشر إلا إذا دخل المؤلف على مصنفه عند الإعادة تعديلات جوهرية بحيث يكون اعتبار مصنفا جديدا.
(4) بالنسبة للمصنفات المشتركة تحسب المدة من تاريخ وفاة آخر من بقى حيا من مؤلفيها.
06-20-2013, 12:02 PM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
من الورقة بتاعت دفع الله الحاج يوسف نجيب الاتي لانه مهم حسب وجهة نظري
Quote: هذا فيما يتعلق بالحقوق الأدبية أما فيما يتعلق بالحقوق المالية التي يجوز له أن يفوض بموجبها فتشمل:
أولاً : نشر ونسخ المصنف بأي وسيلة معلومة أو غير معلومة أو بتوزيع المصنف على الجمهور عن طريق البيع أو الإيجار أو التسليف على أساس تجاري .
ثانياً : التمثيل والأداء العلني للمصنف .
ثالثاً : إذاعة المصنف عبر الاتصال والتوابع الصناعية .
رابعاً : إيصال المصنف للجمهور بوساطة السلك الذي يشمل الكيبل أو الوسائل البصرية أو أي مادة ناقلة .
خامساً : الترجمة إلي لغات أخرى .
سادساً : الاقتباس أو إعادة توزيع أو تحوير المصنف .
سابعاً : عرض المصنف علناً والسماح بأي أفعال أخرى وذلك بهدف الاستغلال التجاري للمصنف بوساطة الوسائل المتوفرة أو بأي وسائل أخرى تكون معلومة .
إن الاعتداء لا يقع إلا إذا قام المعتدي بالأفعال المذكورة بدون وجه حق وهو عالم بذلك . لقد نص قانون 1974م على العلم وعدم الحصول على إذن من المالك . والنص في قانون 1996م على عدم وجود وجه حق يشمل عدم الحصول على إذن من المالك بداهة كما يشمل الحالات الأخرى التي قد يزعم المعتدي أن من حقه القيام بها مثل إدعائه بانقضاء مدة الحماية أو أيلولة الحق للدولة أو غير ذلك من الوقائع .
أما العلم فيقتضي بداهة أن يعلم أن هذا الحق مملوك لشخص آخر وأن فعله يشكل اعتداء على ذلك الحق . ولما كان الاعتداء على الحق جريمة بموجب المادة 36(1) فإن مجرد العلم يرقيللقصد الجنائي ولا حاجة لإثبات القصد الجنائي .
وفي حالة الدعوى المدنية للمطالبة بجميع الحقوق المتعلقة بالتعويض وتطبيق أي من الإجراءات التحفظية المنصوص عنها في قانون الإجراءات المدنية لسنة 1983م فإن البينة أو القصد ليس من عناصر المسئولية المدنية وهو ما درج عليه القانون العام الإنجليزي الذي كانت تستصحبه محاكمنا السودانية .
وبجانب الأفعال المذكورة في المادة 8 (أ) و(ب) اعتبرت المادة 34 (ب) التصرفات في أي مصنف تم الاعتداء على حق المؤلف بشأنه اعتداء على حق المؤلف . وتلك التصرفات تشمل الاستخراج والتقليد والبيع والتأجير والتوزيـــع والاستيراد للأغراض التجاريــة كمــا شملت أيضاً تصدير ذلك المؤلف وهو ما يطلق عليه الاعتداء الثانوي في القانون العام ( secondary Infringement) وفي هذه الحالة يجب أن يكون المعتدي على علم أو هناك أسباب تحمل على الاعتقاد أن المصنف موضوع تصرفه نتج عن اعتداء على حق مؤلفه .
16- إن الاعتداء علي حق المؤلف تترتب عليه مسئولية جنائية ومدنية .
واهم حاجة فيما يختص وقضيتنا نمرة 16 والبتقول انه بيترتب على امر الاعتداء على حق المؤلف مسئولية جنائية ومدنية
كنت عايز تلاته حاجات هنا :- 1- اكتب شوية عن (اشتقت ليك) 2- اكتب عن (الفطن الوسيم) بمقارنة لبعض الناس الإتغنو بيها. 3- اختلف مع (عمر الفاروق) حول جمال فرفور (معقول ياعمر فرفور دا بيعرف يغني!!! و كمان تقول حقيبة!!!)
بس اهو قلته انتظر (نقة) الملكية الفكرية دي تنتهي و منها نستفيد معرفة.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ يا تبارك شكراً ياخ للتعريف بتاع انشتاين ريحني ليك مع فرفور دا راحة جد و الفطن الوسيم دي مرة في زول غناها (الفطق الوسيم).
06-20-2013, 05:38 PM
Hani Arabi Mohamed
Hani Arabi Mohamed
تاريخ التسجيل: 06-25-2005
مجموع المشاركات: 3515
طبعاً يا وليد من قبييل متابع بي إهتمااام بس المشكلة بكري قافل البلف وماف ايكونة رد فروووحي حرقتني .. أسة فك البلف.. المهم لو ما عقبت ليك انت واصل .. انا منتظر تحكي لي حيثيات الحكم واثبات التهمة على فرفور وكييف كانت المحاكمة وبناء على شنو .. البيان بالعمل مرييح اكتر .. انا قريت جزء من اللينكات الختيتا بس كلو كلام نظري
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة