|
Re: أنا وحبيبتي والبحر في هاواي (Re: munswor almophtah)
|
Quote: ..لو أراد أهل هاواى ( تسويقاً ) للسياحة في بلدهم لما وجدوا أجمل ولا أبلغ من هذه القصيدة
فيا صديقي
ما تقوم تكرم أخاك أبو العطف وتتنازل ليهو عن حقوق الملكية الفكرية للقصديدة دي وعندي صاحبي محامي ( متلقي حجج ) ونقوم معاً نشوف شغلنا مع الناس دي
|
<<<<<<<<<<<<<<<<<<<<<<<<<<
عزيزي الشاعر الفذ د. المعز..... دائما اميل نحو قراءة ألأدب والشعر اكثر من اي مادة اخرى او اي موضوع آخر.. لأن الشعر هو الذي يمنحنا القدرة على البقاء في هذه الدنيا وفي محيط النوائب التي تكلكل بجوانحها على صدورنا..فأشعاركم ايها الشعراء بلسم شافي لنا .. وانا قريت اقتراح عاطف ومؤيداه 100 في الميه في الفكرة دي.. فنعم فإن أهل هاواي لن يجدوا أبلغ من هذه القصيدة تسويقا للسياحة في بلدهم.. وانا من هسع مشاركاه في حقوق الملكية .. لكن حقك محفوظ .. وحنحتفظ ليك بنسبة 20 في الميه من الدخل( وجه ضاحك) ونسبة 50 في المية لصاحب الفكرة عاطف ونسبة 30 في الميه لشخصي...وانا عندي استاذي استاذ في القانون الدولي المقارن.. وحيمسك القضية مجانا... وكدي انشوف ناس هاواي حيدفعوا كم؟؟؟ ومع اني متأكده لمن ناس هاواي يقروا القصيدة ما حنحتاج لمحامين .. براهم سيدفعوا ياعاطف لأ، القصيدة بليغة بالجد وتجعل قلوبنا تهفو لهاواي... والله يديك العافية..
| |
|
|
|
|
|
|
Re: أنا وحبيبتي والبحر في هاواي (Re: اميرة السيد)
|
يا للبهاء، وياللوحة المرسومة بالحرف النضر. حرف عجنت صاحبه تجارب،منذ ان جاء من اقصي المدينة،جريحا،يمشي بين الزوايا والضريح،واضحا كضوء الشمس،محبا كمسيح. الشاهد،لقد شف فيك ذاك الافق،ببهائه ونضاره،فصار نغمه نغمك،وسماحه سماحك، توحد وجدك وذاك الجمال،هبة الله الجميلة،والذي نفسه بغير جمال ،لا يري في الوجود شيئا جميلا،تحاياي.
| |
|
|
|
|
|
|
Re: أنا وحبيبتي والبحر في هاواي (Re: عبدالعزيز عثمان)
|
القبة ... اليلوح قنديلا ... شوقي وحساري الليلة ...
الناس يا بروف يكتبوا عن بلاد الفضيلة والروحانية ... تجي ترشهم بوصف الشوكالاتة وأشياء روحية أخرى؟
(بالله شفت بارتيندرات هاوايي ديل شديدين في الدواكر - جمع داكري - كيف؟ يجيبوهو بى امبريلا ترقش!)
.... المهم ....
| |
|
|
|
|
|
|
Re: أنا وحبيبتي والبحر في هاواي (Re: اميرة السيد)
|
شكرا يا معز علي اللوحات الشعرية الرائعة يا بختها الهاواي
أذكر أول مرة أستمع إليك (وحقيقة أسمع بيك) كان في ثمانينات القرن الماضي ونحن برالمة. كانت ليلة شعرية في قاعة الإكزام هول EH وكان معك الشاعر الكبير ود بادي والشاعر اليمني نزار غانم وكانت قصيدتك برضو في شعر الأماكن والسياحة عن مدينة مدريد . ليلة شعرية لا زالت في الذاكرة. وكنت أستغرب كيف الشعر الجميل دا يطلع من دكاترة يفترض فيهم الشدة والتعامل مع المواقف القاسية وتحمل منظر الدم والألم. بالمناسبة شنو سر أن أغلب شعراء جامعة الخرطوم من كلية الطب؟!
| |
|
|
|
|
|
|
Re: أنا وحبيبتي والبحر في هاواي (Re: أسامة البلال)
|
Quote: ايوه يا تبارك.. زي ما قال ليك قرجة . الرطانة لزومها شنو؟؟ والله يديك العافية |
البارتيندرات (ومفردها بارتيندر): النوادل (ومفردها نادل) ويقال السقاة (ومفردها ساقي) .. أما الدواكر (ومفردها داكري Daiquiri): فهي ضرب من الأنخاب المرطبة التي اشتهر نوادل الجزيرة بطرق تحضيرها ...
(حبينا نعبّر عن انفعامنا بالقصيدة والترطيبة التي نفحنا إياها البروف في خضمّ غلات ابكرشولا واغتيال السلطان والمتنبئ المسيختابي وحملة مقاطعة سعد قشرة!)
وكلٌ يغنّي على ليلاه ... والله ورسوله أعلم ...
... المهم ...
| |
|
|
|
|
|
|
Re: أنا وحبيبتي والبحر في هاواي (Re: أسامة البلال)
|
الأخ الحبيب أسامة البلال،
ليت أيام الجامعة المدهشة تعود فقد كنا في زمن جميل حفل بالنشاط الاجتماعي والثقافي والسياسي والرياضي،
ولعلك تذكر أن كلية الطب كانت ومضة تشرق بالشعر والشعراء كل أنواع النشاطات المختلفة،
ولا زلت أذكر تلك الليلة في قاعة الامتحانات على وجه التحديد
مع أنني قرأت أكثر من مرة في تلك القاعة الرهيبة..
كل مودتي وتقديري يا أسامة وأكرمك الله وأعزك ومتعك بكل ما هو جميل.
| |
|
|
|
|
|
|
Re: أنا وحبيبتي والبحر في هاواي (Re: Dr. Moiz Bakhiet)
|
عاطف عمر وأميرة السيد ومتلقي الحجج شراكة معاكم فيفتي فيفتي أو أنفسها ليكم؟ وأقدم خدماتي الاستشارية لمحامي الطرف الثاني؟ مثال للتنفيسة التي تجهجه باكات متلقي الحجج وهيئة المحلفين: يا سادتي الموضوع الأساس هنا ليست (هاواي) وإنما (هواي) فالشاعر حصر موضوعه الأساس بين قوسين هكذا ( ) ووصفه بالروح التي بين جنبيه .. وكل وصف سابق أو لاحق لـ (هاواي) إنما هو انعكاس لموضوع الشاعر الأساس .. (السادة هيئة المحلفين الموقرة إن الدفاع يؤكد بالدليل القاطع أن أية كاميرا موبايل خمسة ميقا بيكسل فما فوق يمكنها أن تنقل وصف الشاعر لهاواي إلى صور مادية مرئية ومحسوسة، ولكن لا توجد في الدنيا كاميرا يمكنها أن تنقل وصف الشاعر لموضوعه الأساس إلى صورة من الصور المحسوسة .. .. دكتور معز عصرت علينا مع جماعتنا. قالت: شفت الناس بكتبو في ناسم كيف؟ .. التحية والاحترام للجميع
| |
|
|
|
|
|
|
Re: أنا وحبيبتي والبحر في هاواي (Re: طه إبراهيم عبد الله)
|
ظلال القمر تداعب ظلي بين الرمل وموج البحر وكرز الدهشة والباباي و(جدية) روحي تسكن بيني تزرع دربي بالأزهار وبالنجمات تطوف رباي و(عمرٌ) يمزج رمق الضوء بسحر علاء وروعة (يارا) في (وايكيكي) في (هونولولو) في هاواي ----------- معز الجميل كيف اخبارك.. تحياتنا لهم والسلام امانه ...وامنيات لهم بالصحة والعافية
| |
|
|
|
|
|
|
Re: أنا وحبيبتي والبحر في هاواي (Re: haider osman)
|
عزيزي طه.. على الرغم من علمنا ان اي كاميرا ما ممكن تنقل صورة اجمل من وصف شاعرنا د.المعز لأن كلماته الرائعة بحق هاواي لا يمكن ان تماثلها اي عدسة كاميرا تنقل صورة بدون احاسيس.. وكلمات الشاعر المعز صورة مليئة بالأحاسيس و المشاعر الدفاقة.. وعلى الرغم من انك ما حتكسب القضية .. لكن قررنا نديك 4 في المية عشان ما تعمل لينا شوشرة عند سلطات هاواي واله يديدك العافية
| |
|
|
|
|
|
|
Re: أنا وحبيبتي والبحر في هاواي (Re: اميرة السيد)
|
شاعرنا العزيز د / المعز سلامات لو مشيت كداري يا دكتور بتخيل زي أقل من نص ميل وأنت حادف N من ال Art Museum كنت حتلاقي يا دكتور مطعم سوري صغير أسمو ( مشمش ) بعمل ساندوتشات فلافل وليمون . لو عينك كحلت العصافير الفايتات بي النفاج البعد برندة المطعم كان ديوانك بتاع هاواي أكتمل . .. عاين ساندوتش الفلافل النتشة + الليمون الكارب = 17 دولار بس بيني وبينك يستحق تقول لي عدس محطة كبوشية ؟؟؟؟ لك التحية
| |
|
|
|
|
|
|
Re: أنا وحبيبتي والبحر في هاواي (Re: Osman Musa)
|
الصور بالله يا شباب..
صحيح البروف حشد مجموعة هائلة من التصاوير بالغة الجمال..
لكن ... البحر ماااااااااااا بيابى الزيادة...ولاّ كيف؟؟
..
تحياتي وتقديري بروف معز عمر بخيت وضيوفه الكرام...
..
.
| |
|
|
|
|
|
|
Re: أنا وحبيبتي والبحر في هاواي (Re: عمر نملة)
|
الجميل عمر نملة،
تحية يانعة لك من البحرين
معتقة بندى العذوبة
ونكهة المحبةلك في بلجيكا
حيث لي ذكريات رائعة في أنتويرب مدينة الماس
وأصدقاء في بروكسل وقد أحصيت عدد سلالم ووترولو قبل الصعود..
تقديري العظيم لك
| |
|
|
|
|
|
|
Re: أنا وحبيبتي والبحر في هاواي (Re: Osman Musa)
|
Osman Musa
Quote: وكمان والله يا تبارك لو لا نوع صورتك المدروعة دي وشغل البروف كان الوأحد قام جاري من ده منبر ومن دي دفسيبة وده كماج . .. يا تبارك ياخ أكشح من صور هاواي بالدرب التحت قصاد ربوع ال Museum . |
| |
|
|
|
|
|
|
Re: أنا وحبيبتي والبحر في هاواي (Re: تبارك شيخ الدين جبريل)
|
Quote: خلي ناس الراكوبة يزوّروا الصورة دي كمان ... |
حلوة والله يا معلم..
لكن البراءة مااااااااااا عندك..
آل يعني الولد ما شاف في هاواي غير المناظر الطبيعية والبحر وكدي...
هاواي دي في هواء الهوى الزي دا...
وما دام طار جنى الوزين يا دوب قلّ نوم العين..
أب كرشولا بتاع فنيلتك منك لُه؟؟
..
.
| |
|
|
|
|
|
|
Re: أنا وحبيبتي والبحر في هاواي (Re: تبارك شيخ الدين جبريل)
|
تبارك شيخ الدين جبريل
Quote: والله يا بروف لولا قبساتك وأمثالك من المبدعين الفرايحيين ... لانسلخت عنّا إنسانيتنا في هذه المعمعة ... |
حبيبنا الغالي تبارك
أسعد والله وأعتز وأتشرف كثيراً بحديثك هذا
وهو تاج في رأسي
تسلم كتير سيد الناس
| |
|
|
|
|
|
|
Re: أنا وحبيبتي والبحر في هاواي (Re: Osman Musa)
|
حبيبنا عثمان موسى
تسلم كتير يا سيدي وربنا يديك العافية..
تعرف أول ما وصلنا هاواي والناس واقفة للتكاسي أنا عبرت الشارع ولقيت بتاع فان فاتفقت معاهو يوصلني شيراتون برنسيس كايولاني في وايكيكي وقاولتو على 50 دولار لأنو صف التكاسي كان طويل جداً. المدام اتكلمت معاي بالعربي فطوالي دخل علينا عربي وطلع من فلسطين.
أها الزول ده وصف لينا نفس المطعم السوري القلتو بس للأسف ما لحقت مشيتو..
ياخ أنا أجي هاواي البعيدة دي واسك الفول والطعمية، أمال الجان وأبو العباس ديل بعملوا في شنو ههههههه
ويا حليل عدس محطة كبوشية وبيض كبوشية المحرق..
| |
|
|
|
|
|
|
Re: أنا وحبيبتي والبحر في هاواي (Re: طه إبراهيم عبد الله)
|
طه إبراهيم عبد الله
Quote: السادة هيئة المحلفين الموقرة إن الدفاع يؤكد بالدليل القاطع أن أية كاميرا موبايل خمسة ميقا بيكسل فما فوق يمكنها أن تنقل وصف الشاعر لهاواي إلى صور مادية مرئية ومحسوسة، ولكن لا توجد في الدنيا كاميرا يمكنها أن تنقل وصف الشاعر لموضوعه الأساس إلى صورة من الصور المحسوسة .. .. دكتور معز عصرت علينا مع جماعتنا. |
يا طه يا حبيب
عشان حركات جنس ده
جبنا الصور التحت
راااااحت عليك يا سيدي ههههههههه
ربنا يديك العافية ونورت البوست والله
| |
|
|
|
|
|
|
Re: أنا وحبيبتي والبحر في هاواي (Re: Dr. Moiz Bakhiet)
|
Quote: ولكن
لو أراد أهل هاواى ( تسويقاً ) للسياحة في بلدهم لما وجدوا أجمل ولا أبلغ من هذه القصيدة
|
ماشاء الله .. لديك قدرة في تطويع الحرف ومموسقته ودوزنته ظني أنها نادرة ووليدة موهبة متفردة
حفظ الله لك ذكرياتك .. عائلتك .. وكل من تحب
وزادك مقدرة فوق التي عندك وزان خطاك في كل الدروب
شكرا كتير حبيبنا الغالي
| |
|
|
|
|
|
|
Re: أنا وحبيبتي والبحر في هاواي (Re: Dr. Moiz Bakhiet)
|
سلام تحيه اعود ثانيه لبوستك الشكولاتي وقد جذبتني هاوي وجمالها وجمال وصفك ولااخفيك سرا اجذبني اكثر وصف الشكولاته ياليت تحدثني عنها في هاوي لاني مهتم وادرس الشكولاته والان ان شاء الله باقي الامتحان الاخير وانال دبلوم الشكولاته. وقد كان بحث تخرجي واعمالي عن ادخال النكهات السودانيه والافريقيه والعربيه في الشكولاته وقد صنعت ثلاثه انواع الاول شكولاته الداكنه (FONDANT CHOCOLATE) بالقهوه التنزانيه من جبل كلمنجارو بالهبهان الثانيه الشكولاته الخمريه(MELK CHOCOLATE ) بالقنوليز والكبتشينو الثالثه الشكولاته البيضاء(WHITE CHOCOLATE) بجبنة الغنم والتين والكراميلا
| |
|
|
|
|
|
|
|