|
|
|
 Re: سيدي الرئيس اغلقوا كافة المنافذ البترولية والغذائية عن دويلة الجنو (Re: ود الباوقة)
|
ودالباوقة سلام
اول حاجة خاطب دولة الجنوب بصورة اجمل
شنو دويلة والتصغير مابصح
تاني حاجة الغذاء الانت بتقول فيهو
نحن في السودان لاقينو اخوي ودالباوقة
انت قاعد في الرياض وماعارف الحاصل
اقسم بالله العظيم لودخلت مستشفي تبكي بي دموعك
اقسم بالله لو شفت الاطفال في مكب النفايات بفتشو عن
اي حاجةتحفظ حياتهم والله لو شفت الرجال الكبار
امام الصيدليات مالاقين حق الجرعة لو كان عندك
زرة احساس بتعرف انو الناس دي روحا طلعت
لو كان انت بهمك امر الوطن وسيدك الريس
قوليهو كفاية كفاية كفاية الناس قالت الروووووووووب
| |
 
|
|
|
|
|
|
|
|
|
Re: سيدي الرئيس اغلقوا كافة المنافذ البترولية والغذائية عن دويلة الجنو (Re: سيف الدين محجوب)
|
أصلاً بترول الجنوب لو بيمر عبر الأراضي السودانية
فى الأيام دي فى المستقبل ما حيمر بيها عشان كدا
أحسن من الآن يسدوها ويريحونا. دولة الجنوب عارفة
المشاكل فى السودان ما حتنتهي بيها وبـ غيرها وأكيد
عاملة حسابها لـ يوم ذي دا لإيجاد منفذ لتصدير نفطها مهما كلفها ذلك.
بترول الجنوب خلى العملة الصعبة فى السودان شغالة زي البستم.
يغلقوا كافة المنافذ بس يبعدونا من الجهاد.
| |
|
|
|
|
|
|
|
|
|
Re: سيدي الرئيس اغلقوا كافة المنافذ البترولية والغذائية عن دويلة الجنو (Re: Mohammed Alhasan Mohammed)
|
وهل يا ود الباوقة سيدك الرئيس ما قاعد يدعم متمردي دولة الجنوب
الم يعود احد جنرالات التمرد في دولة الجنوب ومعه ثلاث الف مقاتل وكل عرباتهم تخص جيش السودان
وهل شعب السودان الشمالي مكتفي من الاغذية والعلاج ويعيش في رغد في عهد سيدك الرئيس
وهل امر الاسلام بكل فعائل سيدك الرئيس
والله يا ود الباوقة انا ما عارف حا تقابل ربنا كيف انت وسيدك الرئيس ومن لف لفكم
عموما يا ود الباوقة حتى مجرد تجريحك لنا بمثل هذه السخافات لن نغفره لك ولا لسيدك الرئيس
ولا عفو بيننا نتقابل امام الله عز وعلا في يوم الموقف العظيم ونتحاسب عليه حرف حرف
واعلم يا باوقة ان الساكت عن الحق شيطان اخرص
وانت عينك لمعاناة اطفال وشباب ونساء وشيوخ بلادي تحت حكم الجلاد وانت تصفق وتكبر
وكله باسم الله الذي يكره الظلم .. واعلم ان الله يمهل ولا يهمل
| |
|
|
|
|
|
|
|
|
|
Re: سيدي الرئيس اغلقوا كافة المنافذ البترولية والغذائية عن دويلة الجنو (Re: ود الباوقة)
|
الأخ ود الباوقة
لك التحية
مفاوضات ووفود وطائرات ومصاريف سفر ونثريات والوصول الى
إتفاق بعد خراج روح وبعد إهدار أموال طائلة وكعادة البشير
يتنفخ ويتحمق و ينسف كل الشئ الذى تم بنائه فيهللوا له ويكبروا
ويعزفوا له ما يتيسر من موسيقى صاخبة فيقوم بعمليات الحت على
أنغام دخلوها وصقيره حام ومن بعد ذلك يرجع الى قصره المنيف
فيضرب ما لذ وطاب من المشمر والمحمر وبعد الفراق من آخر جغمة
من الشاى الما خمج يبدأ فى إسترجاع شريط خطابه الكارثة فيصاب
بخضة تعقبها خلعة ويبدأ يتعوذ ويستغرب معقول أنا قلت الكلام
العجيب ده ويبدأ فى الجقلبة والإتصالات بعلى كرتى وحثه على
التحرك السريع لمعالجة الوضع وعادى جدا ممكن يقول ما كان قاصد
ويأمر عوض فى خطاب جماهيرى بفتح البلوفة فيهلل الجماعة ويكبروا.
ود الباوقة أركز
| |
|
|
|
|
|
|
|
|
|
Re: سيدي الرئيس اغلقوا كافة المنافذ البترولية والغذائية عن دويلة الجنو (Re: جمال خضر)
|
Quote:
الخرطوم (رويترز) - قال وزير الإعلام السوداني يوم الأحد إن بلاده قد تعيد النظر في قرارها غلق خطوط أنابيب النفط مع جنوب السودان لكن يجب على الجار الجنوبي أن يوقف دعم المتمردين.
وأبلغ الوزير أحمد بلال عثمان الصحفيين أن السودان ينوي غلق خطوط الأنابيب خلال 60 يوما لكنه قد يعدل عن القرار مضيفا أن الخرطوم لن تسمح بدعم المتمردين.
كان السودان أعلن أمس السبت أنه سيوقف ضخ صادرات نفط جنوب السودان غير المطل على منافذ بحرية عبر منشآت شمالية بسبب ما يقول إنه دعم جوبا لمتمردين ينشطون على أراضيه |
الريس بلع علي الناشف
| |
|
|
|
|
|
|
|
|
Re: سيدي الرئيس اغلقوا كافة المنافذ البترولية والغذائية عن دويلة الجنو (Re: محمد احمد القاضي)
|
Quote: تاني حاجة الغذاء الانت بتقول فيهو
نحن في السودان لاقينو اخوي ودالباوقة
انت قاعد في الرياض وماعارف الحاصل
اقسم بالله العظيم لودخلت مستشفي تبكي بي دموعك
اقسم بالله لو شفت الاطفال في مكب النفايات بفتشو عن
اي حاجةتحفظ حياتهم والله لو شفت الرجال الكبار
امام الصيدليات مالاقين حق الجرعة لو كان عندك
زرة احساس بتعرف انو الناس دي روحا طلعت
لو كان انت بهمك امر الوطن وسيدك الريس
قوليهو كفاية كفاية كفاية الناس قالت الروووووووووب |
100%
| |
|
|
|
|
|
|
|
| |
ابو عثمان
حيدر حسن ميرغني
وضاحة
Nader Abu Kadouk
فتحي الصديق
ناصر المحسى
Hashem Mubarak
Hani Arabi Mohamed
عزالدين عباس الفحل
صديق الموج
سليمان القرشي
عادل البراري
Mirghani Taitawi
Mohammed Alhasan Mohammed
محمد بابكر محمد
Mutaz Suliman
محمد الامين احمد
جمال خضر
عبداللطيف شريف على
محمد احمد القاضي
أمجد الزين
Nagat Sid Ahmed Elshiekh
فيس بوك
تويتر
انستقرام
يوتيوب
بنتيريست