|
|
 قصيدة جديدة لعبدالإله زمراوي : يا فرعون الزمن القاسي أقفل بلفك
|
يا فرعون
الزمن القاسي
أقفل بلفك
وزع ظلمك
بين الناس…
هِش بالله وهِش
ارقص فوقنا
بي عكازك
ارسم لينا
الدم والسيف والفاس…
خجلت ليكand#1619;
كلماتي وحرفي
وقف الشعر
الراقي خلاص…
يا فرعون
بلفك ابلفبو
ارحم نفسك
شوتاااا رصاص…
ياخي أسمعني
يا فرعون
موسى حيطلع
شاقي النيل…
إنتا كتلتand#1619;
بنات عماتنا
أنتا سرقتand#1619;
السن والفيل…
إنتا ذبحت
الشرف الباذخ
سال الدم
سيلان السيل…
بكرة مجينا
دغش يا ظالم
بكرة نشِّد
صهوات الخيل…
نحنا سئمنا
اللت والعجني
نحنا كرهنا
ظلام الليل…
بلفك دسو
في قعر الزير
اوعا بهدك
هد الحيل
عبد الاله زمراوي
|
|
 
|
|
|
|
|
|
|
 Re: قصيدة جديدة لعبدالإله زمراوي : يا فرعون الزمن القاسي أقفل بلفك (Re: عبدالأله زمراوي)
|
(1)
خجلتْ ليك
كلماتي وحرفي
وقف الشِعر الراقي
خلاااااص...
يا فرعون
الزمن القاسي
زوزو بينا
وزِّع ظلمك
بين الناس...
هِز يا وِز
هزهِز فوقنا
بي عكازك
ارقص لينا
وشيل الكاس...
يا فرعون
سوطك ارقصبو؛
واللة أقولك:
ارحم نفسك
شوتا رصاااااص...
(2)
إنتا منو؟
إنتا كتلت
ولاد اعمامنا
وبرضو سرقت
السِن والفيل...
إنتا ذبحت
شرف عزتنا
سااال الدم
جريان السيل...
إنتا سرقت
الدين زندية
بِعت السورة
وقمت الليل...
يا فرعونا
اقولّك قولة:
موسى حيطلع
شاقي النيل...
بكرة مجينا
دُغُش يا ظاااالم
بُكرة نشِد
صهوات الخيل...
نحنا سئمنا
اللت والعجني
نحنا كرهنا
ظلام الليل...
نحنا بقينا
إرادة وهِمّة
وبُكرة تشوف
طوفااااان
وسيل....
| |
|
|
|
|
|
|
| |
هاشم نوريت
علاء سيداحمد
احمد محمد بشير
محمد عبدالرحيم
فيس بوك
تويتر
انستقرام
يوتيوب
بنتيريست