|
|
 وين الحلق ..وين ..؟
|
بتي ملوكة مرة فردة حلقا ضاعت ..وهي حابهو جدا ..فجننتنا ..كل يوم تمسك محل الحلق وتقول وين (الحلك) ..وييين؟ والسؤال ده ممكن اتكررر زي عشرين مرة في اليوم ..
فهسة وين مكان الرد .. وييين ؟ مقفولة براااي ولا كلكم ؟ ..والناس ديل كيف بردوا..كيييف ؟!
:) :)
|
|
  
|
|
|
|
|
|
|
|
Re: وين الحلق ..وين ..؟ (Re: محمد عبد الماجد الصايم)
|
طبعاً انا على قناعة تااامة إنو اصغر ولد مسطول في العالم هو صلاح عمر الفاروق الله يديهو العافية ..
ياخ ده ألذ شافع في الكون وعندو تعليقات وتصرفات بتاعت مساطيل لممن محيراانا ..والكلام ده انا متابعو مننن عمرو سالب شهرين :) :)..
اها هو اسة عمرو 3 سنوات ونص ..قبل فتتترة كده انا كنت مشغل الاغنية بتاعت الهيلاهوب حقت القمييص وينو والبنطلوون وينو يمة الكدوووس وينو وينو الكدووس الكدووس وينو ؟؟ هندا ياهو ده ووب علي هن ده ..
أها يلا إتخييلي معاي زول عمرو سنتين ونص تقريباً يكون متااابعك وملاااحظ ليك بتسمع في شنو ويدفنا ليك ..
أها يوم بكورك لي أمو وبقول ليهو الحزام وينو ؟؟
أنقري ما رد لي بي لحن كده وقال لي :
هن ده ..ياهو ده ..وووب علي ..
| |
|
|
|
|
|
|
|
|
|
Re: وين الحلق ..وين ..؟ (Re: عمر الفاروق)
|
عسل ماشاء الله تبارك الله ياعمر ..ربنا يحفظهم ويغطيهم ..تعرف الاولاد ديل مرات بدهشوك بمقدرتهم على الالتقاط ..برضو نحن جنب المستشفى البنتعالج فيهو في محل شاي ظريف فلمن نمشي عادة بنمر على محل الشاي وبنشيل منو شاي ..اها ملوكة ممررة الموضوع عادي ..فمرة ابوها كان مستعجل فجلينا الشاي فلما جيينا عابرين جنب المحل ..صرخت: الشااااي ..ومعاها بكية كمان ..:)
ربنا يحفظهم ..
| |
|
|
|
|
|
|
| |
داليا حافظ
محمد عبد الماجد الصايم
عمر الفاروق
الطيب عثمان يوسف
العوض المسلمي
فيس بوك
تويتر
انستقرام
يوتيوب
بنتيريست