|
سراويل مقدوده!!
|
آسف لهذا العنوان الصادم!! ولكنه إنعكاس موضوعي لواقع عبثي كائن في بلاد السودان!! كائن تري فيه السلحفاة تجري بسرعة البرق والضفدعة تنظر أسفل قدميها والإنسان يـمشي علي أربع وصديقنا محمد محمد خير يتكلم عن الأخلاق في السياسة السودانية و بجواره ضابط معاشي يتكلم عن مؤامرة إسرائلية في الحرب علي أبكرشولة و أم روابه! إنه زمن السراويل الـمقدودة في بلاد السودان تحدث صديقي محمد خير في برنامج أكثر من زاوية التلفزيوني عن إنتهازية ياسر عرمان في تعاطيه مع أحداث جنوب كردفان والنيل الأزرق علما بأنه من الجزيرة.. فيا صديقي محمد خير لو ركنا الي هكذا تحليل في قضايا بلد مركب و معقد قبليا كالسودان لإحتجنا لأكثر من خمسمائة مندوب عن كل قبائل السودان لحل قضايانا!! وهذا عبث وإفتآت علي الـماضي ولعب بالحاضر و الـمستقبل! فالإمام الـمهدي كمثال تأريخي ناصع ما علاقته بقبائل النوبة في تقلي العباسية وقبائل الجمع والجوامعه والحوازمه و البديرية?? أيعقل ان يكون الـمهدي و رفاقه متقدمون عليكم فكريا لجهة إستيعابهم واقع بلاد السودان علما بأن الـمهدي لـم يقرأ نظريات التنوع والتعدد الثقافي و لـم يجادل في حوارات الهوية و الغابة والصحراء أما إستهتارك بـمقدرات شباب الجبهة الثورية الفكرية فهذا أمر يدعو للرثاء و إضطراب الفكر!! هؤلاء الشباب يا صديقي لديهم درجة عالية من الوعي بالظلم الأمر الذي جعلهم يركلون نعيم السلطة في أعلي مستوياتها ويدخلون الأحراش بحثا عن عدالة أو الـموت بجدارة! أما أنت يا صديقي إخترت وظيفة هي أدني من مقامك فأزللت لها النفس و النفيس أما سعادة الفريق كاد ان يدخلنا في متاهة الإسرائليات لولا تـمترسنا خلف عقول تفكر و تتدبر!! فيا سعادة الفريق و علي مرمي من حجر الذاكرة كانت هنالك إتفاقية نافع/عقار و كان من الـممكن ان لا تكلفنا هذا الحريق! ولكن إسرائيل الـملعونه الوسواسه الخناسه همست في إذن البشير فقام بإلقاء الإتفاقية فإندلعت الحرب و إمتدت لأبكرشولة و ام روابه وإحتمال تصل تندلتي بلد كاتب هذه الـمفاكرة!!!
|
|
|
|
|
|
|
|
Re: سراويل مقدوده!! (Re: abdalla elshaikh)
|
التحية لك أخى وصديقى العزيز عبدالله الشيخ . مساك الله والاسرة الكريمة بكل الخير والبركات فأنت ثابت على الحق ماعرفت لم ولن تتغيرمواقفك فالذهب لايصدأ فكثيرون كانوا يملؤن الفضاء ضجيجا وارتموا فى احضان النظام العنصرى البغيض وصاروا يهللون له ويكبرون شئ مقرف ومؤسف باعوا انفسهم وضمائرهم بثمن بخس ونسوا أن متاع الدنيا قليل وحقير وذليل .فكرامة وحرية الانسن أغلى وأثمن مافى الوجود .
| |
|
|
|
|
|
|
Re: سراويل مقدوده!! (Re: فقيرى جاويش طه)
|
Quote: آسف لهذا العنوان الصادم!! |
ياااااااااااااااااه .. صادم حتـة واحده كدا ..؟ انت شفته ليك صدمــة ..؟ .. الصادم فيهو شنـو ..؟ عليك الله تعال فسر لي الصدمـة فوقو شنـو ..؟ بعدين حركـة آسف دي ريحتني الله يريحك دنيا وآخــره .. آسف راسـه عديل يا كارلوس ..؟ والله علم لكــن .. ماف ناس قرت (سلوكيـة) هي تجي تورينا الحنك العاضي دا شنـو .. وشنو المسلك الجديد في السالكو كارلوس في سلوكيته هذه ..؟
.. بالمناسبة يا كارلوس .. الزولة القلت لينا حامل ديك وعملت ليها حفلة هنـا دا .. رايك شنو ولدت واللا لســة ..؟ لانو زي ما كلمتك زمان ح نعمل ليها السمايـة هنا .. وابشرك وازيدك من الشعر بيت .. السماية ح نجيب الفنانة سلمى العسل ومعاه الراقص الذري عوض ترلـه .. من الناحية دي نوم قفا .. انا كلمت كوستاوي يجهز ليك الجماعة ديل .. ..
| |
|
|
|
|
|
|
Re: سراويل مقدوده!! (Re: tmbis)
|
فينك يا تامبا! لابس ليك صديري! ألتقول متحكر في بادية ود أبسن!
يا صديقي دي حاتجيب طفل قاسي العيون! يا زول معقول حرب تنتقل من الجيكو لي أمروابه! بركب أم كركابه بتدلي في أمروابه جنني و جنن العزابه ما دوامه الله هوي الدنيا ما دوامه! قلت لي سلمي العسل! أضيف ليها ستونا مجروس و أم جمعه عبدالرجال وبلا بتق!!!
| |
|
|
|
|
|
|
Re: سراويل مقدوده!! (Re: فقيرى جاويش طه)
|
ألنقابي العجوز فقيري جاويش! سلامات! أضحك بفم بارد كل ما أشوف من كانوا أكثرنا ضجيجا في صب اللعنات علي هذا النظام وهم الآن ملكيون أكثر من الترابي تـماهيا مع هذا النظام! فقيري حمد و معتصم حاكم صاحب العبارة ألشهيرة{ولقد بات سقوط النظام وشيكا} والقائمة تطول يا فقيري وتبقي العبارات تطن في الأذن من شاكلة{سلم مفاتيح البلد تسلم}
| |
|
|
|
|
|
|
Re: سراويل مقدوده!! (Re: abdalla elshaikh)
|
Quote: لكن إسرائيل الـملعونه الوسواسه الخناسه همست في إذن البشير فقام بإلقاء الإتفاقية فإندلعت الحرب و إمتدت لأبكرشولة و ام روابه وإحتمال تصل تندلتي بلد كاتب هذه الـمفاكرة!!! |
معقول تزور فى التاريخ القريب دا والــــ لسع حبروا ما جفا يا زول إلغاء اتفاقية نافع عقار شنوووو الولعت الحرب مقعول الكلام دا تتلغى الاتفاقية وعقار ينتظر لحدى بعد يوم ستة ستة الساعة ستة والحلو يدحل الغابه ويضغطوا عليهو عشااان يكبر كووم الحرب ويشتت الكورة وبعد داك تقول لى الغاء الاتفاقية ولع النار ياخى لسع عقار بحنسوا فيهو عشااان يولع النيل الازرق ويفك الضغط على العمليات فى كردفان وجنوب كردفان وما قادر يعمل حاجة وبعد قبض القروش قال لهم الذخائر التقيلة ما وصلت وبرضك تقول لى سروال مقدود إذن انت نفسك لم تسلم من الوصف المبالغه دا : : : : : مع التحيات لله الزاكيات
| |
|
|
|
|
|
|
|