|
Re: أي البلدان افضل للهجره القاهرة أم أسمراء (Re: محمد جبره)
|
سلام يا محمد ده بتوقف علي انت عايز شنو من السفر ده لو عايز تستقر بصورة نهائية لازم تحسب لحاجات كتيرة منها فرص العمل بناء على الحاجة اللي حا تشتغل فيها بالاضافة للخدمات المحتاج ليها شنو هي يعني اكتر واحد ممكن يفيدك هو انت نفسك فقبل ما تحدد انت عايز تستقر وين لازم تحدد انت عايز شنو بالضبط وشنو الحاجات المهمة بالنسبة ليك ولازم تكون متوفرة في الدولة اللي انت ماشي ليها وبعدها تشوف الحاجه العايزها متوفرة في القاهرة ولا اسمرا الناس كل واحد حا يرد ليك حسب تصوره هو و الحاجات المهمة بالنسبة ليه هو عشان كده انت ممكن تستفسر عن حاجات معينة لكن خيار الدولة لازم تختاره بنفسك خصوصا اذا عندك اسرة فلازم تحسب لحاجات كتيرة ذي العلاج و التعليم و البيئة و ظروف الحياة وتكلفتها. تحياتي ليك و بالتوفيق في اي دولة تختارها
| |
|
|
|
|
|
|
Re: أي البلدان افضل للهجره القاهرة أم أسمراء (Re: محمد جبره)
|
Quote: أخى محمد تحياتى ... إذهب إلى ( الحبشة ) يعنى الصحابة ديل كانوا عميانيين من ( مصر ) ...! |
العزيز يوسف بشير الصحابة كانوا كايسين العدل الحرية و انا كايس الانجيرا كحد اقصى كان علي انا كان بقيت حبشي عديل لكن البقنع ست النفر شنو ؟
تحياتي
| |
|
|
|
|
|
|
Re: أي البلدان افضل للهجره القاهرة أم أسمراء (Re: محمد جبره)
|
نصحيتي ليك يا محمد جبرة أختا مدينة اسمرا دي, صحيح هو بلد جميل و طقسه عليل, لكن تعبان جدا في الاتصالات خاصة الانترنت يعني لو دخلت هناك ح تنقطع من سودانيزاونلاين و بريدك الالكتروني. بعدين ارتريا كلها معزولة من العالم لطبيعة النظام الحاكم فيها و مفتوح على بلد واحد هو السودان يعني كأنك ما عملت حاجة. ارتريا بالنسية لي كوريا الشمالية بتاع افريقيا.
| |
|
|
|
|
|
|
Re: أي البلدان افضل للهجره القاهرة أم أسمراء (Re: محمد جبره)
|
عيب السودانيين إنهم لا يعرفون في إفريقيا إلا دولتين: مصر وإثيوبيا.
بعد مصر و إثيوبيا إما الخليج أو أوربا أو أمريكا.
يا إخواني أنا عشت بعض الوقت في جنوب إفريقيا وناميبيا وأنجولا. وأستطيع أن أقول بكل تأكيد أن دول جنوب إفريقيا مثل جنوب إفريقيا وناميبيا وبوتسوانا وناميبيا وأنجولا وموزامبيق أفضل بكثير من مصر وإثيوبيا.
| |
|
|
|
|
|
|
Re: أي البلدان افضل للهجره القاهرة أم أسمراء (Re: Dr. Ahmed Amin)
|
سلام د. احمد
تعرف يا دكتور فتحت البوست دا بعد تلفون طويل مع أخوي في السودان ناقشنا فيه الحال الوقف وقال لي المصاريف الشهرية البترسلها دي لو كنا عايشين في مصر تقعدنا 4 شهور و لو بعنا بيتنا في السودان ممكن نشتري 3 شقق في اسكندرية نسكن واحده و نأجر الاثنين ونعيش باجارهم
و الله يجازي الكان سبب
| |
|
|
|
|
|
|
Re: أي البلدان افضل للهجره القاهرة أم أسمراء (Re: محمد جبره)
|
((((محمد.. سلام,
اشترى عراريق دموريـة، وشوية غنيمات.. وأغشى سوق تمبول اشترى ليك عنقريبين تلاتة (تمبولية) والتمبوليـة هو العنقريب المنخفض ومروقوا ملولوة زى الثعبان.. شفت كيف؟ وأضرب غرب القاش عوجـة ما تجيك..)))) خاصية الاقتباس ما شغالة
الزعيم ابو الريش
ياخي دا منى الفؤاد اذا تمنى لكن وين ما الحالة التمبولية دي .
كان بتنفذها معاي انا موافك
| |
|
|
|
|
|
|
Re: أي البلدان افضل للهجره القاهرة أم أسمراء (Re: محمد جبره)
|
(((نصحيتي ليك يا محمد جبرة أختا مدينة اسمرا دي, صحيح هو بلد جميل و طقسه عليل, لكن تعبان جدا في الاتصالات خاصة الانترنت يعني لو دخلت هناك ح تنقطع من سودانيزاونلاين و بريدك الالكتروني. بعدين ارتريا كلها معزولة من العالم لطبيعة النظام الحاكم فيها و مفتوح على بلد واحد هو السودان يعني كأنك ما عملت حاجة. ارتريا بالنسية لي كوريا الشمالية بتاع افريقيا.)))
تشكر يا ابو سمرة على النصيحة يعني أي بي تسكه مافي
الله يصلح الحال
| |
|
|
|
|
|
|
Re: أي البلدان افضل للهجره القاهرة أم أسمراء (Re: Artiga Gilani)
|
((( الأخ محمد أتمنى أن يزول ويختفى الى الأبد هذا النظام الفاسد قبل ما تهاجر فبعدها والله العظيم ستغير رأيك وتصبح مواطن من الدرجة الأولى فدعواتكم لقوات التجمع الثورى بدخول الخرطوم .فأنا يا محمد تمرمطت فى الغربة فرحلتى بدأت بالأردن ثم سوريا ثم تايلان ثم ماليزيا وسنغافورة وعرجت على بالى للدخول الى استراليا وبعد ما فشلت ذهبت الى فيدنام ثم كمبوديا للسفر لأمريكا وبعد ما فشلت ذهبت الى هانكوك ومنها الى كوريا وعملت فيها سنة والآن مقيم فى هولندا لأكثر من أربعة عشر عام وكل هذا بسبب ظلم الكيزان وفساد الكيزان ! رد · أعجبني · متابعة المنشور · منذ 11 دقيقة))) من الفيس بوك
العزيز نور
تعرف يا نور نحن وصلنا حد الانهزام مش احباط ...... والدي الله يرحمه توفى وعمره 82 سنة عاصر فيها ثلاث ثورات تصحيحية ومات وهو بحلم بغد أفضل أورثني حلمه وانا الآن تجاوز عمري نصف عمره الذي عاشه . في داعي ؟؟؟؟؟؟؟
تشكر يا حبيب
| |
|
|
|
|
|
|
|