|
كتب الكاتب الفاتح جبرا المتوفرة بمعرض الدوحة
|
|
 Re: (صورة) لاتخرج قبل ان تعمل like (Re: omer osman)
|
لايك شنو يا عمك البي أصبع واحد ده محتاج تتشابا الأصابع كلها ليهو :)
والله يا جنابو بحبو حب ياخ مافي طريقة ترسل لي كم عصاية منو لأستراليا :) أنا جااااي
-----------
وبلع ريقو ومرق من البوست
بعد التحايا ليك يا عمر
| |
 
|
|
|
|
|
|
|
|
Re: (صورة) لاتخرج قبل ان تعمل like (Re: نور الدين عثمان)
|
ههههههههه حاسي بيك يامجاهد ..... عذبتك مش
Quote: والله يا جنابو بحبو حب ياخ مافي طريقة ترسل لي كم عصاية منو لأستراليا :) أنا جااااي
-----------
وبلع ريقو ومرق من البوست
بعد التحايا ليك يا عمر |
بصل بااارد يامحمد لكن ليك علي تجي اعزمك عند يعقوب والتجاني اقاشي لمن تقول بس ههههههه
| Quote: دا الأقاشي ولا بلاش |
كلم ودالصايم الشهادة العربية ده ياعكود هههههههههههه
Quote:
تحياتنا الحاااارة يا جنابو |
هههههههههههه حلوة يانورالدين
Quote: صحن الشطة ######ان ومكشوف يجيب بلهارسيا وبواسير
الأقاشي شكلها كلها شحم ومكوشفة للذباب
الليمون مقطع كله والبصل قاورما
الصينية مصدية تعمل تتنوس
ديسلايك شديد |
كان كده كان السودان ده عدم الزول يافرانكلي هههههههههههههه ....
قول بسم الله ومابتجيك عوجة ..........
| |
|
|
|
|
|
|
|
 Re: (صورة) لاتخرج قبل ان تعمل like (Re: عكود عبد القادر عكود)
|
ما لايك ولا اي حاجة طبعا يا بوليص ..
اولا اقاشي ضارب الاقاشي الجايبو لينا دا ..
انا اقاشي بيختوهو في الصينينة ويضربو الهوا دا ما بقتنع بيهو ..
كان عندنا في الموردة (محمد الياس) مسمنو محمد انقش .. ديل هوسـا لمن مشلخين بي الجمبة ..
محمد انقش دا ورث الشغلانة دي من ابوهو عمك الياس عليه رحمة الله والمغفرة ..
الحفلة بتاعت الشواء دي بتبدا العصرية ولما يقرب المغرب بتكون ريحـة الاقاشي حايمة في ميدان ابوعنجـة .. انا بكون واقف قون في العراضة الغربية الفاتحة على الخور .. بعدما الريحـة تطلع .. لو لاعبين مع بايرنميونخ بفضي القون وبقوم جاري ..
عمك الياس لما اجي خاشي طوالي بنعدل في قعدتو الله يرحمو .. وبيطلع لي السيخ من الخرتاية الخاتيها على الجمبـة كتقدير خاص وشغل مخصوص ..
محمد انقش بكون الوكت داك جاب (الكروة والكراوة) زيادة الخير خيرين .. والكروة والكراوة ديل من اهم مكونات البهارات المستخدمه في الاقاشي .. ودي يا جنابو واااارد نيجيريا طوالي .. كانو بيجيبوها ليهم بالشوالات زي ما قاعدين يرسلو لينا الحلو مر وبقية الحاجات ..
عارف عمك الياس بيطلع سيختين سيختين .. سيخـه لحمة .. وسيخـه كبـدة .. ولما يعصر فيها الليمون بتاع توتي العجيب داك .. بتسممممع تششششششش
انت طبعا قايلني بقطع الاقاشي مش كدا ..؟
انا اقطع اقاشي يا جنابو ...؟
ياخ سيخـة الاقاشي انا بجاسفه ليك زي الكأني قاعد اقزقز لي في قندول عيش ريف مشوي على الجمر ..
المهم يا زول انا لما اقوم بكون رقدته لي بي عشرة سيخات وبعداك بمشي اشوف الدنيا دي فيها كم متـر ..  طبعا الحساب ولد .. والزمن داك زاتو ما كان في برنامج محاسبة ولا لابتوبات ولا ايفونات الشغلانة كلها بالبركـة ..
..
مما توفى عمك الياس .. ورحل محمد انقش من المنطقة .. ما ضقت اي طعم للاقاشي بعداك .. بالرغم من اني اكلتو في مية حتة مختلفة حتى في السعودية هنا في الرياض
| |
|
|
|
|
|
|
|
|
|
Re: (صورة) لاتخرج قبل ان تعمل like (Re: tmbis)
|
Quote: ما لايك ولا اي حاجة طبعا يا بوليص ..
اولا اقاشي ضارب الاقاشي الجايبو لينا دا ..
انا اقاشي بيختوهو في الصينينة ويضربو الهوا دا ما بقتنع بيهو ..
كان عندنا في الموردة (محمد الياس) مسمنو محمد انقش .. ديل هوسـا لمن مشلخين بي الجمبة ..
محمد انقش دا ورث الشغلانة دي من ابوهو عمك الياس عليه رحمة الله والمغفرة ..
الحفلة بتاعت الشواء دي بتبدا العصرية ولما يقرب المغرب بتكون ريحـة الاقاشي حايمة في ميدان ابوعنجـة .. انا بكون واقف قون في العراضة الغربية الفاتحة على الخور .. بعدما الريحـة تطلع .. لو لاعبين مع بايرنميونخ بفضي القون وبقوم جاري ..
عمك الياس لما اجي خاشي طوالي بنعدل في قعدتو الله يرحمو .. وبيطلع لي السيخ من الخرتاية الخاتيها على الجمبـة كتقدير خاص وشغل مخصوص ..
محمد انقش بكون الوكت داك جاب (الكروة والكراوة) زيادة الخير خيرين .. والكروة والكراوة ديل من اهم مكونات البهارات المستخدمه في الاقاشي .. ودي يا جنابو واااارد نيجيريا طوالي .. كانو بيجيبوها ليهم بالشوالات زي ما قاعدين يرسلو لينا الحلو مر وبقية الحاجات ..
عارف عمك الياس بيطلع سيختين سيختين .. سيخـه لحمة .. وسيخـه كبـدة .. ولما يعصر فيها الليمون بتاع توتي العجيب داك .. بتسممممع تششششششش
انت طبعا قايلني بقطع الاقاشي مش كدا ..؟
انا اقطع اقاشي يا جنابو ...؟
ياخ سيخـة الاقاشي انا بجاسفه ليك زي الكأني قاعد اقزقز لي في قندول عيش ريف مشوي على الجمر ..
المهم يا زول انا لما اقوم بكون رقدته لي بي عشرة سيخات وبعداك بمشي اشوف الدنيا دي فيها كم متـر .. طبعا الحساب ولد .. والزمن داك زاتو ما كان في برنامج محاسبة ولا لابتوبات ولا ايفونات الشغلانة كلها بالبركـة ..
..
مما توفى عمك الياس .. ورحل محمد انقش من المنطقة .. ما ضقت اي طعم للاقاشي بعداك .. بالرغم من اني اكلتو في مية حتة مختلفة حتى في السعودية هنا في الرياض |
ايوه وسع ياولد للمعلم تمبس ودقلبا ......
تعرف ياتمبس حاجات السودان القديم ده (نكهة تتحدي الزمن) زي ما دعاية البزيانوس بتقول
وطبعاً عصارة النكهة والمذاق صراحة في امدرمان ياااخ ليمون الموردة داك براهو قصة خليك من الاقاشي
بس كمان حاول جرب اقاشي الفراخ او عشان نخلي الطعم احلي واصلي قول اقاشي الجداد مووووووبالغة ياعمك
| |
|
|
|
|
|
|
|
|
|
Re: (صورة) لاتخرج قبل ان تعمل like (Re: سارة كرودى)
|
يا جنابو
الصحانه و الصينيه صغار ما كبار و وهيطات مشكله
الشطه حمره ما خدره مشكله
البصل احمر ما ابيض مشكله
البصل مقطع صغار ما كبار مشكله
الليمون صغار ما كبار مشكله
لو كان
بالجنبه كده في صحن ام فتفت
و في النص في صحن فته مدنكل بي لحمه ضاني
و الله ده تشكيله تهزم بايرن ميونخ مش المريخ
اخوك الزبير
| |
|
|
|
|
|
|
|
|
|
Re: (صورة) لاتخرج قبل ان تعمل like (Re: omer osman)
|
Quote: لايك كبير
أمس شاهدت جزء من حلقة الشروق مرت من هنا
كانت في حي الانقاذ سوق أبوجا وفي معلم وصف طريقة عمل الاقاشي دا |
هلا ديقول ...........
والله حلقة جديرة بالمشاهدة فاتتنا ......
| Quote: لايك .....يا سلام لو كمان اكلناها ومعانا نسيبي ونسيبك الهلالاب وماجد |
ياريت ياعباس دي لمة حلوة حتى لو بدون اقاشي ..........
Quote: قال لايك قال
هو نحن ضُقنا حاجة |
كلنا ما ضقنا حاجة ياقرجة بس بنتخيل ههههههههههه
Quote: ياخي زكرتنا الأبيض وسنين الأبيض
وأقاشي إبا ... زمن يا حكم
|
ياسلام ياعبدالعزيز يااااخ على الابيض والخريف في الابيض وسينما عروس وسوق اب جهل
| Quote: و في النص في صحن فته مدنكل بي لحمه ضاني |
ياخليفة الفتة دايرة تكون براااااها وبي شطة ليمون ما شطة دكوة هههههههه
| |
|
|
|
|
|
|
| |
omer osman
أحمد ابن عوف
محمد عبد الماجد الصايم
حيدر حسن ميرغني
مجاهد نايل
محمد الجزولي
عكود عبد القادر عكود
نور الدين عثمان
tmbis
Frankly
عصام دهب
Asim Fageary
الصادق صديق سلمان
حسين ديقول
عباس محمود
garjah
الزبير بشير
امينة عيسى
أسامه الكرور
سارة علي
فيس بوك
تويتر
انستقرام
يوتيوب
بنتيريست