الخدير الشال وبدع لو في قسمة ده كان خديري اصلي مما قمت بزرع ما حضن سيدابي خيري ياما كم بيراً حفرتو ما حصل قت يوم ده بيري زيى زي غيم بي مطرتو ما فرز ضل من هجيري طين جروفي المني روّح شالو هدام الدميري ما بكاهو قليبي نوّح ماهو يوم بطلع جزيري كل زول من حقو يحلم حلمي يا راحة ضميري تبقى هذي الدنيا ارحم وخيره زي الغيمة ميري ريده لله ريده اكمل من جبيري وحُق ضريري القمر في سماهو اجمل ام هلالاً بين حريري.؟ ياكي دنياي وانتي ليّا مهما يبقى الليك لغيري ما يهم تعطف علي ولا ما تاخد خبيري افضل اهواك يا بنيه مهما يبقى الليك لغيري افضل اهواك يا بنيه كيف حأهرب من مصيري؟ طالما إنو الحب قضية هى هى محل تصيري اولى بيك لو بالمحبة وانتي ماكي علي كتيري بس عويدك مما شبْا والقلب مزروب لغيري لو ظروف سابتني اقنع وانسى حرثي الساقو غيري ياتو حاحايا بيمنع من يغرد فوقو طيري
الرائع سيداحمد شامي .. رحم الله حميد .. شكراً ود شامي وانت توقظ الجمال في دواخلنا .. يكفيني هذا البيت من القصيدة .. لأنه يمثل سفر وكتاب بأكملة .. لغة الترابلة وحكمتهم :
Quote: لو ظروف سابتني اقنع وانسى حرثي الساقو غيري
( حرثي الساقو غيري )
ود شامي .. فقط العبارة الفوق تكفي ..
حميد ده كان زول مختلف عن البشر .. ما في زيو في السودان ولا يمكن ان يظهر مرة اخرى .. مع حبي وتقديري للجميع
05-26-2013, 04:51 AM
saidahmed shami saidahmed shami
تاريخ التسجيل: 01-08-2013
مجموع المشاركات: 2348
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
saidahmed shami
علي عبدالوهاب عثمان
فيس بوك
تويتر
انستقرام
يوتيوب
بنتيريست