|
|
 جمعية النساء السودانيات بقطر..إنطلاقة بسرعة الصاروخ(صور)
|
في أمسية بديعة و أنيقة و راقية ..بقاعة فخيمة في فندق رتاج الريان ..أقامت رابطة النساء السودانيات التي ولدت بأسنانها
و أفكارها و رؤاها ..الملتقي الإقتصادي الأول بحضور وزير الدولة للإستثمار د.مصطفي عثمان إسماعيل و السفراء
والمستشارين و الحضور و عضوات الرابطة ..
وحلق بالحضور في فضاءات الإقتصاد كل من الأستاذ علي أبكر رئيس رابطة المصرفيين و الدكتور أسامة عطا ...
بالجمبة كدة (يا ناس رابطة سوا)إستعدوافالمنافسة ستكون قوية ....
ولي عودةمع هذه الجمعية
|
|
 
|
|
|
|
|
|
|
 Re: جمعية النساء السودانيات بقطر..إنطلاقة بسرعة الصاروخ(صور) (Re: امير طمبل)
|
سلام يا طمبل,,| Quote: شرف الأمسية وزير الدولة للإستثمار الدكتور مصطفي عثمان إسماعيل |
إنت الزول الشرف الأمسية دا بقى مقيم فى قطر !!السنة كلها حاتل بى جاى!!| Quote: كما ذكرت السكرتيرة بان البداية كانت في تقديم ماء زمزم لأبناء المدرسة الممتحنيين (أساس) |
غايتو غلبنا النقولو!!!! ماء زمزم عدييييل كدا!!
تحياتى
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: أيمن الطيب)
|
Quote: غايتو غلبنا النقولو!!!! ماء زمزم عدييييل كدا!!
|
هههههههههههههههه أيمن يا صديقي
نهارات السعادة
شفت كيف ماء زمزم عديييييييييييييييييييييل كده
الدكتور طبعا مسئول من الإستثمارات القطرية في السودان وده يتطلب وجود باستمرار هنا
لكن خلي بالك يا ايمون الجمعية دي شكلها حتكون حكاية زمان ياخي النسوان ديل انا علمت بانهن
قامو ببناء مساجد عدييييل هناك في السودان و بعض الاعمال الخيرية عبر بعض المحسنيين من قطر
للضمان كده خليني أجيب ليك النجيضة
ياخي خلينا نشوفك في البلد الضيقة دي ...تحياتي الشديدة
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: امير طمبل)
|
Quote:
في أمسية بديعة و أنيقة و راقية ..بقاعة فخيمة في فندق رتاج الريان ..أقامت رابطة النساء السودانيات التي ولدت بأسنانها
و أفكارها و رؤاها ..الملتقي الإقتصادي الأول بحضور وزير الدولة للإستثمار د.مصطفي عثمان إسماعيل و السفراء
والمستشارين و الحضور و عضوات الرابطة ..
وحلق بالحضور في فضاءات الإقتصاد كل من الأستاذ علي أبكر رئيس رابطة المصرفيين و الدكتور أسامة عطا ...
بالجمبة كدة (يا ناس رابطة سوا)إستعدوافالمنافسة ستكون قوية ....
ولي عودةمع هذه الجمعية |
انا ذاتى لى عودة ياصديقى طمبل لموضوع الاستثمار ده..
لماذا ولمن وكيف ومتى سكون الاستثمار؟
المسئولية الاجتماعية للمستثمرين/ت
قانون الشفافية؟
اما ناس سوا.... فهن سوا
واعتقد ان المنافسة غير واردة لاسباب سوف اذكرها لاحقا
منتظرة تكمل البوست وفكرتك وساعود
| |
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: بهاء بكري)
|
غآيتو السودان دا..
عدة دول..
فى دولة وآحدة..
هسى النسوان ديل..
ملّمعات..
ومكوفرآت شعرهن..
ومعنكشات بالدهب...
ولا بسات تيآب بملايين الجنيهات السودانية..
دى دولة..
فى المقآبل نسوان..
يتجارن من تحت شدرة..
لى تحت شدرة...
ومن كركور..
لى كركور...
عشان يتفادن القنابل البتنزل عليهن...
زى المطرة من فوق..
ودى دولة تانية..
ونسوان تانيات بتدّربن على القتال..
فى الدفاع الشعبى..
دولة تالتة..
ونسوان تانيات..
بيتدربن على القتال..
مع الحركة الشعبية...
والحركات المسلحة..
دولة رابعة..
ونسوان يمرقن من بيوتهن..
مع الاذان..
وهات يا قعدة تحت الشمس...
ودرجة الحرارة فوق الآربعين...
عشان يبيعن الاكل والشاى..
ويرجعن آخر الليل...
حيلهن مهدود..
وماعآرفين حاجة عن أولادهن..
قال أيه؟
النسوان الفى الصورة ديل...
بدن نشاطهن...
بتوزيع موية زمزم على الممتحنات..
طيب رّسلوا كم ألف قزازة بلاستيك فاضية..
عشان النسوان البتجارن من القنابل ديل..
يشيلوا فوقها الموية..
وأعيد وأكرر..
السودان هو عدة دول..
داخل دولة وآحدة..
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: nour tawir)
|
طبعا ما في شك السودان عدة دول:
البعض يسميه التنوع العرقي والثقافي
والبعض يعتبره الاختلاف الطبقي
وفئة ثالثة تعتقد انه تباعد جغرافي
والبعض يراه اختلال في التنمية والتطور الثقافي
وفئة تراه مجرد عدم عدالة اجتماعية
وينظر له اخرون بانه طبيعة الحياة ومفارقاتها
والحقيقة هي، لكل من هؤلاء سودانه الذي يعرفه
لذلك قبل الدخول مع اي شخص في حوار عن السودان يجب ان نساله عن اي سودان يتحدث
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: nour tawir)
|
Quote: غآيتو السودان دا..
عدة دول..
فى دولة وآحدة..
هسى النسوان ديل..
ملّمعات..
ومكوفرآت شعرهن..
ومعنكشات بالدهب...
ولا بسات تيآب بملايين الجنيهات السودانية..
دى دولة..
فى المقآبل نسوان..
يتجارن من تحت شدرة..
لى تحت شدرة...
ومن كركور..
لى كركور...
عشان يتفادن القنابل البتنزل عليهن...
زى المطرة من فوق..
ودى دولة تانية..
ونسوان تانيات بتدّربن على القتال..
فى الدفاع الشعبى..
دولة تالتة..
ونسوان تانيات..
بيتدربن على القتال..
مع الحركة الشعبية...
والحركات المسلحة..
دولة رابعة..
ونسوان يمرقن من بيوتهن..
مع الاذان..
وهات يا قعدة تحت الشمس...
ودرجة الحرارة فوق الآربعين...
عشان يبيعن الاكل والشاى..
ويرجعن آخر الليل...
حيلهن مهدود..
وماعآرفين حاجة عن أولادهن..
قال أيه؟
النسوان الفى الصورة ديل...
بدن نشاطهن...
بتوزيع موية زمزم على الممتحنات..
طيب رّسلوا كم ألف قزازة بلاستيك فاضية..
عشان النسوان البتجارن من القنابل ديل..
يشيلوا فوقها الموية..
وأعيد وأكرر..
السودان هو عدة دول..
داخل دولة وآحدة.. |
ياسلااااااااااااام يانور وكأنك قرأتى مافى خاطرى
وكلامك هنا بيؤكد ماذهبت اليه فى رؤيتى فى عدة مقالات بان النوع وحده غير كافيا ليحدد انحيازى للنساء
اللى بيحدد الانحياز ده هو الموقف من الحياة
واللى بيحددوا هو الانحياز للعامة من النساء اللى بيكافحن ليل نهار
بعيد سؤالى اللى سألته عشرات المرات...
هل يمكن الاستثمار فى دولة غير مستقرة لاسباب عديدة ومتداخلة ومعقدة؟
التنمية مطلوبة ولكن اى تنمية ولمن؟
تبنى كبرى وتشرد مئات الناس
تغرق بلاد وتواريخ وثروة تاريخية ونقول برضو سدود
التنمية التى لا تهدف للانسان يشوفوا ليها اسم تانى
شكرا يانور
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: rosemen osman)
|
مساك الله بالخير يا روز
قمت باقتباس ماكتبته نور كله ولم اركز على مايشير الى شعورهن او غير ذلك والهدف من افتباس لما كتبته العزبزة نور وركزت فى رؤيتى على نقطين:
التفاوت الطبقى بين النساء والاشارة الى ان النوع وحده لا يحدد انحيازى للمرأة لمجرد نوعها ( راجعى كلامى فى الجانب دة).
النقطة الثانية الاستثمار وشروطه الانسانية
ماعارفة بينتى فرضيتك على اى اساس انى اشرت الى كوافيرهن او دهبهن الخ....
Quote: الدايرة أقوله أنه ما لأنهن حضور فى فعالية الترهات ولا الاستثمارات دي ومعاهم مصطفى اسماعيل ..نغمطهم حق فى أنهم يكونوا سيدات جميلات ومرتبات ونشطط فى الأمر ..
هو احنا لاقين ..(للتتمة الشخصية !) |
وبرضو ووين شططت فى الامر؟
ووين غمضتهم حقهن؟
لا ارى اى غضاضة ان تتزين المرأة وتعتنى بنفسها.... ده ما موضوعى هنا للحقيقة.
مودتى ومرحب بعودتك للمنبر
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: Ishraga Mustafa)
|
وحمد له على سلامتك واشراقتك ..
يمكن ابتدار نور بجملة هسي النسوان ديل ملمعات ..الخ خلى المقياس هنا مايل للجهة دي
وباقتباسك لكل ما قالت وأنه كان ما يجول بخاطرك ..
أبدا ما بغالط فى النوايا لأنه الموضوع ما بستاهل ..وموقفك _موقفكن معروف ..
لكن الأشارة الأساسية كانت بالتعليق على السيدات هنا ..فأحسست بانحيازي الى قيمة هي ليست حكر على (الكوزات) بل العكس
كما أنها شيئ طبيعي لكل سيدة وأنت سيدة الجميلات والأنيقات .
قرأت موضوعك بكامله ..لكني ركزت فى هذه النقطة .
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: Ishraga Mustafa)
|
دكتورة أشراقة..
ألف سلام وتحية..
تعرفى لما بكتب..
لو فهمنى زول وآحد..
بشعر بالراحة..
دخولى فى هذا البوست...
ليس معناه أنتقاد فئة نسوية معينة..
واللى هن فى الصورة..
حسب ما ذهبت اليه احدى المتداخلات..
أنا كتبت عن وآقع مفجع..
يخص المرأة السودانية عموما..
من خلال هذا البوست...
حسب المادة الموجودة أمامى..
لما تكون فى نساء فى عالم البزنس...
هذا شئ يفرحنا...
ونتمنى ليهن النجاح..
ولكن هذا لا يزيل...
تلك القصة المرة العالقة بحقلى...
كلما تذكرت حال المرأة السودانية..
اليوم..
يعنى مسألة موية زمزم دى فى رأيى اراها ترف..
لآنه زجاجة بلاستيك فارغة...
فى مناطق العمليات..
تساوى قنطار من ذهب...
مما تلبس السودانيات المنّعمات..
هناك نساء..
وأطفال..
وعجزة..
يموتون لآلف سبب وسبب فى تلك المناطق..
والموت عطشا..
هو احد طرآئق الموت ..
يعنى زجاجة بلاستيك فارغة..
ممكن أن تملآها تلك المرأة..
تربطها فى بطنها أو ظهرها...
أو أى مكان...
وهذه قد تنقذ صغيرها من العطش..
ولكن حتى لو حاولت هؤلاء النسوة...
فالحكومة لا تقبل..
لآنها تفضل حصد تلك الارواح..
ولكن هل بدت أى مبادرة أو أى موقف...
يوضح مجرد حسن النية أو الرغبة فى مساندة تلك النساء؟
ما حصل..
أما البزنس..
والنساء النواعم..
فى بلد تموت فيه النساء يوميا...
لالف سبب وسبب..
بصراحة بخلينا نسأل..
هل السودانيين كلهم سودانيين؟
أم هل السودانيات كلهن سودانيات؟
طبعا لا..
وألف لا..
يوجد سودان الانقاذ..
وهو الذى سوف يسمح بهذا البزنس فى السودان..
لمن يساند هذا النظام..
وضرب الاقتصاد السودانى الذى ارتكبته الانقاذ..
لا يحتاج الى كثير كلام..
فهى تسيطر على الاقتصاد..
من خلال منسوبيها..
سودان الانقاذ هو سودان الشمال..
ولكن يوجد سودان آخر..
وهو سودان الهامش..
الذى تحاربه الحكومة بكل الوسائل..
لتمحيه من الوجود..
كما قالت صراحة وبالفم المليان..
عشان كدا ياأشراقة..
كلام الاستاذة البتدافع عن النسوان الفى الصورة دى..
لا يعنينى فى شئ..
ولكن حينما نرى..
وقفة لهؤلاء النسوة...
وغيرهن من السودانيات اللائى يتمتعن بحظ أوفر..
مع النساء فى مناطق الموت..
حينئذ نعيد النظر..
ونحن فى وضع لا يسمح لنا بالمجاملة..
ولا يسمح لنا بأستخدام الكلام الناعم..
حتى لا نغضب البعض..
فاليغضب البعض قليلا..
عله يحس بالموت الذى يحصدنا..
صباح مساء..
وللآسف ياأشراقة...
الدراسات بتاعتك فى مجال المرأة..
لو فى دولة بصحيح...
كانت أستفادت منها..
وكنتى اليوم مستشار سياسى اقتصادى..
فى شئون المرأة فى السودان..
تستفيد منك عشرات الالاف من النساء..
لكين نعمل شنو؟
ماعندك حكومة..
وبالتالى..
نترك الدراسات للاجيال القادمة...
....
خليتك عافية..
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: rosemen osman)
|
Quote: مشاهد من الحضور علما بأنني كنت مدعو لإحتفالية أخري من سعادة السفير الأرتري بالدوحة و لم أتمكن من متابعة الملتقي
حيث علمت بان القاعة إكتظت بالحضور من عضوات الجمعية .... |
سلام الاخ أمير ، بالله الاكتظاظ عندك في الدوحة كدا ؟
بعدينن النسوان ديل قاعدين ورا كدا ليه مش الموضوع جمعية النساء بقطر؟
بالله قول للوزير أبو عمة دا ياخ السودان في حالة حرب ممكن يأجل موضوع البزنس دا شوية كدا.
شكرا.
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: بهاء بكري)
|
Quote: كالعادة غياب تام لما يسمي مجلس الجالية السودانية بدولة قطر و كأن ما حدث لن يخصهم
|
سلامات يا امير
الحدث لا يخصنا فعلا كمجلس جاليه لان الروابط والجمعيات التي تنشأ في الدوحه تقوم بتسجيل نفسها لدي مكتب الجاليه وفق لائحه محدده وشروط محدده وتمارس نشاطها تحت مظله الجاليه.
رابطة النساء السودنيات لم تتبع خطوات التسجيل هذا وتخطت الجاليه وبدات تمارس في نشاطها وعند سؤالهن عن لماذا لم تقومو بتسجيل الرابطه لدي الجاليه كانت الاجابه بانهم لا يتبعو للجاليه ولكنهم يتبعو للسفاره
لذا فان نشاطهم هذا ونشاطاتهم المستقبليه لا تخصنا كجاليه
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: Omar Bob)
|
Quote: بالجمبة كدة (يا ناس رابطة سوا)إستعدوافالمنافسة ستكون قوية ....
|
سلام لصاحب البوست والمتداخلين ...
اعتفد انه ليس هنالك ثمة مجال للمقارنة بين نشاط سوا ونشاط الجمعية الجديدة فناس سوا حسب متابعتنا وحسب ارشيف هذا المنبر فعاليتهم خدمية فى المقام الاول موجه لفواعدهم وهى تتراوح بين الدورات التعليمية والثقافية والتوعية وانشطة الطفل والانشطة الاجتماعية ... وهم بالمناسبة اصحاب اعلى تسجيل فى انتخابات الجالية ....اما الجمعية الجديدة ..فبدايتهم و كما ذكر اخونا طمبل بسرعة الصاروخ استثمار.. ووزير استثمار..وكمان تابعين للسفارة مباشرة كما ذكر الزميل عمر بوب امين شئون الروابط بمجلس الجالية .اذن ليس هنالك اى مجال للمقارنة
وبالجمبة كدة ماهو مردود نشاط وحركة الاستثمار الحكومى الرسمى نفسه على الوطن والمواطن.... ناهيك عن نشاط جمعية النساء السودانيات ؟؟؟
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: بهاء بكري)
|
سلامات يا طمبل يا عزيز,,
والله نحن بالأكتر لكن تقول شنو,, الشغلة بقت جرى وطيران وحفر وغوص,,| Quote: الدكتور طبعا مسئول من الإستثمارات القطرية في السودان وده يتطلب وجوده باستمرار هنا |
يا أمير القطريين عرفو إنو هؤلاء الناس لا يملكون زمام أمرهم وأن الفساد والعفن والعهن قد ضربهم من فوق
لا تحت خالس خالس وأهلك العربان ديل تعرفهم ما بجدعوا الريال دا فى مكانا مجوبك وما عندو ضمانات,,
مشاريع القطريين والخليجيين عامة فى السودان تبدل حالها كثيرا مؤخرا ووصل الحد بدولة قطر أن أعلنت
أن الإستثمار هناك تماما (كالعفش داخل البص ) بعد أن آمنوا...بعدين يا أميرنا السؤال البسيط والبديهى
إنت ود البلد لو عندك راس مال الآن وقالو ليك تعال إستثمر معانا بتمشى!!!!وسؤال تانى يفرض نفسه هو
حجم إستثمارات السودانيين فى الخارج,أثيوبيا فى الزراعة مثلا وفى الإمارات وقطر فى العقارات مثلا؟؟؟
راس المال السودانى هرب ونفذ بجلده (نضيف وغير نضيف ج ب ان وشجاع كلو شتتتت) هربا من سوء الأحوال الجوية يا صاحب..
وهؤلاء يدرون ذلك تماما ويعدونه مؤشرا لأشياء كثيرة وهم يملكون من الذكاء والفطنة الكثير,,
العالم ديل خربوها وقعدوا يزازو وأقرب مثل الزول البقى مقيم فى قطر دا وهو فعليا قد يكون مقيم هنا لمتابعة إستثماراتو
هو الشخصية وكان كمان الله جاب ليهم رزقا ما كعب تب ما بيابوه وبعد داك الله لا وراك..
مثل هذه الأنشطة لا تعدو كونها خرمجات لا نفهمها فى ظل الأوضاع التى نفهمها وهى أفقر ما تكون شكلا وموضوعا !!
شوف بؤس العرض دا وإفتقاره لأبسط مقومات الجذب والإغراء!!وحتى موادهم هذه قد تكون ممنوعات فى بعض مناطق الدنيا!!!
وحقو الناس ديل يصحو زاتو ويتذكروا إنو الخريطة دى إتغيرت بفعل عامل جماعة مصطفى عثمان إسماعيل والله يستر على الباقى,,
تحياتى وخلينا نسمع منك ,,,
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: بهاء بكري)
|
طبملاوي ..
انا قايلك غلطتا في اسم (سوا) لحدي ماشفتا الحضور الكثيف فقمتاعرفتا انو دي ماسوا..
:)
اما كان من الاولى للسبعة تنمية انفار ديل ينضموا لي رابطة سوا، بدل يعملو جمعية السبعة انفار دي..
سوا لامن تفكر تعمل حاجة ..اللجنة البتتلما لهذه الحاجة بتكون ضعف الحضور الانيق الظاهر في الصور ده..
ديل ممكن بالكاد يعملوا جمعية في الفيس بوك..
على اي حال نثمن لك ان وريتنا قدر سوا...وتمنياتنا ليكم بالتوفيق
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: Sharif Nasirladeen)
|
صباحات الخير نور وروز
اعرف تماما ثورة الغضب عند نور, اعرفها زى جوع بطنى لانى مرات بمتلىء بالغضب حد الانفجار والغضب فى حد ذاته فعل ايجابى لانو محك لبدايات الوعى النقدى لحالنا
اليدو فى الموية مازى اللى يدو فى النار
نور كانت هناك واحس باحساسها
مرات الالم ده مافى معادل لحموضته غير الغضب ياروز ومتفهمة تماما انك طرحت وجهة نظر بطريقة رقيقة
ورد نور جاء غاضبا وعنيفا وبالنسبة لى نتيجة طبيعية لما رأته نور من عنف يومى بيمارس على النساء والاطفال والرجال
كتبتها مرة بان ليس كل النساء نساء, كما ليس كل الرجال رجال, وفهمى للجندر مرتبط بفهمى للدائرة اللى بتلم فى حضنها نساء ورجال على هامش السطلة والثروة
وبفرضية توزيعهما......
هنا/
{{{ المره مره والعب عب }}}......وحكاية الحمى النزفية!!
تخطرنى الآن تفاصيل كتاب للافرو امريكية أدورا لورد الله يرحمها فى كتابها: Macht und Sinnlichkeit
اى السلطة والمغزى وتناولت فيه الغضب كثورة لاجل التغيير وضرورته لفهمنا لماكنيزم السلطة
اعرف مواقفك جيدا ياروز وربما يتاح لنور يوما ان تعرف هذه المواقف المنحازة للناس اللى بتعانى
ولحين يحدث ذلك لنا ان نعبر عن رؤبتنا بالطريقة التى تمثلنا وتمثل منطلقاتنا
كنت اود ان اناقش فكرة الاستثمار فى وضع زى اللى وصفتو نور هنا
Quote: أنا كتبت عن وآقع مفجع..
يخص المرأة السودانية عموما..
من خلال هذا البوست...
حسب المادة الموجودة أمامى..
لما تكون فى نساء فى عالم البزنس...
هذا شئ يفرحنا...
ونتمنى ليهن النجاح..
ولكن هذا لا يزيل...
تلك القصة المرة العالقة بحقلى...
كلما تذكرت حال المرأة السودانية..
اليوم..
يعنى مسألة موية زمزم دى فى رأيى اراها ترف..
لآنه زجاجة بلاستيك فارغة...
فى مناطق العمليات..
تساوى قنطار من ذهب...
مما تلبس السودانيات المنّعمات..
هناك نساء..
وأطفال..
وعجزة..
يموتون لآلف سبب وسبب فى تلك المناطق..
والموت عطشا..
هو احد طرآئق الموت ..
يعنى زجاجة بلاستيك فارغة..
ممكن أن تملآها تلك المرأة..
تربطها فى بطنها أو ظهرها...
أو أى مكان...
وهذه قد تنقذ صغيرها من العطش.. |
بيبقى السؤال الاساسى الاجابة على الاسئلة الخمسة وهى ليست ذات صلة بعلوم الاتصال فقط.: من؟ ماذ.ا؟ كيف. لماذا؟ ومتى؟
قبل ان افلفل فكرتى اقول بانى لست ضد الاستثمار ولكن بالنسبة لى لابد من ان يرتبط بالاسئلة الخمسة اعلاها
ان تلج المرأة ابواب البزينس فهو عمل عطيم ولكن؟!!!
كنت اتمنى عودة الاخ طمبل ليقول لنا فعليا عن سرعة الصاروخ هذه التى سوف تنافس سوا
ومازلت انتظر لان لدى كلام كثير دايره اقولو فى الحتة دى
لكن الشىء اللى بعرفوا انو فى وضع زى اللى فيهو السودان الآن مابيحتمل اى شكل من اشكال الاستثمارات طيلة مافى اطار بيحدد المسئولية الاجتماعية للمستثمرين/ت
وضع يعج بالحروب واحتكار السلطة والتسلط على الحريات العامة وحرية الصحافة
التنمية ماعمارات شواهق التنمية هدفها الانسان وهو مبتدأها ومنتاهها
هناك اشياء نفترضها شكلية ولكن كون هذه الجمعية نسائية وتكونت عبر نساء كنت بتوقع ان يكن فى الصدارة ولو على المستوى الشكلى
اثق كثيرا بالمرأة السودانية فيما يخص الدعم والتضامن ولكن ما اصابنا هو نتاج لخلخة بيانتنا الاجتماعية/الاقتصادية،السياسية وكان علىّ ان اركز على الاقتصادى لانهو العضب اللى بيحدد اطر كل شىء
عودة الى نور, وهى هنا تمثل صوت العضب الكامن فى نساء بيعانن مرارات الحرب والتهميش
التهمش حتى وسط (خركاتنا النسائية).....
الحياة لا تقف وكون احدى النساء فى كامل بهاء زينتها لا يعنى بالضرورة انها لا تفكر فى الاخريات
بل افكر بشكل مؤمل ومتأمل , ان نتأمل مرة وفعليا الوضع المؤلم لنساء بيموتن وكأن شيئا لم بكن
ومازلت فى انتظار طمبل للمزيد من المعلومات عن اهداف الجمعية و|آليات تنفيذ هذه الاهداف ومسئوليتها الاجتماعية الخ......
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: Ishraga Mustafa)
|
Quote: سلامات يا امير
الحدث لا يخصنا فعلا كمجلس جاليه لان الروابط والجمعيات التي تنشأ في الدوحه تقوم بتسجيل نفسها لدي مكتب الجاليه وفق لائحه محدده وشروط محدده وتمارس نشاطها تحت مظله الجاليه.
رابطة النساء السودنيات لم تتبع خطوات التسجيل هذا وتخطت الجاليه وبدات تمارس في نشاطها وعند سؤالهن عن لماذا لم تقومو بتسجيل الرابطه لدي الجاليه كانت الاجابه بانهم لا يتبعو للجاليه ولكنهم يتبعو للسفاره
لذا فان نشاطهم هذا ونشاطاتهم المستقبليه لا تخصنا كجاليه |
هلا عمر بوب
الحدث لايخصكم فعلا ليس بسبب عدم التسجيل لدي مكتب الجالية , بل لان هذه الجمعية كيان موازي لرابطة قائمة اصلا ومسجلة لديكم
اعتقد ان المقصود خلق كيانات بديلة موالية للمؤتمر الوطني بعد الفشل في الاستيلاء علي الروابط عبر الطرق القانونية , لذلك يجب ان يكون الرفض
لهذه الكيانات من حيث المبدا وليست بسبب عدم تسجيلها لدي مكتب الجالية . لانه من غير المعقول ان تكون هنالك عشرة تنظيمات لفئة واحدة.
| Quote: ولكنهم يتبعو للسفاره |
هذا تبرير غريب يجب ان لاتقبل به السفارة نفسها , لانه ليس للسفير او من ينوب عنه مصلحة في اضفاء شرعية علي تنظيمات موازية لاخري
موجودة ومعترف بها من قبل السفارة نفسها.
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: امير طمبل)
|
Quote: الحدث لايخصكم فعلا ليس بسبب عدم التسجيل لدي مكتب الجالية , بل لان هذه الجمعية كيان موازي لرابطة قائمة اصلا ومسجلة لديكم
اعتقد ان المقصود خلق كيانات بديلة موالية للمؤتمر الوطني بعد الفشل في الاستيلاء علي الروابط عبر الطرق القانونية , لذلك يجب ان يكون الرفض
لهذه الكيانات من حيث المبدا وليست بسبب عدم تسجيلها لدي مكتب الجالية . لانه من غير المعقول ان تكون هنالك عشرة تنظيمات لفئة واحدة.
|
سلامات يا بهاء
نحن كمجلس جاليه لا يهمنا ان كانت الرابطه تتبع للمؤتمر الوطني او خلافه ولا ننظر للامر من هذه الزاويه. نحن ننظر للروابط والحمعيات من منظور انها استوفت شروط التسجيل لدي الجاليه ام لم تستوفي ونتعامل معها علي هذا الاساس.
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: Omar Bob)
|
| Quote: نحن ننظر للروابط والحمعيات من منظور انها استوفت شروط التسجيل لدي الجاليه ام لم تستوفي ونتعامل معها علي هذا الاساس. |
سلام ياعمر تاني
هل ممكن ان تكون هنالك عدة جمعيات او روابط لفئة واحدة ؟
بمعني اذا تجمع عدد من المهندسين وطالبوا بتسجيل رابطة اخري للمهندسين هل هذا الامر مقبول
لمجلس الجالية؟
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: عمر الفاروق)
|
Quote: سلام ياعمر تاني
هل ممكن ان تكون هنالك عدة جمعيات او روابط لفئة واحدة ؟
بمعني اذا تجمع عدد من المهندسين وطالبوا بتسجيل رابطة اخري للمهندسين هل هذا الامر مقبول
لمجلس الجالية؟ |
نعم يا بهاء ان استوفو شروط التسجيل
لكن واحد من شروط التسجيل ان لا تتضارب اهداف الجميعه المزمع انشأها مع جميعه قائمه اصلا وتؤدي نفس الاهداف
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: عمر الفاروق)
|
Quote: سلام ياعمر تاني
هل ممكن ان تكون هنالك عدة جمعيات او روابط لفئة واحدة ؟
بمعني اذا تجمع عدد من المهندسين وطالبوا بتسجيل رابطة اخري للمهندسين هل هذا الامر مقبول
لمجلس الجالية؟ |
نعم يا بهاء ان استوفو شروط التسجيل
لكن واحد من شروط التسجيل ان لا تتضارب اهداف الجميعه المزمع انشأها مع جميعه قائمه اصلا وتؤدي نفس الاهداف
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: Omar Bob)
|
الأخوة المتداخلين
تحياتي و تقديري
صراحة مما دفعني لكتابة البوست إنني قرأت بوست قبل فترة هنا عن إنشاء هذه المجموعة و صراحة في الأول أيقنت أن هذه الجمعية قد أسست لتكون
ضمن جمعيات اخري هنا بالدوحة رغم إختلاف الألوان السياسية ولكن بعد متابعتي لبعض الامور بحكم إنني من ضمن الأعلاميين بالدوحة.
قمت قابلت الأخت الفاضلة فدوي يوسف الأمين العام للجمعية حتي اكون علي علم بكل اهداف الجمعية ...
ذكرت لي بداية أن الهدف الاساسي هو مدخراتي أنا و أخرون. حيث البداية كانت في المؤتمر القومي للتعليم في السودان حيث شاركت في المؤتمر
علما بانها كانت في إجازتها السنوية عكس ما ذكر هنا إنها ذهبت برفقة زوجة السفير الحالي التي اكدت بان في ذات الفترة أساسا لم تحضر زوجة السفير اصلا الي الدوحة .
بعد عودتها قامت بتكوين فريقة عمل مع زميلاتها في الجامعة بالإضافة الي بعض النساء المقربات لها من الناحية الفكرية وليست السياسية و فكرن في ورشة تفاكرية
بعد زيارتهم للمختصين في هذا المجال و عملن تصور و ارسلنه الي المسئولين في المؤتمر القومي للتعليم و رحبو المسئولين بالفكرة و دعمو التصور..و كان التصور و الدراسة
عن الشراكة الوالدية في العملية التعليمية ..و في فترة وجيزة قامن بتأسيس مركز ثقافي بأسم امهات من أجل التعليم و مسجل تحت سقف وزارة القافة و الإعلام السودانية .
بعد ذلك قامن بتكوين جمعية للنساء السودانيات بقطر و إكتفن بتسجيل الجمعية عبر السفارة وفق كل الضوابط المطلوية و عدد افراد العضوات وصل حتي الان الي 45 إمراة
و هن الان في طور تاسجيل المذيد من النساء و إستقطاب اكبر عدد ممكن من الامهات و النساء في قطر .....
يتكون المكتب التنفيذي للجمعية من الاتية اسمائهن
الأستاذة مناهل الطيب رئيس الجمعية
الأستاذة فدوي يوسف الامين العام
الاستاذة نهي الفاروق الامين المالي
الاستاذة شادية الطيب للعلاقات العامة و الإعلام
و عضوية اخريات ..
و نتابع
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: امير طمبل)
|
*****
كما أوضحت أن احد اهداف الجمعية الاساسية هو تقديم جزء كبير من الاعمال الخيرية الي أهلنا بالسودان و دعم بعض الاسر المنتجة
وأوضحت أنهم لديهم بعض الشراكات الذكية هنا في الدوحة عبر محسنيين و مستثمريين قطريين و انهم بكل فخر إستطاعن في هذه الفتنرة البسيطة
أن يقدموا دعما لتعمير مسجدين بالجزيرة من خلال بعض المحسنيين من دولة قطر و لديهم مشروع اخر في تقديم عدد من ماكينات الخياطة مثلا لبعض الاسر المنتجة
و أوضحت بانهم لديهم إشتراكات شهرية من خلال عضوات الرابطة المنتسبات بالإضافة لبعض الشراكات الذكية
و نتابع
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: امير طمبل)
|
| Quote: المقربات لها من الناحية الفكرية وليست السياسية |
دى كيف يا طمبل؟
Quote: انهم بكل فخر إستطاعن في هذه الفتنرة البسيطة
أن يقدموا دعما لتعمير مسجدين بالجزيرة من خلال بعض المحسنيين من دولة قطر و لديهم مشروع اخر في تقديم عدد من ماكينات الخياطة مثلا لبعض الاسر المنتجة |
يمكن للمؤمن الصلاة تحت ضل حيطة وللمرأة بيتها
لكن قضايا الحزيرة اكبر بكتير.... جيد ان يكون فى مشاريع صغيرة واظن الحوجة للموية ضرورة تسبق تحسين الجامعيين لان النظافة هى اساس الايمان والصلاة
محرد رؤية
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: Ishraga Mustafa)
|
Quote: يمكن للمؤمن الصلاة تحت ضل حيطة وللمرأة بيتها
لكن قضايا الحزيرة اكبر بكتير.... جيد ان يكون فى مشاريع صغيرة واظن الحوجة للموية ضرورة تسبق تحسين الجامعيين لان النظافة هى اساس الايمان والصلاة
محرد رؤية |
يا دكتورة نهارك سعيد
قاضايا الجزيرة و بقية مدن السودان لا يمكن لاي جمعية أن تحلها
صراحة مجهود مقدر من الأخوات في الجمعية أن يعمرن مساجد
أصلا موجودة و تحتاج لبعض الترميمات ...و علي ما أعتقد
سكان الجزيرة ما عندهم مشكلة مياه و الله اعلم ....
حسب ما شهدته من بعض الأعمال التي يفكرن بها هذه العضوات مجهود مقدر جدا من جانبهن
أظنك يا دكتورة و الله اعلم أنك سمعتي بعض الاقاويل و تحديدا من جماعتنا في الدوحة و الله أعلم
غايتو دايرة النجيضة الجمعية دي ستفيد الكثير من أهلنا هناك في الحفرة
و بجيك صادي تاني
تحياتي
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: امير طمبل)
|
شكرا ياطمبل على الرد والاهتمام
| Quote: سكان الجزيرة ما عندهم مشكلة مياه و الله اعلم .... |
| Quote: قاضايا الجزيرة و بقية مدن السودان لا يمكن لاي جمعية أن تحلها |
يالله براك اقرأ الجملتين ديل وتصل الى فكرة التناقض
الجزيرة فيها مشاكل كتيرة بس دايرين ليهم غابة...... كدى مرة يا امير سافر الجزيرة زيك وزى اى مواطن عادى واقعد معاهم فى الجابرة وشوف مشاكلهم
وجاوب على السؤال ده بحنكتك الانسانية اللى بالنسبة لى مابتنفصل عنان تكون اعلاميا./ اعلامية... زمان غايتو لمن درسنا الاعلام فى الجامعة قالوا لينا الاعلام ده نبض الجماهير....
اها انا متاكدة انك تلك ادوات ان تكون نبض للناس
Quote: أظنك يا دكتورة و الله اعلم أنك سمعتي بعض الاقاويل و تحديدا من جماعتنا في الدوحة و الله أعلم
غايتو دايرة النجيضة الجمعية دي ستفيد الكثير من أهلنا هناك في الحفرة
و بجيك صادي تاني |
اى والله لازم ترجع عشان كلامك ده ما اظن بيشبهك ولا اظنى النوع اللى عندو وقت يسمع من جماعتكم
الدوحة لى فيها صديقات واصدقاء يربطنى بيهن وبيهم هموم انسانية قطعا مافى زمن لاقاويل
ده بوست مفتوح ورأى قائم فى الاساس على فكرة الاستثمار ومسئوليته الاجتماعية
ارجو مراجعة كل ماكتبته, فصراعاتكم فى الدوحة تحلوها براكم اما صراعات اهلنا فى السودان بنحلها سوا
اها سوا دى مهمة ودايرة صبر عشان المسألة بالنسبة لى مالجمعية دى
الفكرة فى الاستثمار فى ظروف السودان الحالية
وراجع اعلاها قيينل يخص كلامى عن الاستثمار
وفى انتظار عودتك لسحب مايخص الاقاويل
معزتى واحترامى
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: Ishraga Mustafa)
|
rosmen osman
(ربما تحتاجين اعادة النظر فى انسانيتك وذوقك ووعيك بأبسط شيئ وهو أدب التحاور والخطاب).
أحترمى نفسك يا روزمن عثمان..
وبلاش قلة أدب..
هذه الهجمة من طرفك لن تمنع..
كونك أنسانة تتعامل مع أخطر القضايا..
التى تخص بعض نساء السودان اليوم..
بكل ترفع وتعالى..
وعلى هؤلاء النسوة المنكوبات..
الا ينطقن بكلمة وآحدة..
فقط نشكر ونّمجد..
ونقول الحمد لله..
على قول الشاعر..
ولم نر ظلما مثل ظلم ينالنا... يساء الينا ثم نؤمر بالشكر..
ان ما تواجهه هؤلاء النسوة..
من أهوال..
وما تواجهه قضيتهن..
من استخفاف..
ممن هن أمثالك..
هو المحك فى الآزمة السودانية اليوم..
ونحن وأنتم..
والزمن طويل..
فقد جعلتنا الانقاذ..
نحن..
وأنتم..
وليكن..
مرة أخرى..
أحترمى نفسك..
وبلاش قلة أدب..
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: nour tawir)
|
دكتورة اشراقه...
(هل يمكن الاستثمار فى دولة غير مستقرة لاسباب عديدة ومتداخلة ومعقدة؟
التنمية مطلوبة ولكن اى تنمية ولمن)؟
وهذا هو مربط الفرس...
أحد أكبر جرائم الانقاذ...
حينما أتت الى السلطة..
هى ضرب الاقتصاد السودانى..
وذلك بتمليكه لمنسوبيها..
أحيانا عن طريق الخصخصة..
أو تمليك المشاريع الزراعية العملاقة..
وخلقت بذلك أزمة..
كبرت وترعرت مع الآنقاذ..
حتى لم يبق مجال لآى شخص..
لا ينتمى الى الانقاذ..
بأن يبيع الطماطم..
فى سوق الخضار..
بمعنى أن أى أستثمار فى السودان اليوم..
لا يتم ألا عبر هؤلاء..
اذا فهذا نشاط منوط به جهات معينة..
وشريحة معينة فى السودان اليوم..
وهى شريحة منسوبى الانقاذ..
او الذين يّقضون الطرف عنها..
مقابل أن يقوموا بالاستثمار فى السودان..
والمحك هو..
اين القضية الآساسية هنا؟
الانقاذ..
وجرائمها..
وتاريخها المدمر فى السودان..
هل نتقاضى عن كل هذا..
ونبارك بقاء الانقاذ بالصمت..
مقابل الاستثمار؟
وأنبه الى وجود مصطفى اسماعيل وسط الحضور؟
هذه تكفى دلالة لما أقصد..
وهذاهو موضوع البوست فى رأيى..
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: وضاحة)
|
Quote: طمبل
لم اقصد كتابتها بى التاء وكانت غلطة مطبعية ولا ادرى معنها
بدل الطاء كتبت تاء وكنت لا اقصدها لانى كنت مستعجلة
الفاتيات ؟؟؟
سبحان ربي الاعلاء
وقعت لى وعرفت مستواك شنو !!!!!!!!!!!!
وعادى دا اصلوا اسلوب الكيزان
وما انت البتقدر تتكلم معاى كده
عارف ليه ؟؟؟
وانا غلطانة زاتى النزلت لى مستواك
وخشيت البوست بتاع الكيزان دا |
قلتي كنتي مستعجلة دي الحالة و عامل ليك أشكال ضاحكه و مستعجلة برضو
و محصلة شنو مثلا ده تبرير منك أي كلام......
Quote: الفاتيات ؟؟؟
سبحان ربي الاعلاء
وقعت لى وعرفت مستواك شنو !!!!!!!!!!!!
وعادى دا اصلوا اسلوب الكيزان
وما انت البتقدر تتكلم معاى كده
عارف ليه ؟؟؟ |
ما عرفت والله غنو ما أنا البتكلم معاك و الله أنا إتكلم معاك لما تقولي الروب
إنتي الظاهر عليك بتحبي كل مره واحد هنا يجي و يسمعك فارقه
Quote: وانا غلطانة زاتى النزلت لى مستواك
وخشيت البوست بتاع الكيزان دا |
قادر الله مستواك شنو يا نكره إنتي هو أصلا إنتي عندك مستوي
لعنة الله عليك و علي الكيزان
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: Sharif Nasirladeen)
|
تعليقات سريعة :
1- القاعة لم تكتظ كلهن 7 زي ما قال دكين ، وطمبل عارف كده لذلك قال: علمت
يعني نظام اتملت القاعة بعد ماهو مشى عزومة عميد السلك الدبلوماسي ، صوره كذبته
2- طمبل يا مركب مكنة كوز ، أو قابض ، أو عينه على وزير الإستثمار و الشحدة
3- وضاحة لخصت الموضوع بكلمتين
4- بهاء بكري قال كلام واضح ، وعمر بوب اتلولو* ، وفيصل حضرة ماعنده ما يقوله
والقول هو ماقاله بهاء : موقف مبدئي وحازم ضد الكيانات الموازية التي ينتجها عقل الكيزان الشيطاني
5- سوا قوية وارست وجودآ عميقآ لن تحده مخلوقات السفارة
6 - قاطعو طمبل وتاني ما يجي يصور ليكم حتى يرعوي
-----------------------------------------
* اللولوة : ركز على التسجيل ، ثم نفى إمكانية التسجيل لكيان موازي لأخر موجود ومسجل ومستقر ، وهذا كله صحيح
لكن كان افضل لو قال وبإختصار : السفارة تلعب من وراء ظهرنا ، واسلوبها سوف يضر العمل المؤسسي
لو كانت السفارة بتحترم المؤسسات لوجهت منسوبي المؤتمر الوطني الكيزان للإنضام للروابط القائمة
لو كنت مسؤول في الجالية لتجاهلت السفارة في اي دعوة حتى تكف عن الإلتفاف على المؤسسية
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: Sharif Nasirladeen)
|
Quote: الأعزاء طمبل و وضاحة...
يا جماعة هدو شوية مافي داعي والله..
وفي النهاية سوء تفاهم بسيط و الموضوع أنتهى. |
الحبيب شريف
أنت عارف اخوك تمام ما ليهو في جنس المحن دي الزولة دي كتبت حاجة عن قصد و انا رديت ليسها
رجعت تاني برضو شبكتنا مستواها و ما عارف شنو انا ما عندي ليها حاجة لكن لو جات وحاتك
تاني ما راح اعبرها ليك زاتو بلا هم
محبتي التي تعلمها
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: امير طمبل)
|
Quote: تعليقات سريعة :
1- القاعة لم تكتظ كلهن 7 زي ما قال دكين ، وطمبل عارف كده لذلك قال: علمت
يعني نظام اتملت القاعة بعد ماهو مشى عزومة عميد السلك الدبلوماسي ، صوره كذبته
2- طمبل يا مركب مكنة كوز ، أو قابض ، أو عينه على وزير الإستثمار و الشحدة
3- وضاحة لخصت الموضوع بكلمتين
4- بهاء بكري قال كلام واضح ، وعمر بوب اتلولو* ، وفيصل حضرة ماعنده ما يقوله
والقول هو ماقاله بهاء : موقف مبدئي وحازم ضد الكيانات الموازية التي ينتجها عقل الكيزان الشيطاني
5- سوا قوية وارست وجودآ عميقآ لن تحده مخلوقات السفارة
6 - قاطعو طمبل وتاني ما يجي يصور ليكم حتى يرعوي
-----------------------------------------
* اللولوة : ركز على التسجيل ، ثم نفى إمكانية التسجيل لكيان موازي لأخر موجود ومسجل ومستقر ، وهذا كله صحيح
لكن كان افضل لو قال وبإختصار : السفارة تلعب من وراء ظهرنا ، واسلوبها سوف يضر العمل المؤسسي
لو كانت السفارة بتحترم المؤسسات لوجهت منسوبي المؤتمر الوطني الكيزان للإنضام للروابط القائمة
لو كنت مسؤول في الجالية لتجاهلت السفارة في اي دعوة حتى تكف عن الإلتفاف على المؤسسية |
كنت متأكد إنك راح تجي هنا خصوصا بعد الكيتة الأخيرة دي ههههههههههههههههههههههه
الكيزان و ووزير الإستثمار و من لف لفهم كلهم يقعدو في أصبعي الكبير الحمد لله نحن لا نشحد ولا بنقبض
الما عندنا شنو يا بروكتا يا صديقي البيت في و الجني في و الكنجالات نحمد سيدنا المافي شنو كلو بالبذار
بالنسبة لي ناس سوا بيعرفوني تماما اطلاقا ما قصرت معاهم و اظنك تعلم كده انا نقلت حدث حصل يخص السودانيين
بغض النظر عن لونهم ولا طعمهم بطل مغارز يا حروكتا يا استاذنا و بطل اللولوه
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: امير طمبل)
|
عمر بوب يا قريبي
أنا زمان قلت ليك يا حبيبنا مالك و مال الجايطة دي صدقني راح تضيع زمنك و قريشاتك و في النهاية دي وحاتك الجالية دي لو تراسها
سيدنا عثمان ما راح ينصلح حالها ...انا كتبت ملاحظة بس لكن لانو الجالية بتعاين بعين واحدة هو اصلا تسجيل شنو يا بوب يا صديقي عادي جدا ممكن الليلة بالليل من قعده
اسجل لي اي 30 زول و بكره اسجلها مش في الجالية اسجلها في الاراضي زاتو ..القصة يا حبيبنا انا حضرت مناسبة زيها و زي اي مناسبة بتحصل هنا في الدوحة
و جبتها هنا المشكلة شنو ما تاخد في بالك يا عمر يا صديقي القصة كلها حنك نمل ما بيقرص
تحياتي الشديدة
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: امير طمبل)
|
وده توضيح وصلني عبر الإيميل من الأمين العام لجمعية النساء
- تاسست هذه الجمعية فى فبراير 2013 بعد الاتفاق بين السيدات اصحاب المبادرات الذاتية فى مجال العمل الثقافى والدعوى والاجتماعي وهذا ما يؤكده اسماء اعضاء مكتبها التنفيذى فمنهم من اسس مركز ثقافى بالسودان بدعم مباشر من فريق تطوعى من المهتمات بشأن التربية والتعلم وتنويع مصادره ومنهم من مؤسسي جمعية الارشاد الاسري بجهاز شؤون المغتربين ومنهم من قاد عملا خيريا فى اعادة تاهيل مساجد بالسودان كما تدافع بعضهن لتبنى اقامة برامج ترفيهية للاطفال فى مناسبات مختلفة لعدد محدود من الاطفال
بالنظر لكل هذه الجهود الفردية او الجماعية آثرنا حشد جهدنا لتحقيق اهداف اكبر فالبركة فى الجماعة
- يجمعنا همنا ببعضنا تحدياتنا المشتركة رغبتنا فى تقديم نموذج مثالى لعطاء المراة السودانية لذا اتخذنا اسلوب ما ورثناه من امهاتنا قعدة قهوة نقاش وتبادل افكار ثم خطة معالجة فيها كثير من الابتكار واستشراف المستقبل
- اخترنا اسم جمعية النساء السودانيات بكل صراحة لم نجد اسم يعبر عن جملة الاهداف التى تتبناها الجمعية ويعبر عنا باختلاف انتمائتنا واعراقنا وثقافتنا الا الهوية السودانوية نحن فعلا نساء سودانيات بدولة قطر لا مكان للسياسة فى اهدافنا العامة ولا الخاصة وكل من يحاول تسميتنا بنساء لهن طابع حزبي او نشاط سياسي فليحتكم الى طبيعة الانشطة والبرامج التى نقدمها ولا ننكر ان بيننا من هن منظمات سواء بالمؤتمر الوطنى او حزب الامة او غيرها من الاحزاب السياسية ولكن التحدى الحقيقي للجمعية ان تخلع كل سيدة راغبة فى الانضمام الينا ثوب السياسة وتبقى الثوابت المشتركة بيننا
انا مقيمة على كفالة زوجى ولست ملحق من وزارة الخارجية ولا احمل جوازا دبلوماسيا واقيم بالدوحة من 13سنة لدى حاجات وتحديات اسرية ابادر بمعالجتها بالشراكة مع اخواتى فما الذى يمنع ان نكون جمعية او رابطة او منظمة اى كان العمل عبادة والتطوع شرف وكونى اعمل بالسفارة يضيف ميزة هذا شيئ افتخر به ان اوجد حيث يمكننى ادراك ان لا مبادرة تنجح الا والسفارة شريك اصيل فيها طالما نحن فى دولة مضيفة واشهد من موقعى ان ابواب السفارة مفتوحة لكل من رغب فى تقديم خدمة للجالية والسودان اما سعادة السفير فانا اخبر اول مرة انه يتبنى بشكل خاص مبادرات الشباب وبترحيب كبير ويحفز الابتكار .
- نحن سجلنا الجمعية بالسفارة السودانية حيث تسجل كل الروابط التى نعرفها بالسفارة وتستمد شرعيتها بما فيها الجالية لدى الدولة المضيفة من اعتماد السفارة وقد تحفظنا فى التسجيل فى الجالية حتى لا نصبح جزء من صراع قوى تفوح منه رائحة الحكومة والمعارضة برغم كل الجهود لاحتوائه ولا نريد ان نكون جزء من ذلك.
- تعرضنا البعض بكثير من التعليقات لكنها والحمدلله مردود عليها من يسال عن وجود النساء فى الخلف برغم انها جمعية للنساء هذا لاننا على ارث الجدات وربما الحضارة الضاربة لم تهب علينا بعد من بيننا المنقبات والمتحجبات وغير المتحجبات لكنهن على موروث الجدات بمقولة (استرن حالكن )لم يمنعنا الجلوس فى الخلف من التحدث والتحاور ويكفينا مقدرة تقديم الدعوة لمسؤول قليل منهم من يهتم اقنعناه بزيارتنا له باهمية ما نطرحه فحضر مشكورا .
- نقر وليس تملقا بدور رابطة المراة سوا ونتمنى ان يكون دورنا تكامليا كلنا نساء وسودانيات باختلاف الاليات وطريقة ادارة الانشطة وهوى الاعضاء ودرجة تقاربهم فى رؤاهم وافكارهم ومن يريد ان يصنع خلافا بيننا ورابطة سوا نحن براءة منه ولن نلتفت لرسائل السلبية التى تصلنا معبرة عنهم الا اذا كانت مباشرة ومن سيدة نعلرف تماما منصبها فى هذه الرابطة لحظتها نقيم من يتبنى مواقفا سياسية ويسمم بها اجواء العمل الطوعى بين الجالية .
- اذا كان اسم جمعية النساء السودانيات يثير حفيظة البعض لما لا يقدم ملاحظة مضبوطة لنا بلا مهاترت ولكن للاسف ما يجعلنا نتراجع هذه الخصومات غير المبررة والتى نتبناها ونلتف حولها ونفجر فيها عافانا الله واياكم حتى يصح ويتصحح مفهوم الوطنية
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: امير طمبل)
|
Quote: يا امير طمبل السفاره لا يجب ان تسجل اي رابطه لان التسلسل الهرمي هو ان الجاليه تحت مظلة السفاره والجمعيات والروابط والكيانات نوعيه كانت ام مهنيه ام جغرافيه كلها تنضوي تحت مظله الجاليه.
لذا حديث الاخت بانهم قامو بتسجيل الرابطه لدي السفاره ما هو الا ذر للرماد في العيون فجمعيتهم كان يجب ان تسجل في الجاليه اولا بعد استيفاء شروط التسجيل والجاليه هي التي تخطر السفاره بان هناك رابطه او جمعيه جديده تم تسجيلها. |
ليس صحيح يا حبيبنا عمر بوب و في سابقة قبل كده
قامت رابطة في الدوحة لمتنا و سجلهم القنصل في السفارة كرابطة و الغريبة مافي زول
قال (بغم) شفت كيف يا حبيبنا
| |
|
|
|
|
|
|
|
|
|
Re: جمعية النساء السودانيات بقطر..إنطلاقة بسرعة الصاروخ(صور) (Re: امير طمبل)
|
سلامات يا طمبل وعساك بخير
Quote: أنا زمان قلت ليك يا حبيبنا مالك و مال الجايطة دي صدقني راح تضيع زمنك و قريشاتك و في النهاية دي وحاتك الجالية دي لو تراسها
سيدنا عثمان ما راح ينصلح حالها |
دا رايك يا امير ومحل احترامنا لانو رايك ولكنه في نظري راي خاطئ ومجحف اجحاف كبير بحق السودانين المقيمين في دولة قطر لاني اري ان اغلبهم من خيار الناس الا اذا كان عندك تعريف اخر للجاليه السودانيه بدولة قطر.
Quote: ...انا كتبت ملاحظة بس لكن لانو الجالية بتعاين بعين واحدة هو اصلا تسجيل شنو يا بوب يا صديقي عادي جدا ممكن الليلة بالليل من قعده
اسجل لي اي 30 زول و بكره اسجلها مش في الجالية اسجلها في الاراضي زاتو |
يا امير ملاحظتك انو الجاليه بتعاين بعين واحده ما صحيحه وخاطئه ومتحامله جدا وما عندك اي دليل او اسانيد تعضد الكلام دا. كونك تجيب تلاتين ولا اربعين في ليله او ليلتين دي ما القضيه يا امير. القضيه انو في قنوات رسميه ولائحه لتسجيل الروابط لدي الجاليه. اذا اتبعت الخطوات وقمت بالتسجيل ستعتبرك الجاليه رافد من روافدك وستحضر فعاليتك ما استطاعت الي ذلك سبيلا. لكن كمان لا يمكن ان تتخطي الجاليه ولا تسجل عندها ولا تخطرها بجمعيتك العموميه وتنتظر من الجاليه ان تتواجد في فعاليتك
Quote: ..القصة يا حبيبنا انا حضرت مناسبة زيها و زي اي مناسبة بتحصل هنا في الدوحة
و جبتها هنا المشكلة شنو |
ومين قال انو في مشكله يا امير؟ انا اصلا لم اتطرق للفعاليه ولا لحظورك فيهز انت من تسالت غغن غياب مجلس الجاليه وانا وضحت ليك الاسباب
Quote: ليس صحيح يا حبيبنا عمر بوب و في سابقة قبل كده
قامت رابطة في الدوحة لمتنا و سجلهم القنصل في السفارة كرابطة و الغريبة مافي زول
قال (بغم) شفت كيف يا حبيبنا |
بل هو صحيح ومضمن في النظام الاساسي للجاليه والذي يقر بان الروابط والجمعيات والفئات رافد من راوفد الجاليه. وكون ان جهه ما لم تتبع الخطوات السليمه لا يجعل التسلسل خطأ
الدوحه لمتنا عندما سجلت قبل ثلاثه سنين تقريبا لائحه تسجيل الروابط والجمعيات لم تكن مفعله عشان كدا مافي زول قال بغم
نحنا فعلنا هذه اللائحه ونتعامل مع الجمعيات والروابط علي اساسها
ودمت بخير
| |
|
|
|
|
|
|
| |
امير طمبل
أيمن الطيب
Ishraga Mustafa
بهاء بكري
nour tawir
د.عبد المطلب صديق
rosemen osman
ثروت سوار الدهب
Sharif Nasirladeen
Omar Bob
Mohammed Alhasan Mohammed
عمر الفاروق
وضاحة
haroon diyab
Faisal Al Zubeir
أبو ساندرا
فيس بوك
تويتر
انستقرام
يوتيوب
بنتيريست