|
|
|
 Re: السياحـة الدينية في ( المارينا ) المنورة ... توجد صورة قبيحة (Re: Isa)
|
السلام عليكم اخي يحي قباني
اعتقد ان العلمانية التي تؤمن بها اذا لم اكن مخطئ مش من ضمن كلامها اعطاء الفرد حق الحرية الكاملة في الحياة بما في ذلك علاقة العبد بربه و و
اها اخونا الفي الصورة ده عاوز يركب ال سي دوو ده بالسروال والعراقي
واعتقد ان له الحرية أن يلبس ما يشاء، وأن يركب ما يشاء
| |
 
|
|
|
|
|
|
|
|
Re: السياحـة الدينية في ( المارينا ) المنورة ... توجد صورة قبيحة (Re: محمد المعتصم ابوبكر)
|
سلام يا عمنا
ياخي زول جاء مع عياله أو أصدقائه
وما كان عنده نية ينزل البحر
الشغلة دخلت في مزاجه وقام طوالي ركب الاسكوتر
الناس الما بريحوا خلق الله صوروهو وعملوا منها موضوع سياسي أو اجتماعي!
(ده مجرد تصور) وما شايف إنو نمرق الحكاية من السياق ده
ولو افترضنا إنو جاء بملابسو دي قصدا .. هو حر!
بالله أقبح صورة الرجل ده بكامل ملابسه
وللا امرأة على الشاطئ عارية إلا من ورقتي توت!
أو رجل لابس مايوه (شريط) يجسم كافة أعضائه التناسلية
ذكرني هذا بالناس البتهموا السلفيين بعدم السترة لأنهم بيلبسوا جلابية في نصف الساق
ويغضوا الطرف عن البنات البلبسن اسكيرتات فوق الركبة!
أو الأولاد البيلبسوا أردية ويتحاوموا بيها
مع احترامي
| |
|
|
|
|
|
|
|
|
Re: السياحـة الدينية في ( المارينا ) المنورة ... توجد صورة قبيحة (Re: يحي قباني)
|
Quote:
اخونا من الفيس بوك
القباحة في اللبس الغير مناسب ...
معقول بس سراويل و عراريق و راكب سي دوو ؟؟
تفتكر ده مظهر طيب ؟؟ |
عزيزي يحي قباني حيرتنا معاك والله، كل ما أدخل ليك بوست يكون عنوانه جاذب و أقول الزول دا يبدو أنه فاهم، يطلع البوست غير موفق تماما....
من حقه تماماً الزول دا يلبس ما بدا له طالما لم يتعارض مع أي قانون تنظيمي وأنا شخصيا (وعلى ما يبدو كثيرين هنا) ما شايف أي وجه قباحة في الموضوع...
| |
|
|
|
|
|
|
|
|
|
Re: السياحـة الدينية في ( المارينا ) المنورة ... توجد صورة قبيحة (Re: Wael Jabir)
|
Quote: وطبعا هم كاتبنو عنوان ( تهكمي ) ...
المارينا ... هي منطقة سياحية علي البحر الابيض في مصر اسمها ( مارينا )
و عرفوها بالالف و اللام عشان تشبه كلمة ( المدينة ) ...
في اشارة الي ان الاخ المتزحلق علي المياه بدل ما يجي هنا
كان يمشي ( المدينة المنورة ) ...
والله اعلم |
استاذ يحي سلام
لو جبته لينا المصدر كان الامور وضحت للناس اكثر.
وكان عرفنا ماهو سبب السخرية والتهكم من لبس هذا الرجل الملتزم الملتحى.
قبل كدة برضو انتتشرت صورة لرجل متدين ملتحى وزوجتة بالعباءه والبرقع وهم يمارسون هواية السباحه.
رجل متدين ومسلم وعاوزينو يلبس زوجته المايوه.
حيرونا والله اعداء الدين ديل .
لو الرجل التزم بمبادى واخلاق دينة يطلع رجعى ومشاتر وجاى غلط.
ولو ركب الموجه وعمل بعملهم يطلع غير ملتزم بتعاليم دينه وهذه الاخلاق ليست باخلاق وتعاليم الدين الاسلامى ووووو.
| |
|
|
|
|
|
|
|
|
|
Re: السياحـة الدينية في ( المارينا ) المنورة ... توجد صورة قبيحة (Re: بدرالدين الطائف)
|
الفكرة بسيطة يا قباني (حسب اعتقادي الشخصي)
في مصر ح يكون في مناطق على البحر (اسلامية خالص) يعني ما حتلقى واحدة لابسه مايوه وعفشها كلو بره
وافتكر دا حل مناسب للسياحة في مصر، يعملوا بيتشيز للسياح الاجانب والناس الما عندهم مشكلة مع العري والحفلات والرقيص والخمور ... الخ
ويعملوا بيتشيز للاسلاميين ، يديروا دولتهم داخل تلك المدن بطريقه تريحهم وفي نفس الوقت لا ديل يتحرموا وللا الآخرين من الاستمتاع بالبحر والترفيه عن النفس
لانو الخيار الآخر كان حيكون صعب جدا على الكل، كيزان مصر كان ممكن يشلعو الموجود زي الما حصل شيء.
ديل يسموها مارينا، وديلاك يسموها المارينا المنورة، وبكره ح تسمع بشرم الاسلامية، والغردقة المتوضئة ....
well done يا مصريين
| |
|
|
|
|
|
|
|
|
|
Re: السياحـة الدينية في ( المارينا ) المنورة ... توجد صورة قبيحة (Re: أحمد ابن عوف)
|
فاتني ان اضيف سلبية اراها في هكذا مشاريع
نظرية "شق البلد نصين"
عموما لا احبز هذه النظرية في ادارة البشر داخل الدولة الواحدة
فهذه قد تعمق الخلافات بين ابناء البلد الواحد على اساس عقائدي وطائفي او ايدلوجي
في حين ان اي دولة او حكومة مهتمها الاساساية هي الحفاظز على الأمن والسلم بين ابناء البلد الواحد
واهم ادواتها هي الانصهار في مشاريع وتوجهات واحدة "وطنية، قومية ....الخ) واذابة الفوارق على
اساس الدين والعرق ...
لكن لكل موقف تقدير خاص، فربما وان حسبنا ها مفسدة هذه التفرقة يكون عندك مارينا "عريانة" ومارينا اخرى "اسلامية"
قد يكون لدرء مفسدة اكبر وهو ان تجد هذا الملتحي بدل ركوبه موتر في البحر بأن يحمل ساطورا ويصول ويجول به بين
مرتادي مارينا الما منورة.
| |
|
|
|
|
|
|
| |
يحي قباني
هاشم عبدالله بشير
محمد المعتصم ابوبكر
محمد جلال عبدالله
ياسر منصور عثمان
حامد بدري
Wael Jabir
سليمان القرشي
بدرالدين الطائف
أحمد ابن عوف
محمد فضل الله المكى
الزبير بشير
عبد الله شم
أيمن محمود
الصادق عبدالله الحسن
HAIDER ALZAIN
محجوب البيلي
محمد حمزة الحسين
أيمن الطيب
سيف الدين محجوب
فيس بوك
تويتر
انستقرام
يوتيوب
بنتيريست