|
سودانيات تحصدن ميدليات العاب القوى و انتم نائمين???
|
اشاهد بطولة العاب القوى العربية هذه الايام فى قناة الكاس "بحب العاب القوى" و لاحظت ان السودانيات قدمن مستوى جيد عكس الرجال فى تخصصات المسافات الوسطى "800-400 متر" حيث لم تتمكن نوال الجاك من الفور على واحدة لبنانية فى تخصص 400 متر "شقراء و مسترجلة و جسمها مغطى بوشم" و اكتفت بالفضية. اللبنانية هذه تحترم نوال لدرجة انها بكت لفترة و كانت فى وجهاعلامة عدم التصديق و الصدمة. نوال حصلت على الفضية فى 400 متر حواجز كذلك. فى 800 متر فازت اتنين سودانيات بالفضية و البرونزية فقط كانت المتنافسات اربعة. مبروك عليهن. فى واحدة سودانية كمان اسمها سبيح السيد "هكذا نطقها المعلق و اظنها من المغرب العربى" وهذه سبيح فازت بالبرونزية فى احدى المسابقات. البت دى حنكوشة عديل. يا رب احفظ البنات ديلة من عيون عبدة الوهابية.
|
|
|
|
|
|
|
|
Re: سودانيات تحصدن ميدليات العاب القوى و انتم نائمين??? (Re: ثروت سوار الدهب)
|
مبروك للبنات ديل. يستاهلو.
عيب عليكم يا ناس قطر.
من المفروض أن تحتلفون بهولاء الأبطال.
هسع لو كان ديل ناس كرة القدم الفاشلة بتاعت هلال مريخ كان كل الجالية هبت للوقوف معهم. ونتائج كرة القدم معروفة طبعا. أو كما تغنى الفنان "الخمسة ماركتنا"
شكرا يا أبو الزيك على الخبر السعيد. ولا عزاء لوهابية البورد.
| |
|
|
|
|
|
|
Re: سودانيات تحصدن ميدليات العاب القوى و انتم نائمين??? (Re: Deng)
|
Quote: مبروك للبنات ديل. يستاهلو.
عيب عليكم يا ناس قطر.
من المفروض أن تحتلفون بهولاء الأبطال.
هسع لو كان ديل ناس كرة القدم الفاشلة بتاعت هلال مريخ كان كل الجالية هبت للوقوف معهم. ونتائج كرة القدم معروفة طبعا. أو كما تغنى الفنان "الخمسة ماركتنا"
شكرا يا أبو الزيك على الخبر السعيد. ولا عزاء لوهابية البورد. |
يا دينق قلعت الكلام منى يا اخوى, كنت عايز اعرف ليي ناس قطر ضاربين نوم و البنات ديلة قدمن مستوى عالى جدا و اداءهن يجب ان يفخر بيهو كل السودانين. حتى "body language" بتاعن البنات ديلة كانت فيها كبرياء و العزة عكس الرجال فى المضمار. شكرا دينق.
| |
|
|
|
|
|
|
|