|
|
 بوست ما عنده صاحب..ارسل "حلم" او "dream" أو "reve" إلى الارقام التالية
|
البوست ما عنده صاحب لانه صعب جداً اتابعه... لكن عجبتني الفكرة وقلت إلا أكتبها...
القصة وما فيها اني فخوره "باختلاف" السودانيين الظهر بصورة واضحة في مسابقة الحلم بتاعت mbc... المسابقة طبعا عارفينها، بترسل رسالة فيها كلمة "حلم" أو "dream" أو "reve" لرقم معيّن، وتكتب معاها حلمك... بشترك الفائزين في مبلغ ضخم ما بقل عن المليون، وبحققوا ليهم احلامهم... في تاريخ المسابقة دي، ما اذكر اني سمعته زي احلام السودانيين... ضمن الدورة دي مفروض يكون في خمسة فازين، لحدي الآن طلع منهم اتنين سودانيين... الأول قال حلمه انه يحج، وعلى قولة نادر قروش mbc بتحجج وتحجج معاه الجيران... والتاني قال نفسه يبني بيت للأطفال المشردين بسبب الحرب، اطفال الشوارع... وهو حلم وغاية من أنبل ما يكون....
صححوني لو كنت غلطانة، mbc حديثاً غيرت شعار المسابقة لي "حقق حلمك أو حلم غيرك" بعد ما كان "حقق حلمك"...
السؤال.... احلامكم شنو؟
السؤال التاني... reve دي شنو!
|
|
  
|
|
|
|
مريم بنت الحسين
Elfatih Abuelhia
فيس بوك
تويتر
انستقرام
يوتيوب
بنتيريست